1 Chronicles 7

Lahu Bible Edited © Thailand Bible Society and Bible Society of Myanmar, 2010, 2020.

← Chapter 6 Jump to: Chapter 8 →

1Iˉsaˍhkaˍ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Tawˇlaˆ, Hpuˇaˍ, Yaˍshoˆ leh Shiˉmaˍronˍ hui hpeh‸ve yoˬ.

2Tawˇlaˆ lehˬ yaˇ paˍ 6 gʼaˇ cawˬ ve yoˬ. Yawˇ hui lehˬ, Awˇziˆ, Reˍhpaˍyaˆ, Yeˍreˍlaˆ, Iˉbaˍsanˍ leh Sheˍmeˍlaˆ hui hpeh‸ ve yoˬ. Yawˇ hui lehˬ, awˬ meh bvuhˬ ve ma‸ yaˇ teˇ hpaˍ hpeh‸ leh, Tawˇlaˆ ve awˬ ceuˬ awˬ hkʼaˇ hkʼaw ve awˬ hoˉ teˇ hpaˍ hpeh‸ ve yoˬ. Jawˇmawˇ Daˍviˆ awˬ co-e htaˇ, yawˇ hui ve awˬ ceuˬ awˬ hkʼaˇ nyiˇ meunˍ nyiˇ hinˉ hkaw‸ ha gʼaˇ cawˬ ve yoˬ.

3Awˇziˆ lehˬ Iˉzaˍreˍhiˆ teh‸ kʼoˆ ve yaˇ paˍ teˇ gʼaˇ cawˬve yoˬ. Iˉzaˍreˍhiˆ lehˬ yaˇ paˍ 4 gʼaˇ cawˬ ve yoˬ. Yawˇ hui lehˬ Miˆhkeˍlaˆ, Awˇbaˍdiˆ, Yawˇlaˆ, Iˉshaˆyaˍ hui hpeh‸ leh, yawˇ hui hkʼa peu-eˬ awˬ hoˉ awˬ naˬ hpeh‸ ve yoˬ.

4Yawˇ hui miˇ yaˇ cawˬ maˇ jaˇ leh ma‸ yaˇ shehˆ meunˍ hkaw‸ hinˉ gʼaˇ cawˬ ve yoˬ.

5Iˉsaˍhkaˍ awˬ ceuˬ awˬ hkʼaˇ teˇ hpaˍ awˬ hkʼaw lo ma‸ bawˆ puiˉ ve chaw 87,000 gʼaˇ cawˬ ve yoˬ.

6Beˍyaˍmenˍ lehˬ, yaˇ paˍ 3 gaˇ cawˬ ve yoˬ. Yawˇ hui lehˬ, Beˍlaˆ, Beˍhkaˍ, leh Yeˍdaˍyeˬlaˆ hui hpeh‸ ve yoˬ.

7Beˍlaˆ lehˬ, yaˇ paˍ 5 gʼaˇ cawˬ ve yoˬ. Yawˇ hui lehˬ Eˉzaˍbonˍ, Awˇziˆ, Awˇzeˍ laˆ, Yeˍriˍmoˆ leh Iˉriˆ hui hpeh‸ ve yoˬ. Yawˇ hui lehˬ, awˬ meh bvuhˬ ve ma‸ yaˇ teˇ hpaˍ hpeh‸ leh, yawˇ hui ve awˬ ceuˬ awˬ hkʼaˇ awˬ hkʼaw lo, awˬ hoˉ awˬ naˬ teˇ hpaˍ hpeh‸ ve yoˬ. Yawˇ hui ve awˬ ceuˬ awˬ hkʼaˇ teˇ hpaˍ awˬ hkʼaw lo, ma‸ bawˆ puiˉ ve chaw 22,034 gʼaˇ cawˬ ve yoˬ.

8Beˍhkaˍ lehˬ yaˇ paˍ 9 gʼaˇ cawˬ ve yoˬ. Yawˇ hui lehˬ, Zeˍmiˇraˆ, Yawˇshaˆ, Eˍleˍzaˍ, Eˇlaˍnehˇ, Awˉmaˍriˆ, Yeˍriˍmoˆ, Aˍbiˇyaˆ, Aˍnaˍtoˆ leh Aˍlaˍmehˆ hui hpeh‸ ve yoˬ.

