bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 20
Judges 20
Ika 2018 Bible
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
1
Ya Izrẹlụ ile, gha Danị d'e ru Biẹshẹba lẹ ndị rị Gilẹdị nọ zu pụha, wẹ ile nọ zu ihun Osolobuẹ imẹ Mizpa.
2
Ndị-isi ebọn ile rị Izrẹlụ nọ wepụha enwẹn wẹ ebẹhụ ndị nke Osolobuẹ zu. Wẹ ile zu ebẹhụ rị ndị-agha nnụ-uku nnụ (400,000) bu ọpịa-agha.
3
Ndị Bẹnjamini nkẹ a nụgụọ nị ndị Izrẹlụ ibe wẹ e shigụọ Mizpa d'e weri ọnọdị agha. Imẹ Mizpa, ndị Izrẹlụ nọ chọma alị oku hụ, sị, “Gwa ẹnyi kẹ eje-ihiẹnni dọn mẹ.”
4
Ya kẹ onyẹ Livaị hụ, di okpoho wẹ gbu, nọ sị, “Mmẹ lẹ mgba m bịa Gibia rị Bẹnjamini kẹni ẹnyi ranhịn nị eki fọn.
5
O ru imẹ abalị, ikẹnnyẹ Gibia nọ chọha m, kehunmẹ ụlọ hụ, a chọ nị wẹ gbu m. Wẹ nọ weri mgba m, mẹ mgba a, nkewụnị ọ nwụnhụn.
6
M nọ nwan buru mgba m, bekika a, we ụzọ ohu-ohu zijẹnni azụụn ile rị alị Izrẹlụ, makẹni imẹ Izrẹlụ kẹ wẹ nọ mẹ eje-ihiẹnni lẹ ihiẹn-ifẹnrẹnni.
7
Ụnụ ndị Izrẹlụ ile, lee n'ẹ nwan; kị ụnụ ku?”
8
Ya wẹ ile nọ lihichanrịn ọtọ nọkẹ sị e kutọgụọ w'a, sị, “Onwọnni onyẹ lakọnị imẹ ẹnyi. Kaka! Onwọnni onyẹ lakọ iwe ẹ.
9
Lee ihiẹn ẹnyi jẹnkọ nwan d'e mẹ Gibia: ẹnyi sikọ d'a nyan utẹn Osolobuẹ, gi ihiẹn o ku jẹn d'a maye wẹ.
10
Ẹnyi jẹnkọ d'e werisọnmẹ mmadụ iri imẹ madụ ọgụn isẹn ọwụlẹ rị alị Izrẹlụ, madụ ọgụn-isẹn imẹ mmadụ nnụ-uku, mmadụ nnụ-uku imẹ mmadụ nnụ-uku iri, nị wẹ e ye ndị-agha ihiẹn rị wẹ mkpa. Ogẹn ahụn, ndị agha ru Gibia rị Bẹnjamini, a hụn wẹ ụzọ mẹ wẹ ihiẹn furu arụnị ile wẹ mẹ imẹ Izrẹlụ.”
11
Ya ikẹnnyẹ Izrẹlụ ile nọ kịgbama d'a lụsọn obodo Gibia ọgụn.
12
Ebọn Izrẹlụ ile nọ zigụ ozi ghagbarị ebọn Bẹnjamini, a sị, “Kị wụ eje-ihiẹnni wẹ mẹ imẹ igunrun ọnụ?
13
Wepụha nị nwan eje ikẹnnyẹ ndị ahụn rị imẹ Gibia nị ẹnyi gbu wẹ, gi wepụ eje-ihiẹnni imẹ Izrẹlụ.” Kanị ndị Bẹnjamini egọnni ndị Izrẹlụ ibe wẹ ntịn.
14
Wẹ nọdẹ ghasọnmẹ obodo wẹ rị ichẹn-ichẹn bịa Gibia d'a lụsọn ndị Izrẹlụ ibe wẹ agha.
15
Uwẹ ndị Bẹnjamini nọ gha obodo wẹ rị ichẹn-ichẹn kịpụha madụ nnụ-uku isin-kwasị-ọgụn (26,000) gi ọpịa-agha a lụ agha, cheni ndị-agha ọgụn-mmisẹn kwasị nnụ wẹ gha imẹ Gibia ebẹhụ họrị.
16
Imẹ ndị agha hụ ile, mmadụ ọgụn-mmisẹn kwasị nnụ (700) wụ ndị ẹka-ekpẹn ma lụ agha: onyẹ-onyẹ imẹ wẹ a saẹka e gi araba a gba ẹṅẹnrẹn — w'a ra gba ufie!
17
Izrẹlụ ile nkẹ kị madụ nnụ-uku nnụ (400,000) hụ gi ọpịa-agha. Ndị ebọn Bẹnjamini arị imẹ ndịnị. Wẹ ile wụ ndị-agha.
