1 Chronicles 4

Lahu Bible Edited © Thailand Bible Society and Bible Society of Myanmar, 2010, 2020.

← Chapter 3 Jump to: Chapter 5 →

1Chaw chi teˇ hpaˍ lehˬ, Yuˇda‸ awˬ ceuˬ awˬ hkʼaˇ teˇ hpaˍ hpeh‸ ve yoˬ. Hpeˍrehˆ, Heˍzaˍronˍ, Kaˍmiˆ, Huˇraˆ leh Shawˇbaˍlaˆ hui hpeh‸ ve yoˬ.

2Shawˇbaˍlaˆ ve yaˇ lehˬ Raˍyaˆ yoˬ. Raˍyaˆ ve yaˇ lehˬ Yaˍhaˆ yoˬ. Yaˍhaˆ ve yaˇ lehˬ, Zawˇraˆ venˇ hkʼaw chehˇ ve chaw hui ve awˬ puˍ lonˉ Aˍhuˆmehˇ leh Laˍhaˆ hui hpeh‸ ve yoˬ.

3Huˇraˆ lehˬ, Kaˍlehˆ leh Eˇhpaˍraˆ hui geh paw la ve yaˇ paˍ uiˍ hpeh‸ ve yoˬ. Huˇraˆ ve awˬ ceuˬ awˬ hkʼaˇ teˇ hpaˍ lehˬ, Behˍlehˍhehnˍ venˇ hta‸ tanˬ te shehˍ hpaˇ teˇ hpaˍ hpeh‸ ve yoˬ.

4Huˇraˆ lehˬ, Eˇtanˍ, Peˍneˍlaˆ, leh Eˇzaˍ teh‸ kʼoˆ ve yaˇ paˍ 3 gʼaˇ cawˬ ve yoˬ. Eˇtanˍ htawˇ, Yeˍzaˍreˍlaˆ, Iˉshaˍmaˍ, Iˉdaˍhaˆ teh‸ kʼoˆ ve yaˇ paˍ 3 gʼaˇ leh Haˍzaˍleˍlaˆpawˇniˆ teh‸ kʼoˆ ve yaˇ miˇ teˇ gʼaˇ cawˬ ve yoˬ. Peˍneˍlaˆ lehˬ, Geˍdawˇ venˇ hta‸ tanˬ te shehˍ hpaˇ hpeh‸ leh, Eˉzaˍ lehˬ Huˇshaˆ venˇ hta‸ tanˬ te shehˍ hpaˇ hpeh‸ ve yoˬ.

5Teˍkawˇ venˇ hta‸ tanˬ te shehˍ hpaˇ Aˍshuˇraˆ lehˬ, Heˍlanˍ leh Naˍraˍ teh‸ kʼoˆ ve awˬ miˇ ma 2 gʼaˇ cawˬ ve yoˬ.

6Yawˇ lehˬ Naˍraˍ geh yaˇ paˍ 4 gʼaˇ gʼa ve yoˬ. Yawˇ hui lehˬ, Aˍhuˆzanˍ, Heˍhpaˍ, Teˍmeˍniˆ leh Haˍhaˍshaˆtaˍriˆ hui hpeh‸ ve yoˬ.

7Aˍshuˇraˆ lehˬ, Heˍlanˍ geh yaˇ paˍ 3 gʼaˇ gʼa ve yoˬ. Yawˇ hui lehˬ, Zeˍrehˆ, Iˉzaˍhaˍ leh Eˇtaˍnanˍ hui hpeh‸ ve yoˬ.

8Kawˇzaˆ lehˬ, Aˍnoˆ leh Zawˇbeˍdaˆ hui ve awˬ pa hpeh‸ leh, Haˍronˍ ve yaˇ Aˍhaˍheˍlaˆ awˬ ceuˬ awˬ hkʼaˇ teˇ hpaˍ ve awˬ puˍ lonˉ hpeh‸ ve yoˬ.

