bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hebrews 12
Hebrews 12
Kamba (MBIVILIA ŨVOO MŨSEO)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 13 →
1
Ithyĩ nĩtũthyũlũlũkĩtwe nĩ ngũsĩ isu singĩvĩte ũu, na kwoou nĩtũvetangei syĩndũ syonthe ila itũsiĩĩaa kũthi na mbee, na naĩ ĩla ĩlũmanĩtye naitũ, na nĩtũsembe na kĩthing'ĩĩsyo masindanonĩ aa me mbee waitũ.
2
Nĩtũsisyei Yesũ, ũla nĩwe mwambĩlĩĩlya na mwĩanĩsya wa mũĩkĩĩo witũ. Nũndũ wa ũtanu ũla weeteelete kwĩthĩwa naw'o, nĩwoomĩĩisye kwambwa ngelany'onĩ ateũkũlya nthoni ila syĩthĩawa vo, na yu ailyĩ ngalĩko ya kw'oko kwa aũme kwa kĩvĩla kya kĩ-ũsumbĩ kya Ngai.
3
Sũanĩai ũndũ Yesũ woomĩĩisye kũumangwa nĩ andũ athũku, nĩ kana nenyu mũikaleele na kwĩkya ngoo.
4
Vai ũmwe wenyu waamba kũvikĩa kũawa ayũkitana na naĩ.
5
Inyw'ĩ nĩmũlĩtwe nĩ ila ndeto sya kũmũthangaasya Ngai ũneenete akamwĩta syana syake: “Mwana wakwa ndũkose ũkũno wa Mwĩai ta kĩndũ kya ngũĩ, na ndũkekye ngoo yĩla ũũkanw'a nĩwe.
6
Nĩkwĩthĩwa Ngai akũnaa mũnzyũ mũndũ ũla wendete, na akanasya mwana ũla ũmwosaa kwĩthĩwa wake.”
7
Ũmĩĩsyai mathĩna ta nzĩa ya kũkanw'a. Mathĩna menyu monanasya kana Ngai amwosaa ta mwĩ syana syake, nũndũ nĩ mũsyai wĩva ũla ũtakanasya mwana wake!
8
Ethĩwa inyw'ĩ Ngai ndamũkanasya o tondũ wĩkanaa na syana ila ĩngĩ syake, inyw'ĩ mwĩonany'a mũi syana syake sya w'o; mwĩ syana ĩsyaĩtwe kumana na ũlaalai.
9
Na o na eka ũu, asyai maitũ kũũ nthĩ nĩmatũkanasya na nĩtũendeeaa na kũmanenga ndaĩa. Kwoou twaĩlĩtwe nĩ kũmwĩw'a Ĩthe waitũ wa kĩ-veva mbee veana ata nĩ kana twĩkale thayũ?
10
Asyai maitũ kũũ nthĩ matũkanasya o kwa kavinda kwĩanana na kĩla mekwona kĩ kyaĩlu kwoo, ĩndĩ Ngai atũkanasya atũtethye twĩthĩwe twĩ atheu o take.
11
Ĩvinda yĩla mũndũ ũendee kũkanw'a ndew'aa mũyo, ew'aa woo. Ĩndĩ andũ ala meemanyĩsya wĩwi kwĩsĩla ũkany'onĩ, ĩtina mekaa ũla waĩlu na mayĩkala na mũuo.
12
Kwoou ĩkĩai vinya moko ala monzu, na mũilũlũmĩĩlya maũũ menyu ala mate na vinya!
13
Tindimalyai nzĩa ila mũkwĩsĩla nĩ kana maũũ ala mathũku maikakitũke, ĩndĩ matonye kũvoa.
14
Tatai mwĩkale na mũuo na andũ onthe, na mũyĩkala na ũtheu wa ngoo, nũndũ vai mũndũ ũkamwona Mwĩai ate na w'o.
15
Sisyai vaikethĩwe ũmwe wenyu ũlea kũkwata mumo wa Ngai; mũiketĩkĩle ũmwe wenyu ethĩwe na woo na kwambĩlĩĩlya ithokoo katĩ wenyu, na kwa nzĩa ĩsu aithũkya andũ aingĩ.
