bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 11
Judges 11
Ika 2018 Bible
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
1
Jẹfta onyẹ alị Gilẹdị wụ odogun-agha, kanị nwa-ọwụ rọ, nnẹ wụ ịgbaraja. Ẹfan nẹdi ẹ wụ Gilẹdị.
2
Nwunyẹ Gilẹdị a mụzịghọn'a ikẹnnyẹ. E suepụha wẹ, wẹ nọ chụpụ Jẹfta, sị a, “Onwọnni ukuu nẹdi ẹnyi jẹnkọ d'e ru i ẹka, makẹni okpoho ọzọ mụ ị.”
3
Ya Jẹfta nọ gbapụnị umunẹ ẹ, jẹn d'e biri alị Tobu. Igunrun ndị ịkpata nọ bann'a, sọnhunmẹmẹ ẹ.
4
O tebe, hụn ndị Amọnụ gi nwan bịa d'a lụsọn ndị Izrẹlụ agha,
5
ndị-ichẹn Gilẹdị nọ shi alị Tobu d'e wẹhẹ Jẹfta.
6
E ru w'ẹ, wẹ nọ sị Jẹfta, “Bịa d'a kịma ẹnyi, nị ẹnyi hụn ụzọ lụsọn ndị Amọnụ ọgụn.”
7
Kanị, Jẹfta nọ sị ndị-ichẹn Gilẹdị, “Ẹlẹ ụnụ jụ m, chụpụ m iwe nẹdi m? Kị ụnụ bịanị nwan d'e kunrun m hụnnị ụnụ rị imẹ nsọngbu?”
8
Ndị-ichẹn Gilẹdị nọ sị Jẹfta, “K'osilẹrị, ẹnyi e kinhẹn nwan d'e kunrun i; sọn ẹnyi d'a lụsọn ndị Amọnụ agha, n'ị hụn ụzọ wụrụ onyẹ-isi ẹnyi, kị ndị ile bi imẹ Gilẹdị.”
9
Jẹfta nọ sị wẹ, “Ụnụ wekin m nwan d'a lụsọn ndị Amọnụ agha, nị Osolobuẹ e bu wẹ che m ẹka mẹri, nị m wụrụ onyẹ-isi ụnụ nke-esi?”
10
Ndị-ichẹn Gilẹdị nọ sị Jẹfta, “Osolobuẹ wụ ọshẹri ẹnyi; ẹnyi jẹnkọ d'e mẹrịrị ihiẹn i ku.”
11
Ya Jẹfta nọ sọnrin ndị-ichẹn Gilẹdị, ndị Gilẹdị nọ tumẹ ẹ onyẹ-isi wẹ lẹ onyẹ-ọkịkị wẹ. E ru wẹ imẹ Mizpa, Jẹfta nọ nọ ihun Osolobuẹ kudọnzi ihiẹn ile o ku.
12
Ya Jẹfta nọ zi ụkọ jẹnni eze Amọnụ, sị a, “Kị ẹnyi mẹ i, i gi bịa d'a maye alị ẹnyi ọgụn?”
13
Eze ndị Amọnụ nọ sị ndị hụ Jẹfta zihẹ, “Makẹni Izrẹlụ weri alị m ogẹn wẹ gi gha Ijiptu pụha, ghakwọrị Iyi Anọnụ d'e ru Jabọkụ, d'e rukwọrị Iyi-jọdanị. Yekin m'ẹ nwan kẹni udọn rị.”
14
Jẹfta nọ zikin ndị ụkọ jẹnni eze ndị Amọnụ,
15
sị a, “Jẹfta sị: onwọnni ogẹn Izrẹlụ gi weri alị Mụabụ mọbụ alị ndị Amọnụ.
16
Mba. Ogẹn wẹ gi gha Ijiptu pụha, Izrẹlụ nọ ghashi atụ pụha Ohimin-ufie, pụhazị Kadẹshi.
17
Izrẹlụ nọ han ụkọ jẹnni eze Ẹdọm, sị a, ‘Dodo, nị ẹnyi gha alị ị.’ Kanị eze Ẹdọm ekwerini. Izrẹlụ nọzị zi ozi ohu ahụn jẹnni eze Mụabụ, ya nwẹn ekwerikwọnị. Ya kẹ Izrẹlụ nọ nọdị Kadẹshi.
18
“O mẹgụ, wẹ nọ ghashi atụ, ghakpẹn alị Ẹdọm lẹ Mụabụ, ghasọnmẹ mkpẹnrẹn alị Mụabụ ẹbamịn ọwụwa-ẹnyanwụn, wẹ nọ ziẹntọ mkpẹnrẹn Iyi Anọnụ azụụn hụn ẹbọ; akụyeni wẹ alị ndị Mụabụ, makẹni Iyi Anọnụ wụ okẹn.
19
“Ya Izrẹlụ nọ zi ozi jẹnni Sihọnụ, eze Amọ, hụn rị obodo Hẹsh'bọnụ a kị, sị a, ‘Dodo, nị ẹnyi gha alị ị shi alị ẹnyi.’
20
Kanị obi eruni Sihọnụ alị n'ọ nị Izrẹlụ gha alị a. Sihọnụ nọ kpọnpụha ndị agha a ile, wẹ nọ shi Jahazị d'e weri ọnọdị agha, nọ ebẹhụ lụsọn Izrẹlụ agha.
