1 Chronicles 9

Lahu Bible Edited © Thailand Bible Society and Bible Society of Myanmar, 2010, 2020.

← Chapter 8 Jump to: Chapter 10 →

1Iˉsaˍreˍlaˆ chaw teˇ hpaˍ lehˬ, a shu yawˇ ve awˬ ceuˬ awˬ hkʼaˇ teˇ hpaˍ ve caˇ lanˇ hkʼa deh‸ yuˬ leh, Iˉsaˍreˍlaˆ jawˇmawˇ teˇ hpaˍ ve li‸ daw hkʼaw lo bvuh‸ keu taˍ ve yoˬ. Yuˇda‸ chaw teˇ hpaˍ lehˬ, Gʼuiˬsha hta‸ te ya‸ jaˇ ve pa taw, Baˍbuˍlonˍ mvuhˇmiˬ lo shu shiˍ kʼai ve hta‸ gʼa hkanˍ ve yoˬ.

2Yawˇ hui teˇ hpaˍ awˬ hkʼaw lo, a shu yawˇ ve mvuhˇmiˬ lo awˉ lawˉ peuˇ gʼa kʼaw‸ la ve chaw teˇ hpaˍ lehˬ, Iˉsaˍreˍlaˆ chaw, paw hkuˇ, Leˍviˆ chaw, leh bon yehˬ lonˉ hkʼaw kanˉ te shehˍ hpaˇ teˇ hpaˍ hpeh‸ ve yoˬ.

3Yuˇda‸ awˬ ceuˬ awˬ hkʼaˇ hkʼaw lo ve Beˍyaˍmenˍ, Eˇhpaˍrenˍ leh Maˍnaˍseˍ chaw teˇ hpaˍ lehˬ, Yeˍruˆsaˍlehnˍ venˇ hkʼaw ca chehˇ kʼai ve yoˬ.

4Yeˍruˆsaˍlehnˍ venˇ hkʼaw chehˇ taˍ ve Yuˇda‸ awˬ ceuˬ awˬ hkʼaˇ 690 ca cawˬ ve yoˬ. Yuˇda‸ ve yaˇ Peˍrehˆ ve awˬ ceuˬ awˬ hkʼaˇ hkʼaw lo awˬ hoˉ te chehˇ ve chaw lehˬ, Baˍniˆ, Iˉmaˍriˍ, Awˇmaˍriˆ, Aˍmiˇhuˆ hui ve awˬ ceuˬ awˬ hkʼaˇ Uˇtehˇ hpeh‸ ve yoˬ. Yuˇda‸ ve yaˇ Sheˍlaˆ ve awˬceuˬ awˬ hkʼaˇ hkʼaw lo awˬ hoˉ te chehˇ ve chaw lehˬ, Aˍsaˍyaˆ hpeh‸ ve yoˬ. Yuˇda‸ ve yaˇ Zeˍraˆ ve awˬ ceuˬ awˬ hkʼaˇ hkʼaw lo awˬ hoˉ te chehˇ ve chaw lehˬ Yaˍlaˆ hpeh‸ ve yoˬ.

7Yeˍruˆsaˍlehnˍ venˇ hkʼaw chehˇ taˍ ve Beˍyaˍmenˍ ve awˬ ceuˬ awˬ hkʼaˇ teˇ hpaˍ lehˬ, Haˍseˍnuˆ, Hawˇdaˍviˆ, Meˍshuˆlanˍ hui ve awˬ ceuˬ awˬ hkʼaˇ Saˍluˆ, Yeˍyawˇhanˍ ve yaˇ Iˉbaˍneˍyaˆ, Miˇhkaˍriˆ ve awˬ hawehˍ Awˇziˆ ve yaˇ Eˇlaˍ, Iˉbaˍneˍyaˆ, Reˍlaˆ, Sheˍhpaˍriˆ hui ve awˬ ceuˬ awˬ hkʼaˇ Meˍshuˆlanˍ hui hpeh‸ ve yoˬ.

