1 Chronicles 2 — Lahu Bible Edited © Thailand Bible Society and Bible Society of Myanmar, 2010, 2020.

1Yaˍkoˆ lehˬ, yaˇ paˍ 12 gʼaˇ cawˬ ve yoˬ. Yawˇ hui lehˬ, Ruˇbenˍ, Siˉmonˍ, Leˍviˆ, Yuˇda‸, Iˉsaˍhkaˍ, Zaˍbuˆlonˍ

2Danˍ, Yoˇseh‸, Beˍyaˍmenˍ Naˍtaˍliˆ, Gaˆ leh Aˍshaˍ hui hpeh‸ ve yoˬ.

3Yuˇda‸ lehˬ yaˇ paˍ 5 gʼaˇ cawˬ ve yoˬ. Yawˇ miˇ ma Hkaˍnaˍniˆ chaw Shuˉaˍ geh gʼa ve yaˇ teˇ hpaˍ lehˬ, Eˇraˆ, Awˇnanˍ, Sheˍlaˆ hui hpeh‸ ve yoˬ. Eˇraˆ lehˬ, haiˬ jaˇ ve pa taw, Gʼuiˬsha yawˇ hta‸ tiˇ pehˍ piˇ ve yoˬ.

4Hkʼe te leh, Yuˇda‸ lehˬ yawˇ ve awˬ hkuiˇ ma Taˍmaˍ hta‸ kʼaw‸ heuˆ leh, Hpaˍrehˆ leh Zeˍraˆ teh‸ kʼoˆ ve yaˇ paˍ nyiˇ gʼaˇ kʼaw‸ cawˬ la ve yoˬ.

5Hpaˍrehˆ ve yaˇ teˇ hpaˍ lehˬ, Heˍzaˍronˍ leh Haˍmuˇlaˆ hui hpeh‸ ve yoˬ.

6Yawˇ ve awˬ nyi paˍ Zeˍraˆ lehˬ, yaˇ paˍ 5 gʼaˇ cawˬ ve yoˬ. Yawˇ hui lehˬ, Ziˇmaˍriˆ, Eˇtanˍ Heˍmanˍ, Kaˍlaˍkawˆlaˆ, leh Daˍraˍdaˆ hui hpeh‸ ve yoˬ

7Zeˍraˆ ve awˬ ceuˬ awˬ hkʼaˇ, Kaˍmiˆ ve yaˇ Aˍhkanˍ lehˬ Gʼuiˬsha hta‸ tanˇ taˍ ve mawˇ hta‸ hkʼawˇ yuˬ ve pa taw, Iˉsaˍreˍlaˆ chaw hui gʼa tu‸ gʼa hkanˍ ve yoˬ.

8Eˇtanˍ lehˬ, Aˍzaˍriˆ teh‸ kʼoˆ ve yaˇ paˍ teˇ gʼaˇ cawˬ ve yoˬ.

9Heˍzaˍronˍ lehˬ, yaˇ paˍ 3 gʼaˇ cawˬ ve yoˬ. Yawˇ hui lehˬ, Yeˍraˍmeˍlaˆ, Raˍmaˆ leh Kaˍlehˆ hui hpeh‸ ve yoˬ.

10Raˍmaˆ hta‸ te leh Yeˍsehˇ hkʼa gaˬ ve awˬ ceuˬ awˬ hkʼaˇ teˇ hpaˍ lehˬ, Raˍmaˆ, Aˍmiˆnaˍdaˆ, Yuˇda‸ awˬ ceuˬ awˬ hkʼaˇ awˬ hkʼaw lo awˬ hoˉ awˬ naˬ hpeh‸ ve Naˍsonˍ,

11Saˍlaˍmonˍ, Bawˇzaˆ,

12Awˇbehˆ leh Yeˍsehˇ hui hpeh‸ ve yoˬ.

