Hebrews 10

Kamba (Mbivilia) 1956

← Chapter 9 Jump to: Chapter 11 →

1Nĩkwĩthĩwa ĩla mĩao yaĩ kyuu kya syĩndũ nzeo ĩla ikoka, na ti mũvw’ano vyũ wa syĩndũ isu, ndĩtonya o na ĩndĩĩ na nthembo isu ila maumasya kĩla mwaka, kũmeanĩsya ala mathengeeaa.

2Kethĩwa nitonya itiekwa kũthembwa? Nĩkwĩthĩwa athaithi, mamina kũthew’a ĩvinda yĩmwe, matyĩyona ĩngĩ me na nai.

3Ĩndĩ nthembonĩ isu kwĩ kũlilikanw’a naĩ kĩla mwaka.

4Nũndũ ndũtonyeka nthakame ya nzaũ na mbũi kũveta naĩ.

5Kwondũ wa ũu akyũka kũũ nthĩ, easya, Nthembo ya kũtonywa na syĩndũ ila syumaw’a ndwaasyenda, Ĩndĩ wanzeũvĩsye mwĩĩ;

6Ndwaaendeew’a nĩ ila nthembo nima sya kũvĩvw’a na nthembo kwondũ wa naĩ:

7Nĩvo naisye, Sisya, nĩnooka (Ĩvukunĩ ĩkũnze nĩkũandĩkĩtwe ũndũ wakwa) Kwĩka kwenda kwaku, we Ngai.

8Aneenete mbee, Nthembo sya kũtonywa na syĩndũ ila syumaw’a na nthembo nima sya kũvĩvw’a na nthembo kwondũ wa naĩ ndwaasyenda, o na ndwaaendeew’a nĩsyo (ila ithembawa kwĩanana na ĩla mĩao),

9nĩvo ĩndĩ waisye, Sisya, nĩnooka kwĩka kwenda kwaku. Avetete ũla wa mbee, nĩ kana alũlũmĩlye ũla wa kelĩ.

10Na nũndũ wa kwenda kwake nĩtwavathiwe twĩthĩwe atheu kwondũ wa kũthembwa kwa mwĩĩ wa Yesũ Klĩsto o ĩmwe tũ.

11Na kĩla mũthembi aũngamaa kĩla mũthenya aithũkũma na kũthemba nthembo o isu mavinda maingĩ, ila itaatonya o na ĩndĩĩ kũveta naĩ:

12ĩndĩ we, athemba nthembo o ĩmwe kwondũ wa naĩ kũvika tene ne tene, ekala nthĩ ngalĩ ya kw’oko kwa aũme kwa Ngai;

13kuma ĩvinda yĩu eteelaa amaitha make matwiwe kavĩla ka nyaĩĩ syake.

14Nũndũ kwondũ wa nthembo o ĩmwe nĩwameanĩsye kũvika tene na tene ala mavathanĩtw’e.

15Na Veva Mũtheu nake nũtũkũsĩĩaa; nũndũ ĩtina wa kũneena,

16Ũu nĩw’o ũtianĩo ũla ngatianĩa nao Ĩtina wa mĩthenya ĩsu, easya ũu Mwĩaĩi: Ngeekĩa mĩao ngoonĩ syoo, Na ngamĩandĩka ilĩkonĩ syoo; nĩvo ĩndĩ easya,

17Na naĩ syoo na mothũku moo, ndikamalilikana ĩngĩ.

18Na vala ve ũekeo wa asu, kũi nthembo ĩngĩ kwondũ wa naĩ.

