bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
2 Kings 15
2 Kings 15
Kalenjin Bible (BUKUIT NE TILIL)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
1
Kitoi kolaitoran Asaria weritab Amasia laitoriatab Juda eng’ kenyitab tiptem ak tisab ne bo Jeroboam laitoriatab Israel.
2
Ki bo kenyisiek taman ak lo ye kitau kolaitorani; ak kilaitoran kenyisiek konom ak aeng’ eng’ Jerusalem: ak kainetab kamet ko ki Jekolia ne bo Jerusalem.
3
Ak kiyai ne mie eng’ taitab Jehovah, ko u tugul che kiyai kwandanyi Amasia.
4
Agos kima kiisto komoswek che tororen: kita koenyei bik tiseiywek ak kobeelei nyamdutik eng’ komoswek che tororen.
5
Ak kibir Jehovah laitoriat, ak kinam mogondosik agoi betutab meennyi, ak kimeny got ne itabanat. Ak kibou got Jotam weritab laitoriat, koruokyin bik eng’ emet.
6
Ak boisionik che ng’etunotin che bo Asaria, ak tugul che kiyai, ko ma sirotin eng’ bukuitab ateptab betusiek ne bo laitorinikab Juda?
7
Ak kiru Asaria koboto kwanisiekyik; ak kigitub koboto kwanisiekyik, eng’ nganasetab Daudi: ak kilaitoran Jotam werinnyi kogeer inendet.
8
Kilaitoran Sekaria weritab Jeroboam eng’ Israel eng’ Samaria arawek lo eng’ kenyitab sosom ak sisiit ne bo Asaria laitoriatab Juda.
9
Ak kiyai yaitiet eng’ taitab Jehovah: ko u ye kiyai kwanisiekyik: ma istoegei tengekwogikab Jeroboam weritab Nebat, che kiibeete Israel si koyai tengekto.
10
Ak kichaam inendet Salum weritab Jabes, ak kokwer inendet eng’ taitab bik, ak kobar, ak kolaitoran kogeer inendet.
11
Ak boisionik che ng’etunotin che bo Sekaria, ogeero, kigisir eng’ bukuitab ateptab betusiek ne bo laitorinikab Israel.
12
Nito ko ng’olyot ne kimwachi Jehovah Jeu, kolenji, Tebe weriguk ng’echeretab laitornatet ne bo Israel agoi ibinda ne bo ang’wan. Ak kiyaak ko u noto.
13
Kitoi kolaitoran Salum weritab Jabes eng’ kenyitab sosom ak sogol ne bo Usia laitoriatab Juda: ak kilaitoran arawet agenge eng’ Samaria.
14
Ak kitogosta Menaem weritab Gadi eng’ Tirsa, ak kiit Samaria, ak kikwer Salum weritab Jabes eng’ Samaria, ak kobar, ak kolaitoran kogeer inendet.
15
Ak boisionik che ng’etunotin che bo Salum, ak chaamsennyi ne kiyai, ogeero, sirotin eng’ bukuitab ateptab betusiek ne bo laitorinikab Israel.
16
Kibar anyun Menaem Tipsa, ak bik tugul che kimenyei yoto, ak kiwotosiekyik koboch Tirsa: amu ma yatyi inendet; ak kobar anyun amu noto: ak kigerer kwonyik tugul che tamonosiek che kimi yoto.
17
Kitoi Menaem weritab Gadi kolaitoran eng’ Israel eng’ kenyitab sosom ak sogol ne bo Asaria laitoriatab Juda, ak kilaitoran kenyisiek taman eng’ Samaria.
18
Ak kiyai yaitiet eng’ taitab Jehovah: ma istoegei tengekwogikab Jeroboam weritab Nebat eng’ betusiekyik tugul, che kiibeete Israel si koyai tengekto.
19
Kiset Pul laitoriatab Asuria kolen kobar emet; ak kiigochi Menaem Pul talentaisiek elfut che bo feda, si kobiit kotoret Pul inendet kogimit laitornatet eng’ eunnyi.
