Luke 23

Mien Bible (Thai Script) © Thailand Bible Society, 2007

1กุ๊น สี่ หวุ่ย เญย เมี่ยน เหยียด ฒู้ง ฯฒฯ เจี์ย ซิน ต้อ เยซู มี่ง ปีล้าด หฒูง วั้ว.

2เยียม วั้ว นิ่น บัว โก๋ เยซู. นิ่น บัว ก๊อง, “เยีย บัว ปวัด น้าย ล่าน เมี่ยน ดั๊ว เยีย บัว เญย แปะ ฝีง โหฒว ต่อง. นิ่น หย่า บั๋ว นิ่น บัว ไม้ หฒุ ธ้วด โฑว-ฒิ่น ปุน โลมา ต้ม ฒิ่ว ฮู่ง, หย่า ก๊อง นิ่น กั้น โหฒว กีตู่ หย่า โหฒว เต้า ฮู่ง.”

3ปีล้าด ฯฒฯ หน่าย ก๋า เยซู, “เม่ย เก้ง โหฒว ยิวไท เมี่ยน เญย ฮู่ง ไฟ?” เยซู เตา, “เซ ฮนั้ง เม่ย ก๊อง นอ.”

4ปีล้าด ฯฒฯ ก๊อง บั๋ว ไซ เมี่ยน เปย๊ย หย่า บั๋ว หฒวัง เมี่ยน, “เยีย ฒ่า ไม้ ธ้วด น้าย ล่าน เมี่ยน ม่าย หาย หญู่ง ฒุ์ย.”

5มป่า นิ่น บัว เหฌี่ย ชะ จา ก๊อง, “น้าย ล่าน เมี่ยน หฌาว เญย เล์ย ปุน หฒวัง เมี่ยน หลุ่น เหฑ่ง. นิ่น หฌาว ก๋อม ยูเดีย เต่ย, เยียม วั้ว กาลิลี แซ้ง เจี์ย กอน, อี้ หฒั่น ฒู้ง หฌาว เถา น้าย ต้าย อ๊ะ.”

6ปีล้าด ไฮ์ นิ่น บัว ฮนั้ง น้าย นอ ก๊อง นิ่น ฯฒฯ หน่าย ก๋า, “น้าย เต้า เซ กาลิลี เมี่ยน?”

7ปีล้าด ฮิ้ว ตุ๊ เยซู โหฒว เฮโล้ด ฮู่ง เญย แปะ ฝีง, นิ่น ฯฒฯ ฝูง เยซู มี่ง เถา เฮโล้ด วั้ว. วั้ว หฒั่น เฮโล้ด หย่า เยียม เยลูซาเลม ฒี่ง.

8เฮโล้ด ปวัด เยซู ฯฒฯ อะเฮน้ย ไห่ อ๊ะ, เหว่ย หฒุ ขูง ไฮ์ เมี่ยน ก๊อง ฮนั้ง. ไม้ แก้ง ตุ๊ ปวัด เหยียด หฑุ่น. นิ่น หย่า อ๋อย ปวัด เยซู โหฒว เต๋ย บัวะ ฮ่อง เญย สี่.

9เฮโล้ด ฯฒฯ หน่าย ธั้ม-หญู่ง เญย มป่า เยซู ไม้ เตา เหยียด โจ๋ว.

10ไซ เมี่ยน เปย๊ย เหธา หฌาว เล์ย เญย ฟิน-แซง โซ้ว เจี๊ยน วั้ว, ชะ โก๋ เยซู.

11เฮโล้ด เหธา นิ่น เญย แปง หมั่ง เผีย, ฮว้วด นิ่น, โหฒว โตะ ปุน นิ่น. นิ่น บัว เฒาะ เต๋ย เหฑว่ย ไห่ เญย ลุย เถง นิ่น ฒุ เจี๊ยน แอ๋ง ฝูง นิ่น หฑวน ปีล้าด วั้ว.

12ฒิ่น ด่าง ปีล้าด เหธา เฮโล้ด โหฒว วิน-จา. มป่า ต้ง หน่าย ฮนอย นิ่น บัว โหฒว หลง ต๊า โล์-แกง.

13ปีล้าด เห่ว ไซ เมี่ยน เปย๊ย เหธา เจียน-โฟ้ว เหธา แปะ ฝีง ต้าย กั๊บ ฒุ้น

14ก๊อง บั๋ว นิ่น บัว, “เม่ย บัว ต้อ น้าย ล่าน เมี่ยน เถา เยีย น้าย โก๋ นิ่น. เม่ย บัว ก๊อง นิ่น โธะ แปะ ฝีง หลุ่น เหฑ่ง. อี้ หฒั่น เยียม น้าย เม่ย บัว เญย หฑะเฮมียน เยีย ฒ่า ลิ์ว. ต้ง เม่ย บัว โก๋ นิ่น วั้ว เต๋ย สี่, เยีย ไม้ ปวัด นิ่น ต่อง หาย หญู่ง.

