1 Corinthians 13

Ika 2018 Bible

← Chapter 12 Jump to: Chapter 14 →

1Omẹni m'a sụ asụsụ ile, kẹ asụsụ ịhịan kẹ asụsụ ndị mmọn-ozi, bụ e nwọn m ihiẹn-ọsụsụọ, m wụhụ ẹgogo mọbụ okpokoro ogbogoro rị a zụn ụzụn!

2O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

3Ọsụọn'a nị m wechanrịn ihiẹn ile m nwọn ye ndị igbẹnnyẹ, ọ sụọkwọn'a nị e kweridẹ m nị wẹ kpọ m ọkụn yeni okukwe m kẹni m gi ẹ nyan isi, omẹni enwọn m ihiẹn-ọsụsụọ, onwọnni erere o bannị m!

4Ihiẹn-ọsụsụọ nwọn ndidin; ihiẹn-ọsụsụọ e mẹ ẹfọma; ara nị ẹnya fụ a; ara nyan isi; ara pache.

5Ihiẹn-ọsụsụọ a gbaye ịhịan; ara chọ nke-ẹ nke-ẹ; ara bukẹnrin olulu; ihiẹn-ọsụsụọ ara gụntọ eje-ihiẹn wẹ e mẹ ẹ.

6Eje-ihiẹn ara sụọ ihiẹn-ọsụsụọ — ezioku kẹ ọ ghọghọnị.

7Onwọnni ihiẹn a gụ ihiẹn-ọsụsụọ ndụn, ara nwọnbehi okukwe, ara nwọnbehi olilẹnya, ndụn ndidin ara gụ a.

8Ihiẹn-ọsụsụọ k'a rị jẹnrin ejẹn. Kanị, o mẹ nke ibu-amụma lẹ izini Osolobuẹ ozi, nị wẹ bighọ; o mẹ nke asụsụ ichẹn-ichẹn, wẹ k'e bi; o mẹ nke amamihiẹn, o k'e bi.

9Ogẹnni, ẹnyi amarịnzuni; amụma ẹnyi e bu lẹ ozi ẹnyi e zini Osolobuẹ ezuni.

10Kanị hụn zu oke bịa, hụn zulẹni oke a la.

11Kẹ m rị nwata, m'e ku kẹ nwata, m'e ro iroro kẹ nwata, m'a tụ iroro kẹ nwata. A karagụ m, m nọ la obibi nwata tọ.

12Ogẹnni ẹnyi a hụn bishi-bishi nọkẹ onyẹ rị e lee ughegbe rịlẹni mma. Kanị, o ru ogẹn hụ, o k'a wụ elee-m, elee-i; kikẹnni, ẹnyi amarịnzuni, kanị ogẹn hụ, m k'a marịnchanrịn ihiẹn ile kẹ Osolobuẹ dọn marịnchanrịn m.

13Ihiẹn ẹtọ rịnị wụ okukwe, olilẹnya lẹ ihiẹn-ọsụsụọ, kanị, hụn kachanrịnnị wụ ihiẹn-ọsụsụọ.

← Chapter 12 Jump to: Chapter 14 →