18
Ya ndị Izrẹlụ nọ shi obodo Bẹtẹlụ d'a nụ ọnụ Osolobuẹ. Wẹ sị a, “Elee ebọn imẹ ẹnyi nwọn buzọ jẹn d'a lụsọn ndị Bẹnjamini agha?” Osolobuẹ nọ sị, “Juda k'e bu ụzọ jẹn.”
19
Eki e fọn ụtụntụn, ndị Izrẹlụ nọ buli, shi ẹhụ Gibia d'a nọdị.
20
Ndị-agha Izrẹlụ nọ gha ebe wẹ ziẹntọ pụha d'a lụsọn ndị Bẹnjamini agha, werisọnmẹ ọnọdị agha ẹhụ Gibia ebẹhụ.
21
Ndị Bẹnjamini nọ gha imẹ Gibia pụha, gbu ndị Izrẹlụ nnụ-uku ẹbụọ-kwasị-ọgụn (22,000) imẹ agha ụhụọhịn ahụn.
22
Kanị ndị-agha Izrẹlụ nọ kasịtarị enwẹn wẹ obi, werisọnmẹzi ọnọdị ebe wẹ nọdị ụhụọhịn ibuzọ.
23
Ndị Izrẹlụ nọ jẹn d'a kwanghọsị Osolobuẹ d'e ru ẹnyasị. Wẹ nọ jụma Osolobuẹ, sị, “Nị ẹnyi jẹnzi d'a lụsọn ndị Bẹnjamini umunẹ ẹnyi ọgụn?” Osolobuẹ nọ sị wẹ, “Jẹn ni d'a lụsọn wẹ.”
24
Hụn m'ẹ akpọhịn ẹbụọ, ndị Izrẹlụ nọ pụhazị d'a lụ ndị Bẹnjamini ọgụn.
25
Ogẹnni, kẹ ndị Bẹnjamini gha Gibia pụha d'a lụsọnzi wẹ, wẹ nọ gbuzi ndị Izrẹlụ nnụ-uku mmẹsatọ (18,000), ma gi ọpịa-agha lụ agha.
26
Ya ndị Izrẹlụ nọ shi Bẹtẹlụ, wẹ ile. Wẹ nọ gwọrị alị ebẹhụ ihun Osolobuẹ, a kwan ẹkwan; e bu wẹ ọnụ ụhụọhịn ahụn d'e ru ẹnyasị; a chụnyeni wẹ Osolobuẹ ẹjan: kẹ ndị wẹ dụn ọkụn kẹ ẹjan-ekele.
27
Ya ndị Izrẹlụ nọ jụ Osolobuẹ uche ẹ, makẹni Ẹkpẹti-nsọ Osolobuẹ rị Bẹtẹlụ ebẹhụ;
28
Onyẹ-isi nchụn-ẹjan hụn rị ọrụn ebe Ẹkpẹti hụ rị e lepụ ọrụn Osolobuẹ ẹnya wụ Finẹhasị nwa Ẹliẹza nwa Ẹrọnụ. Ndị Izrẹlụ nọ sị, “Nị ẹnyi jẹnzi d'a lụsọn umunẹ ẹnyi ndị Bẹnjamini agha ra nị ẹnyi gharị?” Osolobuẹ nọ sị wẹ, “Jẹn ni; makẹni ekile kẹ m'e bu wẹ che ọnụ ẹka mẹri.”
29
Ya ndị Izrẹlụ nọ kebe ndị-agha wẹ, bu ụfọdụ ndị-agha zuemẹ ọfịa ẹhụ Gibia.
30
Nke akpọhịn ẹtọ rịn'a, wẹ nọ jẹn d'a lụsọn ndị Bẹnjamini ọgụn, e werisọnmẹ wẹ ọnọdị agha kẹ w'e mẹ mbụ nị wẹ mẹ Gibia ihiẹn.
31
Ndị Bẹnjamini nọ pụha d'a lụsọn wẹ, e gi w'ẹ dọpụha ndị Bẹnjamini. Ndị Bẹnjamini nọ gbumẹzi ndị Izrẹlụ kẹ wẹ dọn gbu wẹ mbụ, ọ kẹrẹgụọ wẹ gbu mmadụ iri kwasị ọgụn tọ imẹ ogige lẹ ụzọ — ụzọ shi Bẹtẹlụ lẹ hụn wẹ gha a bịa Gibia.
32
Ndị Bẹnjamini hụ a sị, “Ẹnyi hụ e mẹri wẹ kẹ ẹnyi dọn mẹri wẹ mbụ”; ndị Izrẹlụ nkẹ hụ a sị, “Nị ẹnyi gbakinmẹ ni azụụn, nị wẹ gha imẹ obodo pụha ọkpụzọ.”
