bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hebrews 4
Hebrews 4
Kamba (MBIVILIA ŨVOO MŨSEO)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Nayu nũndũ watho wa kũlika vandũ vau va ũthũmũo wĩ o vo, sisyai vaikese kwĩthĩwa ũmwe wenyu ũemwa nĩ kũlika vandũ vau.
2
Nĩkwĩthĩwa ithyĩ nĩtwataviw'e Ũvoo Mũseo o ta mo, ĩndĩ mo mataviw'e Ũvoo na ndwaamatethya, nũndũ mayaawosa na mũĩkĩĩo.
3
Ithyĩ ala tũĩkĩĩaa nĩtũlikaa vandũnĩ vau va ũthũmũo. O tondũ Ngai waĩtye, “Nthĩnĩ wa ũthatu wakwa nĩneevĩtie nasya, ‘Maikaalika nthĩ ĩla ngamanengea ũthũmũo!’ ” Ngai aneenie ũu o na kau wĩa wake waĩ wathelile kuma mwambĩlĩĩlyonĩ wa nthĩ.
4
Ndeto isu nineenetwe vandũ vangĩ nthĩnĩ wa Maandĩko Matheu ĩũlũ wa mũthenya wa mũonza vala vaĩtye, “Mũthenya wa mũonza Ngai nĩwathũmũie atia mawĩa make onthe.”
5
O ĩngĩ vandũ vau nĩvaĩtye, “Maikaalika nthĩ ĩla ngamanengea ũthũmũo.”
6
Watho wa kũlika vandũnĩ vau va ũthũmũo o nayu wĩ o vo kwa andũ amwe, nũndũ ala mambie kũtavw'a Ũvoo ũsu Mũseo navu mbeenĩ, nĩmaemiwe nĩ kũlika nũndũ wa kũlea kũĩkĩĩa kwoo.
7
Kwoou Ngai nĩwavangie mũthenya ũngĩ ũkwĩtwa, “Ũmũnthĩ,” ũla ĩtina wa matukũ maingĩ waneenie ĩũlũ waw'o kwĩsĩla kwa Ndeviti, na ndeto sya Maandĩko Matheu iwetiwe navu mbeenĩ ikwasya, “Ũmũnthĩ mweew'a wasya wa Ngai, mũikomye ngoo syenyu.”
8
Kethĩwa Yosua nĩwanengie andũ ũthũmũo ũla wathanĩtwe, Ngai ndethĩwa aaneena ĩũlũ wa mũthenya ũngĩ.
9
Kwoou no kũkethĩwa ũthũmũo kwa andũ ma Ngai, o tondũ Ngai wathũmũie mũthenya wa mũonza.
10
Mũndũ ũla walika vandũnĩ vau va ũthũmũo wa Ngai, athũmũaa ĩtina wa kũmina wĩa wake, o tondũ Ngai wathũmũie amina wĩa wake.
11
Kwoou nĩtũtatei na vinya tũlike vandũnĩ vau va ũthũmũo, nĩ kana vaikethĩwe ũmwe waitũ ũlea kũlika ta mo nũndũ wa kũlea kũĩkĩĩa.
12
Ndeto ya Ngai yĩ thayũ na yĩ ũtonyi; nĩ mbũĩ kũte ũvyũ mũĩ ngalĩko syelĩ. Ĩtonyaa ĩkathi kũaany'a thayũ na veva, malenyũ na mũthungo, na nĩmanyaa mĩtũkĩ mawendi na mosũanĩo ma ngoo sitũ.
13
Vai kĩndũ nthĩnĩ wa syũmbe syonthe kĩvithĩte methonĩ ma Ngai. Kĩla kĩndũ nĩkĩvuany'e na kĩ ũtheinĩ methonĩ make, nake nĩwe kwake tũkaumya ũtalo wa maũndũ ala tweekie.
14
Yu twĩ na Mũthembi Mũnene vyũ ũla waendie ĩtunĩ, nake nĩ Yesũ Mwana wa Ngai, na kwoou nĩtwĩkalei tũlũmĩtye mũĩkĩĩo ũla tũkũsĩĩaa.
15
Mũthembi ũsu waitũ Mũnene ti wa mũthemba ũla ũtatwĩw'ĩa tei mawonzunĩ maitũ; we nĩwatatiwe maũndũnĩ onthe o ũndũ tũtatawa, ĩndĩ ndaaĩka naĩ.
16
Kwoou nĩtũthengee kĩvĩla kya kĩ-ũsumbĩ kya Ngai vala ve mumo tũte na w'ĩa, nĩ kana twĩw'ĩwe tei na kũnengwa mumo wa kũtũtetheesya ĩvinda ya vata.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13