13Yeˍsehˇ lehˬ, yaˇ paˍ 7 gʼaˇ cawˬ ve yoˬ. Yawˇ hui lehˬ, Eˇlaˍbaˆ, A biˆnaˍdaˆ, Shaˍmaˍ,

14Naˍtaˍneˍlaˆ, Raˍdehˇ,

15Awˇzenˍ, leh Daˍviˆ hui hpeh‸ ve yoˬ.

16Yawˇ lehˬ, Zeˍruˇaˍ leh Aˍbiˆgeˍlaˆ teh‸ kʼoˆ ve yaˇ miˇ htawˇ nyiˇ gʼaˇ cawˬ ve yoˬ. Yeˍsehˇ ve yaˇ miˇ Zeˍruˇaˍ lehˬ, yaˇ paˍ 3 gʼaˇ cawˬ ve yoˬ. Yawˇ hui lehˬ Aˍbiˆshehˇ, Yaˍbaˆ leh Aˍsaˍheˍlaˆ hui hpeh‸ ve yoˬ.

17Yawˇ ve yaˇ miˇ Aˍbiˆgeˍlaˆ lehˬ, Iˉshaˍmeˍlaˆ awˬ ceuˬ awˬ hkʼaˇ Yeˍtaˍ hta‸ heuˆ leh, Aˍmaˍsaˍ teh‸ kʼoˆ ve yaˇ paˍ teˇ gʼaˇ cawˬ ve yoˬ.

18Heˍzaˍronˍ ve yaˇ Kaˍlehˆ lehˬ, Aˍzuˇbaˆ hta‸ heuˆ leh, Yeˍroˆ teh‸ kʼoˆ ve yaˇ miˇ teˇ gʼaˇ cawˬ ve yoˬ. Yawˇ lehˬ, yaˇ paˍ 3 gʼaˇ cawˬ ve yoˬ. Yawˇ hui lehˬ, Yeˍshaˍ, Shawˇbaˆ leh Aˍdonˍ hui hpeh‸ ve yoˬ.

19Aˍzuˇbaˆ suh peuˬ hkʼaw‸ nawˉ, Kaˍlehˆ lehˬ Eˇhpaˍraˆ hta‸ kʼaw‸ heuˆ leh, Huˇraˆ teh‸ kʼoˆ ve yaˇ paˍ teˇ gʼaˇ cawˬ ve yoˬ.

20Huˇraˆ ve yaˇ paˍ lehˬ, Uˇriˆ hpeh‸ leh, yawˇ ve awˬ hawehˍ lehˬ Baˍzaˍleˍlaˆ hpeh‸ ve yoˬ.

21Heˍzaˍronˍ a sha‸ 60 hkʼaw‸ gaˬ ve teˇ yanˇ, yawˇ lehˬ Maˍhiˇraˆ ve yaˇ miˇ (Giˇlaˆ awˬ nyi ma) hta‸ heuˆ leh, Seˍgoˆ teh‸ kʼoˆ ve yaˇ paˍ teˇ gʼaˇ cawˬ ve yoˬ.

22Seˍgoˆ lehˬ, Yaˍiˇraˆ teh‸ kʼoˆ ve yaˇ paˍ teˇ gʼaˇ cawˬ ve yoˬ. Yaˍiˇraˆ lehˬ, Giˇlaˆ mvuhˇmiˬ hkʼaw cawˬ ve venˇ 23 venˇ hta‸ uˉ peunˍ shehˍ hpaˇ hpeh‸ ve yoˬ.

23Ya‸ hkʼaˇ, Geˍshuˇraˆ leh Aˍranˍ chaw teˇ hpaˍ lehˬ, mvuhˇmiˬ oˇ ve teˇ tawn hkʼaw cawˬ ve venˇ 60 venˇ hta‸ bawˆ yuˬ kʼai ve pa taw, Yaˍiˇraˆ leh Keˍnaˆ hui ve venˇ teˇ hpaˍ htawˇ shu yuˬ kʼai ve yoˬ. Oˇ kaˬ lo chehˇ taˍ ve chaw teˇ hpaˍ lehˬ, Giˇlaˆ awˬ paˍ Maˍhkiˇraˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.

