bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
2 Kings 24
2 Kings 24
Kalenjin Bible (BUKUIT NE TILIL)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
1
Kitogos Nebukadnesar laitoriatab Babulon eng’ betusiekyik, ak kiek Jeoiakim otwogindennyi kenyisiek somok: kingobata kongelelji inendet.
2
Ak kiikyokyi Jehovah inendet lugosiekab Kaldeik, ak lugosiekab Suriek, ak lugosiekab Moabik, ak lugosiekab lagokab Amon, ak koyokto ichek koba Juda, kobar, ko u ng’olyotab Jehovah, ne kimwa eng’ otwogikyik maotik.
3
Kinyo kii Juda iman eng’ ng’atutietab Jehovah, si koisto ichek koba eng’ tainnyi, amu ng’ogiswekab Manase, ko u tugul che kiyai:
4
ak agobo korotik che matinyei tengek che kitumda; amu kiinyiit Jerusalem korotik che matinyei tengek: ak kiesio Jehovah konyochi kaat.
5
Ak boisionik che ng’etunotin che bo Jeoiakim, ak tuguk tugul che kiyai, ko ma sirotin eng’ bukuitab ateptab betusiek ne bo laitorinikab Juda?
6
Koru anyun Jeoiakim koboto kwanisiekyik, ak kilaitoran Jeoiakin werinnyi kogeer inendet.
7
Ak ki mata konyo kogeny laitoriatab Misri komong’ eng’ emennyi: amu kiga konam laitoriatab Babulon, kong’eete ainetab Misri agoi ainetab Euprate, choto tugul che ki bo laitoriatab Misri.
8
Ki bo kenyisiek taman ak sisiit Jeoiakin ye kitau kolaitorani; ak kilaitoran eng’ Jerusalem arawek somok: ak kainetab kamennyi ko ki Nehusta cheptab Elnatan ne bo Jerusalem.
9
Ak kiyai yaitiet eng’ taitab Jehovah ko u tugul che kiga yai kwandanyi.
10
Kitogos eng’ betusiechoto otwogikab Nebukadnesar laitoriatab Babulon kobwa Jerusalem, ak kiyiem nganaset.
11
Ak kinyo nganaset Nebukadnesar laitoriatab Babulon, kota koyiemei otwogikyik;
12
ak kimanda Jeoiakin laitoriatab Juda, kwo ole mi laitoriatab Babulon, inendet ak kamennyi, ak otwogikyik, ak bounikyik, ak kiptainikyik: ak kiimut inendet laitoriatab Babulon eng’ kenyitab sisiit ne bo laitornatennyi.
13
Ak kiib eng’ yoto konoraik tugul che bo gotab Jehovah, ak konoraikab gotab laitoriat, ak kotuatui terenik tugul che bo tahabu komengegitu che kiga yai Solomon laitoriatab Israel eng’ hekalutab Jehovah, ko u ye kiga mwa Jehovah.
14
Ak kiimut Jerusalem tugul, ak bounik tugul, ak bik tugul che kimen che nyigonen, che ki luulenik elfusiek taman, ak musogik tugul, ak kitang’ik; mami ne king’et, kobate bik che ki kibananok mising’ che kimi emet.
15
Ak kiimut Jeoiakin kwo Babulon; ak kametab laitoriat, ak osotikab laitoriat, ak kiptainikyik, ak bik che eechen che bo emet, komut inendet ichek eng’ Jerusalem koba Babulon.
16
Ak bik tugul che kimen elfusiek tisab, ak musogik ak kitang’ik, kiek elfut agenge; ki kimen tugul, ak ko begechinotin eng’ luget; kiimut choto laitoriatab Babulon koluul koba Babulon.
17
Ak kiyai laitoriatab Babulon Matania ng’etab kametab kwandanyi, koek laitoriat kogeer inendet, ak kowal kainennyi koek Sedekia.
18
Ki bo kenyisiek tiptem ak agenge Sedekia ye kitau kolaitorani; ak kilaitoran kenyisiek taman ak agenge eng’ Jerusalem: ak kainetab kamennyi ko ki Hamutal cheptab Jeremia ne bo Libna.
19
Ak kiyai yaitiet eng’ taitab Jehovah, ko u tugul che kiga yai Jeoiakim.
20
Amu kibiitune tuguchoto neregekab Jehovah eng’ Jerusalem ak Juda, kot kotimda ichek koba eng’ tainnyi: ak kiingelelji Sedekia laitoriatab Babulon.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25