bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Samuel 23
2 Samuel 23
Ika 2018 Bible
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
Ndịnị wụ oku ikpanzụụn Defidi ku: Ọnwan wụ oku Defidi nwa Jese ku — Ihiẹn okẹnnyẹ ahụn hụn Onyẹ Kachanrịnnị ye ọghọ ku, okẹnnyẹ ahụn Chuku Jekọpụ tumẹ, ọkụ-ẹbụ alị Izrẹlụ:
2
“Mmọn Osolobuẹ gi m ku; oku ẹ rị m ire.
3
Chuku Izrẹlụ ku oku, Ọmụma Izrẹlụ sị m: Onyẹ hụn gi ezi-omumẹ a kị, e gi egun Chuku a kị,
4
ọ nọ kẹ ukpẹ ụtụntụn, ebe anwụn nọ a wa, ebe igwere nọ mẹ zaị; ọ nọzị kẹ eki fọnpụnị kẹ mirin zuegụ hụn ẹfịfịa gi e pupụha alị.
5
Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?
6
Kanị wẹ k'a tụ ndị ile e mẹ eje-ihiẹn ye ụsụọ rịkẹ ogun, hụn wẹ ghalẹni e gi ẹka e kpọnkikomẹ.
7
Onyẹ chọ n'o kpọn ogun sikọ d'e girịrị ihiẹn igwe mọbụ obo, ebe ogun rị kẹ wẹ nọ a dụn wẹ ọkụn.”
8
Ndịnị wụ ẹfan ndị odogun-agha Defidi: Joshẹbụ-Bashẹbẹti onyẹ Takẹmọ, hụn wụ onyẹ-isi imẹ ndị-odogun ẹtọ nẹi; o gi obo ẹ lụsọn madụ nnụnaị ọgụn, gbu wẹ — imẹ agha ohu.
9
Hụn e sọnn'ẹ wụ Ẹliẹza nwa Dodaị hụn wụzị Dodo onyẹ Ahọ. Makẹni ọ rị ndị-odogun ẹtọ hụ, ya lẹ Defidi wị kẹ wẹ che ndị Filistia rị Pasị-Damim ọgụn. Ogẹn ndị Izrẹlụ ibe ẹ ile gi gbama ọsọ,
10
Ẹliẹza e turu ebe o turu, gbumẹ ndị Filistia — d'e runi ẹka a rọchanrịn a — ẹka a a nyantọghọdẹ ọpịa-agha. Okẹn mmẹri kẹ Osolobuẹ ye wẹ ụhụọhịn ahụn. Mgbe ndị agha Izrẹlụ gi nwan kinhẹn d'e kunrun Ẹliẹza, onwọnzini ihiẹn wẹ mẹ karị ikpọnrin ihiẹn ndị o gbu gi bịa agha.
11
Hụn e sọnn'ẹ wụ Shama nwa Agi, onyẹ Hara. Ogẹn ndị Filistia gi zu, nọ ebẹhụ ugbo ẹgwa-lẹntilụ rị maye ndị-agha Izrẹlụ ọgụn, ndị-agha Izrẹlụ ile nọ gbanị ndị Filistia ọsọ.
12
Kanị Shama nọ wuzo ahanmahan ugbo hụ che wẹ ọgụn. Ọ nịnị wẹ weri ugbo hụ; o gbu ndị Filistia hụ, Osolobuẹ e ye Izrẹlụ okẹn mmẹri.
13
Ogẹn wẹ gi a ghọ ihiẹn-ugbo, madụ ẹtọ imẹ ndị odogun-agha iri-kwasị-ọgụn pụ ichẹn nọ bịa d'e kunrun Defidi imẹ okporo rị Adulam, ogẹn ndị-agha Filistia gi weri ọnọdị agha imẹ Ọdanmgbugbu Rẹfa.
14
Ogẹn ahụn, Defidi rị ebẹhụ w'a warị e che ẹhụ; ndị Filistia e butọgụọ ndị-agha imẹ Bẹt'lẹhẹm.
15
Ẹgụn mirin rị a gụn Defidi, ọ nọ sị, “K'o rị m a hụndẹ m onyẹ sikọ d'e jẹn ọmị rị ẹhụ ọnụ-mgbọn Bẹt'lẹhẹm d'e wẹhẹni m mirin ra!”
16
Ndị odogun-agha Ẹtọ hụ nọ lụsọn ndị-agha Filistia ọgụn, ghafe, dọrị mirin imẹ ọmị hụ nọkunmẹ ọnụ-mgbọn Bẹt'lẹhẹm, buhẹni Defidi ya. Kanị Defidi a jụ n'ọ rakọ a — o hupụ a yeni Osolobuẹ.
