bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 6
Judges 6
Ika 2018 Bible
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
1
O mẹgụ, ndị Izrẹlụ nọzị mẹ ihiẹn rịlẹni mma ẹnya Osolobuẹ, ọ nọ we wẹ ye ndị Midianị, wẹ nọ mẹshi Izrẹlụ ikẹn ọrọgbọ ahụa ẹsa.
2
Makẹni ndị Midianị rị a bịangbu wẹ ọda-ọda, ndị Izrẹlụ nọ rụnrụnma ebe w'e bi e ye oghe rịsọnmẹ elu ugu lẹ imẹ okporo lẹ ebe ichẹn-ichẹn rị mma w'a warị.
3
Ogẹn ọwụlẹ ndị Izrẹlụ kụn ihiẹn ugbo, ndị Midianị, ndị Amalẹki lẹ alị ndị ọzọ rịzị ọwụwa-ẹnyanwụn a bịa d'a maye wẹ.
4
Wẹ bịa, e ziẹntọ wẹ alị Izrẹlụ, wiwimẹ ihiẹn-ugbo wẹ d'e rukwọrị Gaza, onwọnni ihiẹn ọwụlẹ e kwọnni w'a latọnị ndị Izrẹlụ, kẹ atụnrụn kẹ efin kẹ jaki.
5
Wẹ lalanị, e kpọnhẹn wẹ anụ wẹ lẹ ụlọ w'a kpụkpọrị, e ruhẹ wẹ kẹ igurube. Kẹ wẹ kẹ anyịnyan-mkpukpuke wẹ onwọnni hụn w'a s'ẹka a gụn; wẹ banhan alị hụ, e ripụ wẹ ihiẹn ile rịn'a.
6
Ẹrịra kẹ ndị Midianị dọnmẹ ndị Izrẹlụ ere-m eṅọn-m, ndị Izrẹlụ nọ kwanghọsị Osolobuẹ.
7
Ogẹn ndị Izrẹlụ gi gi ufiri ndị Midianị kwanghọsị Osolobuẹ,
8
Osolobuẹ nọ zihẹni ndị Izrẹlụ onyẹ-amụma. Onyẹ-amụma hụ nọ sị wẹ, “Ọnwan wụ ihiẹn Osolobuẹ, Chuku Izrẹlụ, ku, ọ sị: Mmẹ gha alị Ijiptu, alị hụ ụnụ nọ wụ igbọn, wepụha ụnụ.
9
Mmẹ zụọpụha ụnụ ẹka ndị Ijiptu lẹ ndị ile rị bịangbuni ụnụ. Mmẹ chụpụnị ụnụ wẹ, we alị wẹ ye ụnụ.
10
M sị ụnụ, ‘Mmẹ wụ Osolobuẹ hụn wụ Chuku ụnụ; efelẹ ni mmọn-lẹ-iyi ndị Amọ ụnụ bi alị wẹ.’ Kanị, ụnụ egọnni m ntịn.”
11
Ya mmọn-ozi Osolobuẹ nọ bịa, nọdị alị ukun osisi okuu hụ rị Ọfra hụn wụ nke Jụashị onyẹ Abiẹza, ebe nwa Jụashị wụ Gidiọnụ warị ebe wẹ a nọ a pịnpụha manya vaịnị a kụkpọ ọka-witi, makẹ ndị Midianị gha a hụn ọka hụ.
12
Mgbe mmọn-ozi Osolobuẹ hụ gi pụha d'e kunrun Gidiọnụ, ọ sị Gidiọnụ, “Odogun-agha, Osolobuẹ nọyeni i anọyeni.”
13
Gidiọnụ nọ sị a, “Diọkpa, omẹni Osolobuẹ nọyeni ẹnyi anọyeni, kị haịn nwan ihiẹnni ile gi rị e mẹ ẹnyi? Elebe kẹ ọrụn-atụmẹnya a ile rị — hụn ndị nẹdi ẹnyi wẹ kọnị ẹnyi ogẹn wẹ gi sị, ‘Osolobuẹ gha alị Ijiptu wepụha ẹnyi?’ Bụ Osolobuẹ a lagụọ nwan ẹnyi tọ, we ẹnyi che ẹka ndị Midianị.”
