bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Hebrews 2
Hebrews 2
Kamba (MBIVILIA ŨVOO MŨSEO)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 3 →
1
Kwondũ wa ũu nĩtwaĩlĩtwe nĩ kũkwata na kĩthito maũndũ ala twataviw'e, nĩ kana tũikaaĩse kũtiana namo.
2
Ũtũmani ũla waetewe aaũmae maitũ nĩ alaĩka nĩwoonaniw'e kwĩthĩwa wa w'o, na mũndũ o na wĩva ũla ũtaaũatĩĩa kana waleanile naw'o nĩwakwatie ũsilĩlo ũla ũmwaĩlĩte.
3
Kwoou ithyĩ tũkavonoka ata ethĩwa tũkaleana na ũtangĩĩo ũũ ũnenevete ũu? Ũtangĩĩo ũsu wambie kũtavanw'a mbee nĩ Mwĩai mwene, na andũ onthe ala mawĩwie matũĩkĩĩthya kana nĩ wa w'o.
4
Ngai o nake nĩwaũĩkĩĩthisye kwĩthĩwa wa w'o kwa kwĩka syama, maũndũ ma kũseng'ya, na mawonany'o ma mĩthemba mingĩ, na kwa kũnenga andũ mĩthĩnzĩo ya Veva Mũtheu kwĩanana na kwenda kwake.
5
Ngai ndaatw'a alaĩka kwĩthĩwa anene ma nthĩ ĩla yũkĩte, ĩla tũũneena ĩũlũ wayo.
6
Vandũ va ũu, ve vandũ Maandĩkonĩ Matheu vaĩtye: “Mũndũ nĩ kyaũ we Ngai ũtinde ũisũanĩa ĩũlũ wake; o mũndũ ũtinde ũithĩnĩka nũndũ wake?
7
Nĩwamũtwie mũnini kwĩ alaĩka vandũ va ĩvinda, nayu nũmũnengete ũkumyo na ndaĩa,
8
wamũtw'a mũnene wa syĩndũ syonthe.” Ngai nĩwaiie syĩndũ syonthe ungu wa mũndũ, na vai kĩndũ kyaatiwa kĩte ungu wa mũndũ. Ĩndĩ o na kũilyĩ ũu, tũyonaa mũndũ asumbĩkĩte ĩũlũ wa syĩndũ syonthe.
9
Ĩndĩ nĩtũũmwona Yesũ ũla kwa kavinda waninĩviw'e kwĩ alaĩka, nĩ kana kumana na mumo wa Ngai akw'e kwondũ wa kĩla mũndũ. Yu nũnengetwe ũkumyo na ndaĩa nũndũ wa kĩkw'ũ kĩla wakwie.
10
Waĩ ũndũ waĩlu kwa Ngai ũla woombie syĩndũ syonthe na syĩ vo kwondũ wake, kũmũtw'a Yesũ kwĩthĩwa mwĩanĩu kwĩsĩla mathĩnanĩ, nĩ kana aete syana mbingĩ ũkumyonĩ wake. Nĩkwĩthĩwa Yesũ nĩwe ũtumaa ikwata ũtangĩĩo.
11
We ũla ũtheasya andũ naĩ syoo, o vamwe na asu matw'ĩtwe atheu, nĩ ma Ĩthe ũmwe. Kĩu nĩkyo kĩtumi Yesũ ũtew'aa nthoni aimeta ana-a-ĩthe make.
12
Nĩwamwĩie Ngai atĩĩ, “Ngatavany'a ĩsyĩtwa yaku kwa ana-a-asa makwa, na ngakũkathaa kũla mombanĩe.”
13
O ĩngĩ nĩwaisye, “Ngamwĩkwatya Ngai.” O na ĩngĩ asya, “Nyie nĩ vaa na syana ila Ngai ũnengete.”
14
Nayu nũndũ isu ũkwĩta syana nĩ andũ me na mwĩĩ na nthakame, Yesũ o nake nĩwatw'ĩkie mũndũ ta mo. Eekie ũu nĩ kana kwa kũkw'a kwake, atonye kwananga ũtonyi wa ũla wũaa, nake nĩ Satani,
15
na ayovosya onthe ala matwĩe matukũ onthe me ngombo nũndũ wa kũkĩa kĩkw'ũ.
16
Kwa w'o Yesũ ndaaũka kũtethya alaĩka; ookie kũtethya nzyawa sya Avalaamu.
17
Kĩu nĩkyo kĩtumi waĩ avw'ananw'e na ana-a-ĩthe make maũndũnĩ onthe, nĩ kana atw'ĩke Mũthembi ũla Mũnene wĩ tei na wa kũĩkĩĩwa nthĩnĩ wa kũmũthũkũma Ngai, eyumye nthembo nĩ kana andũ matonye kũekewa naĩ syoo.
18
Nayu kwa kwĩthĩwa nĩwatatiwe na athĩnw'a, nũtonya kũmatetheesya ala matatawa.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 3 →
All chapters:
1
2
3
4
5
6
7
8
9
10
11
12
13