bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kurukh
/
Kurukh (पुना गच्छरना NT (BSI))
/
Revelation 2
Revelation 2
Kurukh (पुना गच्छरना NT (BSI))
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
1
इफेसुस नगरे ता कलीसिया ही पैकस गे एन्ने लिख'आ का: नॆ तंग्है तीना ख़ेक्खा नू सात गोट बीनकोन धरचका ती सात गोट सोना ही बिल्ली पटनी ही मझी नू कुद्ददस, आस इबड़ा कत्थन ब'अदस का:
2
ऎन निंग्है नलख गुट्ठिन अरा कोड़हे अरज'अनन अरा खतिर नन्नन अख़दन। ऎन अख़दन का नीन मलदौ आलारिन मल सहदय, अरा तइरका मलका ती हूँ तमन तइरकर ब'उरिन नीन बिढ़'अरकी आर ठकवा तइरकर एन्ने अक्कय।
3
नीन खतिर नन्ना ती एंग्है नामे चड्डे दुक्खे चॊदकय, अन्नु हूँ हार मल मोक्कय।
4
लिकिन एंगा गे निंग्हा बिड़दो नू जोक्क कत्था र'ई, नीन एंग्है मइय्याँ मुन्द ता लेक्खा चोन्हन अम्बका चिच्का र'अदय।
5
औंगे नीन सुरता नना का नीन एका मेच्छा ती खत्रकय। अरा जियन किर्त'आ अरा मुन्द ता लेक्खा नलख नना। लिकिन नीन जियन मल किर्त'ओय होले, ऎन निंग्है गुसन बर'ओन ती निंग्है बिल्ली पटनी आबोन अदही अड्डा ती गुछाब'ओन चि'ओन।
6
लिकिन निंग्है नू ओन्टा बॆस कत्था र'ई का: नीन एंग्है लेक्खम निकोलाय धरम ता आलर ही नलख गुट्ठिन ख़ाँड़दय।
7
नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन उज्जना मन्न ही ख़ंजपन मॊख़ा चि'ओन, एकदा धर्मेसी परदेसोस नू र'ई।
8
स्मुरना नगरे ता कलीसिया ही पैकस गे नीन एन्ने लिख'आ का: नॆ मुन्द ता अरा ख़ॊख़ा ता र'अदस, अरा नॆ केच्चस केरस, लिकिन उज्जा चॊचस, आस इबड़ा कत्थन ब'अदस का:
9
ऎन निंग्है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।
10
एका दुक्खे निंगा भोगना मनो अत्रु नीन अमकेम एल्चा। सैतान निमन बिढ़'आ गे निम्है ती जोक्कोरिन जेहेल नू सजत'ओ। अरा नीम दस उल्ला गूटी दुक्खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्जना ही मुकुट चि'ओन।
11
नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस दुसर खे'अना ती नोकसान मल मनोस।
12
पेरगमोन नगरे ता कलीसिया ही पैकस गे नीन एन्ने लिख'आ का: नॆख'आ गुसन अखी-पखी धारे तलवार र'ई, आस इबड़ा कत्थन ब'अदस।
13
ऎन अख़दन का नीन एक्सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्है मइय्याँ ता पत्त'अनन मल अम्बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।
14
अन्नु हूँ एंगा गे निंग्हा बिड़दो नू जोक्क कत्था र'ई। निम्है नू बालामसी सिखाब'अनन मन'ऊ जोक्क आलर र'अनर। ई बालामस दिम बालाक बॆलासिन इस्राऎल आलारिन मूड़त'आ गे सलहा चिच्चस का, आर मूर्ती गुट्ठी गे दाँड़े अरगका ओन्ना-मॊख़नन मॊख़ोर अरा पेहरन ही सोतरा नलखन ननोर।
15
अन्नेम निकोलाय धरम ता आलर ही सिखाब'अनन मन'ऊ जोक्क आलर निम्है मझी नू र'अनर।
16
औंगे नीन जियन किर्त'आ। मला होले लॆम ऎन निंग्है गुसन बर'ओन, अरा एंग्है बई ती उरखना तलवार ती आर ही गने लड़'ओन।
17
नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन। एकास जित'ओस आस गे ऎन जोक्क नूख़्रका मन्ना आबोन चि'ओन, अरा पुना नामे लिक्खरका ओन्टा पंडरू पखना आबोन चि'ओन। एका ओर्तस आ पखनन ख़क्खदस आसिन अम्बरकी नॆ हूँ आ नामेन बलदस।
18
थुअतीरा नगरे ता कलीसिया ही पैकस गे नीन एन्ने लिख'आ का: गौंगौंरना चिच्ची लेक्खा ख़न्न अरा पान्ताचका पितल लेक्खा ख़ेड्डे र'अना धर्मेसी ख़द्दस इबड़ा कत्था गुट्ठिन ब'अदस।
19
ऎन निंग्है नलख गुट्ठिन अरा निंग्है चोन्हन अरा निंग्है पत्त'अनन अरा नीन एंगा गे नन्ना तेतर-सुसर आबोन, अरा निंग्है खतिर नन्नन उर्मिन अख़दन। अरा निंग्है अक्कु ता नलख गुट्ठी मुन्द ता नलख गुट्ठी ती कोड़हे बॆस र'ई।
20
अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।
21
ऎन अदगे जियन किर्त'आ गे बेड़ा चिच्चकन, लिकिन आद तंग्है पेहरन ही सोतरा नलख ती जियन किर्त'आ गे मल बिद्दी।
22
ऎरा, अदगे ऎन रोगे चि'ओन। अरा नॆ अदही गने नन्ना आली गुसन काना ही पापन नन्नर, आर अदही डहरे गुट्ठी ती जियन मल किर्त'ओर होले, आरिन हूँ कोड़हे खिलपत सारत'ओन।
23
अरा ऎन अदही गने चॊंख़्र'उरिन पिटोन। होले उर्मी कलीसिया गुट्ठी अख़'ओ का जिया अरा मन गुट्ठी ही बिढ़'ऊ ऎनिम हिकदन। अरा ऎन नीम ओर्त ओर्त गे नीम नंजका नलख गुट्ठी ही लेक्खम किर्रत'ओन चि'ओन।
24
थुअतीरा कलीसिया ता बछ्रका आलर निमा गे ऎन एन्देर ब'अदन का: नीम अदही सिखाब'अनन मल मन्चकर, अरा सैतान ही ख़ोड़ख़ा गम ही कत्था एन्ने आर ब'अना कत्था गुट्ठिन नीम मल सिख्रकर। औंगे ऎन निम्है मइय्याँ नन्ना एकअम बोझा आबोन मल लद'ओन।
25
अन्ति नीम एंग्है बरना गूटी एंग्है नू जिटजिटने पत्त'अते र'अना र'ई।
26
अरा एकास जितदस ती मुंज्रना गूटी एंगन मन्दस, आस गे ऎन एकासे एम्बस गुस्ते अदिया ख़क्खकादन अन्नेम जाती जाती ही मइय्याँ अदिया चि'ओन। अरा आस पूरा अदिया ती आरिन राजी ननोस, अरा आस आरिन ख़ज्जो ही संजगी गुट्ठी लेक्खा ख़ोट्टोस चि'ओस। अरा ऎन आस गे बिज-बीनकोन चि'ओन।
29
नेम्हा बॊलतस कलीसिया गुट्ठी गे एन्देर ब'अदस, अदिन नॆखअय मेना गे ख़ेबदा र'ई आस मेन्दस ती बुझुरदस नेकअन।
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22