15เฮโล้ด หย่า ฟี่ ฮนั้ง เญย ไม้ ปวัด นิ่น ม่าย หาย หญู่ง ต่อง เญย ต๋อง, เหว่ย หฒุ นิ่น ฝูง เยซู ต๋าว ฆาง หฑวน บัว น้าย. หมั่ง ก๋า, น้าย ล่าน เมี่ยน ไม้ ต่อง หาย หญู่ง ฒุ์ย หฒี่ ตุ๊ ไต๋ เหลาะ.

16ฮนั้ง หน่าย, เยีย ปุน แปง เบ๊าะ ลิ์ว ฯฒฯ ปู๋ง นิ่น อ๊ะ.”

17หฮญังๆ เถา เสีย แหม่ง ฒิบ, ปีล้าด อ๋อย หฒุ ปู๋ง เต้า ฒุ์ย-เมี่ยน ธ้วด ปุน แปะ ฝีง.

18หฒวัง เมี่ยน เหยียด ฒู้ง เหน่า เจี๊ยน คี่ ขูง ค้าด เญย ก๊อง, “ไต๋ น้าย เต้า อ๊ะ. ปู๋ง บาลับบัด ปุน เยีย บัว.”

19น้าย เต้า บาลับบัด เหธว หลุ่น ฒี่ง กะญั์ว หย่า ไต๋ เจี๋ย เมี่ยน หธีง ต้าย หฒุ หววน เจี๊ยน โล่.

20ปีล้าด ม่าย เฮญี้ยว อ๋อย ปู๋ง เยซู, นิ่น ฯฒฯ ก๊อง โฮล เญย บั๋ว หฒวัง เมี่ยน.

21มป่า นิ่น บัว แอ๋ง นี่ หนูง เหน่า เญย เห่ว เจี๊ยน ก๊อง, “ต้อ นิ่น มี่ง ตีง เจี๊ยน! ต้อ นิ่น มี่ง ตีง เจี๊ยน เหฒียบ หฑั่ง จ๋า!”

22ปีล้าด แอ๋ง ก๊อง ตะฟาม หฑุ่น, “วั้ว หญู่ง, นิ่น โหฒว ต่อง หาย หญู่ง ฒุ์ย? เยีย เก้ง ไม้ ปวัด นิ่น ต่อง หาย หญู่ง หฒี่ ตุ๊ ไต๋ นิ่น เหลาะ. เยีย ฯฒฯ ปุน เยีย เญย แปง เบ๊าะ ลิ์ว, ปู๋ง ฆอย นิ่น อ๊ะ.”

23มป่า หฒวัง เมี่ยน เหยียด เฒย คี่ ขูง ค้าด เญย ก๊อง อ๋อย หฒุ ต้อ เยซู มี่ง ตีง เจี๊ยน เหฒียบ หฑั่ง จ๋า. หฒวัง เมี่ยน เห่ว เถา ฮี่ง.

24ปีล้าด ฯฒฯ ตี่ง เอย นิ่น บัว โท้ เญย โหฒว.

25นิ่น ปู๋ง นิ่น บัว โท้ วั้ว เต้า, ต้ง หลาย เหธว หลุ่น ฒี่ง กะญั์ว ไต๋ เจี๋ย เมี่ยน, หฒุ หววน เจี๊ยน โล่ วั้ว เต้า. นิ่น แอ๋ง เฒาะ เยซู จิว ปุน นิ่น บัว, เซว่ย นิ่น บัว โหฒว.

26นิ่น บัว ต้อ เยซู ธ้วด เจ๊า วั้ว หฒั่น, ปวั้ง หฒุ เต้า ไซลีน เมี่ยน, บั๋ว เห่ว ซีโมน, เยียม วั้ว น่า ต้าย อ๋อย เปียะ ฒี่ง. แปง ฯฒฯ ธา ต้าย เฒาะ เหฒียบ หฑั่ง จ๋า หลอง เจี๊ยน ซีโมน เญย บะเต้า, อ๊าบ นิ่น ดาม กัน เจี๊ยน เยซู มี่ง.

27เมี่ยน ธั้ม เญย หย่า กัน เจี๊ยน เยซู มี่ง. ม่าย เต๋ย มเซียะ ตอน หย่า เญี้ยม ตุ๊ โค้ว ไห่ เหว่ย หฒุ นิ่น บัว ค้อ-เลี่ยน ไห่ เยซู.

28เยซู ฮวิน หฑวน ต้าย ก๊อง, “เยลูซาเลม ฒี่ง เญย มเซียะ ตอน อ้า! เม่ย บัว ไม้ ตู๋ง เหว่ย เยีย เญี้ยม โอ่. อ๋อย หฒุ เหว่ย เม่ย บัว กั้น เหธา เม่ย บัว เญย ฝุเจว๊ย เญี้ยม ฮนั้ง.

