bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 16
Judges 16
Ika 2018 Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
Samsịn jẹn Gaza, ọ nọ hụn ịgbaraja ohu ebẹhụ. Ọ nọ sọn ịgbaraja hụ ranhịn.
2
Wẹ nọ sị ndị Gaza, “Samsịn rị ebeni!” Ya wẹ nọ kehunmẹ ebẹhụ, che ẹ ọnụ-mgbọn obodo hụ uhinhin hụ ile. A gba wẹ nkịtịn uhinhin hụ, makẹni wẹ hụ a sị, “Eki fọnhụ, ẹnyi e gbu ẹ.”
3
Kanị odinẹ abalị sụọ kẹ Samsịn nọru ebẹhụ. Ya ọ nọ lihi ọtọ, ọ pụha ọnụ-mgbọn obodo hụ, ọ nọ tụ ẹka ye ẹkwe ẹbụọ rị ọnụ-mgbọn hụ, wẹ lẹ ogwe osisi ẹbụọ wẹ gi zumẹ ẹ, hueri wẹ lẹ ihiẹn wẹ gi fidọn ẹ; o bu wẹ che uvun, bu wẹ shi elu ugu bu ihun zinmẹ Hibrọnụ.
4
O mẹgụ, Samsịn lẹ okpoho w'a kpọ Dilaịla hụn bi Sorẹkị rị Ọdanmgbugbu nọ sụọma.
5
Ndị-ọkịkị Filistia nọ jẹnburu Dilaịla, sị a, “Lele kẹ n'i s'ẹka rẹrẹ a, n'ọ ghọsị ị k'o dọn nwọn okẹn ndụnnị lẹ kẹ ẹnyi e dọn saẹka karị a ẹka, kẹnmẹ ẹ, mẹ ẹ rọ. Onyẹ-onyẹ imẹ ẹnyi k'e ye i akpụrụ siliva ọgụn-isẹn kwasị nnụ-uku (1,100).”
6
Ya Dilaịla nọ sị Samsịn, “Dodo gwa m kẹ i dọn nwọn okẹn ndụnnị lẹ kẹ w'a dọn kẹnmẹ i, mẹ i rọ.”
7
Samsịn nọ sị a, “Wẹ gi eriri oyiyi ẹsa wẹ gi e kwọn ụta hụn wẹ kelẹni kikọ kẹnmẹ m, akakọzị m ndị ọzọ ndụn e nwọn.”
8
Ya ndị-ọkịkị Filistia nọ wẹhẹni Dilaịla ụdọ ọhụn ẹsa kelẹni kọ, Dilaịla nọ gi wẹ kẹn ẹ.
9
Ikẹnnyẹ wẹ zi warịhụ mmughẹ hụ; Dilaịla nọ sị a, “Samsịn, ndị Filistia e rugụọ ị ẹhụ!” Samsịn nọ tibepụ eriri ụta ndị hụ nọkẹ ebe oruru-flasị nọ nọkunmẹ ọkụn. Ya wụ, amarịnnị wẹ nwan k'o dọn nwọn okẹn ndụn o nwọn.
10
Ya Dilaịla nọ sị Samsịn, “Lee ẹ nwan nị y'a faọlẹ m; y'a tụọlẹ m ntụ. Bịa nwan, gwa m kẹ w'a dọn kẹn i.”
11
Samsịn nọ sị, “Wẹ gi ụdọ oyiyi wẹ gilẹni kẹntu ihiẹn kẹnkẹnmẹ m, akakọzị m ndị ọzọ ndụn e nwọn.”
12
Ya Dilaịla nọ weri ụdọ oyiyi, gi wẹ kẹn ẹ. Ikẹnnyẹ hụ warị imẹ mmughẹ hụ e che e. Dilaịla nọ hị Samsịn, “Samsịn, ndị Filistia e rugụọ ị ẹhụ!” Samsịn nọ tibepụ ụdọ ndị hụ rị a ẹka nọkẹ sị oruru mmaka kẹ wẹ wụ.
13
Ya Dilaịla nọ sị Samsịn, “Ị hụkwọ nwan e dufie m, a tụ m ntụ. Gwa m kẹ w'a dọn saẹka kẹn i.” Samsịn nọ sị a, “Ị we ukun ntutu ẹsa rị m isi tụgbama ya lẹ oruru ẹkwa wẹ n'a kpa ye osisi we gi a kpa ẹkwa, gi ihiẹn wẹ gi a kpọdọn ẹ kpọdọnkẹnmẹ ẹ, akakọzị m ndị ọzọ ndụn e nwọn.” Ebe ọ rị ụran, Dilaịla nọ nwan seri ukun ntutu ẹsa ndị ahụn rị a isi, tụgbama wẹ lẹ ukun oruru hụn rị osisi ahụn nyịngbu enwẹn ẹ wẹ gi a kpa ẹkwa,
14
gi ihiẹn wẹ gi a kpọdọn ẹ kpọdọnkẹnmẹ ẹ. Ọ nọzị hị a, “Samsịn, ndị Filistia e rugụọ ị ẹhụ!” Ọ nọ gha ụran tẹnhin, hueri kẹ ihiẹn o gi kpọdọn ẹ kẹ osisi ahụn nyịngbu enwẹn ẹ, wẹ lẹ ukun oruru hụ.
15
Ọ nọ sị Samsịn, “Nanị kẹ y'a sị, ‘Ihiẹn i sụọ m,’ bụ y'a shịapụkọnị m ẹfọ? Ọnwan mẹ mgbe ẹtọ ị fa m, y'a gwanị m k'i dọn nwọn okẹn ndụn ẹnịna.”
