bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Zechariah 6
Zechariah 6
Kamba (MBIVILIA ŨVOO MŨSEO)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
1
Woninĩ ũngĩ nĩnoonie makasya ana ma mbalasi maumĩlĩĩla katĩ katĩ wa iĩma ilĩ sya mbulonzi.
2
Ĩkasya ya mbee yakusĩtw'e nĩ mbalasi ndune, ya kelĩ yakusĩtw'e nĩ mbalasi nziũ,
3
ya katatũ yakusĩtw'e nĩ mbalasi nzaũ, na ya kana yakusĩtw'e nĩ mbalasi syĩ ĩumbĩ.
4
Nĩnakũlilye mũlaĩka ũsu waneenete nakwa atĩĩ, “Mũnene wakwa, makasya aa ma mbalasi meonany'a kyaũ?”
5
Nĩwanzũngĩie ambĩa atĩĩ, “Makasya aa nĩ iseve inya sya ĩtunĩ na maumĩte mbee wa Mwĩai Ngai wa nthĩ yonthe.
6
Ĩkasya yĩĩ yĩkusĩtw'e nĩ mbalasi nziũ yĩendete nthĩ ya ngalĩko ya ĩũlũ; yĩĩ yĩkusĩtw'e nĩ mbalasi nzaũ yĩendete nthĩ ya ngalĩko ya ũthũĩlonĩ wa syũa, na yĩĩ yĩkusĩtw'e nĩ mbalasi syĩ ĩumbĩ yĩendete nthĩ ya ngalĩko ya ĩtheo.”
7
Yĩla mbalasi isu syaumĩlile, nĩsyendaa mũno kũthi kwanganga isisye nthĩ. Mwĩai Ngai nĩwasyĩie atĩĩ, “Endai mũkangange mũsisye nthĩ.” Kwoou nĩsyaendie syanganga iisisya nthĩ.
8
Nĩvo ĩndĩ Mwĩai Ngai waneenie na wasya mũnene ambĩa atĩĩ, “Mbalasi ila syathi nthĩ ya ngalĩko ya ĩũlũ nĩsyatuma Veva wakwa wĩthĩwa na mũuo kũu nthĩ ya ĩũlũ.”
9
Mwĩai Ngai nĩwaneenie nakwa ambĩa atĩĩ,
10
“Osa thaavu na silĩva kuma kwa Elitai, Toviya na Yetaia ala mavika kuma Mbavilonĩ kũla matwĩe me atave, na ũithi mĩtũkĩ mũsyĩ kwa Yosia mwana wa Nzevania.
11
Osa thaavu na silĩva ũsu kuma vala maĩ na ũiseũvya ngovia ya kĩ-ũsumbĩ, na ũimĩkĩa mũtwenĩ wa Mũthembi Mũnene Yosua mwana wa Yeosataki.
12
Mwĩe nyie Mwĩai Ngai Mwene Ũtonyi W'onthe nĩasya atĩĩ, ‘Ũũ nĩwe ũla mũndũ wĩtawa Ũvonge; akeana e kwake na akaaka Ĩkalũ yakwa nyie Mwĩai Ngai.
13
Nĩwe wĩaka Ĩkalũ yakwa nyie Mwĩai Ngai. Akanengwa ndaĩa ya kĩ-ũsumbĩ na akasumbĩka ailyĩ kĩvĩlanĩ kyake kya kĩ-ũsumbĩ. Vakuvĩ na kĩvĩla kyake kya kĩ-ũsumbĩ vakekala mũthembi, na me elĩ makathũkũma vamwe me na mũuo.
14
Ĩla ngovia ya kĩ-ũsumbĩ ĩkaiwa Ĩkalũnĩ yakwa nyie Mwĩai Ngai ta ũlilikany'o wa Elitai, Toviya, Yetaia na Yosia mwana wa Nzevania.’ ”
15
Andũ ala matũaa kũasa makooka kũtetheesya kwaka Ĩkalũ ya Mwĩai Ngai. Mũkamanya kana Mwĩai Ngai Mwene Ũtonyi W'onthe nũndũmĩte kũla mũĩ. Maũndũ asu makeanĩa ethĩwa mũkamwĩw'a vyũ Mwĩai Ngai, Ngai wenyu.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
All chapters:
1
2
3
4
5
6
7
8
9
10
11
12
13
14