29เหว่ย หฒุ เฒี่ยง โห่ อ๋อย เถา, เมี่ยน อ๋อย ก๊อง, ‘ไม้ ไฮ่ ม่าย แซง-ยู์ง เญย วั้ว เต๋ย, เหธา ไม้ แก้ง ยู์ง เจี๋ย กู้งว์า วั้ว เต๋ย, แอ๋ง เหธา ไม้ ปุน กู้งว์า ฮบ เจี๋ย หญอ วั้ว เต๋ย มเซียะ ตอน ม่าย เฌียน-โย่ว อ๊ะ.’

30เถา วั้ว หฒั่น เมี่ยน อ๋อย ก๊อง บั๋ว ต้ม ฒอง, ‘บาง ต้าย ดั๊บ เยีย บัว ม่าะ!’ แอ๋ง เห่ว ฟิ้ว-บง, ‘ปย๊บ เจี๊ยน เยีย บัว อ๊ะ.’

31สี ก๊อง เดี๋ยง เญี์ยม เญย เฒี่ยง โห่ นิ่น บัว ฒู้ง ฮนั้ง น้าย โหฒว, เดี๋ยง-โคว-ฆาย อ๋อย ฮนั้ง หาย นอ?”

32นิ่น บัว แอ๋ง ต้อ อี เต้า ฒุ์ย-เมี่ยน มี่ง เหธา เยซู เหยียด เจ๊า ไต๋.

33นิ่น บัว มี่ง เถา นอม ต๋อง บั๋ว เห่ว มฆ้อง-เคาะ ต๋อง, เฒาะ เยซู ตีง เจี๊ยน เหฒียบ หฑั่ง จ๋า. แอ๋ง ตีง วั้ว เต๋ย อี เต้า ฒุ์ย-เมี่ยน เยียม เยซู เญย กะเฮลน. ม่าย เต้า เยียม บย่าว แหมง, ม่าย เต้า เยียม หฒาย แหมง.

34เยซู ก๊อง, “อา เตีย อ้า! โท้ เตีย กวั่ง ฆอย นิ่น บัว เญย ฒุ์ย, เหว่ย หฒุ นิ่น บัว โหฒว เญย นิ่น บัว ไม้ ฮิ้ว.” นิ่น บัว หย่า เฒาะ เยซู เญย ลุย-โหว ต้าย โด๊ว หมั่ง เหว่ย ปุน ฆอย.

35หฒวัง เมี่ยน โซ้ว เจี๊ยน วั้ว หมั่ง. มป่า โหฒว โฮล วั้ว เต๋ย ยิวไท เมี่ยน จั๊ด นิ่น. นิ่น บัว ก๊อง, “นิ่น เหฌียว ตุ๊ เมี่ยน. สี ก๊อง นิ่น ต้ง ทิน-ฮู่ง กิ๊น ต้าย เญย กีตู่, ปุน นิ่น เหฌียว นิ่น กั้น ม่าะ!”

36แปง หย่า ฟี่ ฮนั้ง เญย ฮว้วด เยซู, แอ๋ง มี่ง ฟัด เต๋ย เฒาะ อะหงุ่น ติ๊ว-ซุย ธุ้น ปุน นิ่น

37หย่า ก๊อง, “สี ก๊อง เม่ย หฒะเก้ง ยิวไท เมี่ยน เญย ฮู่ง นอ, เหฌียว เม่ย กั้น ม่าะ!”

38เยียม เยซู กู้ หงว่าย เฟี้ย เจี๊ยน น้าย เต๋ย หว่า, “น้าย เต้า เซ ยิวไท เมี่ยน เญย ฮู่ง.”

39เหธา เยซู ตีง เจี๊ยน วั้ว เต๋ย อี เต้า ฒุ์ย-เมี่ยน ม่าย เต้า ก๊อง โตะ คี เยซู, “เม่ย โหฒว กีตู่ ไม้ เฒ์ย? เหฌียว เม่ย กั้น หย่า เหฌียว เยีย บัว ม่าะ!”

40มป่า วั้ว เต้า ฒุ์ย-เมี่ยน ป๊า นิ่น ก๊อง, “เม่ย ไม้ กั้ม เหฑีย ทิน-ฮู่ง? บัว ล่ม ฑ่อย หฒุ ตี่ง ฒุ์ย ไต่.

41เหว่ย บัว เซ หอบ เญย, ผุย ตุ๊ บัว โหฒว เญย. มป่า น้าย เต้า ไม้ โหฒว ต่อง หาย หญู่ง.”

