bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Samuel 16
2 Samuel 16
Ika 2018 Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
1
Ogẹn Defidi gi gha elu òke hụ kpọtu ẹkẹrẹ, e lee Ziba odibo Mẹfiboshẹti ebẹhụ k'ọ rị e che Defidi. O gihụ jaki ẹbụọ wẹ kẹnye ihiẹn o gi e bu ịhịan, dọn ogbe brẹdi ọgụn iri, ọkpụkpụ vaịnị ọgụn-isẹn wẹ kikọ, ọkpụkpụ figi ọgụn-isẹn wẹ kikọ — lẹ ihiẹn-manya ohu.
2
Eze nọ jụma Ziba, “K'i buhẹni nwan ihiẹn ndịnị?” Ziba nọ sị a, “M wẹhẹ Jaki ndịnị nị ndị ikpụlọ eze gi jẹn ebe ụnụ jẹnkọ; brẹdi lẹ mkpụrụ-osisi ndịnị wụ ihiẹn-oriri ndị yụ lẹ wẹ wị jẹnkọ d'e ri; manya rịn'a kẹ ndị ndụn gụ imẹ alị ọkpọ-nkụn sikọ d'a ra kẹni ndụn banzị wẹ.”
3
Eze nọ jụma a, “Ebe Mẹfiboshẹti nwa-nwa Sọlụ di-nwọnni i rị?” Ziba nọ sị a, “Ọ hụ Jerusalẹm, makẹni ọ rị a sị, ‘Tannị kẹ ndị Izrẹlụ sikọ d'e yekin m alị-eze Sọlụ nẹdi m kanị kịma.’ ”
4
Eze nọ sị Ziba, “Ihiẹn ile Mẹfiboshẹti nwọn wụ nwan nke i.” Ziba nọ sị, “E biẹni m'i. Ihiẹn m ya sụọsọnmẹkwọ ị-oo, eze nwọnni m.”
5
Ogẹn Eze wụ Defidi gi nọkunmẹmẹ Bahurim, e lee okẹnnyẹ ohu ya lẹ ikpụlọ Sọlụ wụ ebọn ohu k'ọ kpọla iyi! Ẹfan a wụ Shimei nwa Gẹra.
6
Ọ kị ọmụma nwụn Defidi lẹ ịhaịmẹ ẹ, k'o mẹlẹru ni ndị-agha ile lẹ ndị-agha hụ pụ-ichẹn e che Defidi nche rị Defidi ẹka-nni lẹ ẹka-ekpẹn.
7
Shimei hụ a kpọ Defidi iyi, a sị, “Pụ ebeni! Pụ ebeni!! Izighẹ!! Eje-ịhịan!!
8
Osolobuẹ e mẹgwarịgụọ ị ogbugbu ile i gbu ikpụlọ Sọlụ, hụn ị narịn eze. Osolobuẹ e wegụọ alị-eze nwẹn ye Absalọm nwa ị. Lee nwan kẹ njọ ị dọnmẹ i, izighẹ!”
9
Abishaị nwa Zeruaya nọ sị eze, “Kị nkitẹni nwụnnị rị a kpọnị eze nwọnni m iyi?! Nị m fetu d'e bepụ a isi!!”
10
Eze nọ sị a, “Kị biri mmẹ lẹ ụnụ, ụmụ Zeruaya-nị?! Omẹni iyi ọ rị a kpọ wụ makẹni Osolobuẹ sị a, ‘Kpọ Defidi iyi,’ onyẹ k'a s'ẹka jụ a, ‘K'i mẹni ihiẹnni?’ ”
11
Defidi nọ nwan sị Abishaị lẹ ịhaịmẹ ẹ ile, “Lee n'ẹ, nwa ẹfọ m rị nwan a chọ n'o gbu m, ọrịwụzị onyẹ ebọn Bẹnjamini-ni! Ha n'a ye; ya kpọma — nị Osolobuẹ sị a kpọ.
12
Ikẹnkwọ Osolobuẹ a hụn ihiẹn wẹ rị e mẹ m, gi ezigbo ihiẹn kụ m ụgwọ iyini m rị a narịn tannị.”
13
Defidi lẹ ndị ya lẹ wẹ wị nọ ghasọnmẹ ụzọ wẹ ghakọ, Shimei nkẹ ghakọ nkpọnyin azụụn hụn ẹbọ kpọkọ Defidi iyi, a ma a ọmụma, a bụọ a ẹjan.
14
Ẹhụ a rọgụọ Eze lẹ ndị ile ịya lẹ wẹ wị kẹ wẹ ru ebe wẹ jẹnkọ. Ọ nọ nọ ebẹhụ zu ikẹn.
15
Absalọm nkẹ lẹ ikẹnnyẹ Izrẹlụ ile nọ bịa Jerusalẹm; ịya lẹ Ahitofẹlụ wị.
16
Ọwụ Defidi wụ Hushaị onyẹ Aki nọ jẹnburu Absalọm, sị a, “Agụ, isi i chei! Agụ, isi i chei!”
17
Absalọm nọ jụma Hushaị, “Ẹrịra kẹ ihiẹn ọwụ ị sụọhan ị? Kị haịn i gilẹni sọnrin ọwụ ị?”
18
Hushaị nọ sị Absalọm, “Mba; onyẹ Osolobuẹ họrị, onyẹ ndịnị họrị, onyẹ hụn ndị Izrẹlụ ile họrị, ịya kẹ m k'a wụ nke ẹ, sọn ẹ nọdịsọnmẹ.
19
Ẹlẹdẹ ọhụn sụọ: onyẹ nkẹ m'e fedẹ omẹni ẹlẹ nwa a? Kẹ m dọn fe nẹdi i, ẹrịra kẹ m k'e fe i.”
20
Absalọm nọ sị Ahitofẹlụ, “Tụnị ẹnyi iroro. Kị ẹnyi jẹnkọ d'e mẹ?”
21
Ahitofẹlụ nọ sị a, “Sọn ndị mgba nẹdi i ranhịn, ndịnị ọ latọ nị wẹ lepụn'a obi-eze ẹnya. Ndị Izrẹlụ ile jẹnkọ d'a nụ a nị y'e họnringụọ eje-eṅẹnrẹn nẹdi i. Ogẹn ahụn, obi e zewaye ndị ile sọnkọn'ị.”
22
Ya wẹ nọ tumẹni Absalọm ọdụ elu ụlọ, ọ nọ ebẹhụ sọn ndị mgba nẹdi ẹ ranhịn, idẹnya Izrẹlụ ile.
23
Makẹni, ogẹn ahụn, Ahitofẹlụ tụ iroro, ọ nọ kẹ ebe Osolobuẹ nọ gi ịhịan ku uche ẹ; kẹ Defidi kẹ Absalọm e gi ẹnya hụ e lee ndụnmọdụn Ahitofẹlụ.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24