bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hebrews 9
Hebrews 9
Kamba (MBIVILIA ŨVOO MŨSEO)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 10 →
1
Ũtianĩo wa mbee waĩ na mĩao ĩla yoonanasya ũndũ Ngai waĩlĩte kũthaithawa, na vandũ va kũthaithĩa vaseũvĩtw'e nĩ andũ kũũ ĩũlũ wa nthĩ.
2
Nĩvaseũvĩtw'e Ĩeema, na vala va mbee kũlika veetawa Vandũ Vatheu na veethĩawa kĩndũ kya kwilĩĩla taa, na vaĩ mesa yaĩ na mĩkate ĩla yathembeetwe Ngai.
3
Wavĩtũka kĩtambaa kĩla kyatilanĩtye, walikaa ĩeemanĩ yĩla yĩtawa Vandũ Vatheu Mũno.
4
Vau veethĩawa kĩthembeo kya thaavu kĩla kyavĩvĩaw'a ũvani, na Ĩsandũkũ ya Ũtianĩo yavakĩtwe thaavu ngalĩko syonthe. Nthĩnĩ wayo vaiĩtwe kavisũ ka thaavu keekĩĩtwe ũla lĩu wĩtawa mana, na o ta ũu nĩvaiĩtwe ĩla ndata ya Alũni yathongooisye matũ, na ala masengea ma mavia maandĩkĩtwe mĩao ĩkũmi ya ũtianĩo.
5
Ĩũlũ wa Ĩsandũkũ yĩu ya Ũtianĩo, vaĩ mavisa ma syũmbe syĩ nthwau syĩtawa akelũvi, ala moonanasya kana Ngai e vau, na nthwau isu syamo syatambũũkĩtw'e ikavw'ĩka ngunĩko, ĩla nĩ vandũ va Ngai va kũekea naĩ. Ĩndĩ yu tũitonya kũneena ĩũlũ wa syĩndũ isu kwa ũliku.
6
Syĩndũ syamina kũvangwa mũthemba ũsu, athembi nĩmalikaa kĩla mũthenya ĩeemanĩ ya mbee na kũtethya wĩa woo.
7
No Mũthembi ũla Mũnene walikaa ĩeemanĩ yĩla ya nthĩnĩ, na eekaa ũu ĩvinda yĩmwe kwa mwaka. Alikaa akuĩte nthakame ya kũthembea Ngai kwondũ wa naĩ syake mwene na sya andũ, ila meekaa matesĩ.
8
Kumana na mũvangĩle ũũ, Veva Mũtheu etwony'a kana nzĩa ya kũlika vala Vandũ Vatheu Mũno ndĩnamba kũvingũwa, ethĩwa o na yu ĩeema yĩĩ ya mbee no yĩũtũmĩwa.
9
Ũũ nĩ wonany'o kwa ĩvinda yĩĩ tũĩ, wa kana syĩndũ na nthembo ila syathembawa, iyaatonya kũthesya wasya wa ngoo wa mũndũ ũla ũkũthaitha.
10
Nũndũ asu no maũndũ ma lĩu na syaũnyw'a na mĩthemba mingĩ ya kwĩthesya. Ĩno no mĩao ĩtavikĩaa ngoo ya mũndũ, na vinya wayo ũkathela ĩvinda yĩla Ngai ũkaete maũndũ meũ.
11
Ĩndĩ Klĩsto nĩwookie ta Mũthembi Mũnene ũla ũtumĩte twĩthĩwa na maũndũ maseo ala twĩ namo. Alikile ĩeemanĩ ĩseo mbee na yĩanĩu, yĩtaseũvĩtw'e nĩ andũ na yĩte ya kũũ nthĩ.
12
Alikile vala Vandũ Vatheu Mũno o ĩmwe tũ, atakuĩte nthakame ya mbũi kana ya tũsalũ, ĩndĩ akuĩte nthakame yake mwene, na atuma tũkwata wovosyo wa tene na tene.
13
Nthakame ya mbũi na ya kasalũ, na mũu wa kamoli kavĩvw'e vyũ, nĩsyaminzangĩaw'a andũ me avuku, ĩkamathesya kũvika makathea mwĩĩ.