21
“Ya kẹ Osolobuẹ wụ Chuku Izrẹlụ nọ we Sihọnụ lẹ ndị agha a ile ye Izrẹlụ mẹri, Izrẹlụ nọ mẹri wẹ. Izrẹlụ nọ weri alị ndị Amọ ile bi ebẹhụ,
22
gi agha werichanrịn a — gha iyi Anọnụ hụn rị ẹbamịn ndịdan-mirin d'e ru iyi Jabọkụ hụn rị ẹbamịn-ugu, ghazị atụ rị ibe ọwụwa-ẹnyanwụn d'e rukwọrị Iyi-jọdanị rị ibe ọdịdan-ẹnyanwụn.
23
“Osolobuẹ wụ Chuku ndị Izrẹlụ a chụpụgụọ ndị Amọ, we alị ye ndị nke ẹ wụ Izrẹlụ: n'ị narịn wẹ nwan ya?
24
Mmọn ụnụ wụ Kẹmọshi ye ụnụ ihiẹn, y'e wekọ a? Ẹrịra k'ọ rịzị: ihiẹn ọwụlẹ Osolobuẹ wụ Chuku ẹnyi ye ẹnyi, ẹnyi sikọ d'e weri.
25
Ịyụ kadẹ nwan Balakị nwa Zipọ eze Mụabụ ra? Egun a nịghọ a sọn ndị Izrẹlụ kpe ikpe ogẹn nke ẹ mọbụ lụsọn wẹ ọgụn?
26
“O zugụọ nwan ahụa ọgụn mmisẹn ndị Izrẹlụ bimẹ Hẹsh'bọnụ lẹ Arụa lẹ ụmụ alị ndị nọkunmẹn'ẹ lẹzi obodo ndị rịsọnmẹ mkpẹnrẹn iyi-Anọnụ! Kị haịn ụnụ gilẹni weri wẹ kete mgbe hụ ile?
27
Emẹni m i njọ; kanị ị rị e mẹ m njọ ebe ị bịa d'a maye m ọgụn. Osolobuẹ hụn wụ Ọka-ikpe, ya hannị nwan ndị Izrẹlụ lẹ ndị Amọnụ eṅẹn tannị!”
28
K'osilẹrị, eze Amọnụ egọnni ntịn ozi Jẹfta zijẹnn'ẹ.
29
Ya Mmọn Osolobuẹ nọ ban imẹ Jẹfta. Jẹfta nọ ghasọnmẹ Gilẹdị lẹ Manasẹ, ọ nọ ru Mizpa rị Gilẹdị. Ọ nọ gha ebẹhụ duru ndị agha a d'a maye ndị Amọnụ.
30
Jẹfta nọ kwe Osolobuẹ nkwa, sị, “Omẹni y'e ye m ndị Amọnụ mẹri,
31
ihiẹn ọwụlẹ gha ọnụmụzọ iwe m pụha d'e kunrun m m mẹrigụ ndị Amọnụ lụaha, sikọ d'a wụrụ nke Osolobuẹ, m jẹnkọ d'e gi ẹ chụn ẹjan w'a kpọ ọkụn.”
32
Jẹfta nọ fetu d'a maye ndị Amọnụ ọgụn, Osolobuẹ nọ we wẹ ye ẹ mẹri.
33
Ọ nọ tikpọchanrịn obodo ọgụn gha Arụa d'e ru ẹgbẹrẹ Miniti, d'e rukwọrị Ebẹlụ-Kẹramim. Ẹrịra kẹ Izrẹlụ dọn bu ndị Amọnụ che okpuru wẹ.
34
Ogẹn Jẹfta gi lụaha iwe ẹ rị Mizpa, e lee nwa a okpoho k'ọ pụha d'e kunrun ẹ, tẹnkọ egu, kụkọ ẹgede-chakachaka! Ịya sụọ k'ọ mụ. Okpoho ọzọ arịa; okẹnnyẹ arịa.
35
Ogẹn Jẹfta gi hụn a, Jẹfta nọ dọka ẹkwa ye enwẹn ẹ olu, yi, “Heuu, Nwa m! Y'e gbu ẹ m!! Y'e mẹ m gwọrị alị; y'e yegụọ m ụya ri! E kweọlẹ m Osolobuẹ nkwa m jẹnkọlẹni d'a sa ẹka kagbu.”
36
Ọ nọ sị a, “Baba, y'e kwegụọ Osolobuẹ nkwa, mẹ m nwan k'i dọn ku, hụnnị o mẹni Osolobuẹ e kingụọn'ị ọnụ ị ebe ndị iṅẹnrẹn i ndị Amọnụ rị.”
37
Ya ọ nọ sịzị nẹdi ẹ, “Ka mẹni m ihiẹn ohuni m jẹnkọ d'a rịọ ị, dodo: Ye m ifọn ẹbụọ nị m gi kpahunmẹ elu ugu, mmẹ lẹ ndị ọwụ m, gi ẹ kwan nị alụnị m di.”
38
Ọ nọ sị a, “Jẹnmẹ nwan.” Ọ nọ hapụ a n'ọ pụ ifọn ẹbụọ. Ya lẹ ịgbagba ya lẹ wẹ a wị nọ shi elu ugu d'a kwan n'ọ lụnị di.
39
Ifọn ẹbụọ ahụn e zugụ, ọ lụaha d'e kunrun nẹdi ẹ. Nẹdi ẹ nọ mẹ ẹ ihiẹn ahụn o kwe nkwa. Ọ marịn okẹnnyẹ. Ebeni kẹ ndị Izrẹlụ gha mẹmẹ ọdịnalịnị hụn
40
ịgbagba Izrẹlụ nọ a pụ akpọhịn ẹnọ d'a nyanhan nwa Jẹfta onyẹ Gilẹdị.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21