bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ecclesiastes 1
Ecclesiastes 1
Kamba (Mbivilia) 1956
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
1
Ndeto sya mũtavan’ya, mwana wa Ndaivti, mũsumbĩ ku Yelusaleme.
2
No mana, mana vyũ, easya ũu Mũtavan’ya; no mana, mana vyũ, maundũ onthe nĩ mana.
3
Mũndũ e na ũunĩko mwaũ ũndũ wa wĩa wake w’onthe ũla wĩthĩnĩasya ĩtheo wa syũa?
4
Nzyawa ĩmwe nĩvĩtaa, na nzyawa ĩngĩ nĩyũkaa; ĩndĩ nthĩ nĩyĩkalaa tene na tene.
5
O na syũa nĩyumaa, na syũa nĩyĩthũaa, na kwĩkalaata yĩthi vandũ vayo vala yumaa.
6
Kĩseve nĩkĩendaa kwelekela ngalĩ ya ĩtheo, na kwĩthyũũa kwelekela ngalĩ ya ĩũlũ; nĩkĩthyũlũlũkaa mavinda onthe nzĩanĩ yakyo, na kĩseve nĩkĩsyokaa ĩngĩ ĩthyũlũlũnĩ syakyo.
7
Mbũsĩ syonthe niendaa ũkanganĩ, ĩndĩ ũkanga ndusũaa; vandũ o vala mbũsĩ iendaa, no vo iendaa ĩngĩ.
8
Maũndũ onthe nĩmausũĩtwe nĩ mĩnoo; mũndũ ndatonya kũneenekya; itho yĩtikolaa kwona, kana kũtũ kũkakola kwĩw’a.
9
Kĩla kyaĩ kw’o nokyo kĩkethĩwa; na ũndũ ũla weekiwe now’o ũla ũkekwa: na kũti ũndũ weũ ĩtheo wa syũa.
10
Ve kĩndũ kĩla kĩtonya kũwetwa ũndũ wakyo, Sisya, kĩĩ nĩ kyeũ? Kyaĩ o kw’o kuma tene mũno, mavinda ala maĩ kw’o tũtanethĩwa.
11
Kũti ũlilikano wa nzyawa sya mbee; o na kũtikethĩwa ũlilikano wa nzyawa sya ĩtina ila ikoka, katĩ wa ala makoka ĩtina.
12
Nyie Mũtavany’a naĩ mũsumbĩ ĩũlũ wa Isilaeli ku Yelusaleme.
13
Na neekĩa ngoonĩ yakwa kũmantha na kũthiana na nzĩa ya ũĩ ũvoo wa maũndũ onthe ala mekawa ĩtheo wa ĩtu: nĩ thĩna mũnene ũla Ngaĩ ũnengete ana ma andũ mathĩnaw’e nĩw’o.
14
Nĩnonete mawĩa onthe ala mekawa ĩtheo wa syũa; na, sisya, onthe nĩ mana na ta kũsemban’ya na kĩseve.
15
Kĩla kĩthyoeku kĩtitonya kũlũngalw’a; na kĩla kĩte vo kĩtitonya kũtalwa.
16
Nĩnaneenanisye na ngoo yakwa, ngyasya, Sisya, nĩnĩyoseete ũĩ mũnene kũvĩtũka onthe ala maĩ mbee wakwa ku Yelusaleme; ĩĩ, ngoo yakwa nĩyonete ki ũĩ na ũmanyi.
17
Na neekĩa ngoonĩ yakwa nĩmanye ũĩ, na kũmanya ũũũki na ũtumanu: na noona o na ũu naw’o no ta kũsemban’ya na kĩseve.
18
Nũndũ nthĩnĩ wa ũĩ mwingĩ kwĩ woo mwingĩ; na ũla wingĩvasya ũmanyi nĩwingĩvĩĩasya woo.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 2 →
All chapters:
1
2
3
4
5
6
7
8
9
10
11
12