20
Ak kireb Menaem fedaisiek eng’ Israel, che bo bik tugul che eechen che magorek, kiibe chi tugul sekelisiek konom che bo feda, si kobiit kogochi laitoriatab Asuria. Kiweek anyun laitoriatab Asuria, ma tebi eng’ emonoto.
21
Ak boisionik che ng’etunotin che bo Menaem, ak tuguk tugul che kiyai, ma sirotin eng’ bukuitab ateptab betusiek ne bo laitorinikab Israel?
22
Ak kiru Menaem koboto kwanisiekyik; ak kilaitoran Pekaia werinnyi kogeer inendet.
23
Kitoi kolaitoran Pekaia weritab Menaem eng’ Israel eng’ Samaria, eng’ kenyitab konom ne bo Asaria laitoriatab Juda, ak kilaitoran kenyisiek aeng’.
24
Ak kiyai yaitiet eng’ taitab Jehovah: ma istoegei tengekwogikab Jeroboam weritab Nebat, che kiibeete Israel si koyai tengekto.
25
Ak kichaam inendet Peka weritab Remalia, kiptaiyandennyi ne bo luget, ak kobar eng’ Samaria, eng’ irimetab gotab laitoriat, koboto Argob ak Arie; ak kimi koboto inendet bik konomu che bo Gileadik: ak kibar inendet, ak kolaitoran kogeer inendet.
26
Ak boisionik che ng’etunotin che bo Pekaia, ak tuguk tugul che kiyai, ogeero, sirotin eng’ bukuitab ateptab betusiek ne bo laitorinikab Israel.
27
Kitoi kolaitoran Peka weritab Remalia eng’ Israel eng’ Samaria, eng’ kenyitab konom ak aeng’ ne bo Asaria laitoriatab Juda, ak kilaitoran kenyisiek tiptem.
28
Kiyai yaitiet eng’ taitab Jehovah: ma istoegei tengekwogikab Jeroboam weritab Nebat, che kiibeete Israel si koyai tengekto.
29
Kinyo Tiglat-peleser laitoriatab Asuria eng’ betusiekab Peka laitoriatab Israel, ak kinam Ijon, ak Abel-bet-maaka, koboto Janoa, ak Kedes, ak Hasor, ak Gilead, ak Galili, emet tugul ne bo Naptali; ak kiluul ichek komut koba Asuria.
30
Ak kichaam Hosea weritab Ela Peka weritab Remalia, ak kokwer inendet ak kobar, ak kolaitoran kogeer inendet, eng’ kenyitab tiptem ne bo Jotam weritab Usia.
31
Ak boisionik che ng’etunotin che bo Peka, ak tuguk tugul che kiyai, ogeero, sirotin eng’ bukuitab ateptab betusiek ne bo laitorinikab Israel.
32
Kitoi kolaitoran Jotam weritab Usia laitoriatab Juda eng’ kenyitab aeng’ ne bo Peka weritab Remalia laitoriatab Israel.
33
Ki bo kenyisiek tiptem ak mut ye kitau kolaitorani; ak kilaitoran kenyisiek taman ak lo eng’ Jerusalem: ak kainetab kamennyi ko ki Jerusa cheptab Sadok.
34
Ak kiyai ne mie eng’ taitab Jehovah: kiyai ko u tugul che kiga yai kwandanyi Usia.
35
Agos ma kiisto komoswek che tororen: kita koenyei bik tiseiywek ak kobeelei nyamdutik eng’ komoswek che tororen. Kiteech ormarichetab meto ne bo gotab Jehovah.
36
Ak boisionik che ng’etunotin che bo Jotam, ak tuguk tugul che kiyai, ko tos ma sirotin eng’ bukuitab ateptab betusiek che bo laitorinikab Juda?
37
Kitoi Jehovah eng’ betusiechoto koyokyi Juda Resin laitoriatab Suria ak Peka weritab Remalia, kobargei.
38
Ak kiru Jotam ak kwanisiekyik, ak kigitub koboto kwanisiekyik, eng’ nganasetab Daudi kwandanyi: ak kilaitoran Ahas werinnyi kogeer inendet.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25