bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hebrews 13
Hebrews 13
Kamba (MBIVILIA ŨVOO MŨSEO)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
1
Endeeai na kwendana ũmwe kwa ũla ũngĩ ta ana-a-asa.
2
Ĩthĩawai mũithokya aeni mĩsyĩ kwenyu, nĩkwĩthĩwa andũ amwe nĩmeekie ũu na meethĩa mathoketye alaĩka matesĩ.
3
Lilikanaai andũ ala me yela, o ta mwĩ yela vamwe namo. O ta ũu lilikanaai andũ ala mathĩnaw'a ta mũthĩnaw'a vamwe namo.
4
Mũtwaano nũnengwe ndaĩa nĩ kĩla mũndũ. Kĩveti na mũũme nĩmethĩwe me aĩkĩĩku ũmwe kwa ũla ũngĩ, nĩkwĩthĩwa Ngai nũkasilĩla ilaalai na andũ onthe ala mekalaa mwĩkalo mũthũku wa ũlaalai.
5
Mũikethĩwe na ĩtomo ya mbesa, ĩanĩawai nĩ kĩla mwĩ nakyo. Ngai nĩwaĩtye atĩĩ, “Ndikamũtia kana nĩmũeke mwĩ inyw'oka o na ĩndĩĩ.”
6
Kwoou nĩtũtonya kũneena na ũkũmbaũ tũkasya, “Mwĩai nĩwe ũtethyo wakwa, ndikakĩa kĩndũ; mũndũ atonya kũmbĩka ata?”
7
Lilikanai atongoi menyu ala mamũtavasya ndeto ya Ngai; sũanĩai ũndũ mwĩkalo woo wesie kwĩthĩwa na mũminũkĩlyo ũilyĩ, na mũiatĩĩa ngelekany'o ya mũĩkĩĩo woo.
8
Yesũ Klĩsto ndaalyũkaa; nĩ ũndũ ũmwe ĩoo, ũmũnthĩ na tene na tene.
9
Mũiketĩkĩle mwaw'e nĩ momanyĩsyo maeni ala mekw'o ma kĩla mũthemba. Nĩ ũseo ngoo sitũ ikalũlũmĩĩlw'a nĩ mumo wa Ngai, ĩndĩ ti kwa kũya malĩu ma mĩthemba mĩna. Malĩu asu mayaatethya andũ ala mamaĩsaa.
10
Ĩndĩ twĩ na kĩthembeo kĩmwe kĩla o na athembi ala mathembaa vo, matetĩkĩlĩtw'e kũya kĩla kyathembwa vo.
11
Mũthembi ũla Mũnene wa Ayuti nũetae nthakame ya nyamũ vala Vandũ Vatheu Mũno akathemba kwondũ wa naĩ, ĩndĩ nyama sya nyamũ isu ivĩvĩaw'a naku nza wa vala andũ matwĩe.
12
Kwa kĩtumi o kĩu Yesũ o nake athĩniw'e na akw'ĩĩa nza wa ndũa, nĩ kana atonye kũthesya andũ na nthakame yake.
13
Kwoou o naitũ nĩtumaalei tũthi vala ũĩ nza wa ndũa tũkavũthw'e o tondũ we wavũthiw'e.
14
Nũndũ kũũ ĩũlũ wa nthĩ tũi na mũsyĩ wa kũtũa tene na tene; tweteelete mũsyĩ ũla ũkethĩwa ĩvinda yũkĩte.
15
Kwoou nĩtũmumĩasye Ngai nthembo ya ũtaĩo kĩla ĩvinda kwĩsĩla kwa Yesũ, naw'o nĩ ũtaĩo ũla tũneenaa na makanyw'a maitũ yĩla tũũmũkũsĩĩa kana nĩ we Mwĩai.
16
Mũikolwe nĩ kwĩka ũla ũseo na kũtethany'a ũmwe kwa ũla ũngĩ, nĩkwĩthĩwa isu nĩsyo nthembo ila imwendeeasya Ngai.
17
Ĩthĩwai mwĩ ewi kwa atongoi menyu na kũmenyivĩsya. Nĩmo mamũsũvĩaa mate kũnoa, na makaumya ũtalo wa ũthũkũmi woo mbee wa Ngai. Mew'ei nĩ kana ũthũkũmi woo wĩthĩwe wa ũtanu, ndũkatw'ĩke mũio nĩkwĩthĩwa ũu ndũmũtethya inyw'ĩ.
18
Endeeai na kũtũvoyea. Nĩtwĩsĩ nesa kana wasya witũ wa ngoo nĩ mũtheu, nĩkwĩthĩwa kĩla ĩvinda tũmanthaa kwĩka ũla waĩlu.
19
Nyie mũno mũno nĩngũmwĩsũva na wĩnyivyo mũmboyee ndonye kũtũngwa kwenyu mĩtũkĩ.
20
Ngai ũla ũnenganae mũuo, ũla kwondũ wa nthakame ya ũtianĩo wa tene na tene wathayũũkisye Mwĩai waitũ Yesũ kuma kwa akw'ũ, ũla nĩwe Mũĩthi ũla mũnene wa malondu,
21
nĩamũnenge kĩla ũndũ mũseo, ũla wĩmũtonyethya kwĩka kwenda kwake. Ngai nĩatũtethye o naitũ kwĩsĩla kwa Yesũ Klĩsto, twĩkae kĩla kĩmwendeeasya. Kwa Klĩsto nĩkwĩthĩwe ũkumyo tene na tene! Ameni.
22
Nĩngũmwĩsũva mbaitũ mũmĩanĩsye na ndeto isu syakwa sya kũmũũmĩĩsya, nĩkwĩthĩwa namũandĩkĩa o maũndũ mavũthũ.
23
Nĩenda kũmũmanyĩthya kana mwana-a-asa waitũ Timotheo nũnathaiw'e kuma yela, na ngookany'a nake ndyũka kũmwona, ethĩwa nũkũka mĩtũkĩ.
24
Ngethesyei atongoi menyu na aĩkĩĩi onthe. Aĩkĩĩi kuma Italĩa nĩmamũkethya.
25
Mumo wa Ngai nĩwĩthĩwe nenyu inyw'onthe. Ameni
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
All chapters:
1
2
3
4
5
6
7
8
9
10
11
12
13