bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 18
Judges 18
Ika 2018 Bible
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
Ndị Izrẹlụ enwọn eze ogẹn ahụn. Ogẹn ahụn, ndị ebọn Danị chọkọ ebe w'a kpọ nke wẹ hụn wẹ k'e biri, makẹni hụn wẹ keye wẹ imẹ ebọn ndị rị Izrẹlụ eke ban wẹ ẹka.
2
Ya wẹ nọ gha Zora lẹ Ẹsh'tawolu zipụ odogun-agha isẹn d'e gi nzuzue lele kẹ alị hụ nọ, wẹ lelehunmẹ ẹ. Ndị hụ wẹ zijẹn nọkin ẹnya ikpụlọ ile rị ebọn Danị. Wẹ nọ sị wẹ, “Jẹn ni d'e lehunmẹchanrịn alịnị.” Ikẹnnyẹ hụ a pụha alị ugu Ifrem, wẹ nọ kụye iwe Maịka d'a ranhịn ebẹhụ nị eki fọn.
3
Ogẹn wẹ gi nọkunmẹ iwe Maịka, wẹ nọ marịn olu okorọbịa Livaị hụ rị iwe ẹ; ya wẹ nọ banye ebẹhụ, jụma a, “Onyẹ wẹhẹ i ebeni? K'ị rị e mẹ ebeni? Kị haịn i gi rị ebeni?”
4
Ọ nọ gwa wẹ ihiẹn Maịka mẹn'ẹ. Ọ sị, “O we m ọrụn, mmẹ wụ ohẹn ẹ.”
5
Wẹ nọ sị a, “Dodo, jụnị ẹnyi Chuku kẹ ni ijẹnni ẹnyi jẹnkọ bọ ẹnyi.”
6
Ya ohẹn Maịka hụ nọ sị wẹ, “Ijẹn ẹwẹrẹ ni; Osolobuẹ a kwadọngụọ ijẹn ụnụ jẹnkọ.”
7
Ikẹnnyẹ isẹn ahụn nọ jẹnmẹ. A pụha wẹ alị Laishi, wẹ nọ hụn nị ẹhụ fu ndị rị ebẹhụ, wẹ bihụ kẹ ndị Sidọnụ: enwọn wẹ nsọngbu, onwọnni ihiẹn wẹ rị e ro. Onwọnni alị rị e ye wẹ mmakp'ẹhụ, ndị Sidọnụ ka wẹ nsue a rị rị ebe teni; onwọnzikwọnị alị wẹ lẹ wẹ rị e mẹgbama.
8
Ikẹnnyẹ hụ jẹn d'a chọ alị a lụaburu umunẹ wẹ alị Zora lẹ Ẹsh'tawolu, umunẹ wẹ nọ jụma wẹ, “Nanị ụnụ jẹn?”
9
Wẹ nọ sị wẹ, “Pụha nị, nị ẹnyi d'a maye wẹ! Ẹnyi a hụnọl'a nị alị hụ a rịka mma. Kị ụnụ rịzị nwan e che? Emẹzilẹ ni ẹlẹẹ, d'e weri ni alị hụ.
10
Ụnụ ruhụ ebẹhụ, ụnụ jẹnkọ d'a hụn ndị nwọnlẹni ihiẹn wẹ rị e ro lẹ alị shịagbu enwẹn ẹ. Osolobuẹ e yegụọ ụnụ ya — alị nwọnlẹni ihiẹn rị a kọn'a.”
11
Ikẹnnyẹ ebọn Danị ọgụn-iri kwasị nnụ nọ kwademẹ agha, gha Zora lẹ Ẹsh'tawolu buli.
12
E ru wẹ ụzọ, wẹ nọ ziẹntọ ẹhụ Kiriatị-Jiarim rị Juda. Ya haịn wẹ gi nwan a kpọ ebẹhụ rị ẹbamịn ọdịdan ẹnyanwụn Kiriatị-Jiarim “Mahanẹ-Danị” d'e ru tannị.
13
Wẹ nọ gha ebẹhụ shi alị-ugu Ifrem, e ru w'ẹ, wẹ nọ pụha iwe Maịka.
14
Ya kẹ ikẹnnyẹ isẹn hụ gi nzuzue chọpụhanị wẹ alị Laishi nọ sị umunẹ wẹ, “Ụnụ a marịnghọ nị o nwọnghọ ụlọ rị ebeni hụn nwọn Ẹfọdụ ndị nchụn-ẹjan Osolobuẹ e yi lẹ mmọn ezi-lẹ-ụlọ lẹ mmọn wẹ pịn gi siliva nyankwama a? Ụnụ a marịngụọ nwan ihiẹn ụnụ k'e mẹ.”
15
Ya wẹ nọ kụye ebẹhụ, shi iwe okorọbịa Livaị hụ rị iwe Maịka. Wẹ nọ kele ẹ.
