bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
Leviticus 4
Leviticus 4
Javanese KJS17 (Kitab Jawa Suriname)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
1
GUSTI ngetokké tembung menèh marang Moses mengkéné:
2
“Kowé ngomonga marang wong Israèl: Yèn ana wong sing nerak préntahé GUSTI ora karo sengaja, dadi pantyèn nglakoni salah sakwijiné larangan
3
lan yèn sing nggawé dosa imam sing dijebatani, nganti bangsané katut dosa, kuwi masrahna sapi lanang nom siji sing tanpa tyiri, kanggo kurban ngluwari dosa ngadep marang GUSTI.
4
Sapi diladèkké ing ngarepé GUSTI nang ngarep lawangé Tarup Kumpulan, tangané ditumpangké ing endasé sapi, lan sapiné terus dibelèh ing ngarepé GUSTI,
5
imam sing dijebati kuwi terus njupuka getihé sapi terus digawa mlebu menyang Tarup Kumpulan,
6
lan imam mau terus nyelupna drijiné ing getih kuwi lan diepyurké nganti kaping pitu ing ngarepé GUSTI ing ngarepé geber Griya Sutyi.
7
Sakwisé mengkono getihé sak bagéan dilèlètké ing sunguné mesbèh pedupan ratyikan bumbu-bumbu wangi ing ngarepé GUSTI nang njeruh Tarup Kumpulan.
8
Lan sakkèhé gajihé sapi lanang kurban ngluwari dosa kuwi jupukana gajihé sing mbuntel jeroané lan sakkèhé gajihé sing nèmplèk ing jeroané,
9
lan ginjelé loro pisan sak gajihé sing kelèt ing kono, ya kuwi ing lempèng, uga gèmbèlé atiné, njupuka bareng karo ginjelé,
10
pada kaya enggoné njupuk sangka sapi kurban keslametan, terus diobongi karo imam ing mesbèh kurban obongan.
11
Lan lulangé lan sakkèhé dagingé sapi lanang, endasé lan pupuné, jeroané lan tlétongé,
12
dadi sapi lanang kabèh digawa metu menyang sak njabané tarup, ing panggonan sing ora ana najisé, ya ing panggonan pembuwangan awu, terus diobongi nganti entèk ing geni kayu ing panggonan pembuwangan awu.
13
Yèn sing nggawé dosa ora njarak umat Israèl kabèh kuwi, sakjané pasamuan ora rumangsa pada nglakoni sakwijiné salah bab sing dadi préntahé GUSTI, kabèh pada dadi dosa,
14
yèn dosa sing digawé kuwi konangan, terus pasamuan masrahaké sapi lanang nom siji kanggo kurban ngluwari dosa. Sapi mau diladèké menyang ngarepé Tarup Kumpulan.
15
Para pemimpiné pasamuan terus pada numpangké tangané ing endasé sapi ana ngarepé GUSTI lan sapiné dibelèh ing ngarepé GUSTI.
16
Imam sing dijebatani terus nggawaa getihé sapi mau menyang Tarup Kumpulan
17
lan nyelupké drijiné ing getih kuwi lan dityipratké kaping pitu nang ngarepé GUSTI, nang ngarepé geber.
18
Uga getih mau sak bagéan dilèlètké ing sunguné mesbèh sing nang ngarepé GUSTI ing njeruh Tarup Kumpulan lan getih turahé disuntaké kabèh nang bawah ngisor mesbèh kurban obongan, sing nang ngarepé lawang Tarup Kumpulan.
19
Lan gajihé sapi kuwi kabèh jupukana lan diobongi ing mesbèh.
20
Sapiné lanang digawèkké pada karo sapi lanang sing kanggo kurban ngluwari dosa, kaya mengkono gawéané sapi. Karo tyara mengkono imam enggoné nganakké rukunan kanggo wong okèh, nganti bakal pada dikèki ngapura.
21
Lan sapi lanang kuwi digawa menyang sak njabané tarup lan diobongi nganti entèk pada kaya enggoné ngobong sapi lanang sing ndisik. Kuwi kurban ngluwari dosa kanggo pasamuan.
22
Yèn sing nggawé dosa kuwi sakwijiné penggedé sing ora njarak nerak salah sakwijiné préntahé GUSTI, Gusti Allahé, nganti dadi dosa,
23
yèn dosa sing digawé kuwi diduduhké marang wongé, dèwèké terus nggawaa wedus gèmbèl siji lanang sing tanpa tyiri kanggo kurbané.
24
Tangané terus ditumpangké ing endasé wedus kuwi, wedus terus dibelèh ing panggonan sing lumrahé kanggo mbelèh kurban obongan ing ngarepé GUSTI, kuwi dadi kurban ngluwari dosa.
25
Imam terus njupuka getihé kurban ngluwari dosa kuwi setitik nganggo drijiné, lèlètna ing sungu-sungu mesbèh kurban obongan.
26
Nanging gajihé kabèh kudu diobong ing mesbèh, pada kaya gajihé kurban keslametan. Mengkono imam enggoné nganakké rukunan, nganti wongé terus dikèki ngapura.
27
Yèn sing nggawé dosa sing ora njarak wong sangka rayat lumrah, nerak salah sakwijiné préntahé GUSTI, nganti kuwi nandangi dosa,
28
yèn dosa sing digawé wis diduduhké, terus nggawaa wedus wédok sing tanpa tyiri kanggo kurbané, awit sangka dosa sing wis ditindakké,
29
tangané terus ditumpangké ing endasé kurban ngluwari dosa, terus wedusé dibelèh nang panggonan kurban obongan.
30
Imam terus ndulita getihé setitik dilèlètké ing sungu-sungu mesbèh kurban obongan, getih turahané terus disiramké kabèh nang sikilé mesbèh kurban obongan.
31
Nanging gajihé kabèh njupuka pada kaya njupuk gajihé kurban keslametan, terus diobongi karo imam ing mesbèh, kanggo ambuné sing nggawé senengé GUSTI. Kaya mengkono imam enggoné nganakké rukunan kanggo wongé, nganti terus dikèki ngapura.
32
Nanging yèn sing digawa kanggo kurban ngluwari dosa kuwi wedus gèmbèl, kuwi kudu wédok lan tanpa tyiri,
33
tangané ditumpangké ing endasé kurban ngluwari dosa kuwi, wedus terus dibelèh dadi kurban ngluwari dosa nang panggonan sing kanggo mbelèh kurban obongan.
34
Imam terus ndulita getihé kurban ngluwari dosané setitik, lèlètna ing sungu-sungu mesbèh kurban obongan lan getih turahané esokna nang sikilé mesbèh.
35
Nanging gajihé kabèh didèwèkké, pada kaya gajihé wedus gèmbèl kurban keslametan, terus diobong karo imam ing mesbèh tyarané kaya kurban sing dibakar duwèké GUSTI. Mengkono imam enggoné nganakké rukunan kanggo wongé kuwi awit dosa sing wis digawé; nganti bakal dikèki ngapura.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27