bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Zechariah 9
Zechariah 9
Kamba (MBIVILIA ŨVOO MŨSEO)
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
1
Ũũ nĩ ũtw'ĩo wĩ vinya wa Mwĩai Ngai: Mwĩai Ngai akekala nthĩ ya Atilaki, o ta ũu akekala ndũanĩ ya Ndamasikũ. Nũndũ ndũa syonthe sya Silia nĩ sya Mwĩai Ngai, o tondũ mbaĩ syonthe sya Ĩsilaeli nĩ syake.
2
O na Amathi ĩla ĩvakanĩte na Atilaki nĩ yake, o vamwe na Tile na Sitoni, ila syonaa syĩ na ũmanyi mwingĩ.
3
Ndũa ya Tile nĩyĩyakĩe ũkũta mũnene, ĩkombany'a silĩva mwingĩ ta kĩtoo, na thaavu mwingĩ ta ndaka ĩla yĩ nzĩanĩ nene sya ndũa.
4
Ĩndĩ Mwĩai Ngai akoosa ũthwii wayo w'onthe, akekya ũthwii wayo w'onthe ũkanganĩ, na kũvĩvya ndũa ĩsu yonthe na mwaki.
5
Ndũa ya Asikeloni ĩkoona ũu na ĩikĩa, o nayo ndũa ya Ngasa ĩkoona ũu na ĩikwatwa nĩ woo mwingĩ; o na ndũa ya Ekeloni o ta ũu ĩkakĩa nũndũ wĩkwatyo wayo ũkathela. Ngasa ĩkaasya mũsumbĩ wayo, na Asikeloni ĩkatiwa ĩte na mũndũ ũmĩtũĩte.
6
Andũ mate mbaĩ makatũa Asitoti; ngamina mĩkathĩĩo ya andũ ma Vilisitia.
7
Maikaya ĩngĩ nyama syĩ na nthakame, kana malĩu angĩ mavatane. Ala makatiala makatw'ĩka ma Ngai waitũ, makatw'ĩka ta ĩmwe ya mbaĩ ila syĩ Yuta, na andũ ma Ekeloni makeethĩwa ta Ayevusi.
8
Nyie mwene ngasunga nthĩ yakwa; ngasiĩĩa asikalĩ ma kaũ maikamĩsĩlange. Vai mũndũ ũkathĩny'a andũ makwa ĩngĩ, nũndũ nyie mwene ngasũvĩa andũ makwa.
9
Tanai mũno inyw'ĩ andũ ma Saioni! Ũkĩlyai wasya wenyu inyw'ĩ andũ ma Yelũsalemu! Sisyai, mũsumbĩ wenyu nĩwũkĩte kwenyu; okĩte na ũtanu na ũsindi, nĩ mũuu na atũlĩte ĩng'oi, atũlĩte ndena, ĩĩ, ndena ya ĩng'oi.
10
Ngamina makasya ma kaũ kuma Evalaimu, na mbalasi sya kaũ kuma Yelũsalemu; na ũta wa kaũ ũkatũlangwa. Mũsumbĩ akaete mũuo katĩ wa nthĩ, ũsumbĩ wake ũkeethĩwa kuma ũkanga nginya ũkanga, na kuma Ũsĩnĩ wa Euvalati nginya kũla nthĩ ĩthelele.
11
Ĩndĩ inyw'ĩ, nũndũ wa ũtianĩo wakwa nenyu, ũtianĩo ũla waseũviw'e na nthakame, ngathasya andũ menyu ala ove, ala mailyĩ ta ovwa me ĩimanĩ ĩliku yĩte kĩw'ũ.
12
Inyw'ĩ ovwa mwĩ na wĩkwatyo, syokai kũndũnĩ kwenyu kwa wĩvitho; yu nĩmũtavya kana nĩngũmũtũngĩa ũseo wenyu kũndũ kwĩlĩ.
13
Nĩtũmĩa Yuta ta we ũta wakwa, na ngĩtw'ĩkĩthya Evalaimu maangi maw'o. We Saioni, ngatũmĩa aũme maku ta ũvyũ, kũvithũkĩa aũme ma Ũkiliki; ngamatũmĩa ta ũvyũ wa ngũmbaũ.
14
Nĩvo ĩndĩ Mwĩai Ngai wĩumĩlĩĩla andũ make, na ayĩkya maangi make ta ũtisi. Mwĩai Ngai Mũsumbĩ akavuva soo, na akaendany'a na ilingi syumĩte ngalĩko ya ĩtheo.
15
Mwĩai Ngai Mwene Ũtonyi W'onthe akaseseea andũ make, namo makamina na kũsinda amaitha moo maitũmĩa mavia ma kĩkũtha. Makalonzany'a kaũnĩ ta mamilĩtwe nĩ ndivai, maketa nthakame ya amaitha moo nthĩ. Nthakame ĩsu ĩkanyũlũlũka ta nthakame ya nthembo, yĩtĩtwe kĩthembeonĩ na mbakũli.
16
Mũthenyanĩ ũsu, Mwĩai Ngai, Ngai woo akamatangĩĩa, nũndũ nĩ malondu ma ndĩthya yake. Namo makatisatisa me nthĩ yake, ta mavia ma thooa mũnene mekĩĩtwe ngovianĩ ya kĩ-ũsumbĩ.
17
Ĩĩ, makeethĩwa ma kwendeesya na anake mũno! Lĩu wa mbaa mbeke ũkatuma anake meana, na ndivai nzaũ ĩkatuma eĩtu meana.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 10 →
All chapters:
1
2
3
4
5
6
7
8
9
10
11
12
13
14