bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 21
Judges 21
Ika 2018 Bible
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
1
Ikẹnnyẹ Izrẹlụ e te kungụọ ẹfan Osolobuẹ imẹ Mizpa, sị, “Onwọnni onyẹ ọwụlẹ imẹ ẹnyi jẹnkọ d'e ye ndị Bẹnjamini nwa a lụrụ.”
2
Ya wẹ ile nọ shi obodo Bẹtẹlụ kẹ agha bigụ, nọdị alị ihun Osolobuẹ ebẹhụ d'e ru ẹnyasị, e goo, a kwangbu enwẹn wẹ,
3
a sị, “Euu Osolobuẹ, Chuku Izrẹlụ, kịnị haịn ihiẹnni gi mẹ Izrẹlụ? Kị ebọn ohu tuhuni nwan imẹ Izrẹlụ tannị?”
4
Eki e fọn, wẹ nọ rụn ukpo nchụn-ẹjan, chụnye ẹjan w'a dụn ọkụn lẹ ẹjan-ekele.
5
Ya Izrẹlụ nọ sị, “Elee ebọn Izrẹlụ bịalẹni d'e zu ihun Osolobuẹ ikpanzụụnnị ẹnyi zu imẹ Mizpa?” Wẹ jụ ajụjụnị makẹni e kungụọ wẹ ẹfan Osolobuẹ kushi ẹ ikẹn nị wẹ k'e gbu onyẹ ọwụlẹ bịalẹni izu ahụn wẹ zu ihun Osolobuẹ imẹ Mizpa.
6
Ogẹnni ndị Izrẹlụ rị a kwannị ndị Bẹnjamini umunẹ wẹ ẹkwan, a sị, “E bepụ wẹ ebọn ohu imẹ Izrẹlụ tannị!!
7
Nanị kẹ ẹnyi e dọn chọhanị ndị họdụnị inyẹnmẹ, ebe o mẹni ẹnyi e kungụọ Osolobuẹ nị onwọnni onyẹ ọwụlẹ imẹ ẹnyi sikọ d'e we nwa a okpoho ye wẹ lụrụ?”
8
Ya haịn wẹ gi jụma, “Elee ebọn Izrẹlụ bịalẹni d'e zu ihun Osolobuẹ imẹ Mizpa?” Wẹ nọ hụn a nị kaka akpụ onyẹ ohu aghanị Jabẹshi-Gilẹdị bịa ozuzu hụ —
9
makẹni ogẹn wẹ gi gụn ndị bịanị, wẹ nọ hụn a nị ndị Jabẹshi-Gilẹdị arịa.
10
Ya wẹ nọ zi ndị-agha, nnụ-uku mmẹbụọ (12,000) shi Jabẹshi-Gilẹdị, sị wẹ gi ọpịa-agha gbucharịn ndị ile rịn'a, kẹ ikpoho kẹ ụmụ-ndu.
11
Wẹ sị wẹ, “Lee ni ihiẹn ụnụ k'e mẹ: Gbu ni okẹnnyẹ ọwụlẹ lẹ okpoho ọwụlẹ ya lẹ okẹnnyẹ ranhịntu.” Ya wẹ nọ mẹ ẹrịra.
12
Imẹ ndị bi Jabẹshi-Gilẹdị, ịgbagba nnụ wẹ walẹni ụkụ kẹ wẹ hụn, wẹ nọ we wẹ shi ebe Izrẹlụ rị imẹ Shilo rị alị Kenaanị.
13
Izrẹlụ ahụn ile zuni nọ zi ozi jẹnni ndị Bẹnjamini rị ọmụma-uku Rimọnụ nị wẹ dọn.
14
Ya kẹ ndị Bẹnjamini nọ nwan lụakinhẹn, e we wẹ ikpoho Jabẹshi-Gilẹdị ndị ahụn wẹ gbulẹni ye wẹ lụrụ. Kanị ikpoho ndị ahụn ezucharịnnị wẹ ile.
15
Ihiẹn mẹ ndị Bẹnjamini fụ ndị Izrẹlụ ibe wẹ ọda-ọda, makẹni Osolobuẹ e te d'a zachanpụchanrịn ebọn ohu imẹ Izrẹlụ.
16
Ya ndị-ichẹn Izrẹlụ nọ sị, “Hụnnị ẹnyi gbucharịngụ ikpoho Bẹnjamini, nanị ẹnyi a dọn nwan chọhanị ikẹnnyẹ họdụnị inyẹnmẹ?
17
Ndị Bẹnjamini họdụnị sikọ d'e nwọnrịrị ụmụ k'e bikinni wẹ ugbẹ, makẹ ebọn ohu gha a gụ imẹ alị Izrẹlụ.
18
Ẹnyi asakọ ẹka ye wẹ ụmụ ẹnyi ikpoho lụrụ, ebe o mẹ ni ẹnyi ndị Izrẹlụ họdụnị e kungụọ Osolobuẹ, sị, ‘Ịbụ-ọnụ ya rịnị onyẹ Izrẹlụ ọwụlẹ k'e ye ndị Bẹnjamini nwa a lụrụ.’ ”
19
Wẹ nọ sị, “Lee ni nwan, o nwọn mmẹmmẹ w'e mẹni Osolobuẹ ahụa-ahụa imẹ Shilo, ẹgbata Bẹtẹlụ lẹ Shẹkẹm, ọ rị ị ẹka-nni omẹni ị rị ụzọ gha Bẹtẹlụ pụha Shẹkẹm; ọ rị ẹbamịn ndịdan-mirin Lebona.”
20
Ya wẹ nọ gwa ndị Bẹnjamini ihiẹn wẹ sikọ d'e mẹ, sị, “Jẹn ni d'a warịsọnmẹ alị vaịnị ndị rị ebẹhụ;
21
e lee ni ẹnya: Ịgbagba Shilo pụha nị wẹ jẹn d'e sọn ndị ọzọ tẹn egu, ụnụ a gha alị vaịnị ndị hụ zụnpụha, onyẹ-onyẹ a nwụnrụn nwagbọọ Shilo o k'a lụ, shi alị Bẹnjamini.
22
Nẹdi wẹ mọbụ umunẹ wẹ ikẹnnyẹ bịa d'a gwaghọsị ẹnyi, ẹnyi jẹnkọ d'a sị wẹ, ‘Dodo ni, mẹni ni ẹnyi ọhụnmanị, gi yeni uwẹ ndị Bẹnjamini ẹka, makẹni ẹnyi ahụnnị inyẹnmẹ wẹhẹni wẹ imẹ agha. Ikpe amanị ụnụ ebe omẹni ẹlẹ ọnụ gi ẹka ụnụ ye wẹ ụmụ ụnụ lụrụ.’ ”
23
Ya kẹ ndị Bẹnjamini nọ mẹ ẹrịra. Ebe ịgbagba rị e tẹn egu, onyẹ-onyẹ nọ pụha, nwụnrụn ohu la, n'ọ wụrụ nwunyẹ ẹ. Ya wẹ nọ nwan lakin alị wẹ, tụndọnzi obodo wẹ rị ichẹn-ichẹn, biri.
24
Ya ndị Izrẹlụ nkẹ nọ gha Bẹtẹlụ ebẹhụ pụ, onyẹ-onyẹ a laburu ebọn a lẹ ikpụlọ a imẹ alị a.
25
Izrẹlụ enwọn eze ogẹn ahụn; onyẹ-onyẹ e mẹ ihiẹn rị mma ẹnya a.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
All chapters:
1
2
3
4
5
6
7
8
9
10
11
12
13
14
15
16
17
18
19
20
21