24Heˍzaˍronˍ suh peuˬ hkʼaw‸ nawˉ, Kaˍlehˆ lehˬ yawˇ ve awˬ e caˉ Eˇhpaˍraˆ hta‸ kʼaw‸ heuˆ leh, Aˍshuˇraˆ teh‸ kʼoˆ ve yaˇ paˍ teˇ gʼaˇ cawˬ ve yoˬ. Aˍshuˇraˆ lehˬ, Teˍkawˇ venˇ hta‸ tanˬ te shehˍ hpaˇ hpeh‸ ve yoˬ.

25Heˍzaˍronˍ ve yaˇ paˍ uiˍ Yeˍraˍmeˍlaˆ lehˬ, yaˇ paˍ 5 gʼaˇ cawˬ ve yoˬ. Yawˇ hui lehˬ, Raˍmaˆ, Buˇnaˍ, Awˇrenˍ, Awˇzenˍ leh Aˍhiˇyaˆ hui hpeh‸ ve yoˬ.

26Raˍmaˆ lehˬ, yaˇ paˍ 3 gʼaˇ cawˬ ve yoˬ. Yawˇ hui lehˬ, Maˍzaˆ, Yaˍmenˍ leh Eˇkaˍ hui hpeh‸ ve yoˬ.

27Yeˍraˍmeˍlaˆ lehˬ, Aˍtaˍraˆ teh‸ kʼoˆ ve yaˇ miˇ teˇ gʼaˇ hta‸ kʼaw‸ heuˆ leh, Awˇnanˍ teh‸ kʼoˆ ve yaˇ paˍ teˇ gʼaˇ cawˬ ve yoˬ.

28Awˇnanˍ lehˬ, yaˇ paˍ 2 gʼaˇ cawˬ ve yoˬ. Yawˇ hui lehˬ, Shaˍmehˇ leh Yaˍdaˆ hui hpeh‸ ve yoˬ. Shaˍmehˇ lehˬ, Naˍdaˆ leh Aˍbiˇshuˇraˆ teh‸ kʼoˆ ve yaˇ paˍ 2 gʼaˇ cawˬ ve yoˬ.

29Aˍbiˆshuˇraˆ lehˬ, Aˍhiˆheˍlaˆ hta‸ heuˆleh, Aˍbanˍ leh Mawˇleˆ teh‸ kʼoˆ ve yaˇ paˍ 2 gʼaˇ cawˬ ve yoˬ.

30Aˍbiˆshuˇraˆ ve awˬ nyi paˍ Naˍdaˆ htawˇ, Seˍlehˆ leh Aˍpenˍ teh‸ kʼoˆ ve yaˇ paˍ 2 gʼaˇ cawˬ ve yoˬ. Ya‸ hkʼaˇ, Seˍlehˆ lehˬ yaˇ maˇ cawˬ taˉ leh suh-e ve yoˬ.

31Aˍpenˍ ve yaˇ lehˬ, Iˇshiˆ yoˬ. Iˇshiˆ ve yaˇ lehˬ Shaˍshaˍ yoˬ. Shaˍshaˍve yaˇ lehˬ Aˍlehˇ yoˬ.

32Shaˍ mehˇ ve awˬ nyi paˍ Yaˍdaˆ lehˬ, Yeˍtaˍ leh Yawˇnaˆtanˍ teh‸ kʼoˆ ve yaˇ paˍ 2 gʼaˇ cawˬ ve yoˬ. Ya‸ hkʼaˇ, Yeˍtaˍ lehˬ, yaˇ maˇ cawˬ taˉ leh suh-e ve yoˬ.

33Yawˇnaˆtanˍ lehˬ, Paˍlehˆ leh Zaˍraˆ teh‸ kʼoˆ ve yaˇ paˍ 2 gʼaˇ cawˬ ve yoˬ. Chaw chi teˇ hpaˍ lehˬ, Yeˍraˍmeˍlaˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.

