bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ecclesiastes 9
Ecclesiastes 9
Kamba (Mbivilia) 1956
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 10 →
1
Ũu w’onthe naia ngoonĩ yakwa, o kũmantha ũũ w’onthe: atĩ ũla mũlũngalu, na ũla mũĩ, na mawĩa moo me mokonĩ ma Ngai; ethĩwa nĩ wendo kana kĩmena, mũndũ ndawĩsĩ; w’onthe wĩ mbee woo.
2
Maũndũ onthe mokaa ũndũ ũmwe kwa onthe; ve ũndũ ũmwe kwa ũla mũlũngalu na kwa ũla mũthũku; kwa ũla mũseo na kwa ũla mũtheu na ũla mũvuku; kwa ũla ũthembaa na kwa ũla ũtathembaa; o tondũ ũla mũseo ũilyĩ, now’o mũndũ mwathe ũilyĩ; na ũla wĩvĩtaa, o ta ũla ũkĩaa wĩvĩto.
3
Ũũ nĩ ũthũku maũndũnĩ onthe ala mekawa ĩtheo wa syũa, atĩ kwĩ ũndũ ũmwe kwa onthe: ĩĩ o na ĩngĩ ngoo sya ana ma andũ nĩsyusũĩte ũthũku, na ũũũki wĩ ngoonĩ syoo yĩla me thayũ, na ĩtina wa ũu maendaa vala ve akw’ũ.
4
Indĩ kwa ũla ũkwatene na onthe ala me thayũ kwĩ wĩkwatyo; nũndũ ngitĩ yĩ thayũ yĩ kavaa kwĩ mũnyambũ mũkw’ũ.
5
Nũndũ ala me thayũ mesĩ makakw’a; ĩndĩ ala akw’ũ matyĩsĩ ũndũ o na wĩva, o na mati na ĩtũvi ĩngĩ; nũndũ kũlilikanwa kwoo nĩkũlaa.
6
Wendo woo, o na kĩmena kyoo na kĩwĩu kyoo, nĩsyaaie tene mũno; o na mati na kĩanda ĩngĩ tene na tene ũndũnĩ o na wĩva ũla wĩkawa ĩtheo wa syũa
7
Ĩendee, ya kĩmũtũ kyaku na ũtanu, na nyw’a mbinyu yaku na ngoo ndanu; nũndũ Ngai nĩwĩtĩkĩlĩte mawĩa maku.
8
Ngũa syaku nĩsyĩthĩwe syĩ nzaũ mavinda onthe; na mũtwe waku ndũkaanyĩvĩwe nĩ mauta.
9
Ĩkala na ũtanu na kĩveti kĩla ũkyendete mĩthenya yonthe ya thayũ waku wa mana, ũla ũkũnengete ĩtheo wa syũa, mĩthenya yaku yonthe ya mana: nũndũ kyu nĩ kĩanda kyaku wĩ thayũ, na wĩanĩ waku ũla ũtethasya ĩtheo wa syũa.
10
O ũla kw’oko kwaku kwona wa kwĩka, ĩka na vinya waku, nũndũ kũti wĩa kana ũsũanĩo, kana ũmanyi, kana ũĩ, Seoli vala ũendete.
11
Nĩneethyũũie, na noona ĩtheo wa syũa, kana kũsemba ũkĩlanyonĩ ti kwa ala me mĩtũkĩ, kana kũkita kwa ala me vinya, o na kĩmũtũ kwa ũla mũĩ, o na ũthwii kwa andũ me na ũmanyi, kana ũseo kwa ala me na ũtũĩka; ĩndĩ ĩvinda na ĩvuso nĩsyĩkĩkaa kwa onthe.
12
Nũndũ mũndũ nake ndamanyaa ĩvinda yake: ta makũyũ ala makwataw’a kĩteinĩ kĩthũku, na ta nyũnyi ila ikwataw’a na ĩkenge, o ta ũu ana ma andũ makwataw’a ĩvinda ĩthũku, yĩla yĩmavalũkĩlaa na kĩthũlũmũko.
13
O na nĩnonete ũĩ ĩtheo wa syũa ta ũũ, na wooneka kwakwa ta mũnene:
14
Kwaĩ ndũa nini, na andũ avũthũ nthĩnĩ wayo; na kwookie mũsumbĩ mũnene kũkita nayo, na amĩtw’ĩkanĩsya, na amyakĩĩa maũvai matũlu.
15
Na nthĩnĩ wayo kwoonekie mũndũ mũĩ ngya, nake kwondũ wa ũĩ wake amĩvonokya ĩ ndũa; ĩndĩ vatyaĩ mũndũ waalilikana mũndũ ũsu ngya.
16
Nĩvo ĩndĩ naisye, Ũĩ nĩ kavaa kwĩ vinya, o na ũu w’onthe ũĩ wa mũndũ ũsu ngya nũvũthaw’a, na ndeto syake ityĩthukĩĩw’a.
17
Ndeto sya ũla mũĩ ikĩthukĩĩw’a na ũuu nĩ kavaa kwĩ kĩlonzo kya ũla ũsumbĩkaa katĩ wa ndia.
18
Ũĩ wĩ kavaa kwĩ mĩio ya kaũ; ĩndĩ mũndũ ũmwe mwathe nĩwanangaa ũseo mwingĩ.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 10 →
All chapters:
1
2
3
4
5
6
7
8
9
10
11
12