bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ecclesiastes 8
Ecclesiastes 8
Kamba (Mbivilia) 1956
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
1
Nũũ ũilyĩ ta mũndũ mũĩ? Na nũũ ũla wĩsĩ ũalyũlo wa ũndũ? Ũĩ wa mũndũ nũtisangĩthasya ũthyũ wake, na wũmũ wa ũthyũ wake ũkĩalyũka.
2
Nĩngũkũtaa, Kwata mwĩao wa mũsumbĩ nũndũ wa kũmwĩavĩa Ngai.
3
Ndũkekalaate kuma vala ũĩ: ndũkething’ĩĩsye ũndũnĩ ũthũku: nũndũ nĩwĩkaa o ũndũ ũla ũmwendeeasya.
4
Nũndũ ndeto ya mũsumbĩ yĩ na vinya; na nũũ ũtonya kũmwĩa, Wĩĩka ata?
5
O ũla ũkakwata mwĩao ndakamanya ũndũ ũthũku; na ngoo ya mũndũ mũĩ nĩmanyaa ĩvinda na ũsilĩlo:
6
nũndũ kwondũ wa kĩla ũndũ kwĩ ĩvinda na ũsilĩlo; nĩkwĩthĩwa thĩna wa mũndũ nĩ mũnene ĩũlũ wake:
7
nũndũ ndesĩ ũla ũkethĩwa; nũndũ nũũ ũtonya kũmũtavya kũkethĩwa ata?
8
Vati mũndũ ũla wĩ na vinya ĩũlũ wa veva, wa kũsiĩĩa veva; o na nde na vinya ĩũlũ wa mũthenya wa kĩkw’ũ; na vati kũvutwa kaũnĩ; o na ũthũku ndũkamũvonokya ũla wenenganie kwaw’o.
9
Ũũ w’onthe nĩnonete, na neekĩa ngoo yakwa kĩla wĩanĩ ũla ũtethaw’a ĩtheo wa syũa; kwĩ ĩvinda yĩla mũndũ ũmwe wĩ na vinya ĩũlũ wa ũngĩ na akĩyĩka ũthũku.
10
Na ĩndĩ noona ala athũku mathikwa nthĩ, na mooka mathikonĩ; na ala meekie ũseo maumie vandũ vatheu, na moola ndũanĩ: o na ũu naw’o nĩ mana.
11
Nĩkwĩthĩwa ũtwi ũla ũtusĩaw’a wĩa mũthũku ndwĩanĩaw’a mĩtũkĩ, kwondũ wa ũu ngoo sya ana ma andũ nilũmĩtw’e syĩke ũthũku.
12
O na ethĩwa mũndũ mwathe akeeka ũthũku mavĩnda ĩana, na kwongeleela mĩthenya yake, ĩndĩ vate ndĩi nĩnĩsĩ kũkeethĩwa ũseo kwa ala makĩaa Ngai, ala makĩaa mbee wake:
13
ĩndĩ kũtikethĩwa ũseo kwa ũla mũthũku o nake ndakongeleela mĩthenya yake, ĩla ĩilyĩ ta muunyĩ; nĩkwĩthĩwa ndakĩaa Ngai.
14
Kwĩ ũndũ wa mana ũla wĩkawa ĩũlũ wa nthĩ, atĩ nĩkwĩkĩkaa kwa andũ alũngalu kwĩanana na wĩa wa ala athũku: na ĩngĩ, nĩkwĩkĩkaa kwa andũ athũku kwĩanana na wĩa wa ala alũngalu: naisye o na ũu naw’o nĩ mana.
15
Nĩvo ĩndĩ nataĩe ũtanu, nĩkwĩthĩwa mũndũ nde na ũndũ ũseo mbee ĩtheo wa syũa kwi kũya, na kũnyw’a, na kũtana: nũndũ ũndũ ũsu ũkekalaa nake wĩanĩ wake mĩthenya yonthe ya thayũ wake ũla Ngai ũmũnengete ĩtheo wa syũa.
16
Yĩla nanenganie ngoo yakwa ĩmanye ũĩ, na kwona maũndũ ala mekawa ĩũlũ wa nthĩ (nĩkwĩthĩwa ve ũla ũtaona too na metho make mũthenya kana ũtukũ),
17
nĩvo ĩndĩ noonĩe wĩa w’onthe wa Ngai, atĩ mũndũ ndatonya kũmanya wĩa ũla ũtethaw’a ĩtheo wa syũa: nĩkwĩthĩwa o na mũndũ akethĩn’ya ata kũmantha, ndakawona; ĩĩ o na mbee wa ũu, o na ethĩwa mũndũ mũĩ nũsũanĩaa kũmanya ndakatonya kũwona.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 9 →
All chapters:
1
2
3
4
5
6
7
8
9
10
11
12