bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
2 Kings 19
2 Kings 19
Kalenjin Bible (BUKUIT NE TILIL)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
1
Ak kingogas laitoriat Hesekia, kogerer ngoroikyik, ak kotugegei kuniok, ak kwo gotab Jehovah.
2
Ak koyokto Eliakim, ne kibou got, ak Sebna sirindet, ak boisiekab tisiik, kotugotegei kuniok, koba ole mi Isaia maotiot, weritab Amos.
3
Ak kilenji inendet, Kamwa Hesekia ko u ni kole, Betuni ko betutab nyalilda, ak keretab kong’, ak chubisiet: amu kait kesich lagok, ama mi kimnatet ne kesige.
4
Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.
5
Kobwa anyun otwogikab laitoriat Hesekia ole mi Isaia.
6
Ak kilenji Isaia ichek, Omwachini kiptaiyandeng’wong’ ko u ni, olenjini, Kamwa Jehovah kole, Ameiywei ng’alek che kegas, che kachubena otwogikab laitoriatab Asuria.
7
Keero, andoi inendet tamirmiriet, ak kasei ng’alekab bik, ak koweek kwo emennyi; ak agoite kebar eng’ rotwetab chok eng’ emennyi.
8
Koweek anyun Rabsake, ak koitita kobaregei laitoriatab Asuria ak Libna: amu kiga kas kole kikwa eng’ Lakis.
9
Ak kingogas kemwaei agobo Tiraka laitoriatab Etiopia, kele, Keero, kogonyo obarge: koyokto bik kogeny koba oldab Hesekia, kolenji,
10
Omwachini Hesekia, laitoriatab Juda, olenjini, Amengoberberin Kamuktaindeng’ung’ ne imang’u, kolenjin, Magigoitoi Jerusalem kwo eutab laitoriatab Asuria.
11
Keero, kiigas kit ne kigoyachi laitorinikab Asuria emotinwek tugul, eng’ ng’emet ne king’em ichek koges: kesorun inye?
12
Tos kisor ichek cheptalelisiekab bororiosiek, che kibar kwanisiekyuk, Gosan, ak Haran, ak Resep, ak lagokab Eden che kimi Telasar?
13
Mi ano laitoriatab Hamat, ak laitoriatab Arpad, ak laitoriatab nganasetab Separbaim, ne bo Hena, ak Iba?
14
Ak kinam Hesekia baruet eng’ eutab bik che kiga kiyok, ak kosoman: ak kitogosta Hesekia kwo gotab Jehovah, ak koiito baruanato eng’ taitab Jehovah.
15
Ak kisa Hesekia eng’ taitab Jehovah kole, Ee Jehovah, Kamuktaindetab Israel, ne tebe kerubisiek, i Kamuktaindet inye inyege, ne bo bounatosiek tugul che bo ng’ony; kiiyai kipsengwet ak ng’ony.
16
Eb it, ee Jehovah, ak igas; yat konyeguk, ee Jehovah, ak igeer; ak kas ng’alekab Senakerib, che kaiyogune chito konyo kochot Kamuktaindet ne sobei.
17
Iman, Jehovah, kigobar laitorinikab Asuria bororiosiek ak emotinwekwak kowechawech,
18
ak kigowirji ma kanamonikwak: amu kima ko cheptalelisiek, ago ki boisietab eunekab bik, ketik ak koik; king’em anyun ichek tuguchoto amu noto.
19
Ara anyun, ee Jehovah Kamuktaindennyo, asain ale soruech eng’ eunnyi, si konai bounatosiek tugul che bo ng’ony kole i Jehovah Kamuktaindet, inye inyege.
20
Koyokto anyun Isaia weritab Amos chito kwo oldab Hesekia, kolenji, Kamwa Jehovah, Kamuktaindetab Israel, ko u ni kole, Ko u ye kaisaa agobo Senakerib laitoriatab Asuria, ko kaagasin.
21
Ni ng’olyot ne kagomwa Jehovah agobo inendet: Kasasin bergeiyat cheptab Sion, ak kororechin kochotin: kagolelech metinnyi cheptab Jerusalem eng’ inye.
22
Ng’o ne kiichot ak ichub? Ak ng’o ne kiibolji ak injurur? Noto ko Inendet ne Tilil ne bo Israel.
23
Koichot Kiptaiyat eng’ biguk che koiyogu, ak koile, Anyone kot aitu baragutab tulonok koboto chang’indab karisiekyuk, kot aitu orit eng’ Lebanon; ak aluul taragonikyik che koen, ak biribirinikyik che kororon: ak achute komosta ne kimenyei orit inne, osnetab mbarennyi ne rurei.
24
Kiabal che kima angen, ak aee, ak ateny ainosiek tugul che bo Misri eng’ keldebesaikab kelyekyuk.
25
Tom igas ole kiayaite ko u noto keny, ak ayai eng’ betusiek che bo keny? Ara kaasulde nguno, si kobiit ibut nganasok che ng’ototin koek karurugutik che kiging’em.
26
Kiek anyun bik che kimenyei nganasochoto, che tinyei kimnatet ne ming’in, kimeiyo mugulelwekwak ak kokwong’io; kiigei suswekab kewet, ak koigei sogek che ng’orng’or, ak koigei suswek che mi gorik barak, ak ko u bek che kilalyo kotom koeegitu.
27
Ago angen kabuureng’ung’, ak mandaeng’ung’, ak nyonuneng’ung’ ne inyone go, ak neregeguk che koromen agobo ane.
28
Amu neregeguk che koromen agobo ane, ak amu kogoit itikyuk loseng’ung’ ne bo ge, andoi anyun kombet serung’ung’, ak ande karnennyu kuting’ung’, ak aweechin ibun oret ne kebunu.
29
Ak egu ni kaborunet ne kiborun: oame eng’ kenyini che bitos ichegei, ak oam eng’ kenyitab aeng’ che siegune choto; ak eng’ kenyitab somok, ogol, ak oges, ak omin ketikab sabibuk, ak oam logoekwak.
30
Ak bitos kogeny kobendi ng’ony tigitikab che ng’etu che chilildos che bo gotab Juda, ak koiyo logoek eng’ barak.
31
Amu mandoi eng’ Jerusalem che kang’et, ak chilildos eng’ tulwetab Sion: yaei nito kagiiletab ge ne bo Jehovah.
32
Mwaei anyun Jehovah agobo laitoriatab Asuria, kole, Maitu inendet nganasani, ama mwogei yoto eng’ kipchabet, ama nyonei tainnyi kotinyei long’et, ama wasyin ng’ung’unyek.
33
Weegegei oret ne kibunu, ama itu nganasani, mwaei Jehovah.
34
Amu aribe nganasani, asoru, agobo ane, ak agobo Daudi otwogindennyu.
35
Ak kimanda malaikaiyatab Jehovah kemounoto, ak kobar bik elfusiek bogol ak tamanwogik sisiit ak mut eng’ nganasetab Asuriek: ak kingong’eetyo bik karon, ogeero, ki muswek tugul, che kogobek.
36
Kwo anyun Senakerib laitoriatab Asuria, koweek ak kwo komeny Ninebe.
37
Ak ye kita kosaei eng’ gotab Nisrok kanamwennyi, kobar inendet Adramelek ak Sareser eng’ rotwetab chok: ak komwei koba emetab Ararat. Ak kilaitoran Esarhadon werinnyi kogeer inendet.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25