9Yawˇ hui ve awˬ ceuˬ awˬ hkʼaˇ awˬ hkʼaw lo ma‸ bawˆpuiˉ ve chaw 20,200 gʼaˇ cawˬ ve yoˬ.

10Yeˍdaˍyeˍlaˆ lehˬ, Biˇlaˍhaˍ teh‸ kʼoˆ ve yaˇ paˍ teˇ gʼaˇ cawˬ leh, Biˇlaˍhaˍ lehˬ yaˇ paˍ suhˍ gʼaˇ cawˬ ve yoˬ. Yawˇ hui lehˬ, Yuˇshaˆ, Beˍyaˍmenˍ, Eˇhuˇdaˆ, Hkeˍnaˍnaˆ, Zeˍtanˍ, Taˍsuˆ leh Aˍhiˆshaˍhaˍ hui hpeh‸ve yoˬ.

11Yawˇ hui lehˬ awˬ meh bvuhˬ ve ma‸ yaˇ teˇ hpaˍ hpeh‸ leh, yawˇ hui ve awˬ ceuˬ awˬ hkʼaˇ awˬ hkʼaw lo awˬ hoˉ awˬ naˬ teˇ hpaˍ hpeh‸ ve yoˬ. Yawˇ hui ve awˬ ceuˬ awˬ hkʼaˇ teˇ hpaˍ awˬ hkʼaw lo, ma‸ bawˆ puiˉ ve chaw 17,200 gʼaˇ cawˬ ve yoˬ.

12Suˆpenˍ leh Huˆpenˍ hui htawˇ chaw chi teˇ ceuˬ ve awˬ ceuˬ awˬ hkʼaˇ hpeh‸ ve yoˬ. Danˍ lehˬ Huˆshenˍ teh‸ kʼoˆ ve yaˇ paˍ teˇ gʼaˇ cawˬ ve yoˬ.

13Naˍtaˍliˆ lehˬ yaˇ paˍ 4 gʼaˇ cawˬ ve yoˬ. Yawˇ hui lehˬ Yaˍzeˍlaˆ, Guˇniˆ, Yeˍzaˍ, leh Shaˍlonˍ hui hpeh‸ ve yoˬ. (Yawˇ hui lehˬ, Biˇlaˍhaˍ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.)

14Maˍnaˍseˍ lehˬ, yawˇ miˇ ma i Aˍranˍ chaw geh Aˍsaˍreˍlaˆ leh Maˍhkiˇraˆ teh‸ kʼoˆ ve yaˇ paˍ nyiˇ gʼaˇ gʼa ve yoˬ. Maˍhkiˇraˆ ve yaˇ lehˬ, Giˇlaˆ hpeh‸ ve yoˬ.

15Maˍhkiˇraˆ lehˬ Huˆpenˍ leh Suˆpenˍ hui hta‸ awˬ miˇ ma ca ka piˇ ve yoˬ. Yawˇ ve awˬ nyi ma lehˬ, Maˍkaˍ hpeh‸ ve yoˬ. Maˍhkiˇraˆ ve yaˇ paˍ nyiˇ gʼaˇ teˇ gʼaˇ lehˬ, Zaˍlawˇhpaˆ hpeh‸ ve yoˬ. Yawˇ lehˬ yaˇ miˇ ceh tiˉ cawˬ ve yoˬ.

16Maˍhkiˇraˆ miˇ ma Maˍkaˍ lehˬ, Peˍrehˆ leh Seˍrehˆ teh‸ kʼoˆ ve yaˇ paˍ nyiˇ gʼaˇ cawˬ ve yoˬ. Peˍrehˆ lehˬ yaˇ paˍ nyiˇ gʼaˇ cawˬ ve yoˬ. Yawˇ huiˉ maˬ lehˬ, Uˇlanˍ leh Reˍkenˍ hui hpeh‸ ve yoˬ.

17Uˇlanˍ lehˬ, Beˍdanˍ teh‸ kʼoˆ ve yaˇ paˍ teˇ gʼaˇ cawˬ ve yoˬ. Chaw chi teˇ hpaˍ lehˬ, Maˍnaˍseˍ ve awˬ hawehˍ, Maˍhkiˇraˆ ve yaˇ Giˇlaˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.

18Giˇlaˆ ve awˬ nyi ma Haˍmawˇleˍkehˆ lehˬ, yaˇ paˍ 3 gʼaˇ cawˬ ve yoˬ. Yawˇ hui lehˬ, Iˉshawˇdaˆ, Aˍbeˍsaˍ leh Maˍlaˍ hui hpeh‸ ve yoˬ.

