bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Ecclesiastes 5
Ecclesiastes 5
Kamba (Mbivilia) 1956
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
1
Sũvĩa kũũ kwaku yĩla ũendaa nyũmbanĩ ya Ngai; nũndũ kũthengeea wĩw’e kwĩ kavaa kwĩ kũnengane nthembo ya ndia: nũndũ ityĩsĩ nĩsyĩkaa ũthũku.
2
Ndũkethĩwe ũkĩvulũka na kanyw’a waku, na ngoo yaku ndĩkekalaate kũneena ũndũ mbee wa Ngaĩ; nũndũ Ngai e ĩtunĩ, naku wĩ nthĩ: kwondũ wa ũu ndeto syaku nĩsyĩthĩwe mbũthũ.
3
Nũndũ ndoto nĩyũkaa nũndũ wa wĩa kwingĩva, na wasya wa ndia nũndũ wa ndeto kwingĩva.
4
Yĩla weevĩtĩa Ngai wĩvĩto, ndũkethĩwe na kĩkono kya kũwĩanĩsya; nũndũ ndatanĩthaw’a nĩ ndia: ĩanĩsya ũla weevĩtie.
5
Nĩ kavaa ũkalea kwĩvĩta, kwĩ kwĩvĩta na ũkĩlea kwĩanĩsya.
6
Ndũkaeke kanyw’a waku ũvĩtĩthya mwĩĩ waku; o na ndũkaneene mbee wa ũla mũlaĩka atĩ nĩ ĩvĩtyo: nũndũ wa kĩ Ngai ũthataa akĩw’a wasya waku, na aiananga wĩa wa moko maku?
7
Nũndũ wingĩvonĩ wa ndoto kwĩ maũndũ ma mana, o na ndetonĩ mbingĩ: ĩndĩ we kĩa Ngai.
8
Ethĩwa wĩona kũthĩnw’a kwa ngya, na ũsili wa katĩ na ũlũngalu maivetwa na ũng’endu kĩlungunĩ kĩnene kya nthĩ, ndũkaseng’e ũndũ wa ũndũ ũsu: nũndũ ũmwe ũla wĩ ĩũlũ kwĩ ala me ĩũlũ nũsiasya; na ve ala me ĩũlũ kwĩ asu.
9
Na ũndũ ũngĩ ũtandĩthyo wa nthĩ nĩ wa onthe: mũsumbĩ we mwene athũkũmawa nĩ mũũnda.
10
Ũla wendaa vetha ndakeanĩwa nĩ vetha; kana ũla wendaa wingĩ vamwe na wingĩvo: o na ũu naw’o nĩ mana.
11
Yĩla syĩndũ syaingĩva, nĩmekwingĩva ala maiĩsaa; na kwĩ ũtethyo mwaũ kwa mwene wasyo, ate o kũsyĩloela na metho make?
12
Too kwa mũndũ ũtethasya wĩa wĩ mũyo, ethĩwa nũĩsaa mũnini kana mwingĩ; ĩndĩ kũvũna kwa mũthwii kũtikũeka akome.
13
Kwĩ ũthũku wĩ woo ũla nonete ĩtheo wa syũa, naw’o nĩ ũũ, ũthwii ũsũvĩawa nĩ mwene waw’o na ũkĩmũetee ũthũku:
14
na mothwii asu makyanangĩka kwondũ wa ũndũ ũthũku; na ethĩwa nake nũsyaĩte mwana, vati kĩndũ kw’okonĩ kwake.
15
O ũndũ waumie ĩvunĩ ya nyinyia, akasyoka e mũthei o tondũ waumie, na ndakatwaa kĩndũ ũndũ wa wĩa wake, kĩla ũtonya kũkua kw’okonĩ kwake.
16
O na ũu naw’o nĩ ũthũku wĩ woo, atĩ o ũndũ wokie, now’o ũkathi; na ũla wĩthĩnĩasya kĩseve e na ũunĩko mwaũ?
17
O na mĩthenya yake yonthe aĩaa kĩvindunĩ, na nũthĩnaw’a mũno, na e na ũwau na ũthilĩku.
18
Sisya, ũla nonete wĩ ũseo na mwaĩlu nĩ mũndũ kũya na kũnyw’a, na kũtanĩaa ũseo wĩanĩ wake w’onthe, ũla wĩthĩnĩasya ĩtheo wa syũa, mĩthenya yonthe ya thayũ wake ũla, Ngai ũmũnengete: nũndũ ũu nĩ kĩanda kyake.
19
O na kĩla mũndũ ũla Ngai ũmũnengete ũthwii na syĩndũ nyingĩ, na ũmũnengete ũtonyi wa kwiĩsaa, na kwosa kĩanda kyake, na kũtana wĩanĩ wake — ũsu nĩw’o mũthĩnzĩo wa Ngai.
20
Nũndũ ndakalilikana mũno mĩthenya ya thayũ wake; nĩkwĩthĩwa Ngai nũmũsũngĩaa ũtanunĩ wa ngoo yake.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
All chapters:
1
2
3
4
5
6
7
8
9
10
11
12