bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 2
Judges 2
Ika 2018 Bible
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
1
O ru, mmọn-ozi Osolobuẹ nọ gha Gil'galụ bịa Bokim, sị ndị Izrẹlụ, “Mmẹ gha alị Ijiptu wepụha ụnụ, du ụnụ ye alị hụ m kun enwẹn m kwe nkwa nị m k'e ye ndị nẹdi ụnụ kanị. M sị, ‘Onwọnni ogẹn m'e gi tikpọ nkwerigbama rị ẹgbata mmẹ lẹ ụnụ,
2
ụnụ nwẹn, nị ụnụ lẹ ndị alịnị ekwerigbamakọ, kama, nị ụnụ sikọ d'e tikpọchanrịn ukpo wẹ nọsọnmẹ a chụn ẹjan.’ Kanị, ụnụ emẹni nwan ihiẹn m gwa ụnụ mẹ. Kị ụnụ mẹni ihiẹn nọ ẹrịra?
3
M rị nwan a gwa ụnụ nị achụpụkọzịnị m ụnụ wẹ; wẹ jẹnkọ d'a wụrụ ogun ẹkụnkụn ụnụ, mmọn-lẹ-iyi wẹ e họnrin ni ụnụ ọnyan.”
4
Ogẹn mmọn-ozi Osolobuẹ hụ gi gwagụ ndị Izrẹlụ ile ihiẹn ndịnị, wẹ nọ kwan ezigbo ẹkwan.
5
Ya haịn wẹ gi kpọ ebẹhụ Bokim hụn wụ Ndị Ẹkwan. Wẹ nọ nọ ebẹhụ chụnyeni Osolobuẹ ẹjan.
6
Ogẹn Joshụa gi gbashịagụ ndị Izrẹlụ, wẹ nọ jẹn d'e weri alị hụ, ebọn-ebọn lẹ ebe wẹ keye wẹ.
7
Ndị Izrẹlụ fe Osolobuẹ ọrọgbọ hụ ile Joshụa gi rị ndụn, fe ẹ ọrọgbọ ahụn ile ndị-isi hụn họdụnị k'ọ nwụnhụngụ gi rị ndụn, ndị-isi hụn gi ẹnya hụn okẹn-ihiẹn ile Osolobuẹ rụnnị Izrẹlụ.
8
Ahụa iri kwasị ọgụn-isẹn kẹ odibo Osolobuẹ wụ Joshụa nwa Nọnụ rị k'ọ nwụn.
9
Wẹ nọ li ẹ ye alị wẹ ye ẹ imẹ Timnatị-Heresi hụn rị alị ugu Ifrem, ẹbamịn-ugu Ugu-Gaashị.
10
Ogẹn agbọ hụ ile gi nwụnchanrịgụ laburu ndị nẹdi wẹ, agbọ ọzọ nọ pụha hụn marịnlẹni kẹ Osolobuẹ kẹ ihiẹn ndị o mẹni ndị Izrẹlụ.
11
Ndị Izrẹlụ nọ mẹ ihiẹn rịlẹni mma ẹnya Osolobuẹ, fe mmọn Baalụ.
12
A la wẹ Osolobuẹ tọ, Chuku ndị nẹdi wẹ, hụn gha alị Ijiptu wepụha wẹ. Wẹ nọ femẹ mmọn-lẹ-iyi, mmọn-lẹ-iyi ndị nọkunmẹni wẹ e fe, gi ẹ kpasu Osolobuẹ iwe,
13
makẹni wẹ latọ a d'e femẹ Baalụ lẹ Ash'ta.
14
Osolobuẹ nọ gi ọnụma sọn ndị Izrẹlụ, we wẹ ye ẹka ndị ohin, wẹ hụ a maye wẹ, a narịn wẹ ihiẹn wẹ; o re wẹ ye ndị iṅẹnrẹn wẹ rị wẹ azụụn ile, asazịnị wẹ ẹka che wẹ ọgụn.
15
Ogẹn ọwụlẹ ndị Izrẹlụ jẹn d'a lụ agha, Osolobuẹ e bunụmanị wẹ, mẹ wẹ mẹri wẹ, nọkẹ kẹ Osolobuẹ dọn kun enwẹn ẹ n'o k'e mẹ wẹ. Wẹ nọ rị okẹn nsọngbu.
16
O ru, Osolobuẹ e wepụhanị wẹ ndị ndu k'a hannị wẹ eṅẹn, a gbapụha wẹ wẹ ẹka ndị rị a maye wẹ a narịn wẹ ihiẹn wẹ.
17
Kanị, ndị Izrẹlụ egọnkọ ndị ahụn hannị wẹ eṅẹn ntịn, makẹni e wezi wẹ enwẹn wẹ kwanị mmọn-lẹ-iyi rị nọkẹ ịgbaraja, a kụnị wẹ isi-alị. A latọkẹnrinkẹ wẹ ụzọ ndị nẹdi wẹ hụn dọnmẹ iwu Osolobuẹ gha; emẹni w'ẹ.
18
Ogẹn ọwụlẹ Osolobuẹ gi ye ndị Izrẹlụ onyẹ-ndu a hannị wẹ eṅẹn, o sikọ d'a nọyeni onyẹ-ndu hụ, zụọpụha wẹ ẹka ndị-iṅẹnrẹn wẹ onyẹ-ndu hụ e we nwụn, makẹni omikẹn wẹ e mẹ Osolobuẹ wẹ gha a sụn udẹn okpuru ndị rị e mẹshi wẹ ikẹn a bịangbuni wẹ.
19
Kanị onyẹ-ndu hụ nwụnhụn, ndị Izrẹlụ e bimẹzi obibi kadẹ nke ndị mbụ a rụ, sọnmẹ mmọn-lẹ-iyi, femẹ wẹ, kụmanị wẹ isi alị. Ekweni wẹ latọ eje-ihiẹn wẹ rị e mẹ lẹ isi-akwanran wẹ rị a gba.
20
Iwe Izrẹlụ nọ wẹ Osolobuẹ ọda-ọda, ọ nọ sị, “Makẹni ndịnị e tikpọlẹ Iwu m ye ndị nẹdi wẹ kanị lẹni egọnni wẹ m ntịn,
21
achụpụkọzịnị m wẹ alị ọwụlẹ imẹ ndị ahụn Joshụa chụpụlẹni n'o d'a nwụnhụn,
22
m k'e gi wẹ lele Izrẹlụ, nị m hụn kẹni wẹ gha ụzọ Osolobuẹ kẹ ndị nẹdi wẹ dọn gha a ra aghakọ w'a.”
23
Ya haịn Osolobuẹ gi hapụ alị ndị ahụn; ọ chụpụnị wẹ ozigbo-ozigbo, o weni wẹ che Joshụa ẹka chụpụchanrịn ozigbo.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21