14
Ya Osolobuẹ nọ bu ihun zinmẹ ẹ, sị a, “Gi ikẹn hụn i nwọn jẹn d'a zụọpụha ndị Izrẹlụ ẹka ndị Midianị; mmẹ rị nwan e zi i — ẹlẹ ya?”
15
Gidiọnụ nọ sị a, “Di-nwọnni ẹnyi, nanị m'a dọn saẹka gbapụha ndị Izrẹlụ?! E lee ikpụlọ ẹnyi, ẹnyi kachanrịn alụlụa imẹ ebọn Manasẹ! E lee mmẹ nwẹn, mmẹ kachanrịn ntịn iwe nẹdi m.”
16
Osolobuẹ nọ sị a, “M sikọ d'a nọyen'i; i sikọ d'e gbuchanrịn ndị Midianị ile.”
17
Ya ọ nọ sị, “O mẹ nwan nị ihiẹn m a sụọghọ ị, ghọsị m nwan ihiẹn m'e gi marịn nị ịyụ wụ Osolobuẹ rị a gwa m okuni:
18
dodo, eke pụlẹ d'e ru nị e kinhẹn m, wẹhẹ oyiye m, bu ẹ tọn'ị.” Osolobuẹ nọ sị a, “M jẹnkọ d'e cheri n'i kinhẹn.”
19
Ya Gidiọnụ nọ ban imẹ ụlọ, shi nwa-ewu, weri ọka wẹ gweriẹn k'e jun mkpu-kọstadị uku isẹn lẹ nkirishi mẹmẹ brẹdi yisti rịlẹni. O bu anụ ewu hụ che imẹ ụkpalị, bu mirin anụ hụ che imẹ ugbẹgbẹ, bupụha wẹ d'a chụnye ẹjan okpuru osisi Okuu hụ.
20
Mmọn-ozi Osolobuẹ nọ sị a, “Bu anụ hụ lẹ brẹdi hụ yisti rịlẹni che elu ọmụmanị, y'e hu mirin-anụ hụ kpu wẹ.” Gidiọnụ nọ mẹ ẹ.
21
Ya Mmọn-ozi Osolobuẹ hụ nọ gi ọnụnụ ọkpọ rị a ẹka mẹtụ anụ hụ lẹ brẹdi hụ yisti rịlẹni. Ọkụn nọ gha ọmụma hụ pụha, ripụ anụ hụ lẹ brẹdi hụ yisti rịlẹni. Ya mmọn-ozi Osolobuẹ hụ nọ fopụ.
22
Ogẹn Gidiọnụ gi marịn nị mmọn-ozi Osolobuẹ rọ, ọ nọ yi, “Euu, Osolobuẹ ihiẹn ile rị okpuru ẹ! A hụnọlẹ m mmọn-ozi Osolobuẹ elee-m, elee-i!”
23
Kanị, Osolobuẹ nọ sị a, “Esọngbulẹ enwẹn i! Atụlẹ egun. Ẹlẹẹ i k'a nwụn.”
24
Ya Gidiọnụ nọ rụnnị Osolobuẹ ukpo nchụn-ẹjan ebẹhụ, kpọ a, “Osolobuẹ kẹ obi gi e ru ịhịan alị.” O turuhụkwọ nwan imẹ Ọfra hụn rị obodo ndị Abiẹza d'e ru tannị.
25
Uhinhin hụ, Osolobuẹ nọ sị a, “Weri okẹn-efin pụha ọbẹ ẹbụọ imẹ igunrun efin nẹdi i, efin hụ rị nwa ahụa ẹsa, y'e tikpọ ukpo nchụn-ẹjan ahụn nẹdi i nọ a rụa Baalụ, betu osisi wẹ gi a rụa Ashẹra hụ wẹ zuye ụsụọ a.
26
Y'a rụnnị Osolobuẹ wụ Chuku i ukpo nchụn-ẹjan ebẹhụ jẹn elu, rụn a kẹ Iwu dọn ku; y'e gi ẹ nọkin nke Baalụ; y'e gi nkụn osisi Ashẹra hụ i gbutu fiye ọkụn, gi okẹn-efin ahụn pụha ube ẹbụọ chụnyeni Osolobuẹ ẹjan wẹ dụn ọkụn.”
