bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Samuel 14
2 Samuel 14
Ika 2018 Bible
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
1
Ogẹn Jụabụ nwa Zeruaya gi lepụha nị Absalọm rị a da eze,
2
ya Jụabụ nọ zijẹn ịhịan Tẹkụa, wẹ nọ jẹn d'e wẹhẹn'ẹ okpoho ohu marịn ihiẹn. Ọ nọ sị okpoho hụ “Mẹ kẹ sị ị rị a kwan ịhịan; yiri ẹkwa-achọ; akwọlẹ udẹn. Mẹhụ kẹ okpoho rị a kwan ịhịan kete elee mgbe.
3
Y'e jẹn d'e kunrun eze, n'ị gwa a oku ndịnị m jẹnkọ a gwa ị.” Ya Jụabụ nọ gwa a ihiẹn ndị o k'e ku.
4
Ogẹn okpoho hụ gha Tẹkụa bịa gi ru ebe eze rị, ọ nọ dannị eze alị ye ẹ ọghọ; ọ nọ sị, “Agụ, dodo, yeni m ẹka!”
5
Eze nọ sị a, “Kị wụ mkpa ị?” Ọ nọ sị a, “Eziẹ, okpoho di ẹ nwụn kẹ m wụ.
6
Mmẹ wụ igbọn i mụ ikẹnnyẹ ẹbụọ. Ọgụn e seni wẹ ẹbụọ imẹ ugbo, onwọnni onyẹ rị ebẹhụ k'e gbọn wẹ ọgụn. Ohu nọ fịan ibe ẹ ihiẹn fịangbu ẹ.
7
Ebọn ẹnyi ile e bugụọ nwan nụmanị mmẹ wụ igbọn i; wẹ sị m, ‘Wepụha onyẹ hụn gbu nwẹnẹ ẹ, nị ẹnyi gbugwarị, nị ẹnyi hụn a nị ya nwẹn ewerini ukuu nẹdi ẹ.’ Agụ, wẹ mẹ ẹ, e tinyụn wẹ akpụ ikeke ọkụn ohu họdụ m ẹka, onwọnkọzị hụn k'a họdụnị di m elu-ụwa, kẹ ẹfan kẹ nwa.”
8
Eze nọ sị okpoho hụ, “A la; m k'a gwa wẹ hapụ nwa ị.”
9
Okpoho ahụn gha Tẹkụa bịa nọ sị a, “Eze nwọnni m, ndọọ; ọmụma-ikpe ya lẹ eje-ihiẹnni wị ya rịnị mmẹ lẹ ikpụlọ nẹdi m — ikpe y'a malẹ eze lẹ ukpo ẹ.”
10
Eze nọ sị a, “Onyẹ gwazị ị ihiẹn ọwụlẹ, wẹhẹni m'ẹ, n'ọ hụn ụzọ yebehi i nsọngbu.”
11
Okpoho ahụn nọ sị, “Eze y'a kpọku nwan Osolobuẹ wụ Chuku ẹ n'ọ kụsị onyẹ nwọn gbugwarịnị ebọn ẹnyi makẹ ọ gha e gbu ẹ cheni hụn wẹ gbugụ, mẹkẹ w'e gbu nwa m.” Eze nọ sị a, “Ma Osolobuẹ, onwẹni akpụ ntutu ohu rị nwa ị isi hụn k'a dan alị.”
12
Okpoho hụ nọ sị a, “Nị mmẹ igbọn i gwa eze nwọnni m akpụ oku ohu.” Eze nọ sị a, “Ku.”
13
Okpoho ahụn nọ sị a, “K'i mẹni ndị nke Osolobuẹ ihiẹn nọ ẹnịna? Ebe eze nọ ku ihiẹnni, ọ magụọnị enwẹn ẹ ikpe — ebe eze nọlẹni welụa nwa a wẹ chụpụ?
14
K'o dọn mẹ ni mirin huye alị ọ lachanrịn, ẹrịra k'o dọn mẹ ni ẹnyi wụ ịhịan k'a nwụnhụnrịrị. Kanị Chuku ara wepụ ndụn ịhịan — kama, ọ chọ ụzọ o gi e wekinhẹn onyẹ ọ chụpụ, makẹ hụnyẹ gha a tọ ogbe.
15
“M bịa nwan d'a gwa eze nwọnni m ihiẹnni makẹni e mẹgụọ wẹ egun tụma m. Mmẹ odibo i sị, ‘M sikọ d'e du eze ku; ikẹnkwọ o mẹ ihiẹn odibo ẹ rịọ a.
16
Ikẹnkwọ eze e kweri gbapụha odibo ẹ ẹka onyẹ rị a chọ n'o gbụpụ kẹ mmẹ kẹ nwa m makẹ ẹnyi gha e nwọnrin ihiẹn Osolobuẹ ye ẹnyi.’
