bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (Mbivilia) 1956
/
Hebrews 13
Hebrews 13
Kamba (Mbivilia) 1956
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Wendano wa ana‐a‐asa nĩwĩkalae.
2
Mũikolwe nĩ kũmon’ya aenĩ wendo: nũndũ kwa nzĩa ĩsu amwe nĩmathokisye alaĩka matesĩ.
3
Malilikanei ala ove, ta mwovetwe vamwe nao; na ala mekawa naĩ, nĩkwĩthĩwa inyw’i nenyu mwĩ o na mwĩĩ.
4
Mũtwaano nũtaĩwe nĩ andũ onthe, na ũkomo wĩthĩwe ũte mũvukye: nũndũ mathaaa na ilaalai Ngai akamasilĩla.
5
Mũikethĩwe na wendi wa mbesa; ĩanĩwai nĩ syĩndũ ila mwĩ nasyo: nũndũ we mwene nĩwaisye, Ndikakũnyivĩa o na ata, na ndikakũtia o na ĩndĩĩ.
6
Kwondũ wa ũu nĩtũkwasya na ũnyiau, Mwĩaĩi nĩ mũtetheesya wakwa; ndikakĩa: Mũndũ akambĩka ata?
7
Malilikanei ala maĩ na ũtongoi ĩũlũ wenyu, ala mamũtavisye ndeto ya Ngai; na mũkĩsũanĩa mũno mũminũkĩlyo wa mathayũ moo, ĩelekan’yei na mũĩkĩĩo woo.
8
Yesũ Klĩsto no ũndũ ũmwe ĩoo na ũmũnthĩ, ĩĩ, o na kũvika tene na tene.
9
Mũikaw’e nĩ momanyĩsyo ma mĩthemba mingĩ na ala meũ: nũndũ nĩ ũseo ngoo ĩlũlũmĩlw’e nĩ mumo; ti ũndũ wa sya ũya, nasyo ityaamauna ala maendeee nasyo.
10
Twĩ na kĩthembeo, na ala mathũkũmaa yĩla ĩeemanĩ mati na ũthei wa kũĩsaa vo.
11
Nũndũ indo isu ila nthakame yasyo yaetawe nthĩnĩ wa vala vandũ vatheu nĩ mũthembi mũnene kwondũ wa naĩ, mĩĩ yasyo nĩyavĩvĩaw’a ũtee wa mwako wa maeema.
12
Kwondũ wa ũu Yesũ nake, nĩ kana avathan’ye andũ na nthakame yake mwene methĩwe atheu, nĩwanyamaie ngalĩ ya nza ya mbingĩlo.
13
Kwondũ wa ũu nĩtumaale vala ũĩ ũtee wa mwako wa maeema, tũkĩkua kũvũthw’a kwake.
14
Nũndũ vaa tũi na ndũa yĩkalaa, ĩndĩ nĩtũũmantha ĩla ĩkoka.
15
Kwondũ wake ĩndĩ tũmũthembeae Ngai nthembo ya ndaĩa mavinda onthe, nayo, nĩ ũsyao wa ilomo sitũ ila syumbũlaa syĩtwa yake.
16
Ĩndĩ mũikolwe nĩ kwĩka nesa na kũolanĩla: nũndũ Ngai nĩwendeeaw’a nĩ nthembo ta isu.
17
Mew’ei ala me na ũtongoi ĩũlũ wenyu, na ĩnyivyei kwamo: nũndũ nĩmeũsyaĩĩsya ũndũ wa mathayũ menyu, ta ala makaumya ũtalo; nĩ kana meke ũu na mũyo, na ti na woo: nĩkwĩthĩwa ũu ndũmũuna inyw’ĩ.
18
Tũvoyeei: nũndũ nĩtwĩtĩkĩlĩte ki kana twĩ na wasya mũseo wa ngoo, tũkyenda kwĩkalaa na mĩendele mĩseo maũndũnĩ onthe.
19
Na nĩmwĩsũva mũno mbee mwĩke ũu nĩ kana nĩtũngwe kwenyu mĩtũkĩ.
20
Na yu Ngai wa mũuo, ũla wamũetie kũmumya kwa akw’ũ ũla mũĩthi mũnene wa malondu ũndũ wa nthakame ya ũtianĩo wa tene na tene, nake nĩ Mwĩaĩi waitũ Yesũ,
21
namwĩanĩsye kĩla ũndũnĩ ũseo mwĩkae kwenda kwake, aiĩka nthĩnĩ waitũ ũla wendeeasya mbee wake, kwondũ wa Yesũ Klĩsto, ndaĩa nĩ yake tene na tene. Ameni.
22
Ĩndĩ nĩngũmwĩsũva, ana‐a‐asa, mũmĩĩsye ndeto ya ũtao: nũndũ namũandĩkia ndeto mbũthũ.
23
Manyai kana mwana‐a‐asa waitũ Timotheo nũthaĩtw’e; nake ethĩwa akooka mĩtũkĩ, ngoonana nenyu vamwe nake.
24
Ngethesyai onthe ala me na ũtongoi ĩũlũ wenyu, na atheu onthe. Ala me Italia nĩmamũkethya.
25
Mumo nĩwĩthĩwe nenyu inyw’onthe. Ameni.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13