19(Sheˍmiˆdaˆ lehˬ yaˇ paˍ 4 gʼaˇ cawˬ ve yoˬ. Yawˇ hui lehˬ, Aˍhiˆanˍ, Sheˍhkenˍ, Liˇkaˍhiˆ leh Aˍniˍanˍ hui hpeh‸ ve yoˬ.)

20Chaw chi teˇ hpaˍ lehˬ, Eˇhpaˍrenˍ awˬ ceuˬ awˬ hkʼaˇ teˇ hpaˍ hpeh‸ ve yoˬ. Shuˉteˍlaˆ, Beˍrehˆ, Eˇlaˍdaˆ, Taˍhaˉ,

21Zaˍbaˆ, Shuˉteˍlaˆ hui hpeh‸ ve yoˬ. Eˇhpaˍrenˍ lehˬ, awˬ nu ve yaˇ paˍ teˇ hpaˍ htawˇ cawˬ sheˍ ve yoˬ. Yawˇ hui lehˬ, Eˇzaˍ leh Eˇlaˆ hui hpeh‸ ve yoˬ. Yawˇ huiˉ maˬ lehˬ, Gaˍtaˆ chaw hui ve nuˇ ca hkʼawˇ ve pa taw, shu tiˇ pehˍ ve hta‸ gʼa hkanˍ ve yoˬ.

22Yawˇ huiˉ maˬ ve awˬ pa Eˇhpaˍrenˍ lehˬ, yawˇ huiˉ maˬ awˬ pon dawˇ haˍ jaˇ leh, yawˇ ve awˬ viˉ awˬ nyi teˇ hpaˍ yawˇ hta‸ awˬ chawˇ ca te piˇ la ve yoˬ.

23Oˇ ve hkʼaw‸ nawˉ, yawˇ lehˬ yawˇ ve awˬ miˇ ma geh kʼaw‸ zuh‸ leh, yaˇ paˍ teˇ gʼaˇ kʼaw‸ paw la ve yoˬ. Yawˇ hui yawˇ hta‸ Beˍriˇyaˆ teh‸ meh piˇ ve yoˬ. Awˬ lawn kʼo, dawˇ haˍ tuˬ awˬ ceuˬ yawˇ ve yehˬ kʼa awˬ hkʼoˆ gaˬ la ve pa taw yoˬ.

24Eˇhpaˍrenˍ lehˬ, Seˍraˆ teh‸ kʼoˆ ve yaˇ miˇ teˇ gʼaˇ cawˬ ve yoˬ. Yawˇ lehˬ awˬ na hpawˇ teˇ tawn leh awˬ hawˉ hpawˇ teˇ tawn lo cawˬ ve Beˍtawˇronˍ venˇ leh, Awˇzenˍsheˍraˆ venˇ hta‸ tanˬ te shehˍ ma hpeh‸ ve yoˬ.

25Eˇhpaˍrenˍ lehˬ Reˍhpaˆ teh‸ kʼoˆ ve yaˇ paˍ teˇ gʼaˇ cawˬ sheˍ ve yoˬ. Reˍhpaˆ ve awˬ ceuˬ awˬ hkʼaˇ teˇ hpaˍ lehˬ, Reˍsaˆ, Teˍlaˆ, Taˍhanˍ,

26Laˍdanˍ, Aˍmiˇhuˆ, Eˇliˆshaˍmaˍ,

27Nunˍ leh Yawˇsuˆ hui hpeh‸ ve yoˬ.

28Yawˇ hui gʼa taˍ ve mvuhˇmiˬ lehˬ, Beˍteˍlaˆ venˇ leh venˇ oˇ ve awˬ paˇ awˬ kui lo cawˬ ve venˇ ehˉ teˇ hpaˍ, mvuhˇ nyi tawˆ hpawˇ Naˍranˍ venˇ lo hkʼa gaˬ, mvuhˇ nyi kʼehˬ hpawˇ Gaˍsaˍ venˇ lo hkʼa gaˬ, Sheˍhkenˍ venˇ, Aˍyaˍ venˇ,

29Behˆshanˍ venˇ, Taˍnehˆ venˇ, Mehˆgiˇdoˍ venˇ, Dawˉraˆ venˇ, leh venˇ oˇ ve teˇ hpaˍ awˬ paˇ awˬ kui lo cawˬ ve venˇ ehˉ teˇ hpaˍ hpeh‸ ve yoˬ. Venˇ chi teˇ hpaˍ lehˬ, Yaˍkoˆ ve yaˇ Yoˇseh‸ ve awˬ ceuˬ awˬ hkʼaˇ teˇ hpaˍ chehˇ kuiˬ hpeh‸ ve yoˬ.

