bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Samuel 20
2 Samuel 20
Ika 2018 Bible
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
1
Onyẹ ohu e mẹ oku rị ebẹhụ kẹ wẹ rị e kpe imẹ Gil'galụ; ẹfan a wụ Shẹba nwa Bikri, onyẹ ebọn Bẹnjamini rọ. Ọ nọ gbu opi, yi, “Onwẹni hụn runi ẹnyi ebe Defidi rị; onwẹni hụn wụ nke ẹnyi ebe nwa Jese rị! Onyẹ ọwụlẹ lashikwọ iwe ẹ-oo ụnụ ndị Izrẹlụ wụlẹni Juda!”
2
Ya kẹ ndị Izrẹlụ ile wụlẹni ndị Juda nọ la Defidi tọ, sọnrin Shẹba nwa Bikri. Kanị ndị Juda nọ nọyekwọnị eze wẹ, ghakwọrị Iyi-Jọdanị d'e ru Jerusalẹm.
3
Mgbe Defidi gi lụaha Jerusalẹm, ọ nọ bu ndị mgba a iri hụ ọ latọ nị wẹ lepụ obi-eze ẹnya che ụzọ ohu, ndị hụ Absalọm mẹ mgba wẹ. Defidi nọ butọnị wẹ ndị k'a rị e che wẹ nche. Ọ hụ e ye wẹ ihiẹn wẹ gi e bi, kanị o duzini wẹ ranhịn. Wẹ nọ bu wẹ tọ okpuru ndị nche ebẹhụ, wẹ hụ e bi kẹ ndị di wẹ nwụn — e we wẹ nwụn.
4
Eze nọ sị Amasa onyẹ-ndu agha ọhụn a, “Kpọ ndị Juda nị wẹ bịa d'e kunrun m akpọhịn ẹtọ gini d'a ghafe; ịyụ lẹ enwẹn i k'a rịzịkwọ a.”
5
Kanị ogẹn Amasa gi jẹn d'a kpọ ndị Juda, ọ nọ nọkarị ogẹn eze ye ẹ.
6
Defidi nọ sị Abishaị, “Shẹba nwa Bikri k'e mẹ ẹnyi tan ihiẹn karị hụn Absalọm mẹ. Kịrị nwan ndị-agha di-nwọnni i, n'ị chụ a ozigbo, amamgbe ọ kẹrẹn'a banye obodo wẹ tụnhunmẹ mgbọn, o weri ọnọdị ebẹhụ, gbanahịn ẹnyi.”
7
Ya Abishaị nọ kịrị ndị-agha Jụabụ lẹ ndị Kẹrẹtị lẹ Pẹlẹtị, ndị nche pụ-ichẹn Defidi lẹ ndị odogun-agha wẹ marịn amarịn. Wẹ nọ gha Jerusalẹm buli d'a chụ Shẹba nwa Bikri.
8
E ru wẹ ẹhụ ọmụma-uku rị Gibiọnụ, Amasa nọ bịa d'e kunrun wẹ. Jụabụ yi ẹwuru-agha a, agbada a hụ ọbụọ a rị akpụkpọ-ukun ẹ. Hụn Jụabụ gi hụ jẹnpụha ihun, tu udọn mịrịn agbada a.
9
Jụabụ a sị Amasa, “Nanị ị rị nwẹnẹ m?” Jụabụ nọ gi ẹka-nni kwọndọn Amasa ẹtu n'o susu ẹ ọnụ kẹ w'e mẹ.
10
Ẹnya Amasa arị agbada hụ Jụabụ gi ẹka, ọ marịn mgbe Jụabụ gi zu ẹ y'ẹ ẹfọ, akụ-ẹfọ a nọ yọye alị; o zuzin'ẹ ọzọ. Ẹrịra kẹ Amasa dọn nwụnhụn. Jụabụ lẹ Abishaị nwẹnẹ ẹ nọ chụrụ Shẹba nwa Bikri.
11
Onyẹ ohu imẹ ndị-agha Jụabụ nọ wuzo ebe Amasa rị alị, sị, “Onyẹ ọwụlẹ rị azụụn nke Jụabụ lẹ onyẹ ọwụlẹ rị azụụn nke Defidi ya sọnrin Jụabụ!”