33
Ndị agha Izrẹlụ ile nọ gha ọnọdị wẹ gbakin azụụn, d'e werizi ọnọdị imẹ Baalụ-Tama. Kanị, ndị Izrẹlụ hụ warịnị nọ gha ebẹhụ wẹ warị ẹbamịn ọdịdan-ẹnyanwụn Gibia zụnpụha —
34
a maye wẹ obodo Gibia ọgụn, ndị Izrẹlụ nnụ-uku iri (10,000) ka ibe wẹ ile ọgụn a lụ. Ọgụn e kẹnrẹn ọda-ọda. Ndị Bẹnjamini amarịn nị eje-ihiẹn e d'e kunrun wẹ.
35
Osolobuẹ nọ mẹrini ndị Izrẹlụ ndị Bẹnjamini; ndị Bẹnjamini ndị Izrẹlụ gbu wụ ndị-agha ọgụn-isẹn kwasị nnụ-uku isẹn-kwasị-ọgụn (25,100) hụn bu ọpịa-agha.
36
Ọ nọ we ndị Bẹnjamini ẹnya nị wẹ e mẹrigụọ wẹ. Ndị-agha Izrẹlụ gbanị ndị Bẹnjamini ọsọ makẹni wẹ gi ndị wẹ butọ ọfịa mkpẹnrẹn Gibia dọn ẹnya.
37
Uwẹ zụnban Gibia idẹnmizi, keshishịa, gi ọpịa-agha mẹ obodo hụ ile ihiẹn.
38
Ndị Izrẹlụ hụn warịlẹni lẹ ndị te warịnị e kutọgụọ a nị, wẹ banye obodo hụ, a mụye wẹ ọkụn, kẹni okẹn ẹnwụnrụn hụn ụzọ a lọshi elu,
39
ogẹn ahụn, ndị Izrẹlụ gbakọnị e hutọ lụma ọgụn. Ndị Bẹnjamini e gbumẹọlẹ ndị Izrẹlụ ogẹn hụ, gbupụ ihiẹn nọkẹ mmadụ iri kwasị ọgụn, a sị enwẹn wẹ, “Ẹnyi hụ e mẹri wẹ kẹ ẹnyi dọn mẹri wẹ agha ibuzọ.”
40
Mgbe ẹnwụnrụn gi nwan ghama obodo hụ lọshimẹ elu, ndị Bẹnjamini e gbehutọ, hụn ẹnwụnrụn rị a gha obodo hụ ile a lọshi igwere.
41
Ndị Izrẹlụ nkẹ nọ gbehutọ, maye wẹ; egun nọ nwụn ndị Bẹnjamini, makẹni a hụngụọ w'a nị ntikpọ e kunrungụọ wẹ.
42
Ya kẹ ndị Bẹnjamini nọ gbanị Izrẹlụ ọsọ, dọn ihun atụ. Kanị, asanị wẹ ẹka nahịn agha hụ, makẹni ndị Izrẹlụ wẹ rị a gbaghafe obodo wẹ hụ e gbu wẹ a tọ ebẹhụ.
43
E kehunmẹ wẹ ndị Bẹnjamini, chụ wẹ, gbusọnmẹ wẹ d'e ruzi ebe wẹ gbashi ẹbamịn ọwụwa ẹnyanwụn Gibia.
44
Ndị Bẹnjamini nnụ-uku mmẹsatọ (18,000) kẹ wẹ gbu, wẹ ile wụchanrịn ndị ma lụ agha.
45
Imẹ ndị hụn gba ọsọ dọn ihun atụ, gbashikọ ebe ọmụma Rimọnụ rị, ndị Izrẹlụ nọ gbu nnụ-uku isẹn (5,000) tọ ụzọ; a chụsọnmẹ wẹ ndị họdụnị d'e rukwọrị Gidọm, gbuzi nnụ-uku ẹbụọ (2,000).
46
Ndị Bẹnjamini wẹ gbu ụhụọhịn hụ rị nnụ-uku isẹn-kwasị-ọgụn (25,000), wẹ ile wụ ndị ma lụ agha.
47
Kanị, mmadụ ọgụn-iri kwasị nnụ a saghọ ẹka gbashi atụ d'a nọdị ọmụma Rimọnụ. Wẹ nọ ifọn ẹnọ ebahụn.
48
Ndị Izrẹlụ nkẹ nọ la wẹ tọ, kin azụụn shizi Bẹnjamini wẹ gha chụma wẹ, gi ọpịa-agha gbuchanrịn kẹ ịhịan kẹ anụ — ihiẹn ile wẹ hụn imẹ wẹ, yizi obodo ile wẹ ru ọkụn.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21