16
Vaikethĩwe ũmwe wenyu wĩthĩwa na mwĩkalo mũthũku wa ũlaalai, kana kũlea kũmũnenga Ngai ndaĩa ta Esaũ, ũla wathooisye ũtiĩwa wake ta we mwana wa mbee kwondũ wa ĩsaani yĩmwe ya lĩu.
17
Nĩmwĩsĩ kana ĩtina nĩwendie kũnengwa ũathimo nĩ ĩthe ĩndĩ avatwa, nĩkwĩthĩwa vai ũndũ waĩ atonya kũalyũla kĩla weekĩte, o na kau aĩie mũno aimantha aathimwe.
18
Inyw'ĩ mũinavika Kĩĩmanĩ kya Sinaĩ kĩla kĩtonya kũkwatĩka, o tondũ andũ ma Ĩsilaeli meekie. Mũinavika vandũ vakanĩte mwaki, kana ve kĩvindu, kana ve ĩtu yiũ, kana ve kĩuutani,
19
kana ve na wasya mũnene wa soo. Mũinavika vandũ ve wasya ta ũla weew'ĩkie, kũvika andũ meesũvana ndũkaendee kũvĩtũka vau,
20
nĩkwĩthĩwa meewie matomĩĩsya mwĩao ũla wanenganĩtwe, ũla waasya, “Ethĩwa o na nyamũ ĩkakinya kĩĩmanĩ kĩu, nĩyĩkimangwa na mavia ĩkw'e.”
21
Kĩla andũ moonie vau kyaĩ kya kũtelemya mũno, o na Mwose asya atĩĩ, “Nĩĩw'a ngĩthĩlĩa nĩ w'ĩa.”
22
Ĩndĩ inyw'ĩ mũvikĩte Kĩĩmanĩ kya Saioni, na mũsyĩnĩ wa Ngai ũla wĩ thayũ, naw'o nĩ Yelũsalemu ya ĩtunĩ vala vombanĩe alaĩka ngili na ngili,
23
na vala vombanĩe ala masyaĩtwe mbee, ala masyĩtwa moo maandĩkĩtwe ĩtunĩ. Nĩmwavika kwa Ngai ũla nĩwe mũsili wa andũ onthe, na vala ve mathayũ ma andũ aseo ala matw'ĩkĩthiw'e alũngalu.
24
Nĩmũvikĩte kwa Yesũ, ũla kwĩsĩla kwake Ũtianĩo Mweũ waseũviw'e, na kũla kwĩ nthakame yake ĩla yetĩkiw'e, na ĩweteaa andũ maũndũ maseo mbee kũte ĩla ya Aveli.
25
Ĩsũvĩei ĩndĩ mũikalee kũmwĩthukĩĩsya ũla ũkũneena nenyu. Ethĩwa andũ mayaavonoka yĩla maleile kũmwĩthukĩĩsya ũla wamakanasya kũũ ĩũlũ wa nthĩ, ithyĩ tũkavonoka ata twalea kũmwĩthukĩĩsya ũla ũtũkanasya kuma ĩtunĩ?
26
Ĩvindanĩ yĩu wasya wake nĩwathingithisye nthĩ, ĩndĩ yu nĩwathanĩte akasya atĩĩ, “Ngathingithya nthĩ o ĩngĩ, na tyo nthĩ yĩ yoka, ĩndĩ o vamwe na ĩtu.”
27
Ndeto ii sya, “O ĩngĩ,” nikwonany'a nesa kana syĩndũ ila syoombiwe nikathingithw'a na kũvetwa, nĩ kana vatiwe syĩndũ ila itathingithĩka.
28
Kwoou nĩtũtũngĩei Ngai mũvea nũndũ wa kũkwata ũsumbĩ ũtathingithĩka, na nĩtũmũthaithae na nzĩa ĩla ĩmwendeeasya, twĩ na ndaĩa na kĩkĩo.
29
Nĩkwĩthĩwa Ngai waitũ nĩ ta mwaki ũla ũvĩvasya vyũ.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 13 →
All chapters:
1
2
3
4
5
6
7
8
9
10
11
12
13