bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Zechariah 8
Zechariah 8
Kamba (MBIVILIA ŨVOO MŨSEO)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 9 →
1
Mwĩai Ngai Mwene Ũtonyi W'onthe nĩwaneenie nakwa ambĩa atĩĩ,
2
“Nyie Mwĩai Ngai Mwene Ũtonyi W'onthe nĩasya kana nĩ na wendo mwingĩ kwa andũ ma Saioni, na nĩnthatĩtw'e mũno nĩ amaitha mayo.
3
Nyie Mwĩai Ngai Mwene Ũtonyi W'onthe nĩasya kana ngasyokea Saioni na kwĩkala ndũanĩ ya Yelũsalemu. Yelũsalemu ĩkeetwa, ‘Ndũa ya W'o,’ na kĩĩma kyakwa nyie Mwĩai Ngai Mwene Ũtonyi W'onthe kĩkeetwa, ‘Kĩĩma Kĩtheu.’
4
Nyie Mwĩai Ngai Mwene Ũtonyi W'onthe nĩasya kana aũme akũũ na iveti ngũũ, mekũthi na ndata nũndũ wa kũkũa makekala ĩngĩ nzĩanĩ sya Yelũsalemu.
5
Nzĩa nene syonthe sya Yelũsalemu, ikausũa anake na eĩtu maithaũkĩa vo.
6
Nyie Mwĩai Ngai Mwene Ũtonyi W'onthe nĩasya kana ethĩwa andũ aa matialĩte meona ũndũ ũsu ta ũtatonyeka, mwĩona kwakwa nyie Mwĩai Ngai ũndũ ũsu ũtatonyeka?
7
Nyie Mwĩai Ngai Mwene Ũtonyi W'onthe nĩasya kana ngatangĩĩa andũ makwa kuma nthĩ ya ngalĩko ya wumĩlonĩ wa syũa, na kuma nthĩ ya ngalĩko ya ũthũĩlonĩ wa syũa.
8
Ngamaete moke kũtũa ndũanĩ ya Yelũsalemu. Makeethĩwa andũ makwa, nakwa ngeethĩwa Ngai woo na ngamatongoesya na ũĩkĩĩku na ũlũngalu.”
9
Mwĩai Ngai Mwene Ũtonyi W'onthe easya atĩĩ, “Inyw'ĩ ala ĩvindanĩ yĩĩ mwĩthĩĩtwe mũyĩw'a ndeto ii iineenwa nĩ athani, kuma mũthenyanĩ ũla mũsingi wa Ĩkalũ yakwa wambĩĩie kwakwa, ĩthĩwai mwĩ athangaau nĩ kana yakwe ĩngĩ.
10
Mbee wa ĩvinda yĩu, andũ mayakwataa ĩtuvi yĩla mathũkũma kana makomboethya nyamũ sya kũthũkũma. O ta ũu vayaĩ ũsũvĩo kuma kwa mũmaitha kwa ala mookaa na ala maendaa, nũndũ nĩnaetie kĩthokoo katĩ wa andũ.
11
Ĩndĩ nyie Mwĩai Ngai Mwene Ũtonyi W'onthe nĩasya kana ndikeka andũ ma nthĩ ĩno ala matialĩte ũndũ neekie vau mbeenĩ.
12
Nĩngũetee nthĩ ya Ĩsilaeli mũuo, mbua nĩkua o ta tene, nthĩ ĩkaingĩvya ũsyao wayo, na nzavivũ ikasyaa kwa wingĩ. Nganenga andũ onthe ma nthĩ ĩno ala matialĩte syĩndũ isu syonthe maimesye.
13
O tondũ mwĩthĩĩtwe mũitalwa kwĩthĩwa mwĩ andũ aumanĩe katĩ wa andũ ma nthĩ ingĩ, inyw'ĩ andũ ma Yuta na andũ ma Ĩsilaeli, now'o nĩmũtangĩĩa na mũkeethĩwa mwĩ ũathimo kwa andũ ala angĩ. Mũikakĩe, ĩndĩ ĩthĩwai mwĩ athangaau!”
14
Mwĩai Ngai Mwene Ũtonyi W'onthe easya atĩĩ, “O tondũ navangie kũmwĩka ũthũku, yĩla aaũmae menyu manthatisye, na nalea kũmwĩw'ĩa tei, yu nĩasya kana
15
nĩnĩvangĩte kwĩka ndũa ya Yelũsalemu na andũ ma Yuta nesa. Kwoou mũikakĩe.
16
Aa nĩmo maũndũ ala mwaĩlĩte kwĩkaa: Kĩla ũmwe wenyu nĩatavasye ũla ũngĩ ũla w'o, na mũyumasya sila wa katĩ na wa mũuo isilĩlonĩ syenyu.
17
Vaikethĩwe mũndũ o na ũmwe katĩ wenyu ũvangĩte kwĩka ũla ũngĩ ũndũ mũthũku, na mũikende kwĩvĩta wĩvĩto wa ũvũngũ. Nĩnĩmenete maũndũ asu onthe. Nĩasya ũu nyie Mwĩai Ngai.”
18
Mwĩai Ngai Mwene Ũtonyi W'onthe nĩwaneenie nakwa ambĩa atĩĩ,
19
“Nyie Mwĩai Ngai Mwene Ũtonyi W'onthe nĩasya kana ĩvinda ya kũtĩĩa kũya ya mwei wa kana, ya mwei wa katano, ya mwei wa mũonza na ya mwei wa ĩkũmi, yĩkatw'ĩka ĩvinda ya mboka sya ũtanu na mũyo kwa andũ ma Yuta. Kwoou endai ũw'o na mũuo.”
20
Mwĩai Ngai Mwene Ũtonyi W'onthe easya atĩĩ, “Andũ ma nthĩ ingĩ o namo makooka kuma ndũanĩ mbingĩ.
21
Ekali ma ndũa ĩmwe makathi ndũanĩ ĩngĩ na mayĩa andũ ma ndũa ĩsu atĩĩ, ‘Nĩtũendei vamwe tũkamanthe Mwĩai Ngai tũmũthaithe na tũikũlya Mwĩai Ngai Mwene Ũtonyi W'onthe atwĩke nesa. Ũkai tũendany'e!’
22
Andũ aingĩ na nthĩ syĩ ũtonyi mũnene makooka Yelũsalemu kũmantha nyie Mwĩai Ngai Mwene Ũtonyi W'onthe na kũmboya nĩmeke nesa.”
23
Mwĩai Ngai Mwene Ũtonyi W'onthe easya atĩĩ, “Ĩvindanĩ yĩu, andũ ĩkũmi kuma nthĩ syĩ ithyomo syĩ kĩvathũkany'o makakwata ngũa ndaasa ya Mũyuti na maimwĩa, ‘Nĩtũkũendany'a naku nũndũ nĩtwĩw'ĩte kana Ngai e vamwe nenyu.’ ”
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 9 →
All chapters:
1
2
3
4
5
6
7
8
9
10
11
12
13
14