1 Chronicles 5

Lahu Bible Edited © Thailand Bible Society and Bible Society of Myanmar, 2010, 2020.

← Chapter 4 Jump to: Chapter 6 →

1Chi ve lehˬ, Yaˍkoˆ ve yaˇ paˍ uiˍ Ruˇbenˍ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. (Ruˇbenˍ lehˬ yawˇ awˬ pa ve aw miˇ ma i teˇ gʼaˇ geh ca lo‸ zuh‸ ve pa taw, yaˇ paˍ uiˍ ve aˉ yaˇ mehˉ kʼai leh, aˉ yaˇ oˇ ve Yoˇseh‸ hta‸ kʼaw‸ piˇ sheˬ ve yoˬ.

2Ya‸ hkʼaˇ, shu a‸ kehˉ awˬ gʼaˇ uiˍ leh jawˇmawˇ gʼa te ve chaw ceuˬ lehˬ, Yuˇda‸ awˬ ceuˬ awˬ hkʼaˇ teˇ hpaˍ hpeh‸ ve yoˬ.)

3Yaˍkoˆ ve yaˇ paˍ uiˍ Ruˇbenˍ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Haˍnawˇ, Paˍluˆ, Heˍzaˍronˍ leh Kaˍmiˆ hui hpeh‸ ve yoˬ.

4Yawˇ laˆ ve awˬ ceuˬ awˬ hkʼaˇ teˇ hpaˍ lehˬ, Sheˍmaˍyaˆ, Gawˇgaˆ, Sheˍmiˆ,

5Miˇhkaˍ, Reˍyaˆ, Baˍlaˆ leh Beˍraˆ hui hpeh‸ ve yoˬ

6Aˍshuˇriˆ jawˇmawˇ Tiˉgaˍlaˆpaˍleˍsaˍ lehˬ, Beˍraˆ hta‸ hpeh yuˬ leh yawˇ ve mvuhˇmiˬ lo shiˍ kʼai piˇ ve yoˬ.

7Ruˇbenˍ ve awˬ ceuˬ awˬ hkʼaˇ awˬ hkʼaw lo awˬ hoˉ awˬ naˬ hpeh‸ ve chaw hui lehˬ, Yeˍlaˆ, Zaˍhkaˍriˆ,

8leh Yawˇlaˆ awˬ ceuˬ awˬ hkʼaˇ Sheˍmaˆ ve awˬ hawehˍ, Aˍzaˆ ve yaˇ Beˍlaˆ hui hpeh‸ ve yoˬ. Yawˇlaˆ awˬ ceuˬ awˬ hkʼaˇ chi teˇ hpaˍ lehˬ, Aˍyawˍ venˇ leh venˇ oˇ ve awˬ na hpawˇ lo cawˬ ve Neˍbawˇ venˇ leh Baˍlaˆmonˍ venˇ lo hkʼa gaˬ chehˇ taˍ ve yoˬ.

9Giˇlaˆ mvuhˇmiˬ hkʼaw yawˇ hui ceˇ hkʼa biˇ cawˬ taˍ ve yoˬ. Hkʼe te leh, yawˇ hui lehˬ mvuhˇ nyi tawˆ hpawˇ lo cawˬ ve Uˉhpaˍraˆ iˉ kaˆ lawˬ lo hkʼa gaˬ mvuhˇmiˬ veh taˍ ve yoˬ.

10Jawˇmawˇ Sawˉlu‸ uˉ peunˍ chehˇ ve awˬ co-e htaˇ, Ruˇbenˍ awˬ ceuˬ awˬ hkʼaˇ teˇ hpaˍ lehˬ, Haˍgaˍraˆ chaw hui hta‸ ca bawˆ leh, Giˇlaˆ mvuhˇmiˬ mvuhˇ nyi tawˆ hpawˇ teˇ tawn hta‸ yawˇ hui bawˆ yuˬ ve yoˬ.