42นิ่น แอ๋ง ก๊อง บั๋ว เยซู, “เยซู อ้า! เม่ย ต้าย โหฒว ฮู่ง เญย เฒี่ยง โห่, โท้ จั๋ง เต๋ย เยีย โอ่.”

43เยซู เตา นิ่น, “เยีย ก๊อง เฒียน บั๋ว เม่ย, อี้ ฮนอย เม่ย ตุ๊ เหธา เยีย เยียม ออน-เหลาะ หฮวีง.”

44วั้ว หฒั่น อ๊า ลั่ม เหฒียง อ๋าน เญย เฒี่ยง โห่, วั้ว นอม เต่ย-ปูง หฮมวัง เหฑ่ง เถา เหฌี่ย อ๋าน ปัว นอม เฒี่ยง โห่.

45บะฮนอย หย่า หฮมวัง มี่ง. เยียม หฒั่ง ทิน-ฮู่ง เญย เปย๊า วั้ว คว้าย แบะ แก้ง เดีย หย่า บ๋าย โหฒว อี แหมง.

46เยซู เห่ว เฉีย โฮล เญย ก๊อง, “อา เตีย อ้า! เยีย เญย ลี่ง ว่วน เยีย จิว เยียม เตีย เญย ปั์ว.” ฮนั้ง น้าย ก๊อง ลิ์ว ฯฒฯ ตั๋ง เฉีย หมี่ อ๊ะ.

47ม่าย เต้า แปง-เปย๊ย ปวัด น้าย เต๋ย สี่ ธ้วด ฯฒฯ เธง ทิน-ฮู่ง หย่า ก๊อง, “น้าย ล่าน เมี่ยน หฒะเก้ง! คู้ เมี่ยน.”

48กั๊บ ฒุ้น หมั่ง น้าย เต๋ย สี่ เญย หฒวัง เมี่ยน ปวัด สี่ ฮนั้ง น้าย นอ ธ้วด, นิ่น บัว ฯฒฯ เฑ่า ไห่, เฑวย เจี๊ยน หละค้วด หฑวน.

49เหธา เยซู จิว หฒัวะ วั้ว เต๋ย เมี่ยน แอ๋ง เหธา เยียม กาลิลี กัน เยซู ต้าย วั้ว เต๋ย มเซียะ ตอน โซ้ว เจี๊ยน โก เต๋ย เญย หมั่ง น้าย เต๋ย สี่.

50ม่าย เต้า ยูเดีย แซ้ง, อาลิมาเทีย มู้ง เญย เมี่ยน, บั๋ว เห่ว โยเซ้บ. นิ่น โหฒว เต้า คู้ เมี่ยน, กัน หลง ทิน-ฮู่ง เญย เล์ย หย่า หฒั่นๆ ฒั้ว เจี๊ยน ทิน-ฮู่ง ต้าย โหฒว เฒี้ยว เญย ฮนอย เถา. นิ่น หย่า โหฒว เต้า กุ๊น สี่ หวุ่ย เญย เมี่ยน. มป่า วั้ว เต๋ย กุ๊น สี่ เมี่ยน ธ่าง ล่าง ตี่ง ฮนั้ง หาย นอ โหฒว วั้ว หฒั่น, โยเซ้บ ไม้ เถง นิ่น บัว ก๊อง.

52โยเซ้บ มี่ง ล์อ ปีล้าด โท้ เยซู เญย เซย.

53โท้ ลิ์ว ฯฒฯ มี่ง เฒาะ เซย เหฌี่ย ต้าย, หล่ง ล่าม่า เดีย เปว เจี๊ยน ฝูง มี่ง หฒัง นอม หฒุ ต้าย เญย หละเปย๊ย-โฒ้ว. น้าย นอม โฒ้ว ไม้ แก้ง หฒัง เจี๋ย เหยียด เต้า จั๋น-ไต่.

54วั้ว ฮนอย เซ หลิ่ว เล์ย เจี๋ย ตี้ง กง เญย ฮนอย, ตี้ง กง ฮนอย อ๋อย เถา อ๊ะ.

55เยียม กาลิลี กัน เยซู ต้าย วั้ว เต๋ย มเซียะ ตอน กัน เจี๊ยน โยเซ้บ มี่ง หมั่ง โฒ้ว, หย่า หมั่ง นิ่น บัว ฮนั้ง หาย นอ อัน เยซู เญย เซย.

56หมั่ง ลิ์ว นิ่น บัว ฯฒฯ หฑวน มี่ง เบ่น เจี๊ยน ดาง เญย เดีย, ดาง เญย โย่ว, อ๋อย ต้อ มี่ง เฮยี้ยด เยซู เญย เซย. เถา ตี้ง กง ฮนอย, นิ่น บัว ฯฒฯ เอย เล์ย-หลัด ตี้ง กง.

← Chapter 22 Jump to: Chapter 24 →