27
Ya Gidiọnụ nọ weri mmadụ iri imẹ idibo ẹ, mẹ kẹ Osolobuẹ dọn gwa a, kanị, makẹni egun ndị rị iwe nẹdi ẹ lẹ ndị obodo wẹ anịn'a mẹ ebe eki rị elu, ọ nọ gi uhinhin mẹ ẹ.
28
Ogẹn ndị obodo gi tẹnhin ụzọ ụtụntụn, e lee ukpo nchụn-ẹjan Baalụ, a kụtugụọ w'a, gbutu osisi wẹ gi a rụa Ashẹra wẹ zuye ẹhụ a! E lezi okẹn-efin ọb'ẹbụọ hụ wẹ gi chụn ẹjan ye elu ukpo nchụn-ẹjan wẹ rụn nke ọhụn.
29
Ya wẹ nọ jụma ibe wẹ, “Onyẹ mẹ ihiẹnni?” A chọkpọ wẹ alị a, wẹ nọ sị wẹ, “Gidiọnụ nwa Jụashị mẹ ẹ.”
30
Ya ndị obodo hụ nọ sị Jụashị, “Wepụha nwa ị, n'o jẹnkọ d'a nwụnrịrị, makẹni o kụtugụọ ukpo nchụn-ẹjan Baalụ, gbutu osisi Ashẹra rị ẹhụ a.”
31
Kanị Jụashị nọ sị ndị hụ zunin'ẹ, “Ụnụ jẹnkọ nwan d'e kinni Baalụ ọnụ a ra? Ụnụ rị nwan a zụọ a ra? Onyẹ kinn'ẹ, eki fọn, e gbu wẹ onyẹ hụ! Omẹni Baalụ e rughọ hụn wẹ e fe, ya lụ ihiẹn ẹ, nị ukpo nchụn-ẹjan a kẹ wẹ tikpọ!”
32
Ụhụọhịn ahụn kẹ wẹ kpọma Gidiọnụ, “Jeru-Baalụ,” gi ẹ sị, “Ya lẹ Baalụ nwọn kin,” nị ukpo nchụn-ẹjan a k'o tikpọ.
33
Ogẹn hụ, ndị Midianị ile lẹ ndị Amalẹki lẹ ndị ọzọ rịzị ẹbamịn ọwụwa-ẹnyanwụn kịgbama, fetu Iyi-Jọdanị, bịazị d'e ziẹntọ Ọdanmgbugbu Jezriẹlụ.
34
Ya Mmọn Osolobuẹ nọ ban imẹ Gidiọnụ. Gidiọnụ nọ gbu opi agha, gi ẹ kpọrị ndị Abiẹza.
35
Ọ nọ zi ozi ghagbarị Manasẹ, sị wẹ kọnrin agha, zizi ozi jẹnni ndị Asha, Zẹbulọnụ lẹ Naf'tali, wẹ nwẹn nọzị bịa d'e kunrun ẹ.
36
Ya Gidiọnụ nọ sị Osolobuẹ, “Omẹni ezioku rọ n'i jẹnkọ d'e gi m gbapụha ndị Izrẹlụ k'i dọn ku,
37
lee ẹ, m k'e bu ẹṅẹnrẹn atụnrụnnị che ebe ẹnyi a nọ a kụkpọ ọka; omẹni igirigi e ziẹnye eṅẹnrẹn hụ sụọ bụ akpakalị kọrọ akọrọ, ya kẹ m'e gi marịn n'ị jẹnkọ d'e gi m zụọpụha ndị Izrẹlụ k'i dọn ku.”
38
O mẹ. Gidiọnụ e lihi ọtọ ụz'ọtụntụn, pịnkọ ẹṅẹnrẹn hụ o butọ ebẹhụ, pịnpụha igirigi ziẹntọn'a, o jun afẹrẹ!
39
Ya Gidiọnụ nọ sị Osolobuẹ, “Dodo, ekpelẹ; nị m rịọzịhụ ihiẹn ohu sụọ. Nị m gizi ẹṅẹnrẹn lele: Ogẹnni, mẹ ẹṅẹnrẹn kọrọ kanị igirigi ya ziẹnjun alị.”
40
Osolobuẹ nọ mẹ ẹrịra uhinhin hụ. Ẹṅẹnrẹn hụ sụọ kọrọ, igirigi e jun alị ebẹhụ ile!
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21