11Gaˆ awˬ ceuˬ awˬ hkʼaˇ teˇ hpaˍ lehˬ, Ruˇbenˍ awˬ ceuˬ awˬ hkʼaˇ teˇ hpaˍ ve mvuhˇmiˬ awˬ na paˉ lo cawˬ ve Baˍshanˍ mvuhˇmiˬ hkʼaw chehˇ leh, mvuhˇ nyi tawˆ hpawˇ lo cawˬ ve Saˍleˍka‸ venˇ lo hkʼa gaˬ chehˇ kʼai ve yoˬ.

12Yawˇ hui ve awˬ hoˉ lehˬ, Yawˇlaˆ hpeh‸ leh, nyiˇ gʼaˇ teˇ gʼaˇ lehˬ, Shaˍhpaˍ hpeh‸ ve yoˬ. Oˇ ve hkʼaw‸ nawˉ, Yaˍnehˇ leh Shaˍhpaˆ hui hpeh‸ ve yoˬ.

13Awˬ nu ve awˬ hoˉ awˬ naˬ teˇ hpaˍ lehˬ, Miˇhkeˍlaˆ, Meˍshuˆlanˍ, Sheˍbaˆ, Yawˇrehˇ, Yaˍhkanˍ, Zaˍyaˍ leh Eˍbaˍ hui hpeh‸ ve yoˬ.

14Yawˇ hui lehˬ, Huˇriˆ ve yaˇ Aˍbiˆheˍlaˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. Yawˇ hui ve awˬ puˍ lonˉ teˇ hpaˍ lehˬ, Aˍbiˆheˍlaˆ, Huˇriˆ, Yaˍroˍ, Giˇlaˆ, Miˇhkeˍlaˆ, Yeˍshiˆshehˇ, Yaˍdawˇ leh Buˇzaˆ hui hpeh‸ ve yoˬ.

15Guˇniˆ ve awˬ hawehˍ Aˍbaˍdeˍlaˆ ve yaˇ Aˍhiˆ lehˬ, yawˇ hui ve awˬ hoˉ awˬ naˬ hpeh‸ ve yoˬ.

16Yawˇ hui lehˬ, Baˍshanˍ mvuhˇmiˬ, Giˇlaˆ mvuhˇmiˬ leh Shaˍronˍ miˬ tawˬ kuiˬ chi teˇ hpaˍ hkʼaw chehˇ taˍ ve yoˬ.

17(Caˇ lanˇ chi teˇ hpaˍ lehˬ, Yuˇda‸ mvuhˇmiˬ hkʼaw jawˇmawˇ Yawˇtanˍ uˉ peunˍ chehˇ htaˇ, leh Iˉsaˍreˍlaˆ mvuhˇmiˬ hkʼaw jawˇmawˇ Yeˍyawˇbaoˍ uˉ peunˍ chehˇ htaˇ gʼawˆ yuˬ taˍ ve yoˬ.)

18Ruˇbenˍ, Gaˆ leh mvuhˇ nyi tawˆ hpawˇ chehˇ ve Maˍnaˍseˍ chaw ceuˬ chi teˇ hpaˍ awˬ hkʼaw lo, ma‸ hkʼa deh‸ bawˆ puiˉ ve ma‸ yaˇ 44,760 gʼaˇ cawˬ ve yoˬ. Yawˇ hui lehˬ, hkaˆ bawˆ ve, a htaw chaw ve, chi teˇ hpaˍ hta‸ hkʼa deh‸ henˇ taˍ ve yoˬ.

19Yawˇ hui lehˬ, Haˍgaˍraˆ chaw, Yeˍtuˇraˆ chaw, Naˍhpiˇshaˆ chaw leh Nawˇdaˆ chaw hui hta‸ ma‸ ca bawˆ ve yoˬ.