9Yaˍbehˆ teh‸ kʼoˆ ve chaw teˇ gʼaˇ cawˬ ve yoˬ. Yawˇ lehˬ, yehˬ kʼa hkʼaw shu taˍ uiˍ ve chaw teˇ gʼaˇ hpeh‸ ve yoˬ. Yawˇ ve awˬ e lehˬ, yawˇ hta‸ Yaˍbehˆ teh‸ meh piˇ taˍ ve yoˬ. Awˬ lawn kʼo, yawˇ paw la htaˇ awˬ e gʼa tu‸ gʼa hkanˍ jaˇ ve pa taw yoˬ.

10Ya‸ hkʼaˇ, Yaˍbehˆ Gʼuiˬsha geh bon lawˬ leh kʼoˆ ve, Gʼuiˬsha-oˬ, ngaˬ hta‸ awˬ bon na‸ laˇ leh, ngaˬ ve chehˇ kuiˬ hta‸ kʼehˬ la piˇ-oˆ. Nawˬ ngaˬ geh chehˇ taˍ leh, ngaˬ hta‸ tu‸ kuiˬ hkanˍ kuiˬ hkʼaw ponˬ laˇ-oˆ, teh‸ kʼoˆ ve yoˬ. Gʼuiˬsha yawˇ ve bon lawˬ hkawˇ hta‸ na yuˬ leh bon na‸ piˇ ve yoˬ.

11Shuˇaˍ ve awˬ nyi paˍ Kaˍlehˆ lehˬ, Meˍhiˇraˆ teh‸ kʼoˆ ve yaˇ paˍ teˇ gʼaˇ cawˬ ve yoˬ. Meˍhiˆraˆ lehˬ, Eˇshaˍtonˍve awˬ pa hpeh‸ ve yoˬ.

12Eˇshaˍtonˍ lehˬ, Behˆraˍhpaˍ, Paˍsaˍ, leh Teˍhiˇnaˆ teh‸ kʼoˆ ve yaˇ paˍ shehˆ gʼaˇ cawˬ ve yoˬ. Teˍhiˇnaˆ lehˬ, Naˍhaˆ venˇ hta‸ tanˬ te shehˍ hpaˇ hpeh‸ ve yoˬ. Yawˇ ve awˬ ceuˬ awˬ hkʼaˇ teˇ hpaˍ lehˬ, Reˍkaˍ venˇ hkʼaw chehˇ taˍ ve yoˬ.

13Keˍnaˆ lehˬ, Awˇtanˍneˍlaˆ leh Seˍraˍyaˆ teh‸ kʼoˆ ve yaˇ paˍ nyiˇ gʼaˇ cawˬ ve yoˬ. Awˇtanˍneˍlaˆ htawˇ, Haˍtaˆ leh Meˍnoˍtehˇ teh‸ kʼoˆ ve yaˇ paˍ nyiˇ gʼaˇ cawˬ ve yoˬ.

14Meˍnoˍtehˇ lehˬ, Awˇhpaˍraˆ ve awˬ pa hpeh‸ ve yoˬ. Seˍraˍyaˆ lehˬ, Yaˍbaˆ ve awˬ pa hpeh‸ ve yoˬ. Yaˍbaˆ lehˬ la‸shaˉmaˉ hui ve kanˉ te kuiˬ lawˬ hkʼo‸ hta‸ awˉ lawˉ tanˬ te shehˍ hpaˇ hpeh‸ ve yoˬ.

15Yeˍhpuˇnaˍ ve yaˇ Kaˍlehˆ lehˬ, Iˉruˆ, Eˇlaˍ leh Naˍmaˆ teh‸ kʼoˆ ve yaˇ paˍ 3 gʼaˇ cawˬ ve yoˬ. Eˇlaˍ lehˬ, Keˍnaˆ ve awˬ pa hpeh‸ ve yoˬ.

