bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hebrews 6
Hebrews 6
Kamba (MBIVILIA ŨVOO MŨSEO)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
1
Kwoou nĩtumei vau va momanyĩsyo o ala twamanyĩaw'a ma mbee ĩũlũ wa Klĩsto, tũthi na mbee tũkavikĩe maũndũ ma ũima. Tũyaĩlĩte kũtindĩa kũsyokea momanyĩsyo o ala ma mbee, ma kũtiana na meko ala matũlikasya kĩkw'ũnĩ na ũndũ twaĩlĩte kũmũĩkĩĩa Ngai;
2
momanyĩsyo ĩũlũ wa ũvatiso, kwilĩĩlwa moko, ũthayũũkyo wa akw'ũ na ũsilĩlo wa tene na tene.
3
Nĩtwaĩlĩte kũthi na mbee, na nĩtũkwĩka ũu ethĩwa nĩkw'o kwenda kwa Ngai.
4
Kũtonyeka ata kwa andũ maumie mũĩkĩĩonĩ woo kũtũngwa nthĩnĩ waw'o ĩngĩ? Maĩ nthĩnĩ wa kyeni kya Ngai, nĩmasamie mũthĩnzĩo wa ĩtunĩ, na kũkwata Veva Mũtheu.
5
O ta ũu nĩmasamie ũseo wa ndeto ya Ngai, na mavinya ma nthĩ nzaũ ĩla yũkĩte.
6
Ethĩwa ĩndĩ nĩmaumĩte mũĩkĩĩonĩ woo, ũkeethĩwa wĩ ũndũ ũtatonyeka kũmatũnga mũĩkĩĩonĩ, nĩkwĩthĩwa memwamba o ĩngĩ Mwana wa Ngai na kũmwĩkĩĩthya nthoni andũnĩ.
7
Ngai nũathimaa nthĩ ĩla ĩnyusaa kĩw'ũ kya mbua ĩla yuaa, na ĩimesya mĩmea ĩla ĩtonya kũĩwa nĩ andũ ala maĩmĩwe nthĩ ĩsu.
8
Ĩndĩ nthĩ ĩla ĩmeasya mĩtĩ ya mĩw'a na ikuthu nĩ ya mana na yĩthĩawa mũisyonĩ wa kũumanĩwa nĩ Ngai. Mũminũkĩlyo wayo nĩ kũvĩvw'a na mwaki.
9
Ĩndĩ o na mweew'a tũineena mũthemba ũũ endwa maitũ, twĩ na mũĩkĩĩo mũlũmu kana mũkakwata maũndũ maseo mbeange, ala memũetee ũtangĩĩo.
10
Ngai ekaa ũla waĩlu; ndakolwa nĩ wĩa ũla mwatethisye, na wendo ũla mwoonanisye kwondũ wake nthĩnĩ wa kũmatetheesya aĩkĩĩi ala angĩ, na o na yu mũendeeaa kũmatethya.
11
Twĩenda kĩla ũmwe wenyu aendee na kĩthing'ĩĩsyo kĩu kũvika mũminũkĩlyo, nĩ kana maũndũ ala mwĩkwatasya matonye kwĩanĩa.
12
Tũikwenda mwĩthĩwe mwĩ atulu; twĩenda mũatĩĩe ngelekany'o ya ala kwondũ wa mũĩkĩĩo na wũmĩĩsyo makwataa kĩla Ngai wathanĩte.
13
Yĩla Ngai wamwathie Avalaamu kĩndũ, nĩweevĩtie kana akeanĩsya. Nayu nũndũ vayaĩ kĩndũ kĩngĩ kĩnene kwĩ we ũtonya kwĩvĩta nakyo, Ngai eevĩtie na ĩsyĩtwa yake mwene.
14
Nĩwaisye atĩĩ, “Nyie kwa w'o ngakũathima na ngakũnenga kwĩthĩwa na nzyawa mbingĩ.”
15
Avalaamu nĩweeteelile na wũmĩĩsyo na akwata kĩla Ngai wamwathie.
16
Yĩla andũ mekwĩvĩta, mevĩtaa na kĩndũ kĩnene kwĩ mo. Wĩvĩto ũsu ũĩkĩĩthasya kana kĩla kĩũneenwa nĩ kya w'o, na nũminaa ngananĩo syonthe.
17
Kwoou Ngai nĩwaĩkĩĩthisye kwa kwĩvĩta, nĩ kana onany'e vyũ kwa ala maĩ makwate kĩla wathanie, kana ndakaalyũla mĩvango yake.
18
Ngai eekie ũu nĩ kana kwa syĩndũ ilĩ itatonya kũalyũka, na Ngai ũtatonya kũkengana ĩũlũ wasyo, ithyĩ ala twasembie tũkevithe kwake, tũtonye kũthangaaw'a mũno kũlũma wĩkwatyonĩ ũla wiĩtwe mbee waitũ.
19
Twĩ na wĩkwatyo ũsu ta w'o nanga ya mathayũ maitũ. Nĩ mũlũmu, ndũkũĩka, na ũlikĩte ũkavika vala Vandũ Vatheu ĩtunĩ,
20
vala Yesũ waendie mbee waitũ na kwondũ witũ. Atw'ĩkĩte Mũthembi ũla Mũnene wa tene na tene o tondũ Melikisendeki wailyĩ.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 7 →
All chapters:
1
2
3
4
5
6
7
8
9
10
11
12
13