20Yawˇ hui Gʼuiˬsha hta‸ gʼaˇ va leh, Gʼuiˬsha ga laˇ tuˬ bon lawˬ ve yoˬ. Gʼuiˬsha lehˬ, yawˇ hui ve bon lawˬ hkawˇ hta‸ na yuˬ leh, yawˇ hui hta‸ ma‸ bawˆ gʼaˇ piˇ lawˬ ve yoˬ.

21Yawˇ hui lehˬ, canˇ paˍ hui ve kaˍlaˍoˆ 50,000, yawˬ 250,000, piˉlaˬ 2,000 leh canˇ paˍ 100,000 gʼaˇ hta‸ yuˬ gʼa ve yoˬ.

22Gʼuiˬsha yawˇ hui geh chehˇ ve pa taw, yawˇ hui canˇ paˍ laiˉ gʼaˇ hta‸ tiˇ pehˍ piˇ gʼa ve yoˬ. Hkʼe te leh, yawˇ hui shu mvuhˇmiˬ lo shiˍ kʼai ve hta‸ gʼa hkanˍ ve awˬ yanˇ hkʼa gaˬ, mvuhˇmiˬ oˇ ve hkʼaw chehˇ taˍ ve yoˬ.

23Mvuhˇ nyi tawˆ hpawˇ lo chehˇ ve Maˍnaˍseˍ chaw teˇ hpaˍ lehˬ, Baˍshanˍ mvuhˇmiˬ hkʼaw chehˇ leh, awˬ na hpawˇ lo cawˬ ve Baˍlaˆheˍmonˍ venˇ, Siˉneˍraˆ hkʼaw leh Heˍraˍmonˍ hkʼaw lo hkʼa gaˬ chehˇ kʼai ve yoˬ. Yawˇ hui ve chaw shaˬ te shaˬ maˇ la chehˇ ve yoˬ.

24Yawˇ hui ve awˬ hoˉ awˬ naˬ teˇ hpaˍ lehˬ, Eˇhpeˍraˆ, Iˉshiˆ, Eˇleˍlaˆ, Aˍzaˍ reˍ laˆ, Yeˍraˍmiˆ, Hawˇdaˍviˆ leh Yaˍdeˍlaˆ hui hpeh‸ ve yoˬ. Yawˇ hui lehˬ, ha‸ hanˉ leh awˬ meh bvuhˬ ve awˬ hoˉ awˬ naˬ teˇ hpaˍ hpeh‸ ve yoˬ.

25Ya‸ hkʼaˇ, chaw oˇ ve teˇ hpaˍ lehˬ, Gʼuiˬsha hta‸ ka ti‸ maˇ yeˬ. Yawˇ hta‸ baˬ taˉ leh, Gʼuiˬsha gʼa‸ kʼoˬ piˇ taˍ ve mvuhˇmiˬ yaˇ oˇ ve teˇ hpaˍ ve gʼuiˬsha hta‸ oˉ kʼoˍ pui ve yoˬ.

26Hkʼe te leh, Gʼuiˬsha lehˬ Aˍsuˇriˆ jawˇmawˇ Puˇlaˆ (TiˉgaˍlaˍPaˍleˍsaˍ) hta‸ hpehˇ leh yawˇ hui ve mvuhˇmiˬ hta‸ ca bawˆ tcuh ve yoˬ. Yawˇ lehˬ, Ruˇbenˍ, Gaˆ leh mvuhˇ nyi tawˇ hpawˇ lo chehˇ ve Maˍnaˍseˍ awˬ ceuˬ awˬ hkʼaˇ oˇ ve teˇ hpaˍ hta‸ shiˍ kʼai leh, Haˍlaˍvenˇ, Haˍbawˇ venˇ leh Gawˇzanˍ iˉ kaˆ lawˬ paˇ lo cawˬ ve Haˍranˍ venˇ chi teˇ hpaˍ hkʼaw chehˇ tcuh taˍ ve yoˬ.

← Chapter 4 Jump to: Chapter 6 →