bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
1 Chronicles 22
1 Chronicles 22
Lahu Bible Edited © Thailand Bible Society and Bible Society of Myanmar, 2010, 2020.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 23 →
1
Hkʼe te leh Daˍviˆ kʼoˆ ve, Chehˇ kuiˬ chi lehˬ, Gʼuiˬsha ve bon yehˬ te kuiˬ leh, Iˉsaˍreˍlaˆ chaw hui Gʼuiˬsha hta‸ tuˉ tanˇ kuiˬ hpeh‸ la tuˬ yoˬ, teh‸ kʼoˆ ve yoˬ.
2
Jawˇmawˇ Daˍviˆ lehˬ, Iˉsaˍreˍlaˆ mvuhˇmiˬ hkʼaw chehˇ taˍ ve awˬ nu ve chaw ceuˬ teˇ hpaˍ hta‸ kuˬ hpawnˬ leh, yawˇ hui hta‸ kanˉ te tcuh ve yoˬ. Yawˇ hui teˇ hpaˍ hpaˍ hta‸ bon yehˬ te tuˬ haˉ pui htawˆ tcuh ve yoˬ.
3
Taˍ meu‸ hpe‸ awˬ pon loˍ ve sho cuˇ te tuˬ, sho ca hpoˆ piˇ leh oˇ kaˬ lo cawˬ ve kuiˇ lehˬ, maˇ jaˇ ve pa taw chaw teˇ gʼaˇ ka‸ tsuh nyi maˇ gʼa ve yoˬ.
4
Yawˇ lehˬ, Tuˇruˆ leh Siˉdonˍ venˇ yaˇ teˇ hpaˍ hta‸ Keˍdaˍ suhˆ hkʼa biˇ yuˬ veu laˇ tcuh ve yoˬ.
5
Awˬ lawn kʼo, Daˍviˆ chi hkʼe dawˇ ve yoˬ. Ngaˬ yaˇ paˍ Sawˉla‸monˍ gʼa te tuˬ ve bon yehˬ lonˉ lehˬ, da‸ jaˇ nyi sha jaˇ leh, awˬ meh bvuhˬ ve bon yehˬ lonˉ gʼa hpeh‸ piˇ tuˬ yoˬ. Ya‸ hkʼaˇ, yawˇ lehˬ a sha‸ i sheˍ leh kanˉ te hkʼaˇ hkʼa deh‸ maˇ shiˍ sheˍ. Chi hta‸ pa taw, chi beu‸ ka‸ ngaˬ hkʼa deh‸ awˬ hkʼaˇ gʼa gu piˇ taˉ tuˬ yoˬ, teh‸ dawˇ ve yoˬ. Hkʼe te leh, Daˍviˆ lehˬ yawˇ maˇ suh sheˍ htaˇ, loˍ cawˇ ve mawˇ hkʼa peu-eˬ ve hta‸ ca hpoˆ taˉ piˇ ve yoˬ.
6
Daˍviˆ lehˬ, yawˇ ve yaˇ paˍ Sawˉla‸monˍ hta‸ ca kuˬ tcuh leh, yawˇ hta‸ Gʼuiˬsha ve bon yehˬ teˇ maˬ te tuˬ tawˇ piˇ ve yoˬ.
7
Yawˇ kʼoˆ ve, Ngaˬ yaˇ paˍ-oˬ, ngaˬ lehˬ Gʼuiˬsha hta‸ taˍ uiˍ taˍ mvuh piˇ tuˬ bon yehˬ teˇ maˬ te gaˇ ve yoˬ.
8
Ya‸ hkʼaˇ, ngaˬ lehˬ ma‸ laiˉ pawˆ bawˆ leh chaw maˇ maˇ ve hta‸ tiˉ pehˍ piˇ taˍ peuˬ ve pa taw, bon yehˬ te tuˬ Gʼuiˬsha ngaˬ hta‸ a hkaw-anˬ maˇ pe‸ laˇ.
9
Ya‸ hkʼaˇ, yawˇ ngaˬ hta‸ ka ti‸ teˇ maˬ te laˇ taˍ ve yoˬ. Yawˇ kʼoˆ ve, Ngaˬ nawˬ hta‸ yaˇ paˍ teˇ gʼaˇ piˇ laˇ tuˬ yoˬ. Yawˇ lehˬ gawˬ lehˍ ve hkʼaw gʼa uˉ peunˬ tuˬ yoˬ. Awˬ lawn kʼo, ngaˬ yawˇ ve mvuhˇmiˬ hta‸ gawˬ la piˇ tuˬ yoˬ. Yawˇ ve awˬ meh lehˬ Sawˉla‸monˍ yoˬ. Awˬ lawn kʼo, yawˇ uˉ peunˍ chehˇ ve awˬ yanˇ hkʼaw, Iˉsaˍreˍlaˆ mvuhˇmiˬ hta‸ ngaˬ gawˬ la piˇ tuˬ yoˬ.