16
Madụ ọgụn-iri kwasị nnụ hụ kọnrin agha nọ wuzo ebe wẹ gha a banye ọnụ-mgbọn.
17
Madụ isẹn hụ nọ banye, buru ihiẹn ahụn wẹ tụ, Ẹfọdụ hụ ndị nchụn-ẹjan Osolobuẹ e yi, mmọn ndị hụ w'a kọma ezi-lẹ-ụlọ lẹ mmọn hụ wẹ gi siliva kpụ; ohẹn Maịka lẹ ikẹnnyẹ ọgụn-iri kwasị nnụ hụ kọnrin agha wuzohụ ọnụ-mgbọn.
18
Ogẹn madụ isẹn hụ gi gbukpọ iwe Maịka, buru ihiẹn ahụn wẹ tụ, Ẹfọdụ hụ, mmọn ndị ọzọ hụ a rị ezi-lẹ-ụlọ lẹ mmọn hụ wẹ gi siliva kpụ, ohẹn ahụn nọ sị wẹ, “Kị ụnụ rị e mẹ?”
19
Wẹ nọ sị a, “Gba nkịtịn! Kpumẹ ọnụ ị! Sọnmẹ ẹnyi n'ị wụrụnị ẹnyi ọnụ-Osolobuẹ lẹ onyẹ nchụn-ẹjan ẹnyi. Ọ kan'ị mma n'ị rị a rụnnị ebọn Izrẹlụ karị n'ị rị a rụnnị ezi-lẹ-ụlọ onyẹ ohu sụọ?”
20
Ẹfọ nọ sụọ ohẹn Maịka hụ ụsụọ. Ya ọ nọ weri Ẹfọdụ hụ ndị nchụn-ẹjan Osolobuẹ e yi lẹ mmọn ndị ọzọ hụ a rị ezi-lẹ-ụlọ lẹ mmọn hụ wẹ tụ, sọnmẹ ndị Danị.
21
Ya ndị Danị nọ jẹnsọnmẹ, bu ụmụ wẹ, anụ wẹ lẹ ihiẹn ile wẹ nwọn che ihun, sọnmẹ wẹ azụụn.
22
Ogẹn wẹ gi gha iwe Maịka buli, jẹntegụ ẹkẹrẹ, ndị bikụnma Maịka nọ hịma ibe wẹ, zu, chụ ndị Danị, chụkunrun wẹ.
23
Hụn wẹ gi yisọnkọ wẹ oro, ndị Danị nọ gbehutọ, sị Maịka, “Kị rị e mẹ i ị kpọpụhanị ndị itu i d'a lụsọn ẹnyi ọgụn?”
24
Ọ nọ sị wẹ, “Ụnụ e weri mmọn-lẹ-iyi m mẹmẹ lẹ ohẹn m, pụ. Kịnị kẹ m nwọnzi? Nanị ụnụ a jụ, ‘Kị rị e mẹ i?’ ”
25
Ndị Danị nọ sị a, “Esọnkwọlẹ ẹnyi dọ-o, amamgbe ndị ẹhụ a fụ a maye i, gbu kẹ ịyụ kẹ ikpụlọ ị.”
26
Ya ndị Danị nọ jẹnmẹ hụn wẹ jẹnkọ, Maịka a hụn a n'a kaka w'a, ọ nọ gbehutọ lashi iwe ẹ.
27
Ya wẹ nọ weri mmọn Maịka mẹmẹ lẹ ohẹn ẹ shi Laishi; wẹ nọ maye ndị Laishi, ndị ẹhụ fu rịlẹni a tụ ẹnya nsọngbu; e gi wẹ ọpịa-agha gbu wẹ, dụnpụ obodo wẹ ọkụn.
28
Onwọnni onyẹ bịa d'a zụọyeni wẹ makẹni ẹgbata wẹ lẹ ndị Sidọnụ e tekẹ, onwọnzikwọnị onyẹ ọzọ ya lẹ wẹ e mẹgbama. Obodo hụ rị imẹ ọdanmgbugbu nọkunmẹ Bẹt-Rehobu. Ya kẹ ndị Danị nọ tụndọnzi obodo hụ, biri ẹ.
29
Wẹ nọ kpọ obodo hụ “Danị”, ẹfan nẹdi wẹ kanị hụn wụzị Izrẹlụ, kanị Laishi kẹ w'e te a kpọ obodo hụ.
30
Ya ndị Danị nọ kọmarịn mmọn ndị hụ ebẹhụ, Jonatanị nwa Gẹshọm nwa Mozizi lẹ ụmụ a nọ wụrụ ndị nchụn-ẹjan ndị Danị d'e ru ogẹn ahụn ndị iṅẹnrẹn gi kpụnrụn ndị Izrẹlụ shi alị ọzọ.
31
Mmọn hụ Maịka mẹmẹ kẹ wẹ tọ e fe, ejẹnni wẹ ụlọ Osolobuẹ — ọrọgbọ hụ ile ụlọ Osolobuẹ gi rị Shilo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21