bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
1 Corinthians 15
1 Corinthians 15
Ika 2018 Bible
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
1
Umunẹ m, m chọ nwan nị m nyanhannị ụnụ oziọma m zi ụnụ, hụn ụnụ nabanhan, hụn ụnụ turu nwan imẹ ẹ;
2
oziọma ahụn Osolobuẹ gi rị a zụọpụha ụnụ, omẹni ụnụ e kwọnkẹnmẹghọ ozi hụ m zi ụnụ — mmanị ụnụ kwerihụ nke ọlaliwi.
3
Makẹni, ihiẹnni kachanrịn mkpa kẹ wẹ kuzi m; ịya kẹ mmẹ nwẹn kuzizi ụnụ: nị Kraịstị gi ufiri njọ ẹnyi nwụnhụn kẹ Ẹkụkwọ-nsọ dọn ku ẹ n'o k'a nwụn;
4
nị wẹ li ẹ; nị Osolobuẹ weli ẹ nke akpọhịn ẹtọ kẹ Ẹkụkwọ-nsọ dọn ku ẹ n'o k'e weli ẹ;
5
nị Kẹfasị wụ Pita a hụnghọ a k'o lihigụ; uwẹ Mmẹbụọ wụ ndị-ozi pụ-ichẹn nọzị hụn a.
6
Omẹgụ, ihiẹn karị madụ ọgụn-isẹn kwasị nnụ (500) kwerini rị ụzọ ohu nọ hụn a. Imẹrinmẹ wẹ hụkwọ nwan ndụn, kanị o nwọngụọ ndị ranhịnnị.
7
Omẹgụzị Jemisi nọ hụn a; omẹgụzị ndị-ozi pụ-ichẹn ile nọ hụn a.
8
Nke ikpanzụụn imẹ wẹ ile, mmẹ nwẹn nọzị hụn a: mmẹ hụn nọ kẹ nwa wẹ mụlẹni ẹgwa.
9
Ezioku-ezioku, imẹ ndị ozi pụ-ichẹn ile, onwọnni onyẹ m han kẹ ya. Erudẹni m onyẹ w'a kpọ onyẹ-ozi pụ-ichẹn, makẹni m kpokpo ụka Osolobuẹ.
10
Kanị, m wụ nwan ihiẹn m wụ ghahanị ẹfọma Osolobuẹ; bụ ẹfọma hụ o mẹni m alanị nwan iwi. Kaka! Mmẹ rụnkarịdẹ wẹ ile. Kanị, ẹlẹ mmẹ rụn a, ẹka Osolobuẹ hụn rị imẹ ndụn m rụn a.
11
Ya wụ, ọsụọn'a nwan nị mmẹ zi mọbụ nị uwẹ zi, ọhụn wụ ozi ẹnyi e zi; ọhụn wụ ihiẹn ụnụ kweri.
12
O mẹ nwan nị ozi ẹnyi wụ nị Osolobuẹ gha ọnwụn weli Kraịstị, kị ụfọdụ imẹ ụnụ rị e kuni nị Osolobuẹ ewelikọ ndị nwụnhụnnị?
13
Omẹni Osolobuẹ ara weli ndị nwụnhụnnị, ya wụ nị Kraịstị aghanị ọnwụn lihi;
14
omẹni Osolobuẹ ewelini Kraịstị, ya wụ nị ozi ẹnyi zi enwọn ihiẹn ọ wụ, okukwe ụnụ enwọnzikwọnị ihiẹn ọ wụ.
15
Ya wụzị nị ẹnyi rịdẹ nwan e buokin Osolobuẹ ọnụ. Makẹni ẹnyi e kugụọ nị Osolobuẹ a ghagụọ ọnwụn weli Kraịstị, bụ o welin'ẹ, omẹni ezioku rọ nị ara weli ndị nwụnhụnnị.
16
Omẹni Osolobuẹ ara weli ndị nwụnhụnnị, ya wụ nị o welini Kraịstị;
17
omẹni Osolobuẹ ewelini Kraịstị, ya wụ nị okukwe ụnụ wụ ihiẹn la iwi; ya wụ nị ụnụ rịkwọ nwan imẹ njọ ụnụ;
18
ya wụ nị nke ndị nke Kraịstị nwụnhụngụnị a gụgụọ.
19
Omẹni olilẹnya elu-ụwanị sụọ kẹ ẹnyi nwọn imẹ Kraịstị, nke ẹnyi kachanrịn nke ndị ọzọ rị elu-ụwa njọ.
20
Kanị, ezioku rịn'a wụ nị Osolobuẹ a ghagụọ ọnwụn weli Kraịstị, gi ẹ họnrin ihiẹn-ugbo ibuzọ o wepụha imẹ ndị nwụnhụnnị, gi ẹ ghọsị kẹ ndị họdụnị k'e jẹn.
