bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Corinthians 7
1 Corinthians 7
Ika 2018 Bible
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Nị ẹnyi leban nwan ihiẹn ndị ahụn ụnụ de ẹnya. “Omẹni okẹnnyẹ a nọkunmẹni okpoho, ọ hụghọzị mma.”
2
Kanị, makẹni ughẹrẹ jun ụzọ ile, okẹnnyẹ ọwụlẹ ya lụrụ nwunyẹ; okpoho ọwụlẹ ya lụrụ di.
3
Di k'a gha e mẹni nwunyẹ ẹ ihiẹn run'ẹ imẹ ọlụlụ di-lẹ-nwunyẹ; nwunyẹ ya e mẹzini di ẹ ẹrịra.
4
Makẹni, ẹlẹ nwunyẹ k'e ku ihiẹn o k'e gi ẹhụ a mẹ, di ẹ nwọn ku; ẹrịrazịkwọ, ẹlẹ di k'e ku ihiẹn o k'e gi ẹhụ a mẹ, nwunyẹ ẹ nwọn ku.
5
Egilẹ ni ẹhụ ụnụ a jọ ibe ụnụ ẹfọ, mmanị omẹni ụnụ kwerigbama nị ụnụ ye efe ẹkẹrẹ kẹni ụnụ gi ẹ mẹ ekpere, omẹgụ ụnụ a nọgbamazị, amamgbe Ekwensụ a nwan ụnụ, makẹni ụnụ asaẹka kwọndọnsọnmẹ enwẹn ụnụ.
6
Kanị m rịhụ a sị onyẹ ọwụlẹ lụrụ kẹni ọ nị mẹ, ẹlẹ iwu kẹ m rị e ye;
7
k'ọ rị m, ịhịan ile rị kẹ mmẹ. Kanị, onyẹ-onyẹ nwọn oyiye Osolobuẹ ye ẹ: onyẹ lẹ nke ẹ, onyẹ lẹ nke ẹ.
8
Nke ndị kelẹni lụ lẹ ndị di wẹ mọbụ nwunyẹ wẹ nwụnhụn, m sị wẹ n'ọ hụghọ mma nị wẹ nọdị nke wẹ, nọkẹ mmẹ.
9
Kanị, omẹni asakọ wẹ ẹka kwọndọn enwẹn wẹ, wẹ lụrụ, makẹni ọ ka mma nị ịhịan lụrụ di mọbụ nwunyẹ karị nị ẹgụn okpoho mọbụ okẹnnyẹ a tọ a gụn a.
10
Nke ndị lụgụnị, iwu m rị e ye wẹ wụ ọnwan (kanị ẹlẹ mmẹ rị e ye wẹ ya, Di-nwọnni-ẹnyi rọ): nwunyẹ ajụlẹ di ẹ mọbụ kpechan a.
11
Kanị ọ jụ di ẹ mọbụ kpechan a, y'a lụlẹ onyẹ ọzọ. Hụn nkẹ o gi lụrụ onyẹ ọzọ, ya lẹ di ẹ sụọkin. Di, ya ekpechankwọlẹ nwunyẹ ẹ mọbụ jụ a.
12
Nke ndị ọzọ, lee ihiẹn m sị wẹ mẹ (mmẹ rị e ku ọnwan, ẹlẹ Di-nwọnni-ẹnyi): omẹni onyẹ kwerini Kraịstị nwọn nwunyẹ kwerilẹni ni Kraịstị hụn kweri n'o sọn ẹ e bi, y'e kpechanl'a mọbụ jụ a.
13
Omẹni onyẹ kwerini Kraịstị nwọn di kwerilẹni ni Kraịstị hụn kweri n'o sọn ẹ e bi, y'e kpechanl'a mọbụ jụ a.
14
Makẹni di kwerilẹni ni Kraịstị a rịọlẹ nsọ ghahanị nwunyẹ ẹ hụn kwerini Kraịstị; nwunyẹ kwerilẹni a rịọlẹ nsọ ghahanị di ẹ hụn kwerini. Omẹni ẹlẹ ẹrịra, ụmụ ụnụ arịkọ nsọ, kanị wẹ rị nwan nsọ.
15
Kanị omẹni hụn kwerilẹni ni Kraịstị a jụ hụn kwerini Kraịstị, ya rị ẹrịra. Ọ rị ẹrịra, onwọnni iwu gi hụn kwerini, makẹni udọn kẹ Osolobuẹ kpọnị ẹnyi.
16
Nwunyẹ, y'a marịnghọ kẹ ẹka ị kẹ w'a gha zụọpụha di i? Di, y'a marịnghọ kẹ ẹka ị kẹ w'a gha zụọpụha nwunyẹ i?
17
K'osilẹrị, onyẹ-onyẹ lẹ hụn Di-nwọnni-ẹnyi ye ẹ bi; onyẹ-onyẹ ya bimẹ hụn Osolobuẹ kpọ a d'e bi; ọhụn kẹ m'a kuzi imẹ ụka Kraịstị ile.
18
Omẹni ịhịan a kwagụọ ugun nị Osolobuẹ d'a kpọbanhan a imẹ Kraịstị, y'a chọlẹ n'o wepụ apa ugun ọ kwa; omẹni ịhịan akwanị ugun nị Osolobuẹ d'a kpọbanhan a imẹ Kraịstị, y'a kwalẹ ugun.
19
Ịkwa-ugun enwọn ihiẹn ọ wụ; akwanị-ugun enwọn ihiẹn ọ wụ; ihiẹn rị mkpa wụ imẹ ihiẹn Osolobuẹ ku.
20
Onyẹ-onyẹ ya nọdị k'ọ rị kẹ Chuku kpọbanhan a.
