bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 13
Judges 13
Ika 2018 Bible
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
Ndị Izrẹlụ mẹzi ihiẹn rịlẹni mma ẹnya Osolobuẹ, ya kẹ Osolobuẹ nọ we wẹ ye ndị Filistia kịgbu ọrọgbọ ahụa ọgụn ẹbụọ.
2
O nwọn okẹnnyẹ ohu w'a kpọ Manụa, onyẹ alị Zora, onyẹ ebọn Danị. Nwunyẹ ẹ wụ agan, ọ mụnị nwa.
3
Mmọn-ozi Osolobuẹ nọ pụha d'e kunrun okpoho hụ, sị a, “Ị wụ agan, y'a mụnị nwa; kanị i jẹnkọ d'a tụ imẹ, mụ okẹnnyẹ.
4
Kpachanpụkwọ ẹnya! Arakwọlẹ manya ọwụlẹ: kẹ manya a tụnị kẹ hụn ghalẹni a tụ; erilẹ ihiẹn ọwụlẹ Iwu sị w'e rilẹ;
5
i sikọ d'a tụ imẹ, mụ okẹnnyẹ. Akọkọ w'a ntutu, makẹni nwata hụ k'a gha ebe wẹ nọ mụ a wụrụ nazịraịtị wẹ gi kwanị Osolobuẹ ọkwụkwa pụ-ichẹn. Ịya sikọ d'e bidọn mgbapụha Izrẹlụ ẹka ndị Filistia.”
6
Ya okpoho hụ nọ jẹn d'a gwa di ẹ, sị, “Okẹnnyẹ ohu Chuku zihẹ bịa d'e kunrun m! Ọ nọ kẹ mmọn-ozi Chuku! Ọ tụka m egun. Ajụnị m'a ebe ọ gha bịa; ọ gwanị m ẹfan a.
7
Kanị, ọ sị m, ‘Lee ẹ, i jẹnkọ d'a tụ imẹ, mụ okẹnnyẹ. Aralẹ nwan manya ọwụlẹ: kẹ manya a tụnị kẹ hụn ghalẹni a tụ; erilẹ ihiẹn ọwụlẹ Iwu sị w'e rilẹ. Makẹni, nwata hụ sikọ d'a gha ebe wẹ nọ mụ a wụrụ nazịraịtị wẹ gi kwanị Osolobuẹ ọkwụkwa pụ-ichẹn o we nwụn.’ ”
8
Manụa nọ mẹ ekpere rịọ Osolobuẹ, sị, “Osolobuẹ, dodo, mẹ okẹnnyẹ hụ i zihẹ nọ bịazị d'e kunrun ẹnyi, kẹni ọ zin ẹnyi kẹ ẹnyi e dọn zụn nwata hụ wẹ sikọ d'a mụ.”
9
Chuku nọ za Manụa ekpere, mmọn-ozi Chuku nọ bịazị d'e kunrun okpoho hụ ebe ọ rị imẹ ugbo, kanị di ẹ wụ Manụa arị ebẹhụ ogẹn hụ.
10
Okpoho hụ nọ gbajẹn ozigbo d'a sị di ẹ, “Ọ bịa-o! Okẹnnyẹ hụ pụha d'e kunrun m ụhụọhịn nẹi a bịazịọlẹ!”
11
Ya Manụa nọ lihi, sọnmẹ nwunyẹ ẹ. Ogẹn o gi kunrun okẹnnyẹ hụ, ọ nọ sị a, “Ịyụ wụ okẹnnyẹ ahụn gwa okpohoni oku?” Ọ nọ sị, “Ẹghẹẹ.”
12
Manụa nọ sị, “Ihiẹn i ku mẹgụ, nanị kẹ nwata hụ a dọn bi; k'o k'a rụn?”
13
Mmọn-ozi Osolobuẹ nọ sị Manụa, “Nwunyẹ i ya mẹchanrịn ihiẹn ile m sị a mẹ.
14
Y'e rilẹ ihiẹn ọwụlẹ gha osisi vaịnị pụha; y'a ralẹ manya ọwụlẹ — kẹ hụn a tụnị kẹ hụn ghalẹni a tụ; y'e rikwọlẹ ihiẹn ọwụlẹ Iwu sị w'e rilẹ. Nwunyẹ i ya mẹ ihiẹn ile m sị a mẹ.”
15
Manụa nọ sị mmọn-ozi Osolobuẹ, “Dodo, nị ẹnyi gbu i ogẹn ẹkẹrẹ, nị ẹnyi gi ẹ shin'i nwa-ewu.”
16
Mmọn-ozi Osolobuẹ nọ sị Manụa, “Ọsụọn'a y'a anịnị m la, ẹlẹ m k'e ri ihiẹn-oriri i ọwụlẹ. Kanị, omẹni i sikọ d'a chụn ẹjan w'a dụn ọkụn, chụn a nwan yeni Osolobuẹ.” Manụa amarịn nị mmọn-ozi Osolobuẹ rọ.
17
Manụa nọ sị a, “Kị wụ nwan ẹfan ị, kẹni ẹnyi kpanmịn ị ogẹn ihiẹn i ku e gi mẹ.”
18
Mmọn-ozi Osolobuẹ nọ sị a, “K'ị rị a jụnị m ẹfan m? Ẹfan m ẹlẹ hụn w'a ghọta.”
19
Manụa e weri nwa-ewu lẹ oyiye-ọka, gi wẹ chụnyeni Osolobuẹ ẹjan elu ọmụma. Ya kẹ Osolobuẹ nọ mẹ ihiẹn a tụ ẹnya, ebahụn Manụa lẹ nwunyẹ rị e lee ẹjan hụ wẹ chụnye:
20
hụn ọkụn hụ gihụ gha ukpo nchụn-ẹjan hụ nwunshi elu-igwee, mmọn-ozi Osolobuẹ nọ banye ire-ọkụn hụ, la. Manụa lẹ nwunyẹ ẹ a hụn ihiẹnni, a tụha wẹ enwẹn wẹ, bu ihun kpumẹ alị.
21
Mmọn-ozi Osolobuẹ hụ apụhazịnị d'e kunrun Manụa lẹ nwunyẹ ẹ, ya Manụa nọ ghọta nị mmọn-ozi Osolobuẹ rọ.
22
Manụa nọ sị nwunyẹ ẹ, “Ẹnyi sikọ d'a nwụn tan, makẹni ẹnyi a hụnọlẹ Chuku!”
23
Kanị, nwunyẹ ẹ nọ sị a, “Omẹni Osolobuẹ chọ n'o gbu ẹnyi, o ke narịn ẹnyi ẹjan ẹnyi gi ọkụn ye ẹ lẹ oyiye-ọka ẹnyi ye ẹ; o ke ghọsị ẹnyi ihiẹn ndịnị mọbụ gwa ẹnyi ihiẹnni ọ gwa ẹnyi.”
24
Nwunyẹ Manụa nọ mụ okẹnnyẹ, gụn a Samsịn. Nwata hụ e suepụha, Osolobuẹ nọ gọzi ẹ,
25
Mmọn Osolobuẹ nọ gi ẹ rụnma ọrụn ebe ọ rị Mahanẹ-Danị, hụn rị ẹgbata Zora lẹ Ẹsh'tawolu.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21