10
Yawˇ lehˬ ngaˬ awˬ pon bon yehˬ teˇ maˬ te laˇ tuˬ yoˬ. Yawˇ lehˬ ngaˬ ve yaˇ hpeh‸ leh, ngaˬ lehˬ yawˇ ve awˬ pa hpeh‸ tuˬ yoˬ. Yawˇ ve awˬ ceuˬ awˬ hkʼaˇ teˇ caˉ peuˬ teˇ caˉ Iˉsaˍreˍlaˆ mvuhˇmiˬ hta‸ gʼa uˉ peunˍ tuˬ yoˬ, teh‸ ngaˬ hta‸ ka ti‸ te laˇ taˍ peuˬ ve yoˬ.
11
Ngaˬ yaˇ paˍ-oˬ, nawˬ ve Gʼuiˬsha nawˬ geh chehˇ piˇ-oˆ. Yawˇ ka ti‸ te taˍ peuˬ ve hkʼe, nawˬ bon yehˬ lonˉ teˇ maˬ te peuˬ htaˇ hkʼa gaˬ, yawˇ nawˬ hta‸ ha‸ shaˉ laˇ piˇ-oˆ.
12
Yawˇ ve awˬliˇtawˇhkawˇ hkʼaˇ suh hteˇ lehˍ Iˉsaˍreˍlaˆ chaw hui hta‸ sheh kʼai piˇ gʼa tuˬ, yawˇ nawˬ hta‸ shiˍ puiˉ ve cuˇ yiˍ piˇ laˇ piˇ-oˆ.
13
Moˉseˍ hta‸ cuˇ leh Gʼuiˬsha Iˉsaˍreˍlaˆ chaw hui hta‸ piˇ taˍ ve awˬliˇtawˇhkawˇ teˇ hpaˍ hta‸ nawˬ hkʼa deh‸ na yuˬ chehˇ ve kʼo, nawˬ te ve kanˉ teˇ hpaˍ uiˍ la da‸ la tuˬ yoˬ. Awˬ gʼaˇ yuˬ tawˆ leh ha‸ hanˉ ve nyi ma cawˬ piˇ-oˆ. Kawˆ ve, dawˇ haˍ ve nyi ma taˇ cawˬ piˇ.
14
Bon yehˬ te tuˬ awˬ pon ngaˬ lehˬ shi 1,000 cawehˬ leh, hpu 10,000 cawehˬ ca teh taˍ peuˬ. Chi hkʼoˆ ka‸ tsuh nyi maˇ gʼa htaˇ hkʼa gaˬ maˇ jaˇ ve kuiˇ leh sho teˇ hpaˍ hta‸ htawˇ ca teh taˍ peuˬ. Suhˆ leh haˉ pui shiˍ teˇ hpaˍ hta‸ htawˇ, hkʼa deh‸ gu taˍ peuˬ. Ya‸ hkʼaˇ, nawˬ awˬ leuˉ gʼa kʼaw‸ ca htehˍ tuˬ sheˍ ve yoˬ.
15
Nawˬ lehˬ, kanˉ te paˍ hkʼa biˇ cawˬ ve yoˬ. Haˉ pui dawˆ paˍ, la‸shaˉmaˉ,
16
leh hpu, shi, kuiˇ leh sho chi teˇ hpaˍ hta‸ yuˬ leh kanˉ te puiˉ ve ca liˉ paˍ teˇ hpaˍ, nawˬ geh hkʼa biˇ chehˇ taˍ ve yoˬ. Chi beu‸ kanˉ tanˬ te-o. Gʼuiˬsha nawˬ geh chehˇ piˇ-oˆ, teh‸ Sawˉla‸monˍ hta‸ kʼoˆ piˇ ve yoˬ.
17
Daˍviˆ lehˬ, Iˉsaˍreˍlaˆ chaw awˬ hoˉ awˬ naˬ hkʼa peu-eˬ hta‸ kuˬ yuˬ leh, Sawˉla‸ monˍ hta‸ ga piˇ tuˬ tawˇ piˇ ve yoˬ.
18
Yawˇ kʼoˆ ve, Gʼuiˬsha nawˬ hui geh chehˇ taˍ leh nawˬ hui hta‸ gawˬ lehˍ chehˇ tcuh laˇ taˍ ve yoˬ. Yawˇ lehˬ, mvuhˇmiˬ chi hkʼaw chehˇ ve chaw hui hta‸ ngaˬ ve la‸ sheh hkʼaw chiˇ a‸ laˇ peuˬ leh, chi beu‸ yawˇ hui lehˬ nawˬ hui ve awˬ ceˬ leh Gʼuiˬsha ve awˬ ceˬ hpeh‸ chehˇ taˍ peuˬ.
19
Chi beu‸ nawˬ hui ve nyi ma awˬ tawˬ hkʼa gaˬ, Gʼuiˬsha ve kanˉ hta‸ te-o. Gʼuiˬsha ve ka ti‸ shaˉ caˆ ta kʼoˍ leh, yawˇ hta‸ oˉ kʼoˍ pui htaˇ yehˇ ve da‸ kehˬ ve mawˇ teˇ hpaˍ teh taˍ kuiˬ, Gʼuiˬsha ve bon yehˬ teˇ maˬ hta‸ chi beu‸ tanˬ te-o, teh‸ yawˇ hui hta‸ kʼoˆ piˇ ve yoˬ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29