bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
2 Kings 14
2 Kings 14
Kalenjin Bible (BUKUIT NE TILIL)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
1
Kitoi kolaitoran Amasia weritab Joas laitoriatab Juda eng’ kenyitab aeng’ ne bo Joas weritab Jeoahas laitoriatab Israel.
2
Ki bo kenyisiek tiptem ak mut ye kitau kolaitorani; ak kilaitoran kenyisiek tiptem ak sogol eng’ Jerusalem: ak kainetab kamet ko ki Jeoadin ne bo Jerusalem.
3
Ak kiyai ne mie eng’ taitab Jehovah, ago ma igei Daudi kwandanyi: kiyai ko u tugul che kiga yai kwandanyi Joas.
4
Agos kima kiisto komoswek che tororen: kita koenyei bik tiseiywek ak kobeelei nyamdutik eng’ komoswek che tororen.
5
Ak ye ki kata kigimit bounatet eng’ eunnyi, kobar otwogikyik che kiga bar laitoriat, kwandanyi:
6
ago ma bar lagokab rumichoto: ko u ye kigisir eng’ bukuitab Ng’atutietab Musa, ko u ye king’at Jehovah, kole, Magibarei kwanisiek amu lagok, anan kebar lagok amu kwanisiek: ago kibarei chi age tugul agobo tengektanyi.
7
Kibar bikab Edom elfusiek taman eng’ Atebwetab Munyuk, ak konam Sela eng’ luget, ak koguure kainennyi Joktel agoi ra.
8
Koyokto anyun Amasia bik koba oldab Jeoas, weritab Jeoahas weritab Jeu, laitoriatab Israel, kolenji, Nyo ketuiye kegeerge togoch.
9
Ak kiiyokyi bik Jeoas laitoriatab Israel Amasia laitoriatab Juda kolenji, Kiiyokto ng’olyot katableliat ne kimi Lebanon koyokyi tarakwet ne kimi Lebanon, kolenji, Igochi cheptang’ung’ werinnyu kotun: ak kisiirto tiondo ne bo timin ne kimi Lebanon, ak kotiech katableliandanato.
10
Kiibar iman Edom, ak kigotororin muguleldang’ung’: baibaitune noto anyun, ak itebe gong’ung’; amu nee si icheng’jige nyalilda, si ibut, inye koboto Juda?
11
Ago ma cham Amasia kogas. Kotogosta anyun Jeoas laitoriatab Israel; ak kigeergei inendet ak Amasia laitoriatab Juda togoch eng’ Bet-semes ne bo Juda.
12
Ak kigiterter Juda eng’ taitab Israel; ak kimwei chi tugul kwo emainnyi.
13
Ak kiimut Jeoas laitoriatab Israel Amasia laitoriatab Juda, weritab Jeoas weritab Aasia, eng’ Bet-semes, ak koit Jerusalem, ak kobut irimet ne bo Jerusalem koboch ormarichetab Epraim agoi ormarichetab luita, kakwautik bogol ang’wan che bo eut.
14
Ak kiib tahabu tugul ak feda, koboto tuguk tugul che kimi gotab Jehovah, ak che kimi konoraik che bo gotab laitoriat, koboto luulenik agichek, ak kiweek kwo Samaria.
15
Ak boisionik che ng’etunotin che bo Jeoas che kiyai, ak kimnatennyi, ak ole kibartagei ak Amasia laitoriatab Juda, ko tos ma sirotin eng’ bukuitab ateptab betusiek ne bo laitorinikab Israel?
16
Ak kiru Jeoas koboto kwanisiekyik, ak kigitub eng’ Samaria koboto laitorinikab Israel; ak kilaitoran Jeroboam werinnyi kogeer inendet.
17
Ak kita kosob Amasia weritab Jeoas laitoriatab Juda kenyisiek taman ak mut kingobata meetab Jeoas weritab Jeoahas laitoriatab Israel.
18
Ak boisionik che ng’etunotin che bo Amasia, ko tos ma sirotin eng’ bukuitab ateptab betusiek ne bo laitorinikab Juda?
19
Ak kichaam inendet eng’ Jerusalem; ak komwei kwo Lakis: ago kiiyokto bik kosub inendet koba Lakis, ak kobar inendet eng’ oloto.
20
Ak kilaune inendet mbartanyisiek: ak kigitupchi Jerusalem koboto kwanisiekyik eng’ nganasetab Daudi.
21
Ak kinam bik tugul che bo Juda Asaria, ne ki bo kenyisiek taman ak lo, ak koyai inendet koek laitoriat kogeer kwandanyi Amasia.
22
Kiteech Elat, koweekyi Juda ko kagoru laitoriat koboto kwanisiekyik.
23
Kitoi kolaitoran Jeroboam weritab Joas laitoriatab Israel eng’ Samaria, eng’ kenyitab taman ak mut ne bo Amasia weritab Joas laitoriatab Juda, ak kolaitoran kenyisiek artam ak agenge.
24
Ak kiyai yaitiet eng’ taitab Jehovah: ma istoegei tengekwogik tugul che bo Jeroboam weritab Nebat, che kiibeete Israel si koyai tengekto.
25
Kiweech inendet kiwotetab Israel koboch ye kibunei kebendi Hamat agoi nyanjetab Araba, ko u ng’olyotab Jehovah, Kamuktaindetab Israel, ne kimwa eng’ otwogindennyi Jona maotiot, weritab Amitai, ne ki bo Gat-heper.
26
Amu kigeer Jehovah nyalildab Israel, kole ng’wan kot: amu kima komi chi ne kiga kiger anan ko ne itiagat, ak kima komi toretindet Israel.
27
Ak ma mwa Jehovah kole, ibuktoi kainetab Israel eng’ kureretab kipsengwet: ago kisor ichek eng’ Jeroboam weritab Joas.
28
Ak boisionik tugul che bo Jeroboam, ak tuguk tugul che kiyai, ak kimnatennyi, ole kiyaita luget, ak ole kiiweegundo Damasko ak Hamat ne ki bo Juda, koweekyi Israel, ko ma sirotin eng’ bukuitab ateptab betusiek ne bo laitorinikab Israel?
29
Ak kiru Jeroboam koboto kwanisiekyik, choto ko laitorinikab Israel; ak kilaitoran Sekaria werinnyi kogeer inendet.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25