bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Corinthians 16
1 Corinthians 16
Ika 2018 Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
1
Nị ẹnyi ku nwan oku ihiẹn wẹ rị a tụnị ndị nke Osolobuẹ rị Jerusalẹm. Mẹ ni ihiẹnni m gwa ụka rịsọnmẹ Ẹgbẹrẹ Galeshịa mẹ:
2
ụhụọhịn ibuzọ imẹ izuka, onyẹ-onyẹ imẹ ụnụ y'a gha ihiẹn Osolobuẹ ye ẹ e wepụha, e dọnmẹ — amamgbe m'a bịa ụnụ a tụma ihiẹn.
3
M bịa nwan, e we m ẹhụhụọ-ozi ye ndị ụnụ hanpụha, e zi m wẹ bu oyiye ụnụ shi Jerusalẹm.
4
Omẹni ọ hụghọ mma nị mmẹ lẹ enwẹn m jẹn, e sọnjẹn wẹ m.
5
M lala d'a hụn ụnụ, m ghagbarịgụ Masẹdonia, makẹni m bu ẹ obi nị m k'a ghaha Masẹdonia.
6
Ikẹnkwọ e sọn m ụnụ nọye mọbụ a nọdịchanrịndẹ m ogẹn oyi; ụnụ e du m ụla m jẹnkọnị ebe m jẹnkọ.
7
Achọnị m nị m bịa kikẹnni makẹni achọnị m nị m hụnhụ ụnụ ghafe, makẹni, m chọ nị, m bịa, a nọye m, omẹni Di-nwọnni-ẹnyi a nịghọ m.
8
Kanị m k'a rị Ẹfẹsọsụ d'e ru ogẹn Mmẹmmẹ Pẹntikọsụ,
9
makẹni ezigbo oghere m'e gi rụnpụha ihiẹn a pụhagụọnị m, ọsụọn'a nị ndị rị e mẹ ịhịan uke bu ọda.
10
Omẹni Timoti a bịaghọ, mẹkwọ nị obi ru ẹ alị imẹ igunrun ụnụ, makẹni ọrụn Di-nwọnni-ẹnyi ahụn m rị a rụn kẹ ya nwẹn rị a rụn.
11
Onyẹ ọwụlẹ elegberikwọl'a. Du n'ẹ ụla udọn lẹ ndọnkwa, kẹni ọ bịa d'e kunrun m — nị m rị a tụ ẹnya ya lẹ umunẹ ẹnyi ndị ahụn.
12
Nke nwẹnẹ ẹnyi wụ Apolọsụ, a rịọkẹnmẹgụọ m'a n'o sọnhẹn umunẹ ẹnyi ndị ọzọ hụ d'a hụn ụnụ, kanị o ke chọ n'ọ bịa. Ọ hụn efe, n'ọ bịaghọ.
13
Dọnrin ni ẹnya; turukẹnmẹ ni imẹ okukwe Kraịstị; turu ni ọhụnma-ọhụnma; kakẹnmẹ ni.
14
Gi ni ihiẹn-ọsụsụọ e mẹ ihiẹn ile.
15
Umunẹ m, dodo ni, makẹni ụnụ a marịnghọ nị ikpụlọ Stẹfanasị wụ ndị ibuzọ kwerini Jesu Ẹgbẹrẹ Akaya lẹni e wepụhagụọ wẹ enwẹn wẹ nị w'e yeni ndị nke Osolobuẹ ẹka,
16
m rị a sị ụnụ humẹni ndị nọ ẹrịra isi, wẹ lẹ ndị ile rịzị a rụn ọrụn Osolobuẹ, a rụnshi ẹ ikẹn.
17
Ọbịbịa Stẹfanasị lẹ Fọtunatusu lẹ Akayakusu a sụọka m, makẹni a bịadọngụọnị wẹ ụnụ ile.
18
A gbagụọ wẹ m umẹ, gi ẹ gbazị ụnụ nwẹn umẹ. A gbaye ni nwan ndị nọ ẹnịna.
19
Ụka ndị rị Ẹgbẹrẹ Eshịa e zi ekele ụnụ. Akwila lẹ Priska lẹ ụka e zu iwe wẹ e zi ekele ụnụ ọhụnma-ọhụnma imẹ Di-nwọnni-ẹnyi.
20
Umunẹ ẹnyi ile rị ebeni e zi ekele. Dide ni ibe ụnụ odide rị nsọ.
21
Mmẹ wụ Pọlụ gi ẹka m de ekeleni.
22
Ịbụ-ọnụ ya rịnị onyẹ ọwụlẹ ihiẹn Di-nwọnni-ẹnyi ghalẹni a sụọ! Di-nwọnni-ẹnyi, bịa!
23
Ẹfọma Di-nwọnni-ẹnyi wụ Jizọsị ya nọyeni ụnụ.
24
M nwọn ihiẹn-ọsụsụọ ụnụ ile imẹ Kraịstị wụ Jesu.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
All chapters:
1
2
3
4
5
6
7
8
9
10
11
12
13
14
15
16