16Yeˍhaˍleˍlaˆ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Ziˇhpaˆ, Ziˇhpaˍ, Tiˇriˆ leh Aˍsaˍreˍlaˆ hui hpeh‸ ve yoˬ.

17Eˇzaˍraˍ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Yeˍtaˍ, Meˍrehˆ, Eˇhpaˍ leh Yaˍlonˍ hui hpeh‸ ve yoˬ. Meˍrehˆ lehˬ, Eˇjiˇtu‸ jawˇmawˇ yaˇ miˇ Biˆtaˍyaˆ hta‸ heuˆ leh, Meˍriˆanˍ teh‸ kʼoˆ ve yaˇ miˇ teˇ gʼaˇ leh, Shaˍmehˇ leh Iˉsaˍbaˍ teh‸ kʼoˆ ve yaˇ paˍ nyiˇ gʼaˇ cawˬ ve yoˬ.

18Iˉsaˍbaˍ lehˬ, Eˇshaˍteˍmawˇ teh‸ kʼoˆ ve venˇ hta‸ tanˬ te shehˍ hpaˇ hpeh‸ ve yoˬ. Meˍrehˆ lehˬ, Yuˇda‸ ma teˇ gʼaˇ hta‸ kʼaw‸ heuˆ leh, Yaˍrehˆ, Heˍbaˍ leh Yeˍkuˇtiˍlaˆ teh‸ kʼoˆ ve yaˇ paˍ 3 gʼaˇ cawˬ ve yoˬ. Yeˍrehˆ lehˬ, Geˍdawˇ venˇ hta‸ tanˬ te shehˍ hpaˇ hpeh‸ ve yoˬ. Heˍbaˍ lehˬ, Sawˇ hkawˇ venˇ hta‸ tanˬ te shehˍ hpaˇ hpeh‸ leh, Yeˍkuˇtaˍlaˆ lehˬ, Zaˍnawˇ venˇ hta‸ tanˬ te shehˍ hpaˇ hpeh‸ ve yoˬ.

19Hawˇdiˇ lehˬ, Naˍhanˍ ve awˬ nyi ma hta‸ heuˆ ve yoˬ Yawˇ hui ve awˬ ceuˬ awˬ hkʼaˇ teˇ hpaˍ lehˬ, Kiˇlaˆ venˇ hkʼaw chehˇ ve Kaˍmiˆ chaw ceuˬ leh, Eˇshaˍteˍ mawˇ venˇ hkʼaw chehˇ ve Maˍhkaˆ chaw ceuˬ teˇ hpaˍ ve awˬ puˍ lonˉ teˇ hpaˍ hpeh‸ ve yoˬ.

20Siˉmonˍ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Aˍnonˍ, Riˆnaˆ, Beˍhaˍnanˍ leh Tiˇlonˍ hui hpeh‸ ve yoˬ. Iˇshiˆ lehˬ, Zawˇ hehˆ, leh Benˍzawˇhehˆ teh‸ kʼoˆ ve yaˇ paˍ nyiˇ gʼaˇ cawˬ ve yoˬ.

21Sheˍlaˆ lehˬ, Yuˇda‸ ve yaˇ hpeh‸ ve yoˬ. Yawˇ ve awˬ ceuˬ awˬ hkʼaˇ teˇ hpaˍ lehˬ, Leˍhkaˍ venˇ hta‸ tanˬ te shehˍ hpaˇ Eˇraˆ, Maˍreˍshaˆ venˇ hta‸ tanˬ te shehˍ hpaˇ Laˍdaˆ, Beˍtaˍsheˍbaˆ venˇ hkʼaw hpa te chiˇ shehˍ hpaˇ teˇ hpaˍ,

22Yawˇkenˍ leh Kawˇzeˍbaˆ venˇ hkʼaw chehˇ ve chaw teˇ hpaˍ, leh Mawˇbaˆ chaw hta‸ heuˆ leh Behˍlehˍhehnˍ venˇ lo ca chehˇ kʼai ve Yawˇshaˆ leh Saˍraˍhpaˆ hui hpeh‸ ve yoˬ.

