bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ecclesiastes 7
Ecclesiastes 7
Kamba (Mbivilia) 1956
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
1
Syĩtwa ĩseo yĩ kavaa kwĩ mauta me vata mũno; na mũthenya wa kũkw’a wĩ kavaa kwĩ mũthenya wa kũsyawa kwa mũndũ.
2
Nĩ kavaa kũthi nyũmbanĩ ya kũmetea kwĩ kũthi nyũmbanĩ ya kũĩĩwa mboka: nũndũ ũu nĩ mũminũkĩlyo wa andũ onthe; na ũla wĩ thayũ akaia ũndũ ũsu ngoonĩ yake.
3
Woo wĩ kavaa kwĩ kũtheka; nũndũ kwondũ wa woo kwoneka ũthyũnĩ ngoo nĩnĩũtanw’a.
4
Ngoo ya ũla mũĩ yĩ nyũmbanĩ ya kũmetea; ĩndĩ ngoo sya ndia syĩ nyũmbanĩ ya kũtanĩa.
5
Nĩ kavaa kwĩw’a ũkan’yo wa ũla mũĩ, kwĩ mũndũ kwĩw’a wathi wa ndia.
6
O tondũ kũilyĩ kũlalamũka kwa mĩw’a ungu wa mbisũ, o ta ũu now’o kũilyĩ kũtheka kwa ndia; o na ũu naw’o nĩ mana.
7
Vate ndĩi kũvutana nĩkũmũtw’ĩkĩthasya mũndũ mũĩ mũtumanu; na ĩvaki nĩyanangaa ũmanyi.
8
Mũminũkĩlyo wa ũndũ nĩ kavaa kwĩ wambĩlĩlyo; na mũmĩĩsya vevanĩ nĩ kavaa kwĩ mwĩkathĩĩi vevanĩ.
9
Ndũkethĩwe wĩ mĩtũkĩ kũthata vevanĩ waku; nũndũ ũthatu wĩkalaa kĩthũinĩ kya ndia.
10
Ndũkasye, Kĩtumi nĩ kyaũ kya mĩthenya ya tene kwĩthĩwa kavaa kwĩ ĩno? Nũndũ ndũkũlasya na ũĩ ũndũnĩ ũsu.
11
Ũĩ nĩ mũseo o ta ũtiĩwa; nĩ mũseo mbee kwa ala monaa syũa.
12
Nũndũ ũĩ nĩ ũsũvĩo, o tondũ mbesa nĩ ũsũvĩo; ĩndĩ ũseo mũnene wa ũmanyi nĩ, atĩ ũĩ nũsũvĩaa thayũ wa ũla wĩ naw’o.
13
Sũanĩa wĩa wa Ngai: nũndũ nũũ ũtonya kũlũngalya kĩla we wathyoekisye?
14
Mũthenya wa ũunĩko tana, na mũthenya wa ũkya sũania; ĩĩ, Ngai nũseũvĩtye ũmwe ũkwatene na ũla ũngĩ, nĩ kana mũndũ ndakamanye ũndũ o na wĩva, ũla ũkethĩwa ĩtina.
15
Ũũ w’onthe nĩnonete mĩthenyanĩ yakwa ya mana: ve ũndũ mũlũngalu ũla waaa ũlũngalunĩ wake, na ve mũndũ mũthũku ũla ũasavasya thayũ wake o akĩka ũthũku.
16
Ndũkethĩwe na ũlũngalu mũvĩtũku; na ndũkethĩwe na ũĩ mũvĩtũku: wĩyanangĩa mwene kĩ?
17
Ndũkethĩwe na ũthũku mũvĩtũku, o na ndũkethĩwe wĩ mũtumanu: wĩkw’a ĩvinda yaku yĩte ĩviku nĩkĩ?
18
Nĩ ũseo ũkwate ũndũ ũũ; ĩĩ, o na ndũkatũnge kw’oko kwaku kuma ũndũnĩ ũya: nũndũ ũla ũmũkĩaa Ngai akeeyumya nthĩnĩ wa asu onthe.
19
Uĩ nĩ vinya kwa mũndũ ũla wĩ na ũĩ kũvĩtũka asumbĩki ĩkũmi ala me ndũani.
20
Vate ndĩi kũti mũndũ mũlũngalũ ĩũlũ wa nthĩ, ũla wĩkaa nesa, ũteka naĩ.
21
O na ndũkethukĩĩsye ndeto syonthe ila ĩneenawa, ndũkese kwĩw’a mũthũkũmĩ waku akĩũuma;
22
nũndũ mavinda maingĩ ngoo yaku nayo nĩyĩsĩ kana we mwene nũumĩte angĩ.
23
Ũu w’onthe nĩndatĩte kwa ũĩ: naisye, ngeethĩwa nĩ mũĩ; ĩndĩ waĩ kũasa nakwa.
24
Ũla wĩ kw’o, wĩ kũasa na ũliku mũno; nũũ ũtonya kũmanya?
25
Nĩneethyũũie, na ngoo yakwa yaiwa kũmanya na kũthiana, na kũmantha ũĩ na kĩtumi kya maũndũ, na kũmanya kana ũthũku nĩ ũtumanu, na ũtumanu naw’o nĩ ũũũki.
26
Nakwa nĩngwona wĩ ũũ kwĩ kĩkw’ũ mũndũ mũka ũla ngoo yake yĩ itei na mĩkwa, na moko make nĩ syĩndũ sya kwova nasyo: o ũla ũmwendeeasya Ngai akavonoka kuma vala ũĩ; ĩndĩ mũndũ mwathe akakwatwa nĩwe.
27
Sisya, nĩnonete ũu, easya Mũtavan’ya, ngĩthiman’ya ũndũ ũmwe na ũla ũngĩ, nĩmanye kĩtumi;
28
Ũndũ ũla ngoo yakwa yendaa kũmantha ĩndĩ ndĩnamba kũwona: mũndũ mũũme ũmwe katĩ wa ngili nĩnonete; ĩndĩ mũndũ mũka katĩ wa asu onthe ndyaona.
29
Sisya, ũndũ ũla nonete nĩ ũũ: Ngai nĩwombie mũndũ e mũlũngalu; ĩndĩ nĩmamanthaa makosokoso maingĩ.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 8 →
All chapters:
1
2
3
4
5
6
7
8
9
10
11
12