34Shaˍshaˍ lehˬ yaˇ paˍ teˇ gʼaˇ ka‸ maˇ cawˬ. Yaˇ miˇ ceh tiˉ cawˬ ve yoˬ. Yawˇ lehˬ, Eˇjiˇtu‸ chaw Yaˍhaˍ teh‸ kʼoˆ ve awˬ ceˬ teˇ gʼaˇ cawˬ ve yoˬ.

35Hkʼe te leh, yawˇ ve yaˇ miˇ teˇ gʼaˇ yawˇ hta‸ heuˆ tcuh ve yoˬ. Yawˇ huiˉ maˬ leh, Aˍtehˇ teh‸ kʼoˆ ve yaˇ paˍ teˇ gʼaˇ cawˬ ve yoˬ.

36Aˍtehˇ hta‸ te leh Eˇliˆshaˍmaˍ hkʼa gaˬ ve awˬ ceuˬ awˬ hkʼaˇ teˇ hpaˍ lehˬ, Aˍtehˇ, Naˍtanˍ, Zaˍhaˆ,

37Eˇhpaˍraˆ, Awˇ behˆ,

38Yeˍhuˆ, Aˍzaˍriˆ,

39Heˍlehˆ, Eˇlaˍsaˍ,

40Siˆsaˍmehˇ, Shaˍlonˍ

41Yeˍkaˍmiˆ, Eˇliˆshaˍmaˍ hui hpeh‸ ve yoˬ.

42Yeˍraˍmeˍlaˆ ve awˬ nyi paˍ Kaˍlehˆ ve yaˇ paˍ uiˍ lehˬ, Meˍshaˆ hpeh‸ ve yoˬ. Meˍshaˆ ve yaˇ lehˬ, Ziˇhpaˆ yoˬ. Ziˇhpaˆ ve yaˇ lehˬ Maˍreˍshaˆ yoˬ. Maˍreˍshaˆ ve yaˇ lehˬ Heˍbronˍ yoˬ.

43Heˍbronˍ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Kawˇraˆ, Taˍpaˍ, Reˍkenˍ leh Sheˍmaˆ hui hpeh‸ve yoˬ.

44Sheˍmaˆ ve yaˇ lehˬ, Raˍhanˍ hpeh‸ leh, Raˍhanˍ ve yaˇ lehˬ, Yawˍkenˍ hpeh‸ ve yoˬ. Sheˍmaˆ ve awˬviˉ paˍ Reˍkenˍ ve yaˇ lehˬ Shaˍmehˇ yoˬ.

45Shaˍmehˇ ve yaˇ lehˬ Mawˇnaˆ yoˬ. Mawˇnaˆ ve yaˇ lehˬ Behˆzeˍruˆ yoˬ,

46Kaˍlehˆ lehˬ, Aˇhpaˍ teh‸ kʼoˆ ve awˬ miˇ ma i teˇ gʼaˇ cawˬ leh, yawˇ huiˉ maˬ geh Haˍranˍ, Mawˇzaˆ leh Gaˍzehˆ teh‸ kʼoˆ ve yaˇ paˍ 3 gʼaˇ cawˬ ve yoˬ. Haˍranˍ ve yaˇ lehˬ Gaˍzehˆ hpeh‸ ve yoˬ.

47(Yaˍdehˇ ve yaˇ teˇ hpaˍ lehˬ, Reˍgenˍ Yawˇtanˍ, Geˍshanˍ Peˍlehˆ, Eˇhpaˍ, leh Shaˍhpaˆ hui hpeh‸ ve yoˬ.)

48Kaˍlehˆ lehˬ, Maˍkaˍ teh‸ kʼoˆ ve awˬ nu ve awˬ miˇ ma i teˇ gʼaˇ cawˬ sheˍ ve yoˬ. Yawˇ huiˉ maˬ geh Sheˍbaˆ leh Tiˇraˍhaˍnaˆ teh‸ kʼoˆ ve yaˇ paˍ 2 gʼaˇ cawˬ ve yoˬ.