16
Ọ hụ a rịanị Samsịn ụhụọhịn-ụhụọhịn, ndụn a gụ Samsịn, gụchanrịn a.
17
Ya Samsịn nọ gwachanrịn a ihiẹn ile, sị a, “Ẹbeke isi a hụatuni m isi, makẹni, kete wẹ mụlẹ m, Nazaraịtị kẹ m wụ, onyẹ wẹ wechanrịn kwanị Chuku. Wẹ kọ m isi ndụn m a la, akakọzị m ndị ọzọ ndụn e nwọn.”
18
Mgbe Dilaịla gi hụn a n'ọ gwachanrịngụọ a ihiẹn ile, ọ nọ zi ozi jẹnni ndị-isi Filistia, sị, “Kinhẹnzi ni mgbe ohuni; ọ gwachanrịngụọ m ihiẹn ile.” Ndị-ọkịkị Filistia nọ kinhẹn, wẹ gihụ siliva hụ wẹ sikọ a kụ Dilaịla.
19
Dilaịla e mẹgụ Samsịn ranhịntọ a ọgbọdọgbọ, ọ nọ kpọ okẹnnyẹ ohu d'a kọpụ a ukun ntutu ẹsa hụ rị a isi, gi ẹ mẹ ẹ rọma. Ndụn a nọ la.
20
Ya ọ nọ hị a, “Samsịn, ndị Filistia e rugụọ ị ẹhụ!” O tẹnhin ụran, e ro, “M k'a pụ kẹ m'a pụ mbụ, mẹhunmẹ, a nahịn m.” Ọ marịnnị Osolobuẹ a lagụọ a tọ.
21
Ndị-ọkịkị Filistia nọ kwọndọn ẹ, gụpụ a akpẹnya ẹbụbụọ, w'ẹ la Gaza. Gi ẹgan igwe-bronzu kpọma a, bu ẹ tọ n'ọ hụn ụzọ a kwọnị wẹ ihiẹn imẹ ngan.
22
Kanị ntutu ẹ wẹ kọ nọ rukinmẹzi.
23
Omẹgụ, ndị-isi Filistia nọ zu nị wẹ d'a chụnyeni mmọn wẹ wụ Dagọnụ ẹjan hi ogbe lẹni wẹ ri oriri makẹni wẹ rị a sị, “Mmọn ẹnyi e wegụọ eṅẹnrẹn ẹnyi wụ Samsịn ye ẹnyi mẹri.”
24
Ogẹn wẹ gi hụn Samsịn, wẹ nọ ja mmọn wẹ mma, sị, “Mmọn ẹnyi e wegụọ eṅẹnrẹn ẹnyi che ẹnyi ẹka mẹri, onyẹ nwẹn la alị ẹnyi iwi, gbu ndị nke ẹnyi bu ọda.”
25
Ebe manya rị a tụ wẹ, wẹ nọ yi, “Wepụhanị nị ẹnyi Samsịn nị ẹnyi gi ẹ mụ ẹmụ.” Ya wẹ nọ kpọpụha Samsịn ụlọ-ngan, wẹ nọ gi ẹ mụ ẹmụ. E mẹ wẹ ẹ wuzo ẹgbata adansụn gi ụlọ-mmọn hụ.
26
Ọ nọ sị okorọbịa kwọndọn ẹka a e duhunmẹ ẹ, “We ẹka m che adansụn ndị gi ụlọnị, nị m hụn ụzọ danbemẹ wẹ.”
27
Ikẹnnyẹ lẹ ikpoho jun ụlọ-mmọn hụ ogẹn hụ; ndị-ọkịkị Filistia ile rịzị ebẹhụ: ihiẹn rịkẹ ikẹnnyẹ lẹ ikpoho nnụ-uku ẹtọ hụzị ibe elu, e lee Samsịn wẹ rị e gi a mụ ẹmụ.
28
Ya Samsịn nọ kpọku Osolobuẹ, sị, “Osolobuẹ ihiẹn ile rị okpuru ẹ, dodo nyanhan m! Chuku dodo, yezi m ndụn mgbe ohuni sụọ, nị m gi ube-ohu mẹgwarị ndị Filistia ẹnya m ẹbụbụọ wẹ gụpụ!”
29
Ọ nọ kị ẹka bimẹ adansụn ẹbụọ rị etintin, hụn buchanrịn ụlọ hụ, numẹ, ẹka-nni ẹ rị ohu, ẹka-ekpẹn ẹ rị hụn ẹbọ.
30
Ọ nọ sị, “Nị m sọn ndị Filistia nwụn!” Ọ nọ gi ndụn a ile nu adansụn ẹbụbụọ hụ, ụlọ hụ nọ ziẹnkpumẹ ndị-ọkịkị lẹ ndị hụ ile rị imẹ ẹ. Ndị Samsịn gbu nwan ebe ọ nọ nwụn nọ karị ndị o gbu k'ọ rị ndụn.
31
Mmunẹ ẹ ikẹnnyẹ lẹ ndị ile rị iwe nẹdi ẹ nọ jẹn d'e bulụa a; e bulụa w'a, wẹ nọ li ẹ ye ẹgbata Zora lẹ Ẹsh'tawolu, imẹ ili nẹdi ẹ wụ Manụa. Ahụa ọgụn k'o du Izrẹlụ.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21