17
Igbọn i rị nwan a sị, ‘Oku eze nwọnni m ku ya dodo wẹhẹni m ihiẹn obi e gi ru m alị, makẹni eze nwọnni m nọ kẹ mmọn-ozi Chuku makẹni ọ marịnghọ ihiẹn rị mma lẹ ihiẹn rịlẹni mma. Osolobuẹ wụ Chuku ya nọyen'i-oo!’ ”
18
Ya eze nọ sị okpoho hụ, “Za m ihiẹn m jẹnkọ nwan d'a jụ ị, ezuemẹlẹni m ẹfọ.” Okpoho ahụn nọ sị, “Eze nwọnni m ya kumẹ.”
19
Eze nọ sị a, “Ẹlẹ Jụabụ zi i d'e mẹ ihiẹnni ile?” Okpoho hụ nọ sị a, “Ma isi i eze nwọnni m, hụnnị ị jụ ajụjụnị, onwọnni onyẹ k'a saẹka zuemẹn'i ẹfọ. Ẹghẹẹ, odibo i wụ Jụabụ sị m mẹ ihiẹnni, ịya bu oku ndịnị ile che igbọn i ọnụ.
20
Odibo i wụ Jụabụ mẹ ihiẹnni n'o gi gbehutọ ọnọdị rị ogẹnni. Di-nwọnni m nwọn amamihiẹn nọkẹ nke mmọn-ozi Osolobuẹ, ọ marịnchanrịngụọ ihiẹn ile rị e mẹni.”
21
Ya eze nọ sị Jụabụ, “Ọ hụ mma; m k'e mẹ ẹ. Jẹn d'e welụa okorọbịa hụ wụ Absalọm.”
22
Jụabụ nọ dannị eze alị gi ye ẹ mgbaye; ọ nọ kpanmịn eze. Jụabụ nọ sị, “Tannị kẹ mmẹ odibo i marịn nị ihiẹn m sụọ ị asụọ, eze nwọnni m, makẹni y'e mẹgụọ ihiẹn odibo i rịọ ị.”
23
Jụabụ nọ jẹn Gẹshọ, o welụa Absalọm Jerusalẹm.
24
Kanị, eze sị, “Ya shikwọ iwe ẹ; y'a bịakwọlẹ d'a hụn m.” Absalọm nọ lashi iwe ẹ; ya lẹ eze ahụnnị ẹnya.
25
Imẹ Izrẹlụ ile, onwọnni onyẹ wẹ gi e jeni Absalọm ebe mma-ẹhụ rị. Gha isi d'e ru ọbụkụ, onwọnni ebe rịlẹni mma ẹhụ a.
26
Ọ gụnye, ọ kọ ntutu rị a isi. Ọ nyịnma a k'ọ nọ a kọ a; ọ kọ a, o lele k'ọ nyịnhan. Ọ ma a, ọ nyịnhan kẹ nneku-ọhụhụ (2kg).
27
Ikẹnnyẹ ẹtọ lẹ okpoho ohu kẹ Absalọm mụ. Ẹfan nwa a hụn okpoho hụ wụ Tama, o suepụha, ma mma okpoho ọda-ọda.
28
Absalọm nọdị imẹ Jerusalẹm ahụa ẹbụọ, ya lẹ eze ahụnnị ẹnya.
29
O mẹgụ, Absalọm nọ zi wẹ kpọ Jụabụ n'ọ hụn ụzọ zi ẹ d'e kunrunn'ẹ eze. Kanị, Jụabụ ekweni bịa. O zizi wẹ, o kweni bịa.
30
Ya Absalọm nọ sị idibo ẹ, “Lee n'ẹ, ugbo Jụabụ e sọn nke m, ọka-bali ẹ rị ebẹhụ. D'e yin'ẹ ọkụn.” Ya idibo Absalọm nọ yi ugbo Jụabụ ọkụn.
31
Ya Jụabụ nọ nwan shi iwe Absalọm, sị a, “Kị idibo i yini ugbo m ọkụn?”
32
Absalọm nọ sị Jụabụ, “Lee ẹnya, m zi wẹ d'a kpọ ị, sị ị, ‘Bịa ebeni nị m hụn ụzọ zi i d'e kunrun eze, n'ị jụ a kẹ “Kịnị kẹ m ghanị Gẹshọ lụaha? Omẹni echẹn kẹ m rị ebẹhụ k'o te ka m mma!” ’ M chọ nwan nị m d'a hụn eze; omẹni O nwọnghọ ihiẹn ikpe gi ma m, ya gbu m.”
33
Ya Jụabụ nọ jẹn d'e kunrun eze, gwa a ihiẹnni. Eze nọ kpọ Absalọm, ọ nọ banhan, gbuni eze osekpu, eze nọ dide ẹ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24