21
Ị wụ igbọn k'ọ kpọbanhan ị? Anịlẹ ọhụn sọngbu i; kanị omẹni y'a hụn oghere y'e gi weri enwẹn i, ye e weri enwẹn i.
22
Makẹni, omẹni ịhịan wụ igbọn kẹ Osolobuẹ kpọbanhan a imẹ Di-nwọnni-ẹnyi, onyẹ nwọn enwẹn ẹ k'ọ wụ imẹ Di-nwọnni-ẹnyi. Ẹrịrazịkwọ, onyẹ hụn wụlẹni igbọn kẹ Osolobuẹ kpọbanhan a wụ nwan igbọn Kraịstị.
23
Osolobuẹ ṅọn ụnụ eṅọn; awụrụlẹni igbọn ịhịan.
24
Umunẹ m, nọdị nị nwan ọnọdị ọwụlẹ ụnụ rị kẹ Osolobuẹ kpọbanhan ụnụ e fe Osolobuẹ.
25
Nị ẹnyi ku nwan banyeni ndị lụlẹni di mọbụ nwunyẹ. Onwọnni ihiẹn Di-nwọnni-ẹnyi sị m ku, kanị m rị e ku uche m, nọkẹ onyẹ furu wẹ gi e dọn ẹnya ghahanị omikẹn Di-nwọnni-ẹnyi.
26
Makẹni elu e zekẹ, e roghọ m'a n'o furu ni ụnụ nọdị kẹ ụnụ nọ.
27
Omẹni y'a lụrụgụọ di mọbụ nwunyẹ, achọlẹ n'i kpechan a; omẹni y'e nwọn nwunyẹ, achọlẹ nwunyẹ;
28
kanị ị lụrụ nwunyẹ, y'e mẹni njọ; okpoho kelẹni lụ di lụrụ di, o mẹni njọ. Kanị, ndị lụ di mọbụ nwunyẹ jẹnkọ d'e nwọn nsọngbu elu ụwanị. Nsọngbu ahụn kẹ m chọkọ nị m napụ ụnụ.
29
Umunẹ m, ihiẹn m gi ẹ e ku wụ nị ogẹn arịzị a; gha kikẹnni jẹnmẹ, ndị hụn nwọndẹ nwunyẹ wẹ bimẹ nọkẹ sị enwọn wẹ;
30
ndị rị a kwannị, wẹ bimẹ nọkẹ sị arị wẹ a kwan; ndị rị a ghọghọnị wẹ bimẹ nọkẹ sị arị wẹ a ghọghọ; ndị e ṅọnni, wẹ bimẹ nọkẹ sị onwọnni ihiẹn wẹ nwọn;
31
ndị hụn gi ihiẹn ụwa e bi, wẹ ebulẹ enwẹn wẹ che imẹ ẹ. E bi ni ẹrịra makẹni ụwanị rị ogẹnni ghafekọ aghafekọ.
32
Achọnị m nị ụnụ e rogbu enwẹn ụnụ. Okẹnnyẹ gilẹni nwunyẹ e ro ihiẹn Di-nwọnni-ẹnyi, o ro k'o dọn mẹ n'ọ sụọ Di-nwọnni-ẹnyi;
33
kanị hụn nwọn nwunyẹ e ro ihiẹn ụwa, o ro k'o dọn mẹ n'ọ sụọ nwunyẹ ẹ —
34
ẹrịra kẹ obi ẹ e kebe. Okpoho mọbụ nwagbọọ nwọnlẹni di e ro ihiẹn Di-nwọnni-ẹnyi, o ro k'o dọn dọnmẹchanrịn ẹhụ a lẹ mmọn a nsọ; kanị okpoho nwọn di e ro ihiẹn ụwa, o ro k'o dọn mẹ n'ọ sụọ di ẹ.
35
M rị e ku ihiẹnni n'ọ rịnị ụnụ mma, ẹlẹ ni m gi ẹ gbọndọn ụnụ, kanị, nị ụnụ hụn ụzọ bi k'o furu, buchanrịn ẹnya ụnụ zinmẹ Di-nwọnni-ẹnyi.
36
Omẹni ịhịan rị e ro nị ihiẹn ọ rị e mẹ okpoho ya lẹ ịya kutọ nị wẹ k'a lụ arị mma bụ o temẹgụọ hụn okpoho mọbụ nị hụn okẹnnyẹ asakọzị ẹka din, ọ rị hụn okẹnnyẹ nị wẹ lụma, ya mẹ ihiẹn hụ ọ chọ, wẹ lụma, ẹlẹ njọ.
37
Kanị onyẹ hụn kwademẹgụ obi ẹ n'ọ lụkọ okpoho hụ, bụ ọ hụ a sa ẹka e kwọndọn enwẹn ẹ, hụnyẹ e mẹzighọ ọhụnma omẹni ọ lụnị.
38
Ya wụ, onyẹ hụn lụrụ di mọbụ nwunyẹ mẹ ihiẹn rị mma, kanị onyẹ hụn lụlẹni mẹ ihiẹn ka mma.
39
Okpoho nwọn di y'a latọlẹ di ẹ, kasị a mẹ ni di ẹ hụ ndụn. Kanị di ẹ nwụnhụn, o nwọn ikẹn lụrụ onyẹ sụọn'a, kasị a mẹ ni onyẹ nke Di-nwọnni-ẹnyi k'ọ lụrụ.
40
O mẹ uche m, ọ nọdị k'ọ rị, ya kẹ ọ k'a ka a mma. Ọnwan wụ uche m, kanị e roghọ m'a nị mmẹ nwẹn e nwọnzighọ Mmọn Osolobuẹ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16