bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Samuel 12
2 Samuel 12
Ika 2018 Bible
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
Osolobuẹ nọ zi Natanị d'e kunrun Defidi. Ogẹn o gi ru ẹ, ọ nọ sị, “O nwọn ikẹnnyẹ ẹbụọ rị obodo ohu, ohu wụ ọdanfịn, ohu wụ ogbẹnnyẹ.
2
Hụn ọdanfịn rịn'a nwọn atụnrụn lẹ efin bugbu enwẹn ẹ ọda,
3
kanị onwọnni ihiẹn hụn ogbẹnnyẹ rịn'a nwọn karị akpụ onyẹnnyẹ nwa atụnrụn ohu o ṅọn, ọ zụn a, ọ nọ nọ ẹka okẹnnyẹ ahụn lẹ ụmụ a suepụha. Atụnrụn hụ e sọndẹ ẹ e ri ihiẹn-oriri ọkpan ohu, a ra mirin imẹ mkpu ohu, a ranhịntọd'a ẹka. Atụnrụn ahụn te nọ a kẹ nwa a okpoho ẹhụ.
4
“O ru ụhụọhịn ohu, ọbịa nọ bịa iwe ọdanfịn ahụn; hụn nkẹ o gi weri atụnrụn nke ẹ mọbụ efin ẹ gbuni ọbịa a, ọ nọ weri akpụ onyẹnnyẹ atụnrụn ohu nwẹn hụn ogbẹnnyẹ nwọn, o gbu ẹ, gi lee hụn bịa d'e kunrunn'ẹ ọbịa.”
5
Okẹn olulu nọ bumẹ Defidi nị okẹnnyẹ hụ mẹ ihiẹn nọ ẹrịra; ọ nọ sị Natanị, “Ma Osolobuẹ, onyẹ mẹ ihiẹnni furu hụn a nwụnnị!
6
O k'a kụrịrị ụgwọ atụnrụn ahụn ụzọ ẹnọ, ebe ọ nọ mẹ ihiẹn nọ ẹrịra, o mẹni omikẹn!!”
7
Ya Natanị nọ sị Defidi, “Ịyụ wụ okẹnnyẹ hụ! Lee ihiẹn Osolobuẹ wụ Chuku Izrẹlụ ku, ọ sị, ‘Mmẹ tumẹ i eze Izrẹlụ, mmẹ zụọpụha ị ẹka Sọlụ hụn te chọ isi i.
8
E we m ụlọ di-nwọnni i ye i, bu inyẹnmẹ di-nwọnni i che i ẹka. E ye m'i ikpụlọ Izrẹlụ lẹ Juda kị. Omẹni ihiẹn ndịnị ile a rịka ntịn, nkẹ e yecheni m'i.
9
Kị haịn i gi lelịa oku Osolobuẹ, mẹ ihiẹn rịlẹni mma ẹnya a? Y'e gi ọpịa-agha gbu Yuria onyẹ Hẹti, weri nwunyẹ ẹ lụma. Ịyụ gbu ẹ ghahanị ọpịa-agha hụ ndị Amọnụ gi gbu ẹ.
10
Ufiri ẹ, ọpịa-agha egbubehikọ iwe i — makẹni i legberi m ebe ị nọ weri nwunyẹ Yuria onyẹ Hẹti lụma.’
11
“Lee ihiẹn Osolobuẹ ku, ọ sị, ‘M jẹnkọ d'a gha ndị rị iwe i buhẹni i okẹn nsọngbu. M k'a nọ idẹnya ị weri inyẹnmẹ i ye onyẹ ẹhụ ị kẹti-kẹti, o sọn wẹ ranhịn efinnaị ifọnrinfọn.
12
Nzuzue k'i nọ mẹ ẹ, kanị m k'e mẹ ihiẹnni efinnaị ifọnrinfọn, idẹnya Izrẹlụ ile.’ ”
13
Ya Defidi nọ sị Natanị, “E mẹọlẹ m Osolobuẹ njọ.” Natanị nọ sị, “Ẹghẹẹ, kanị Osolobuẹ a gbagharịgụọ ị njọ, isi i atọk'a.
14
Kanị, makẹni y'e yegụọ ndị-iṅẹnrẹn Osolobuẹ ihiẹn w'e gi kpari ẹ, nwata-okẹnnyẹ ahụn okpohoni mụn'ị k'a nwụnhụn.”
15
Ogẹn Natanị gi lamagụ, Osolobuẹ nọ tụ nwata hụ nwunyẹ Yuria mụnị Defidi emu.
16
Defidi a rịọ Osolobuẹ n'ọ zụọ nwata hụ; o bu ọnụ; ọ ban imẹ ụlọ a d'a nọdị; o dinẹ akpakalị eki e we fọn.