12
Kẹ Amasa rị imẹ ẹdeke ẹ, a rụtụ etintinnaị ụzọ ebẹhụ, okẹnnyẹ hụ ku ihiẹn hụ a hụn a nị onyẹ ru ebahụn, ọ kụsị, ọ nọ gha ụzọ ebahụn dọkpụn ozun Amasa ye ọfịa, yọ ẹwuru kpu ẹ — makẹ ndị-agha hụ rị a kụsịnị.
13
Ogẹn o gi dọrị Amasa ụzọ ebẹhụ dọkpụnpụ a, ịhịan ile nọ sọn Jụabụ chụrụ Shẹba nwa Bikri.
14
Shẹba e te ghagbamachanrịngụọ ebọn ile rị Izrẹlụ wụlẹni Juda d'e ru Ebẹlụ rị Bẹt-Maaka lẹ azụụn nke ndị Bẹri, ndị sọnmẹn'ẹ nọ sọnmẹ ẹ.
15
Ndị-agha ile wẹ lẹ Jụabụ wị nọ bịa d'e kehunmẹ Shẹba ye Ebẹlụ-Bẹt-Maaka. Wẹ nọ rụn mkpọnyin ye mgbọn ibuzọ rị obodo hụ — mkpọnyin w'a nọ a lụsọn obodo nwọn mgbọn agha. Ogẹn wẹ gi rị e gi ihiẹn e ti mgbọn hụ nị wẹ titu ẹ,
16
ya kẹ okpoho ohu nwọn uche ọda nọ gha imẹ obodo hụ hị wẹ, sị, “Gọn ni ntịn-o! Gọn ni ntịn-o! Sị nị Jụabụ nọzụnhan nị m gwa a oku.”
17
Jụabụ nọ nọzụnhan; ọ nọ sị Jụabụ, “Yụ wụ Jụabụ?” Ọ nọ sị a, “Mmẹ rọ.” Ọ nọ sị Jụabụ, “Gọn ntịn ihiẹn odibo i jẹnkọ d'e ku.” Jụabụ nọ sị a, “M hụ e gọn ntịn.”
18
Okpoho ahụn nọ sị, “Mbụ-mbụ, wẹ sịhụ, ‘Nị ẹnyi jẹn nwan Ebẹlụ d'a jụ ajụjụ’ oku e bi.
19
Ẹnyi wụ ndị-udọn lẹ ndị wẹ gi e dọn ẹnya imẹ Izrẹlụ. Obodo hụn nọkẹ nnẹ imẹ Izrẹlụ kẹ ị rị nwan a chọ n'i tikpọ. K'ị rị a chọnị n'ị tikpọ ihiẹn wụ nke Osolobuẹ?”
20
Jụabụ nọ sị, “Ẹlẹ mmẹ! Ẹlẹ itikpọ mọbụ iwiwi ihiẹn kẹ m chọkọ!
21
Ẹlẹ ẹrịra. O nwọn okẹnnyẹ ohu w'a kpọ Shẹba nwa Bikri, onyẹ alị ugu Ifrem hụn bunụmanị ọkịkị eze wụ Defidi. Wepụha nị hụ akpụ okẹnnyẹ ohuni, a gha m obodoni pụ.” Okpoho hụ nọ sị Jụabụ, “Wẹ k'a gha elu mgbọn tụtun'i isi ẹ.”
22
Okpoho ahụn nọ jẹnburu ndị obodo hụ ile, dụn wẹ ọdụn hụn jẹnkọ d'e yeni wẹ ẹka, wẹ nọ beri Shẹba nwa Bikri isi, tụyeni Jụabụ. Jụabụ nọ gbu opi-agha, wẹ nọ gha obodo hụ pụ, onyẹ-onyẹ nọ la iwe ẹ. Jụabụ nọ lakin Jerusalẹm d'e kunrun eze.
23
Jụabụ wụ hụn a kị ndị-agha Izrẹlụ ile; Bẹnaya nwa Jehoyada wụ hụn a kị ndị Defidi gi e che ẹhụ, ndị Kẹrẹtị lẹ ndị Pẹlẹtị;
24
Adoram (hụn wụzị Adoniram) wụ hụn a kị ndị ile wẹ gi a rụn ọrụn eze; Jehoshẹfatị nwa Ahiludu nwọn e dọnmẹ ẹkụkwọ;
25
Shẹva wụ akanwe; Zadọkụ lẹ Abiata wụ ndị nchụn-ẹjan;
26
Ira onyẹ Jaịrị wụ onyẹ nchụn-ẹjan a chọpụhanị Defidi uche Osolobuẹ.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24