23Yawˇ hui lehˬ, jawˇmawˇ ve mu‸ hkʼu te shehˍ hpaˇ teˇ hpaˍ hpeh‸ leh, Neˍtenˍ venˇ leh Geˍdaˍraˆ venˇ teˇ hpaˍ hkʼaw chehˇ taˍ ve yoˬ.

24Siˉmonˍ lehˬ, yaˇ paˍ 5 gʼaˇ cawˬ ve yoˬ. Yawˇ hui lehˬ, Neˍmuˇlaˆ, Yaˍmenˍ, Yaˍriˆ, Zeˍraˆ leh Shawˇlaˆ hui hpeh‸ ve oˬ.

25Shawˇlaˆ ve yaˇ lehˬ, Shaˍlonˍ yoˬ. Shaˍlonˍ ve yaˇ lehˬ Miˆbaˍsanˍ yoˬ. Miˆbaˍsanˍ ve yaˇ lehˬ Miˆshaˍmaˆ yoˬ.

26Miˆshaˍmaˆ ve awˬ ceuˬ awˬ hkʼaˇ teˇ hpaˍ lehˬ, Haˍmuˇlaˆ, Zaˍkuˇraˆ leh Sheˍmiˆ hui hpeh‸ ve yoˬ.

27Sheˍmiˆ lehˬ, yaˇ paˍ 16 gʼaˇ leh, yaˇ miˇ 6 gʼaˇ cawˬ ve yoˬ. Ya‸ hkʼaˇ, yawˇ ve awˬ viˉ awˬ nyi teˇ hpaˍ lehˬ, yaˇ maˇ cawˬ maˇ ve pa taw, Siˉmonˍ awˬ ceuˬ awˬ hkʼaˇ teˇ hpaˍ lehˬ, Yuˇda‸ awˬ ceuˬ awˬ hkʼaˇ teˇ hpaˍ hkʼe taw uiˍ la maˇ gʼa ve yoˬ.

28Jawˇmawˇ Daˍviˆ awˬ co-e hkʼa gaˬ, Siˉmonˍ awˬ ceuˬ awˬ hkʼaˇ teˇ hpaˍ lehˬ, Beˍraˍshaˍbaˆ, Mawˇlaˍdaˆ, Haˍzaˍshuˍlaˆ,

29Biˇlaˍhaˍ, Eˍzenˍ, Tawˇlaˆ,

30Beˍbuˍlaˆ, Hawˇmaˍ, Ziˆkaˍlaˆ,

31Behˆmaˍkaˍboˆ, Haˍzaˍsuˍsenˍ, Behˆbeˍriˆ leh Shaˍrenˍ venˇ chi teˇ hpaˍ hkʼaw chehˇ taˍ ve yoˬ.

32Chi hkʼoˆ ka‸, yawˇ hui lehˬ Eˇtanˍ, Enˍ, Riˇmonˍ, Aˍshaˍ venˇ chi teˇ hpaˍ leh,

33awˬ hawˉ hpawˇ lo cawˬ ve Baˍlaˆ venˇ lo hkʼa gaˬ, awˬ nu ve hkʼaˆ teˇ hpaˍ hkʼaw lo htawˇ chehˇ taˍ ve yoˬ. Chi ve lehˬ, yawˇ hui ve awˬ ceuˬ awˬ hkʼaˇ teˇ hpaˍ ve awˬ meh leh, yawˇ hui ve chehˇ kuiˬ hta‸ bvuh‸ taˍ ve caˇ lanˇ hpeh‸ ve yoˬ.

