bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
Leviticus 7
Leviticus 7
Javanese KJS17 (Kitab Jawa Suriname)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
1
“Iki pernatan bab kurban denda. Kurban kuwi kurban sing Mahasutyi.
2
Enggoné mbelèh kurban denda kuwi anaa ing panggonané mbelèh kurban obongan, lan getihé disiramké ing sak ubengé mesbèh.
3
Sing dipasrahké ya kuwi: kabèh gajihé, buntuté sing ana gajihé lan gajihé sing mbuntel jeroané,
4
ginjelé karo pisan sak gajihé, ing lempèng, uga gèmbèlané atiné jupukana bareng karo ginjelé.
5
Kabèh mau diobongi karo imam ing mesbèh dadi kurban bakaran ngadep marang GUSTI. Kuwi kurban denda.
6
Sing mangan kuwi wong lanang tunggalé para imam, dipangan ing panggonan sing sutyi, kuwi sing dadi bagèané sing Mahasutyi.
7
Kurban denda kuwi dipadakaké kaya kurban ngluwari dosa; pernatan siji kanggo loro-loroné; kuwi sing dadi bagèané imam sing nganakké rukunan karo kurban mau.
8
Mengkono uga imam sing masrahaké kurban obongan kanggo saben wong, ya imam kuwi sing nduwèni lulangé kurban obongan sing dipasrahké.
9
Saben kurban panganan sing dipanggang ing panggangan roti, lan sak kabèhé sing diolah ing wajan lan sing dipanggang, kuwi dadia pandumané imam sing masrahaké.
10
Saben kurban panganan sing diolah karo lenga utawa garingan kuwi dadi pandumané para anaké Harun, kabèh olèh panduman.”
11
“Iki pernatan bab kurban keslametan, sing arep dipasrahké marang GUSTI.
12
Yèn sing dipasrahké kuwi kanggo kurban pamuji maturkesuwun, kurbané kuwi dibarengi roti bunder tanpa ragi, ngolahé dityampuri lenga, lan roti tipis tanpa ragi sing dioseri lenga, uga glepung gandum pilihan diulèni lenga.
13
Enggoné masrahaké kuwi dibarengi roti bunder sing karo ragi, dadi siji karo kurban keslametan lan pamuji maturkesuwun.
14
Terus siji-sijiné bagéan sing dipasrahké kuwi dijukukké-roti siji, dipasrahké kanggo pisungsung spésial marang GUSTI, pisungsung kuwi dadi pandumané imam sing nyiramké getihé kurban keslametan kuwi.
15
Lan dagingé kurban maturkesuwun sing dadi kurban keslametan kuwi dipangan ing dina enggoné masrahaké, aja ana sing dingèngèh tekan ésuké.
16
Lan yèn kurban sing dibelèh mau kanggo ngluwari janji utawa kurban kebungahan, kuwi dipangan ing dina enggoné masrahaké lan turahané kena dipangan ésuké.
17
Nanging apa sing ijik turah nganti dina kaping telu kuwi kudu diobongi nganti entèk.
18
Awit yèn dagingé kurban keslametan kuwi dipangan ing dina kaping telu, kuwi bakal ora ketampa, lan kurbané dianggep batal, malah dadi ngregeti, lan sapa wong sing mangan kuwi bakal nyangga kesalahané déwé.
19
Daging kuwi yèn kesénggol karo barang sing najis, kuwi aja dipangan, nanging kudu diobong nganti entèk. Saben wong sing ora najis tak lilani mangan dagingé kurban kuwi.
20
Nanging saben wong sing mangan daging kurban keslametan sing kanggo GUSTI, nanging wong mau kahanané najis, nyawané kudu dientèkké sangka antarané bangsané.
21
Lan menèh yèn ana wong sing ndemèk sembarang sing najis, ya kuwi najisé manungsa, utawa najisé kéwan sing najis utawa kéwan nggremet sing najis, nanging terus mangan dagingé kurban keslametan sing kanggo GUSTI, wong sing mengkono kuwi dientèkké sangka antarané bangsané.”
22
GUSTI terus ngetokké tembung marang Moses mengkéné:
23
“Kowé ngomonga marang wong Israèl: Kowé aja pada mangan gajihé sapi, gajihé wedus gèmbèl utawa gajihé wedus gèmbèl.
24
Lan gajihé batang lan gajihé kéwan sing mati ketubruk kuwi kena kanggo saben kaperluan, nanging aja pisan-pisan kok pangan.
25
Awit sapa wong sing mangan gajihé kéwan sing dipasrahké dadi kurban bakaran kanggo GUSTI, wong sing mengkono kuwi dientèkké sangka antarané bangsané.
26
Mengkono uga ing ngendi waé panggonanmu, kowé aja mangan sembarang getih, senajan getihé manuk utawa getihé kéwan.
27
Sapa wong sing mangan saben getih, kuwi nyawané dientèkké sangka antarané bangsané.”
28
GUSTI ngetokké tembung marang Moses mengkéné:
29
“Kowé ngomonga marang umat Israèl: Sapa sing masrahaké kurban keslametan marang GUSTI, kuwi masrahna pisungsungé marang GUSTI sak bagéan kurbané keslametan mau.
30
Kudu karo tangané déwé enggoné masrahaké sakkèhé kurban bakaran sing kanggo marang GUSTI kuwi. Nanging gajihé karo dadané kuwi sing dipasrahké; dadané supaya digoyangké dadi pisungsung goyangan ing ngarepé GUSTI.
31
Lan gajihé terus diobongi karo imam ing mesbèh, nanging dadané mau dadi pandumané Harun lan para anaké.
32
Uga sampilé sing tengen kok pasrahké marang imam dadi pisungsung sangka sakkèhé kurbanmu keslametan.
33
Anaké Harun sing ngurbanké getih lan gajihé kurban keslametan, kuwi sing kudu olèh panduman sampilé tengen mau.
34
Awit dadané pisungsung goyangan lan sampilé pisungsung spésial kuwi wis pada Tak jikuk sangka wong Israèl sangka sakkèhé kurbané keslametan, lan wis Tak wènèhaké marang imam Harun lan marang anak-anaké; kuwi dadia pernatan kanggo selawasé kanggo wong Israèl.”
35
Ya kuwi pandumané Harun lan pandumané anak-anaké sangka sakkèhé kurban bakaran kanggo GUSTI, waktu pada dikarepké dadi imam kanggo GUSTI;
36
kuwi sing wis dipréntahké karo GUSTI supaya dipasrahké marang para imam mau sangka wong Israèl nalikané pada dijebatani, kuwi dadia pernatan kanggo selawasé turun-temurun.
37
Kuwi mau pernatan kanggo kurban obongan, kurban panganan, kurban ngluwari dosa, kurban denda, pisungsung panetepan lan kurban keslametan,
38
sing dipréntahké karo GUSTI marang Moses ing gunung Sinai ing nalikané wong Israèl pada dikongkon ing ara-ara samun Sinai, supaya pada masrahaké kurbané marang GUSTI.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27