17
Ikẹnnyẹ-ọba rị ụlọ a nọ nọkunmẹ ẹ nị wẹ weli ẹ akpakalị ebẹhụ o dinẹ, kanị o kweni; o sọnni wẹ ri ihiẹn-oriri.
18
Hụn mẹ akpọhịn ẹsa, nwata ahụn nọ nwụnhụn. Egun anịnị ndị rị iwe Defidi gwa a nị nwata hụ a nwụnhụn, wẹ hụ a sị, “Kẹ nwata hụ kelẹni nwụn, ẹnyi a gwa Defidi oku, o gọnni ẹnyi ntịn. Nanị ẹnyi a dọn nwan gwa a nị nwata hụ a nwụnhụn? O ru tan o d'e mẹ ihiẹn wẹ ghalẹni e mẹ.”
19
Defidi a hụn kẹ ndị rị iwe ẹ rị a kagwasọnmẹ ibe wẹ, ọ nọ marịn nị nwata hụ a nwụnhụn. Ọ nọ jụ wẹ sị, “Nwata hụ a nwụnhụngụọ?” Wẹ nọ sị, “Ẹghẹẹ, ọ nwụnhụngụọ.”
20
Defidi nọ gha akpakalị hụ o dinẹ lihi. Ọ wụgụ ẹhụ, kwọ udẹn, yipụ ẹkwa ndị o yi, yiri ichẹn, ọ nọ shi imẹ ụlọ Osolobuẹ d'e fe ofufe. Ya ọ nọ banye iwe ẹ, sị wẹ buhẹ ihiẹn-oriri, e buhẹ wẹ ẹ, ọ nọ ri.
21
Ndị rị iwe ẹ nọ jụma a sị, “K'ị rị e mẹni ẹnịna? Kẹ nwata hụ rị ndụn, i hụ e bu ọnụ, a kwan ẹkwan; ọ nwụnhụn nwan, y'e lihi ọtọ ri ihiẹn-oriri!”
22
Ọ nọ sị, “Kẹ nwata hụ kelẹni nwụn, m bu ọnụ, kwan ẹkwan. M te hụ a sị, ‘Onyẹ maị? Osolobuẹ nwọn ikẹn lee m ẹnya ihun, nị nwata hụ rị ndụn.’
23
Hụnnị ọ nwụnhụngụ nwan, kị m'e bumẹzini ọnụ? Nị m sa nwan ẹka wekinhẹn ẹ? Mmẹ burukọ a, o kinhẹnkọzị d'e kunrun m.”
24
Defidi nọ rọkọ nwunyẹ ẹ wụ Bat'shẹba obi — sọn ẹ ranhịn, ọ tụ imẹ, mụ okẹnnyẹ, wẹ nọ gụn a Solomọnụ. Ihiẹn ẹ nọ sụọ Osolobuẹ;
25
makẹni ihiẹn ẹ sụọ Osolobuẹ, Osolobuẹ nọ zi onyẹ-amụma wụ Natanị d'a gụn a “Jedidia”.
26
Ogẹnni, Jụabụ nkẹ hụkwọ a lụ obodo Raba ndị Amọnụ agha; o mẹgụ, ya wụ obodo eze ndị Amọnụ bi nọ ban a ẹka.
27
Ya Jụabụ nọ zi ozi jẹnni Defidi, sị a, “A lụsọngụọ m Raba ọgụn hụ. Ebe wẹ gha e nwọnhẹn mirin a bangụọ m ẹka.
28
Kpọnrin nwan ndị-agha họdụnị d'e kehunmẹ obodo hụ n'i weri ẹ. Omẹni y'a bịanị, e mẹri m obodo hụ, weri ẹ, gụn a ẹfan m.”
29
Ya Defidi nọ kịrị ndị-agha ile họdụnị, shi Raba, lụ a agha, weri ẹ.
30
Ọ nọ weri okpu-eze rị eze wẹ isi, okpu-eze goru nyịnnahịn ẹkpa osikapa nta (35kg), hụn wẹ gisọnmẹ ọmụma pụ-ichẹn chọ mma; wẹ nọ bu ẹ che Defidi isi. Ọ kwarịzịghọ ihiẹn ọda-ọda imẹ obodo hụ;
31
o wepụha ndị ile rị ebahụn, ọ nọ ye wẹ ọrụn — kẹ ịwa-osisi kẹ ịwa-ọmụma kẹ ịwa-nkụn, o mẹ wẹ kpụsọnmẹ blọkụ. Ẹrịra k'o mẹ obodo ile rị Amọnụ. O mẹgụ, Defidi lẹ ndị-agha a ile nọ lakin Jerusalẹm.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24