30Aˍshaˍ lehˬ, yaˇ paˍ 4 gʼaˇ cawˬ ve yoˬ. Yawˇ hui lehˬ, Iˉmaˍnaˆ, Iˉshaˍvaˍ, Iˉshaˍviˍ leh Beˍriˇyaˆ hui hpeh‸ ve yoˬ. Yawˇ ve yaˇ miˇ lehˬ, Seˍraˆ hpeh‸ ve yoˬ.

31Beˍriˇyaˆ lehˬ, Heˍbaˍ leh Miˆlaˍhkeˍlaˆ teh‸ kʼoˆ ve yaˇ paˍ nyiˇ gʼaˇ cawˬ ve yoˬ. (Miˆlaˍhkeˍlaˆ lehˬ, Iˇraˍzaˍveˆ venˇ hta‸ tanˬ te shehˍ hpaˇ hpeh‸ ve yoˬ)

32Haˍbaˍ lehˬ, Yaˍhpaˍlehˆ, Shawˇmaˍ leh Hawˇtanˍ teh‸ kʼoˆ ve yaˇ paˍ 3 gʼaˇ cawˬ ve yoˬ. Yawˇ ve yaˇ miˇ lehˬ, Shuˇaˍ hpeh‸ ve yoˬ.

33Yaˍhpaˍlehˆ htawˇ, yaˇ paˍ 3 gʼaˇ cawˬ ve yoˬ. Yawˇ hui lehˬ, Paˍshaˆ, Biˇmaˍ haˍ laˆ leh Aˍshaˍvaˆ hui hpeh‸ ve yoˬ.

34Shawˇmaˍ htawˇ yaˇ paˍ 3 gʼaˇ cawˬ ve yoˬ. Yawˇ hui lehˬ, Rawˇgaˆ, Yeˍhuˇbaˆ, leh Aˍranˍ hui hpeh‸ ve yoˬ.

35Hawˇtanˍ lehˬ yaˇ paˍ 4 gʼaˇ cawˬ ve yoˬ. Yawˇ hui lehˬ Zawˇhpaˆ, Iˉmaˍnaˍ, Sheˍlehˆ leh Aˍmaˍlaˆ hui hpeh‸ ve yoˬ.

36Zawˇhpaˆ ve awˬ ceuˬ awˬ hkʼaˇ teˇ hpaˍ lehˬ, Shuˇaˍ, Haˍneˍhpaˍ, Shawˇlaˆ, Beˍriˆ, Iˉmaˍraˆ,

37Beˍzaˍ, Hawˇdaˆshaˍmaˍ, Shiˇlaˍshaˆ, Iˉtaˍranˍ leh Beˍraˆ hui hpeh‸ ve yoˬ

38Yeˍraˍ ve awˬ ceuˬ awˬ hkʼaˇ teˇ hpaˍ lehˬ, Yeˍhpuˇnaˍ, Piˉsaˍpaˍ, leh Aˍraˆ hui hpeh‸ ve yoˬ

39Uˇlaˆ ve awˬ ceuˬ awˬ hkʼaˇ teˇ hpaˍ lehˬ, Aˍranˍ, Haˍneˍlaˆ leh Yeˍriˇyaˆ hui hpeh‸ ve yoˬ.

40Chaw chi teˇ hpaˍ lehˬ, Aˍshaˍ awˬ ceuˬ awˬ hkʼaˇ hpeh‸ ve yoˬ. Yawˇ hui lehˬ awˬ meh bvuhˬ ve ma‸ yaˇ teˇ hpaˍ hpeh‸ leh, awˬ hoˉ awˬ naˬ teˇ hpaˍ hpeh‸ ve yoˬ. Aˍshaˍ ve awˬ ceuˬ awˬ hkʼaˇ awˬ hkʼaw lo, ma‸ bawˆ puiˉ ve chaw 26,000 gʼaˇ cawˬ ve yoˬ.

← Chapter 6 Jump to: Chapter 8 →