21
Makẹni, ebe o mẹ ni ẹka onyẹ ohu kẹ ọnwụn ghaha, ịgha ọnwụn lihi ghahazị ẹka onyẹ ohu.
22
Makẹni, kẹ ịhịan ile dọn a nwụnhụn makẹni wẹ lẹ Adam wụ ohu, ẹrịra kẹ ịhịan ile a dọn gha ọnwụn lihi makẹni wẹ lẹ Kraịstị wụ ohu.
23
Kanị, o ru onyẹ o lihi, o ru onyẹ o lihi: Kraịstị wụ onyẹ ibuzọ, mkpụrụ-ibuzọ; Kraịstị bịazị, ndị nke ẹ e lihi.
24
Ọhụn mẹgụ, njẹndemẹ ogẹn e ru, hụn Kraịstị jẹnkọ d'e gi bu alị-eze lẹ ọkịkị ile che ẹka Chuku-Nẹdi, o mẹrichanrịngụ ọkịkị ile lẹ onyẹ ọwụlẹ rị a kịnị lẹ onyẹ ọwụlẹ ikẹn ọwụlẹ rị ẹka a.
25
Makẹni, Kraịstị k'a kịrịrị d'e ru mgbe o bugụ ndị-iṅẹnrẹn ẹ ile che okpuru ụkụ a.
26
Eṅẹnrẹn ikpanzụụn o k'e tikpọ wụ ọnwụn.
27
Makẹni, “Osolobuẹ e bugụọ ihiẹn ile che okpuru ụkụ a.” Ya kẹ Ẹkụkwọ-nsọ ku. Kanị, omẹni Ẹkụkwọ-nsọ sị, “Ihiẹn ile rị okpuru ụkụ a” o wechanrịn ẹnya nị Osolobuẹ, hụn bu ihiẹn ile che okpuru ụkụ a arị ndị o buche okpuru ẹ.
28
Osolobuẹ bugụ ihiẹn ile che okpuru Kraịstị Nwa a, ogẹn hụ, Nwa a lẹ enwẹn ẹ a bịa d'a rịzịkwọ okpuru Osolobuẹ hụn bu ihiẹn ile che ẹ okpuru — kẹni Chuku wụrụ ihiẹn ile ẹnya onyẹ ọwụlẹ, wụrụ onyẹ ihiẹn ile rị okpuru ẹ.
29
Omẹni Osolobuẹ ara weli ndị nwụnhụnnị, kị ndị ịhịan rị e mẹdọnni ndị nwụnhụnnị mirin-Chuku? Omẹni Osolobuẹ ara weli ndị nwụnhụnnị, kẹ ịhịan rị e mẹdọnni ni wẹ mirin-Chuku?
30
Kị ẹnyi rị a nịnị nwan ọnwụn a kpọ ẹnyi ihun ogẹn ile?
31
M'a nwụnhụn ụhụọhịn ile! Umunẹ m, ezioku rọ — k'o dọn wụrụzịkwọ ezioku nị m gi ụnụ a nyan isi imẹ Jesu Kristi Di-nwọnni ẹnyi.
32
Omẹni olilẹnya ịhịan-mmaka sụọ, olilẹnya ndụnnị sụọ, kẹ m gi kweri lụsọn eje-anụ ndị hụ ọgụn imẹ alị Ẹfẹsọsụ, elee erere k'ọ bannị m? O mẹ nwan nị Osolobuẹ ara weli ndị nwụnhụnnị, “Nị ẹnyi ri nwan, ra — makẹni o ru eki, ẹnyi a nwụnhụn!”
33
Mba!! Anịzịlẹ ni wẹ e dufie ụnụ: “Eje-ọgbọ e wiwi ezi-omumẹ!”
34
Tẹnhin ni nwan nwọnrin uche; ụnụ e mẹbehi njọ, nị ụfọdụ imẹ ụnụ amarịn Osolobuẹ, kaka! M rị e ku ọnwan kẹni ifẹnrẹn mẹ ụnụ.
35
Kanị, ịhịan k'a jụma, sị, “Nanị w'e weli ndị nwụnhụnnị? Elee ẹhụ kẹ wẹ k'e gi bịa?”
36
Onyẹ-nzuzu! Ihiẹn ị kụnye alị ara rị pupụha, mmanị ọ nwụnhụngụ anwụnhụngụ.
37
Ọzọzị, ị kụn ihiẹn, ẹhụ ichẹn k'o jẹnkọ d'e gi pupụha, ọ nọkọ kẹ mkpụrụ ọka-witi mmaka mọbụ mkpụrụ ọzọ hụn ị kụnye,
38
kama, Osolobuẹ e ye ẹ ẹhụ Osolobuẹ chọ; o ye mkpụrụ ọwụlẹ ẹhụ nke ẹ.