34Chaw chi teˇ hpaˍ lehˬ, yawˇ hui ve awˬ hoˉ awˬ naˬ teˇ hpaˍ hpeh‸ ve yoˬ. Meˍshawˇbaˆ, Yaˍmaˍlehˆ Aˍmaˍziˆ ve yaˇ Yawˇshaˆ, Yawˇlaˆ, (Aˍseˍlaˆ, Seˍraˍyaˆ, Yawˇshaˍbiˆ hui ve awˬ ceuˬ awˬ hkʼaˇ) Yeˍhuˆ, Eˇlawˇnehˇ, Yaˍkawˇbaˆ, Yeˍshawˇhaˍyaˆ, Aˍsaˍyaˆ, Aˍdeˍlaˆ, Yeˍsiˆmeˍlaˆ, Beˍnaˍyaˆ, (Sheˍmaˍyaˆ, Sheˍmaˍriˆ, Yeˍdaˍyaˆ, Aˍlonˍ, Shiˇhpiˆ hui ve awˬ ceuˬ awˬ hkʼaˇ) Ziˇzaˆ hui hpeh‸ ve yoˬ. Yawˇ hui ve awˬ ceuˬ awˬ hkʼaˇ teˇ hpaˍ maˇ la chehˇ ve pa taw,

39yawˇ hui lehˬ, mvuhˇ nyi kʼehˬ hpawˇ lo cawˬ ve Geˍraˆ venˇ lo hkʼa gaˬ ca chehˇ kʼai leh, venˇ oˇ ve mvuhˇ nyi tawˆ hpawˇ lo yawˬ ca hawˉ caˇ chehˇ ve yoˬ.

40Mvuhˇmiˬ oˇ ve gawˬ lehˍ cawˬ leh, yawˬ ehˉ teˇ hpaˍ awˬ pon kʼaˆ caˇ kuiˬ da‸ jaˇ ve hta‸ yawˇ hui gʼa mawˬ ve yoˬ. Ponˬ laˬ htaˇ oˇ kaˬ lo chehˇ taˉ ve chaw teˇ hpaˍ lehˬ, Haˍmaˆ chaw hpeh‸ ve yoˬ.

41Yuˇda‸ jawˇmawˇ Heˍsaˍkiˆ uˉ peunˍ chehˇ ve awˬ co-e htaˇ, awˬ na lo kʼoˆ taˍ ve chaw oˇ ve teˇ hpaˍ lehˬ, Geˍraˆ venˇ lo kʼai leh, oˇ kaˬ lo chehˇ taˍ ve chaw hui ve aˉ po kʼo teˇ hpaˍ hta‸ te luˬ piˇ ve yoˬ. Chehˇ kuiˬ oˇ ve lehˬ, yawˬ teˇ hpaˍ awˬ pon kʼaˆ caˇ kuiˬ da‸ jaˇ ve pa taw, yawˇ hui chaw oˇ ve teˇ hpaˍ hta‸ gʼa‸ kʼoˬ piˇ leh, yawˇ hui chehˇ taˍ ve yoˬ.

42Awˬ nu ve Siˉmonˍ awˬ ceuˬ awˬ hkʼaˇ 500 gʼaˇ lehˬ, Eˇdonˍ venˇ mvuhˇ nyi tawˆ hpawˇ lo kʼai ve yoˬ. Yawˇ hui hta‸ awˬ hoˉ te leh shiˍ kʼai piˇ ve chaw lehˬ, Iˇshiˆ ve yaˇ Peˍlaˍtiˆ, Neˍriˆ, Reˍhpaˍyaˆ leh Awˇzaˬlaˆ hui hpeh‸ ve yoˬ.

43Yawˇ hui lehˬ, oˇ kaˬ lo cawˬ taˍ sheˍ ve Aˍmaˍlehˆ chaw hui hta‸ tiˇ pehˍ leh, oˇ kaˬ lo chehˇ taˍ ve yoˬ.

← Chapter 3 Jump to: Chapter 5 →