14
Nũndũ ũu nĩ wa w'o, nthakame ya Klĩsto ũla kwĩsĩla kwa Veva ũla ũtũaa tene na tene, weeyumisye we mwene ta nthembo kwa Ngai, ĩkathesya wasya witũ wa ngoo mbee veana ata kuma mekonĩ ala matũlikasya kĩkw'ũnĩ, nĩ kana tũmũthũkũme Ngai ũla wĩ thayũ.
15
Kwa kĩtumi kĩu Klĩsto nĩwe kwĩsĩla kwake ũtianĩo mweũ waseũviw'e, nĩ kana ala metĩtwe nĩ Ngai methĩwe make matonye kũkwata ũtiĩwa wa tene na tene ũla wathanĩtwe. Ũũ nũtonyeka nũndũ ve mũndũ ũmwe wakwie, na nũndũ wa ũu, andũ nĩmovoaw'a kuma naĩnĩ ila meekie ĩvindanĩ yĩla Ũtianĩo Mũkũũ waĩ kw'o.
16
Kwa w'o ndeto sya kwĩyĩaa sya mũndũ aikw'a syumĩlaw'a kwaĩkĩĩthw'a kana mũndũ ũsu ũineenete nĩwakwie,
17
nũndũ ndeto sya kwĩyĩaa sya mũndũ aikw'a ii vata mũndũ ũsu e o thayũ; iatĩĩawa amina kũkw'a.
18
Kwoou o na w'o ũtianĩo wa mbee wambĩĩe kũatĩĩwa ĩtina wa kwĩtwa kwa nthakame.
19
Mwose amina kũsomea andũ mĩao yonthe, nĩwoosie nthakame ya tũsalũ avulany'a na kĩw'ũ, na aminzangĩsya ĩvuku ya Mĩao na andũ onthe aitũmĩa kĩlungu kya mũangi kyoveewe w'ĩa mũtune wa ĩlondu.
20
Nĩwaisye atĩĩ, “Ĩno nĩyo nthakame ya ũtianĩo ũla Ngai wamwĩaĩe mũatĩĩae.”
21
O ta ũu Mwose nĩwasyokie aminzangĩsya Ĩeema ĩtheu nthakame na syĩndũ ila syatũmĩawa nthĩnĩ wa ũthaithi.
22
Kwa w'o kwĩanana na Mĩao, vakuvĩ kĩla kĩndũ kyatheaw'a ĩtina wa kwĩtwa kwa nthakame.
23
Syĩndũ syonthe ila nĩ ngelekany'o ya syĩndũ sya ĩtunĩ, syatheaw'a na nthembo isu. Ĩndĩ kwaĩ vata wa kumw'a kwa nthembo nzeo mbee kwondũ wa syĩndũ sya ĩtunĩ.
24
Kĩu nĩkyo kĩtumi Klĩsto ũtaalika vala Vandũ Vatheu vaseũvĩtw'e nĩ andũ, navo vaĩ ngelekany'o ya vala va w'o. Alikile ĩtunĩ, vala yu wĩthĩawa na Ngai aitũtetheesya.
25
Klĩsto ndaĩ na vata wa kwĩthemba mavinda maingĩ. We ti ũndũ ũmwe na ũla Mũthembi Mũnene wa Ayuti walikaa kĩla mwaka vala Vandũ Vatheu Mũno, athembe nthakame ya kĩndũ kĩngĩ eka yake mwene.
26
Kethĩwa atw'ĩkie eĩthemba kĩla mwaka, ethĩwa athĩnie mũno kuma yĩla nthĩ yoombiwe. Ĩndĩ vandũ va ũu, vakuvĩ mũminũkĩlyonĩ wa ĩvinda, nĩweeyumisye o ĩmwe atakeyumya ĩngĩ, nĩ kana andũ matonye kũvetewa naĩ kwondũ wa kwĩthemba we mwene.
27
O ũndũ mũndũ ũkusaa o ĩmwe na kuma vau aithi kũsilĩlwa nĩ Ngai,
28
o ta ũu nake Klĩsto eeyumisye ta nthembo o ĩmwe, nĩ kana avetee andũ aingĩ naĩ. Nũkoka ĩngĩ, na ti kwondũ wa andũ matonye kũvetewa naĩ, ĩndĩ nĩ kũmatangĩĩa ala mekalaa mamweteelete.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 10 →
All chapters:
1
2
3
4
5
6
7
8
9
10
11
12
13