bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ika
/
Ika 2018 Bible
/
Judges 14
Judges 14
Ika 2018 Bible
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
1
Samsịn jẹn obodo Timna, ọ nọ hụn nwagbọọ ihiẹn ẹ sụọ a ebẹhụ, nwagbọọ hụ wụ onyẹ Filistia.
2
Samsịn a lụa, ọ nọ sị nẹdi ẹ lẹ nnẹ ẹ, “M hụn okpoho Filistia ohu sụọn'ị m imẹ obodo Timna; lụhanịnị m'a.”
3
Nẹdi ẹ lẹ nnẹ ẹ nọ sị a, “Onwọnni nwagbọọ rị ị mma imẹ umunẹ ẹnyi mọbụ imẹ ndị Izrẹlụ ẹnyi ile, hụn i gi jẹnkọ d'a lụrụ nwunyẹ imẹ ndị Filistia ghalẹni e fe Osolobuẹ?” Kanị Samsịn nọ sị nẹdi ẹ, “Lụhanịnị m'a, nị ịya sụọ m.”
4
Nẹdi ẹ lẹ nnẹ ẹ amarịn nị Osolobuẹ rị e nu ẹ, makẹni Osolobuẹ chọkọ oghere o gi lụsọn ndị Filistia ọgụn, makẹni uwẹ bu Izrẹlụ che okpuru wẹ ogẹn hụ.
5
Samsịn nọ shi Timna, ya lẹ nẹdi ẹ lẹ nnẹ ẹ. Hụn wẹ gihụ rumẹ ibẹka alị vaịnị ndị rị Timna, elee okoro-ẹwọrọ dẹnla d'e kunrun Samsịn.
6
Mmọn Osolobuẹ nọ gi ikẹn ban imẹ Samsịn, nke wụnị o gi ẹka mmaka dọwa ẹwọrọ hụ ẹbụọ, nọkẹsị nwa-ewu k'ọ dọwa. Kanị, ọ gwanị nẹdi ẹ lẹ nnẹ ẹ ihiẹn o mẹ.
7
Ya ọ nọ jẹnmẹ nke nwagbọọ hụ. Ọ nọ du ẹ ku, ihiẹn nwagbọọ hụ nọ sụọ a.
8
O tebe, ogẹn o gi kin azụụn d'a lụ a, ọ nọ kụye d'e lee ozun ẹwọrọ hụ. O lee ẹnya, e lee ẹkpa-ẹnwụn lẹ mirin-ẹnwụn imẹ ozun ẹwọrọ nwẹn!
9
Ọ nọ gi ẹka gwọrị a, rakọ a, jẹnkọ. Ogẹn o gi kunrun nẹdi ẹ lẹ nnẹ ẹ, ọ nọ yebeye wẹ, wẹ nwẹn nọ ra. Kanị ọ gwanị wẹ nị imẹ ozun ẹwọrọ k'ọ gha gwọrị ya wụ mirin-ẹnwụn.
10
Ya nẹdi Samsịn nọ jẹn d'a hụn ndị nke okpoho hụ; omẹgụ, Samsịn nọ kpọ oriri kẹ onyẹ jẹnkọ d'a lụ nwunyẹ ebẹhụ e mẹ.
11
Hụn wẹ gihụ hụn a, wẹ nọ zi ikorọbịa iri kwasị ọgụn d'a nọdịyen'ẹ.
12
Samsịn nọ sị wẹ, “Nị m tụnị ụnụ ilu ụnụ jẹnkọ d'a shịa m. Ụnụ sa ẹka shịa m'a imẹ akp'ọhịn ẹsanị oririni k'a nọ, e ye m ụnụ ẹwuru linẹni iri kwasị ọgụn tueni lẹ ẹwuru iri kwasị ọgụn ọzọ.
13
Kanị, omẹni ụnụ asanị ẹka kọwa a, ya wụ nị ụnụ k'e yerịrị m ẹwuru linẹni iri kwasị ọgụn tueni lẹ ẹkwa iri kwasị ọgụn ọzọ.” Ya wẹ nọ sị a, “Gwa ẹnyi ilu i.”
14
Ọ nọ sị wẹ, “Imẹ ihiẹn e rini, kẹ hụn w'e ri gha pụha; imẹ ihiẹn zeni, kẹ ihiẹn a sụọ ụsụọ gha pụha.” Ọrọgbọ akp'ọhịn ẹtọ, asanị wẹ ẹka za a ya.
15
Hụn mẹ akpọhịn ẹnọ, wẹ nọ sị nwunyẹ Samsịn, “Rẹrẹkwọ di i n'ọ gwa ẹnyi azịza ilu hụ; ị jụ, ẹnyi e gi ọkụn dụngbu ịyụ lẹ ndị rị iwe nẹdi i. Ụnụ kpọha ẹnyi ebeni d'e rigbudẹ ẹnyi ra?!”
16
Ya nwunyẹ Samsịn nọ bịa d'a kwan ẹkwan ye ẹ olu, sị, “Ize m rị e ze i! Ihiẹn m asụọn'ị kaka! Y'a gwagụọ ndị nke m ilu wẹ k'a shịa ị, bụ y'a gwanị m azịza a!” Samsịn nọ sị a, “Agwadẹni m nẹdi m mọbụ nnẹ m. Kị m'a gwan'ị y'a?”
17
Ọ nọ kwan ẹkwan ye ẹ olu d'e ru hụn mẹ akp'ọhịn ẹsa oriri hụ. Hụn mẹ ẹ akpọhịn ẹsa, Samsịn nọ gwa a azịza a makẹni ọ rị e ye Samsịn nsọngbu, a jụ a ọjụjụ-ọjụjụ. Ya nwẹn nọ gwa ndị nke ẹ ya.
18
Anwụn gini d'a rọ nke akpọhịn ẹsa hụ, ikẹnnyẹ obodo hụ nọ sị Samsịn, “Kị ka mirin-ẹnwụn a sụọ? Kị ka ẹwọrọ e ze?” Ya Samsịn nọ sị wẹ, “Omẹni ẹlẹ hụn ụnụ limẹ ewu m imẹ rị e mẹ, ụnụ e ke saẹka shịa m ilu m.”
19
Ya Mmọn Osolobuẹ nọ ban imẹ Samsịn. Ọ nọ shi obodo wẹ ọzọ wụ Ash'kẹlọnụ, gbu ikẹnnyẹ Ash'kẹlọnụ iri kwasị ọgụn, kwarị ihiẹn wẹ, we ẹkwa wẹ ye ndị shịa a ilu hụ. Ọ nọ gi olulu la iwe nẹdi ẹ.
20
Wẹ nọ we nwunyẹ Samsịn ye ọwụ Samsịn hụn nọdịyeni Samsịn kẹ wẹ rị a gba ẹhụhụọ lụrụ.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21