bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
2 Samuel 5
2 Samuel 5
Ika 2018 Bible
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Ebọn ile rị Izrẹlụ nọ bịa Hibrọnụ d'e kunrun Defidi, sị a, “Ẹnyi lẹ ịyụ wụ umunẹ.
2
Kẹ ogẹn Sọlụ gidẹ wụ eze ẹnyi, ịyụ wụ onyẹ hụn e du Izrẹlụ e jẹn agha. Osolobuẹ a sịgụọ ị, ‘Ịyụ jẹnkọ d'e du ndị nke m wụ Izrẹlụ nọkẹ onyẹ-ndu atụnrụn; ịyụ jẹnkọ d'a kị wẹ.’ ”
3
Ogẹn ndị-ichẹn Izrẹlụ ile gi bịagụ d'e kunrun Eze wụ Defidi imẹ Hibrọnụ, wẹ lẹ eze nọ kwerigbama ihun Osolobuẹ, wẹ nọ kin Defidi eze Izrẹlụ ile.
4
Defidi rị nwa ahụa iri-kwasị ọgụn k'o ri eze, ọ nọ kị ahụa ọgụnnaị.
5
Ọ nọ Hibrọnụ kị Juda ahụa ẹsa lẹ ifọn isin, nọ Jerusalẹm kị Izrẹlụ ile lẹ Juda ahụa mmẹtọ-kwasị ọgụn.
6
Eze wụ Defidi nọ duru ndị-agha shi Jerusalẹm d'a maye ndị Jebusu bi ebẹhụ ọgụn. Ndị Jebusu nọ sị Defidi, “Y'a s'ẹka banhan ebeni — ndị ẹnya-ishi lẹ ndị ngụrọ k'e gbọndọndẹ i.” Wẹ sị enwẹn wẹ nị “Defidi as'ẹka banhan ebeni.”
7
K'osilẹrị, Defidi nọ mẹri wẹ, weri Ugu Zayọnụ hụ a fụgbu enwẹn ọrụn ọbanye wẹ gi e che ẹhụ, hụn w'a kpọ nwan Obodo Defidi.
8
Defidi e kuọl'ẹ ụhụọhịn ahụn, sị, “Onyẹ chọ n'ọ maye ndị Jebusu sikọ d'a gharịrị ebẹhụ wẹ gu hụn mirin gha a banye obodo hụ, ọ banye d'a maye ndị ngụrọ lẹ ndị ẹnya-ishi hụ wụ ẹṅẹnrẹn Defidi.” Ihiẹnni haịn wẹ gi a sị, “Ndị ngụrọ lẹ ndị ẹnya-ishi abankọ Ụlọ Osolobuẹ hụ.”
9
Defidi nọ biri ebẹhụ jẹn elu fụ ọrụn ọbanye, kpọ a Obodo Defidi. Ọ nọ tụn ebe ile nọhunmẹn'ẹ ọhụnma — gha mkpọnyin rị ukun ẹ bidọn.
10
Defidi hụ e kẹnrẹn, e kẹnrẹnwaye, makẹni Osolobuẹ, Chuku ihiẹn ile rị okpuru ẹ nọyen'ẹ.
11
Hiram wụ eze Taya nọ bu ogwe osisi sida yesọnmẹ wẹ jẹnni Defidi — wẹ lẹ ndị a ma ụlọ lẹ ndị gi ọmụma e dọn ụlọ, wẹ nọ tụnnị Defidi obi-eze.
12
Defidi nọ marịn nị Osolobuẹ e yegụọ a Izrẹlụ ile kị lẹni o gigụọ ufiri ndị nke ẹ wụ Izrẹlụ bushi alị-eze ẹ elu.
13
Ogẹn Defidi gi ghagụ Hibrọnụ bịa Jerusalẹm, ọ nọzị nọ imẹ Jerusalẹm nwọnrinsọnmẹ mgba cheni, lụrụzị inyẹnmẹ cheni, mụzị ikẹnnyẹ lẹ ikpoho cheni ndị ọ mụ mbụ.
14
Ndịnị wụ ẹfan ụmụ ọ mụ imẹ Jerusalẹm: Shamụa, Shobabụ, Natanị, Solomọnụ,
15
Ib'ha, Ẹlishụa, Nẹfẹgi, Jafia,
16
Ẹlishama, Ẹliada lẹ Ẹlifẹlẹti.
17
Ogẹn ndị Filistia gi nụ nị e kingụọ wẹ Defidi eze Izrẹlụ, wẹ nọ kịrị ndị-agha wẹ ile d'a chọ a. Defidi a nụ a, ọ nọ banye ebẹhụ jẹn elu ọ nọ e che ẹhụ.
18
Ndị Filistia a pụhagụọ, werisọnmẹ ọnọdị agha imẹ Ọdanmgbugbu ndị Rẹfa;
19
Ya kẹ Defidi nọ jụ Osolobuẹ, “Nị m jẹn d'a lụsọn ndị Filistia ọgụn? N'i bu wẹ che m ẹka mẹri?” Osolobuẹ nọ sị a, “Jẹn; m k'e burịrị ndị Filistia che i ẹka mẹri.”
20
Defidi nọ shi Baalụ-Pẹrazim, nọ ebẹhụ mẹri wẹ. Ọ nọ sị, “Osolobuẹ e gigụọ ikẹn wapụha kẹ mirin dọn a wapụha d'e mẹshi ndị-iṅẹnrẹn m ikẹn.” Ya wẹ nọ kpọma ebẹhụ Baalụ-Pẹrazim hụn wụ “Di-nwọnni ẹnyi hụn e gi ikẹn a pụha.”
21
Ndị Filistia nọ gba mmọn ndị wẹ buhẹ agha tọ ebẹhụ, Defidi lẹ itu ẹ nọ kpọnrin mmọn ndị ahụn.
22
Omẹgụ, ndị Filistia nọ bịazị, werizi ọnọdị agha imẹ Ọdanmgbugbu ndị Rẹfa;
23
Defidi a jụma Osolobuẹ, ọ nọ sị a, “Aghalẹ ni wẹ ihun, ka ghahunmẹ ni, gha azụụn maye wẹ, nchetarị ihun ebẹhụ osisi basam ndị hụ rị.
24
Hụn i gihụ nụ nkiti-ụkụ elu osisi basam ndị ahụn, ụnụ e buli ozigbo, makẹni, ya wụnị Osolobuẹ e burugụọnị ụnụ ụzọ d'e gbu ndị-agha Filistia.”
25
Defidi nọ mẹ kẹ Osolobuẹ dọn gwa a, ọ nọ saẹka ghakwọrị Gẹba gbusọnmẹ ndị Filistia d'e ru Gẹza.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24