39
Ẹhụ ile ẹlẹ ohu: nke ịhịan rị ichẹn; nke anụmanụ rị ichẹn; nke nnụnụ rị ichẹn; nke azụn rị ichẹn.
40
O nwọn ihiẹn ndị rị igwere, o nwọn ihiẹn ndị rị elu-ụwa; ndị rị igwere anọnị kẹ ndị rị elu-ụwa.
41
Ẹnyanwụn rị ichẹn; ifọn rị ichẹn; kokisẹ rị ichẹn. Kokisẹ rịzị ichẹn-ichẹn — wẹ ile ẹlẹ ohu.
42
Ẹrịra kẹ ndị nwụnhụnnị k'a dọn lihi: ẹhụ hụn e rehini kẹ wẹ gi nwụnhụn, kanị hụn wẹ k'e gi lihi ara rehi;
43
ụya e ri ẹhụ wẹ gi nwụnhụn, kanị ọghọ jun hụn wẹ k'e gi lihi; ẹhụ nwọnlẹni ikẹn kẹ wẹ gi nwụnhụn, kanị ẹhụ nwọn ikẹn kẹ wẹ k'e gi lihi;
44
ẹhụ mmaka kẹ wẹ gi nwụnhụn, kanị ẹhụ imẹ-mmọn kẹ wẹ k'e gi lihi. Omẹni ẹhụ-mmaka rị a rị, ẹhụ imẹ-mmọn rịzị a rị.
45
Ẹrịra kẹ wẹ de ẹ imẹ Ẹkụkwọ-nsọ, sị, “Ịhịan ibuzọ hụn wụ Adam họ̀nrin onyẹ rị ndụn,” kanị Adam ikpanzụụn e họnrin mmọn e ye ndụn.
46
Kanị ẹlẹ hụn imẹ-mmọn bu ụzọ bịa, kama, hụn wụ ịhịan-mmaka bu ụzọ bịa, o sọn hụn imẹ-mmọn hụ.
47
Onyẹ ibuzọ hụ gha ụwanị bịa, onyẹ wẹ gi ẹjan mẹmẹ rọ; hụn-ẹbọ gha elu-igwee bịa.
48
Kẹ onyẹ hụ wẹ gi ẹjan mẹmẹ rị, ẹrịra kẹ ndị wẹ gi ẹjan mẹmẹ rị; kẹ onyẹ gha elu-igwee bịa rị, ẹrịra kẹ ndị wụ nke elu-igwee rịzịkwọ.
49
Kẹ ẹnyi dọn nwan yi onyẹ nke ẹjan, ẹrịra kẹ ẹnyi k'a dọnzi yi onyẹ nke elu-igwee.
50
Umunẹ m, ihiẹn m rị a gwa ụnụ wụ nị ẹhụ-lẹ-ẹdeke asakọ ẹka banye Alị-eze Osolobuẹ; ihiẹn a nwụnhụnnị enwọnrinkọ ihiẹn ghalẹni a nwụnhụn.
51
Gọn ni ntịn: nị m gwa ụnụ ihiẹn-omimini: ẹlẹ ẹnyi ile k'a nwụnhụn, kanị, ẹnyi ile jẹnkọ d'e nwọnhutọ!
52
O k'e mẹ idẹnmizi: ozigbo-ozigbo, imẹ njụbe-ẹnya ohu, hụn wẹ gihụ gbu opi ikpanzụụn! Makẹni, hụn opi hụ gihụ han, ndị nwụnhụnnị k'e gi ẹhụ ghalẹni a nwụnhụn lihi; ẹnyi ndị rị ndụn e nwọnhutọ.
53
Makẹni, ẹhụ ẹnyini e rehini k'e nwọnhutọrịrị họnrin hụn ghalẹni e rehi; ẹhụ ẹnyini a nwụnhụnnị k'e nwọnhutọrịrị họnrin hụn ghalẹni a nwụnhụn.
54
Ogẹn ẹhụnị e rehini e gi họnringụ ihiẹn ghalẹni e rehi, ẹhụnị a nwụnnị e họnringụ ihiẹn ghalẹni a nwụnhụn, ọ wụrụ nị ihiẹn wẹ de imẹ Ẹkụkwọ-nsọ e mẹgụọ: nị “E mẹriọlẹ wẹ ọnwụn, nke ẹ a gụgụọ!
55
Euu ọnwụn! Elebe kẹ mmẹri i rị nwan? Euu ọnwụn! Elebe kẹ ihiẹn i gi e gbu rị nwan?”
56
Ihiẹn ọnwụn gi e gbu wụ njọ; ikẹn njọ wụ Iwu.
57
Kanị ekele ya rịnị Osolobuẹ, hụn e ye ẹnyi mmẹri ghahanị Di-nwọnni-ẹnyi wụ Jesu Kristi!
58
Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 16 →
All chapters:
1
2
3
4
5
6
7
8
9
10
11
12
13
14
15
16