17
Ọ sị, “Ẹlẹ mmẹ! Osolobuẹ! Ẹlẹ ẹdeke ndịnị bu isi wẹ che ọb'ẹka wụ ihiẹnni?” Defidi a jụ n'ọ rakọ a. Ihiẹn ndị nọ ẹrịra kẹ Ndị odogun-agha Ẹtọ ahụn e mẹ.
18
Abishaị nwẹnẹ Jụabụ nwa Zeruaya kị Ndị Odogun Iri-kwasị-ọgụn Ahụn. O gi obo ẹ lụsọn ndị-agha ọgụn mmisẹn, gbu wẹ ile, ẹfan a nọ kpọma kẹ nke wẹ ẹtọ.
19
Ịya ka Ndị Odogun Iri-kwasị-ọgụn Ahụn, o họnrin onyẹ-isi wẹ — ọ sụọn'a n'a gụnnị w'a ye imẹ Ndị odogun-agha Ẹtọ.
20
Bẹnaya nwa Jehoyada wụ ezigbo onyẹ-agha; onyẹ Kabzilu rọ. Ọ mẹsọnmẹ okẹn-ihiẹn. O gbu ọka-agha ẹbụọ imẹ ndị-agha Mụabụ. Ọ banyezighọ imẹ olu ụhụọhịn mirin ọchan a kpụkpụrụnị wụ sno hụn a tụ eje-oyi rị e ziẹn, gbu ẹwọrọ.
21
O gbuzighọ onyẹ Ijiptu ohu pụ-ẹka. Onyẹ Ijiptu hụ gi obo, Bẹnaya gihụ osisi mmaka; ọ zụọnarịn onyẹ Ijiptu hụ obo rị a ẹka, gi obo hụ gbu ẹ.
22
Ihiẹn nọsọnmẹ ẹrịra kẹ Bẹnaya nwa Jehoyada mẹ; ẹfan a a kpọzịghọ kẹ nke odogun ẹtọ hụ.
23
Ya kachanrịn uwẹ madụ iri-kwasị-ọgụn ọghọ e nwọn. Kanị w'a ra gụn a ye imẹ Odogun Ẹtọ hụ. Ịya kẹ Defidi tumẹ onyẹ-isi ndị Defidi gi e che ẹhụ.
24
Ndị w'a gụnye imẹ madụ iri-kwasị-ọgụn ahụn wụ: Asahẹlụ nwẹnẹ Jụabụ, Ẹl'hananị nwa Dodo onyẹ Bẹt'lẹhẹm,
25
Shama onyẹ Harọdụ lẹ Ẹlika onyẹ Harọdụ;
26
Hẹlẹzi onyẹ Pal'ti, Ira nwa Ikeshi onyẹ Tẹkụa,
27
Abiẹza onyẹ Anatọtụ lẹ Mẹbunaị onyẹ Husha;
28
Zalụmọnụ onyẹ Ahọ, Maharaị onyẹ Netofa,
29
Hẹlẹbụ nwa Baana onyẹ Netofa lẹ Itaị nwa Ribaị onyẹ alị Gibia rị Bẹnjamini;
30
Bẹnaya onyẹ Piratọnụ, Hidaị hụn wụ onyẹ Ọdanmgbugbu Gaashị,
31
Abi-Alụbọnụ onyẹ Ar'ba lẹ Az'mavẹti onyẹ Bahum;
32
Ẹliaba onyẹ Shaalubọnụ, ụmụ Jashẹni, Jonatanị
33
nwa Shama onyẹ Hara lẹ Ahịam nwa Sharari onyẹ Hara;
34
Ẹlifẹlẹti nwa Ahasbaị onyẹ Maaka, Ẹliam nwa Ahitofẹlụ onyẹ Gilo,
35
Hẹz'ro onyẹ Kamẹlụ lẹ Paraị onyẹ Araba;
36
Igalụ nwa Natanị onyẹ Zoba, Bani onyẹ Gadị,
37
Zẹlẹki onyẹ Amọnụ, Naharaị onyẹ Biẹrọtụ hụn e buni Jụabụ nwa Zeruaya ihiẹn-ọgụn;
38
Ira onyẹ Itri, Garẹbụ onyẹ Itri
39
lẹ Yuria onyẹ Hẹti. Wẹ ile rị madụ mmẹsa kwasị ọgụn.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24