19Na ĩndĩ, ana‐a‐asa, kwa kwĩthĩwa twĩ na ũkũmbaũ wa kũlika nthĩnĩ wa vala vandũ vatheu kwondũ wa nthakame ya Yesũ,

20na nzĩa ĩla watũvingũĩe, nzĩa nzaũ na yĩ na thayũ, kwa nazĩ ya tũtũ, naw’o nĩ mwĩĩ wake;

21na nĩkwĩthĩwa twĩ na mũthembi mũnene ĩũlũ wa nyũmba ya Ngai;

22nĩtũthengeee na ngoo ya w’o wĩanĩunĩ wa mũĩkĩĩo, ngoo sitũ iminzangĩw’e tũeke wasya mwathe wa ngoo: na mĩĩ yaitũ kũthambw’a na manzĩ matheu,

23nĩtũlũmye kumbũla kwa wĩkwatyo witũ ndũkathingithange; nũndũ we ũla wathanie e kĩthito:

24na nĩtũlilikanan’ye ithyĩ kwa ithyĩ kũthangaan’ya wendonĩ na mawĩanĩ maseo;

25tũtekũeka kũmbana kwitũ vamwe, o tondũ amwe mekaa, ĩndĩ tũkĩtaana; na mbee mũno, mũkyona mũthenya ũsu ũkĩthengeea.

26Nũndũ ethĩwa twĩkaa naĩ na ngũlũ ĩtina wa kwosa ũmanyi wa ũla w’o, kũitiele nthembo ĩngĩ kwondũ wa naĩ,

27ĩndĩ kwĩ kweteela ũsilĩlo wa ũkĩwa, na wai wa mwaki ũla ũkamelya nthũ.

28Mũndũ ũla wavũthisye mĩao ya Mose akusaa vate tei kwondũ wa ndeto ya ngũsĩ ilĩ kana itatũ:

29mwĩona aĩlĩtwe nĩ ũsilĩlo mũnene wĩana ata, ũla ũmũkinyangĩte Mwana wa Ngai, na watalile nthakame ya ũtianĩo ĩla ũtheetw’e nayo kĩndũ kĩte kĩtheu, na wamũvũthisye vyũ Veva wa mumo?

30Nũndũ nĩtũmwĩsĩ ũla waisye, Ũĩvanĩsyo nĩ wakwa, nyie ngaĩvanĩsya. Na ĩngĩ, Mwĩaĩi nũkaslĩla andũ make.

31Nĩ ũndũ wa kũkĩwa mũno kũvalũka mokonĩ ma Ngai ũla wĩ thayũ.

32Ĩndĩ lilikanai mĩthenya ĩla mĩvitu, ĩla nthĩnĩ wayo mwamina kwĩkĩwa kyeni, mwoomĩĩsye ũkĩlan’yonĩ mũnene wa mathĩna;

33mavĩnda amwe, mũtw’ĩkĩte ma kũkũnũĩwa metho kwondũ wa kĩvũthya na mathĩna; na mavinda angĩ, mũtw’ĩkĩte osi vamwe ma ala meekiwe o ta ũu.

34Nũndũ nĩmwamew’ĩie tei ala maĩ ove, na ĩngĩ mweetĩkĩla na ũtanu kũvũtwa syĩndũ syenyu, mũkĩmanya kana nthĩnĩ wenyu ene mwĩ na ũthwii mũseo mbee na ũla wĩkalaa.

35Ĩndĩ mũikekye ũtee ũkũmbaũ wenyu, ũla wĩ na ĩtuvi ĩnene.

36Nũndũ mwĩ na vata wa wũmĩĩsyo, kana, mwĩkĩte kwenda kwa Ngai, mũtonye kwosa ũla watho.

37Nũndũ vatiele kavinda kanini mũno, Ũla wũkĩte oke, na ndeĩkala.

38Ĩndĩ ũla mũlũngalu wakwa akekala thayũ kwondũ wa mũĩkĩĩo: Na ethĩwa akatundua, ngoo yakwa ndĩtanwa nĩwe.

39Ĩndĩ ithyĩ tũti ma ala matunduaa kũvikĩa kwaa; ĩndĩ twĩ ma ala me na mũĩkĩĩo kũvikĩa ũtangĩĩo wa thayũ.

← Chapter 9 Jump to: Chapter 11 →