bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Samuel 18
1 Samuel 18
Lugbara (E’yo Siza Alatararu Munguniri BIBLIA)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Te eri nga eca ’dini, eri ka e’yo ’yo Saulo be ’bo, asi Yonatanini pi eci i Daudiniri be tualu, azini Yonatani le eri ekile ini i ma ngulupi lelerile.
2
Saulo ’du di eri o’du ’dasi, eri kuni eri ma mvi di i ati vile akua dika ku.
3
Yonatani pi nga di aziza azi Daudi be, a’disiku eri le eri ekile ini i ma ngulupi lelerile.
4
Te Yonatani tru kanzu ovupi i ma ruaari, fe eri Daudi dri, afa suza ombani ayaru ’diyi pie, sei pie, osu pie, afa erini i ma opile adizuri pie.
5
Te Daudi fu mu pari dria Sauloni tini pezuria, e’yo ’yezu dria onduasi; te Saulo ’ba eri ’ba ombaa ’diyi ma drilia, azini e’yo nde ovu onyiru ’ba dria ma milia, azini ati’ba Sauloni ’diyi ma milia indi.
6
Eri nga eca ’dini yini emuria, Daudini emviria engazu ’ba Filisitiaa ’diyi ofuzuriasi, oku yi efu aku dria Israelini ’diyi vusi, yi emu ayikosi dri fuzu opi Saulo be, ongo ngoza be ongo tuza pie, arimva ’diyi pisi, ayiko pie, afa o’di cozu ’diyi be.
7
Oku nde ’diyi yi ngo yi eselia yini o’di cozuria kini, Saulo ofu ini alifule, Te Daudi ofu ini alifu mudrile.
8
Te Saulo ovu adrasi, e’yo ’yoza ’diri fe eri dri asi onzi; te eri ’yo ra kini, Kini Daudini alifu mudrile, azini mani alifule a’dule; azini erini a’dini ya pe lu opi nyazani?
9
Te Saulo su mile Daudi ma ruaa engazu o’du ’dasi kpere drile.
10
Eri nga eca drusi ’dini, orindi onzi engapi Mungu vuri eca Saulo ma dria okporu, fe eri azazu saaru jo alia; te Daudi co o’di i ma drisi ekile erini adrile ’yele etu vusirile. Isu de Saulo ma dria aju indi.
11
Te Saulo ’di aju nderi ra; a’disiku eri ’yo ra, Ma nga Daudini ’di abi ruaa ani. Te Daudi ona i paleko iri.
12
Te Saulo ovu Daudisi urisi a’disiku Yehovani ovule eri berisi, azini erini Sauloni kule rarisi.
13
’Dini Saulo dro eri i ma ageiasi fa, ’ba eri asikari alifu alu ma drilia; ’dini eri fu azini eri efi ’ba dria ma milia.
14
Te Daudi ’ye e’yo dria onduasi geri inia dria; azini Yehova ovu eri be.
15
Te Saulo ka ndre eri e’yo dria ’ye onduasi, eri ovu erisi urisi,
16
Te ’ba Israelini dria azini ’ba Yudani ’diyi dria yi le Daudini; a’disiku eri fu amve azini efi yi ma milia.
17
Te Saulo ’yo Daudi ma tia, Mi i ne, ma zi osipi okori Merabu’i; ma nga eri fe mi dri okuru; mi ma adri kiri asi teza be ma dri, a’di Yehovani ’dizu. Te Saulo ’yo ra, Ma ngani ma dri ’ba eri ma ruaa ku, te ’ba Filisitiaa ’diyi nga dri ’ba eri ma ruaani.
18
Te Daudi ’yo Saulo ma ria, Ma a’dini ya, kani ori’ba ma atini Israeli ma eselia a’dini ya, mani ovuzu opi zi ma agupiru?
19
Te eri nga eca etu yini ’yezu Merabu Saulo ma zini fezu Daudi dririsi, fe eri Adrieli ’ba Meholatini dri okuru.
20
Te Mikali, Saulo zi, le Daudini ra; yi olu e’yoni Sauloni ra, te e’yo nde ovu eri ma milia onyiru.
21
Saulo ’yo ra, Ma nga eri fe erini ra, ’dini ma ovu embaru eri dri beni, azini ’ba Filisitiaa ’diyi ma dri ma ovu eri ma ruaa beni. E’yo ’disi Saulo ’yo Daudi ma tia pale irisi kini, Andru mi nga ovu ma zi be.
22
Te Saulo azi ati’ba erini ’diyi ria kini, Emi ndro e’yo Daudi be, emi ’yo, Mi ne, opi ovu ayikosi mi e’yosi, azini ati’ba erini ’diyi dria yi le mi ra; e’yo ’disi curu’do mi ma ovu opi zi ma agupiru.
23
Te ati’ba Sauloni ’diyi yi olu e’yo ’diyi Daudi ma bilia ra. Te Daudi ’yo, Ovuzu opi zi ma agupiru e’da emini e’yo wereru ya; mi ne, ma alioni, ru mani kuni ku.
24
Te ati’ba Sauloni olu eri ma tia kini, Daudi ’yo e’yo ’dinile.
25
Te Saulo ’yo ra, Emi ma ’yo Daudi ma tia ’dini, Opi leni lenyi ku, te agele ma enyi drile ’ba Filisitiaa ’diyi ma ruaa ’diyi turu alu, ’dini ari’ba opini ma arioti ofezu, Te Saulo le de Daudini fe e’dezu ’ba Filisitiaa ’diyi ma dria.
26
Te ati’ba erini ka e’yo ’diyi olu Daudi tia ’bo, eri ovu onyiru tu Daudi ma milia ovuzu opi zi ma agupiru. De nga o’du nde ’diyi deni yi ku,
27
Daudi enga ra, eri mu ra, eri’i ’ba ini pie, yi ofu ’ba Filisitiaa ’diyi turu iri; te Daudi eji agele drile yini ma enyi, fe vini yi dria opi dri, ’dini eri ma ovu opi zi ma agupiru ani. Te Saulo fe i zi Mikalini eri dri okuru,
28
Te Saulo ne, eri ni kini Yehova ovu Daudi be, azini Mikali Saulo ma zi le eri ra.
29
’Dini Saulo nga kiri ’ye Daudisi urisi; te Saulo ovu ari’bo Daudiniru’dani.
30
Opianzi Filisitiaa ’diyi efu ra, eri nga eca ’dini, o’du dria yini efuzuria, Daudi ’ye e’yo onduasi ga ati’ba Sauloni ’diyi dria ra; ’dini ru erini ku tu ani.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31