49Awˬ hkʼaw‸ nawˉ, yawˇ huiˉ maˬ yaˇ paˍ 2 gʼaˇ kʼaw‸ gʼa ve yoˬ. Teˇ gʼaˇ lehˬ, Maˍdaˍmaˍnaˆ venˇ hta‸ tanˬ te shehˍ hpaˇ Shaˍhpaˆ hpeh‸ leh, awˬ nu ve teˇ gʼaˇ lehˬ Maˍhkaˍneˍnaˍ venˇ leh Giˇbaˍ venˇ hta‸ tanˬ te shehˍ hpaˇ Sheˍvaˆ hpeh‸ ve yoˬ. Chi hkʼoˆ ka‸, Kaˍlehˆ lehˬ Aˍhkaˍshaˆ teh‸ kʼoˆ ve yaˇ miˇ teˇ gʼaˇ htawˇ cawˬ sheˍ ve yoˬ.

50Awˬ hawˉ lo bvuh‸ taˍ ve chaw chi teˇ hpaˍ lehˬ, Kaˍlehˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. Kaˍlehˆ leh yawˇ ve awˬ miˇ ma Eˇhpaˍraˆ geh awˉ lawˉ peuˇ paw la ve yaˇ paˍ uiˍ lehˬ, Huˇraˆ hpeh‸ ve yoˬ. Huˇraˆ ve yaˇ paˍ Shawˇbaˍlaˆ lehˬ, Kiˇriˇyaˆyaˍrenˍ venˇ hta‸ tanˬ te shehˍ hpaˇ hpeh‸ ve yoˬ.

51Yawˇ ve yaˇ paˍ 2 gʼaˇ teˇ gʼaˇ hpeh‸ ve Saˍlaˍmaˍ lehˬ Behˍlehˍhehnˍ venˇ hta‸ tanˬ te shehˍ hpaˇ hpeh‸ ve yoˬ. Yawˇ ve yaˇ paˍ 3 gʼaˇ gʼaˇ teˇ gʼaˇ hpeh‸ ve Haˍraˆ lehˬ, Behˆgaˍdaˍ venˇ hta‸ tanˬ te shehˍ hpaˇ hpeh‸ ve yoˬ.

52Kiˇriˆyaˆyaˍrenˍ venˇ hta‸ tanˬ te shehˍ hpaˇ Shawˇbaˍlaˆ lehˬ, Haˍroˆ chaw ceuˬ, Maˍneˍhoˆ chaw ceuˬ teˇ hkoˇ,

53leh Kiˇriˇyaˆyaˍrenˍ venˇ hkʼaw chehˇ taˍ ve Iˉtaˍriˆ, Hpuˇtiˆ, Shuˍmaˍtiˆ leh Miˆshaˍriˆ chaw ceuˬ teˇ hpaˍ ve awˬ puˍ lonˉ hpeh‸ ve yoˬ. (Zawˇraˆ venˇ leh Iˉsaˍtawˇlaˆ venˇ hkʼaw chehˇ taˍ ve chaw teˇ hpaˍ htawˇ chaw chi teˇ hpaˍ ve awˬ ceuˬ awˬ hkʼaˇ hpeh‸ ve yoˬ).

54Behˍlehˍhehnˍ venˇ hta‸ tanˬ te shehˍ hpaˇ Saˍlaˍmaˍ lehˬ, Neˍtawˆhpaˆ, Aˍtaˍroˆnehˆyaˍbaˆ, Zawˇriˆ leh Maˍnaˍhaˆ chaw ceuˬ teˇ hpaˍ ve awˬ puˍ lonˉ hpeh‸ ve yoˬ.

55(Yaˍbehˆ venˇ hkʼaw chehˇ taˍ ve li‸ bvuh‸ paˍ teˇ hpaˍ lehˬ, Tiˉraˍtiˆ, Sheˍmaˍtiˆ leh Suˇkaˍtiˆ chaw teˇ hpaˍ hpeh‸ ve yoˬ. Yawˇ hui lehˬ, Keˍniˆ chaw teˇ hpaˍ hpeh‸ leh, Reˍhkaˆ chaw hui hta‸ heuˆ da‸ chehˇ taˍ ve yoˬ.)