9Oˇ kaˬ lo chehˇ taˍ ve yawˇ hui ve awˬ ceuˬ awˬ hkʼaˇ hkʼa peu-eˬ 956 ca cawˬ ve yoˬ. Awˬ na lo kʼoˆ taˍ ve chaw hui lehˬ, awˬ hoˉ awˬ naˬ teˇ hpaˍ hpeh‸ ve yoˬ.

10Yeˍruˆsaˍlehnˍ venˇ hkʼaw chehˇ taˍ ve paw hkuˇ teˇ hpaˍ lehˬ, Yeˍdaˍyaˆ, Yawˇyaˍreˆ, Yaˍhkenˍ, Aˍhiˇtuˆ, Meˍraˍyoˆ, Aˍdoˆ, Meˍshuˆlanˍ leh bon yehˬ hkʼaw kanˉ te paˍ awˬ hoˉ Hiˇlaˍhkiˆ hui ve awˬ ceuˬ awˬ hkʼaˇ Aˍzaˍriˆ, Maˍlaˍhiˇyaˆ, Paˍshuˇraˆ, Yeˍyawˇhanˍ hui ve awˬ ceuˬ awˬ hkʼaˇ Aˍdaˍyaˆ leh Iˉmaˍraˆ, Meˍshiˉlaˍmoˆ, Meˍshuˆlanˍ, Yaˍzeˍyaˇ, Aˍdeˍlaˆ hui ve awˬ ceuˬ awˬ hkʼaˇ Maˍshehˇ hui hpeh‸ ve yoˬ.

13Awˬ hoˉ awˬ naˬ te chehˇ ve paw hkuˇ hkʼa peu-eˬ, 1,760 gʼaˇ cawˬ ve yoˬ. Yawˇ hui lehˬ, bon yehˬ hkʼaw kanˉ te puiˉ jaˇ ve chaw teˇ hpaˍ hpeh‸ ve yoˬ.

14Yeˍruˆsaˍlehnˍ venˇ hkʼaw chehˇ taˍ ve Leˍviˆ chaw teˇ hpaˍ lehˬ, Meˍraˍriˆ, Haˍshaˍbiˆ, Aˍzaˍriˆkanˍ, Haˍshoˆ hui ve awˬ ceuˬ awˬ hkʼaˇ Sheˍmaˍyaˆ, Baˍbaˍkaˍ, Heˍrehˆ, Gaˍlaˍlaˆ leh Aˍsaˆ, Ziˇhkaˍriˆ, Miˆhkaˍ hui ve awˬ ceuˬ awˬ hkʼaˇ Maˍtaˍniˆ, Yeˍduˆtonˍ, Gaˍlaˍlaˆ, Sheˍmaˍyaˆ hui ve awˬ ceuˬ awˬ hkʼaˇ Awˇbaˍdiˆ, Neˍtawˇhpaˆ venˇ hkʼaw chehˇ ve Eˇlaˍkaˍnaˆ, Aˍsaˍ hui ve awˬ ceuˬ awˬ hkʼaˇ Beˍraˍhkiˆ hui hpeh‸ ve yoˬ.

17Yeˍruˆsaˍlehnˍ venˇ hkʼaw chehˇ ve bon yehˬ shaw shehˍ hpaˇ teˇ hpaˍ lehˬ, Shaˍlonˍ, Aˍkoˆ, Taˍlaˍmonˍ leh Aˍhiˆmanˍ hui hpeh‸ ve yoˬ. Shaˍlonˍ lehˬ, yawˇ hui ve awˬ hoˉ hpeh‸ ve yoˬ.

18Awˬ yanˇ oˇ ve hkʼa gaˬ, yawˇ hui ve awˬ ceuˬ awˬ hkʼaˇ teˇ hpaˍ lehˬ, jawˇmawˇ ve taˍ meu‸ hpe‸ lo kʼai ve ya‸ kʼaw mvuhˇ nyi tawˆ hpawˇ lo chehˇ taˍ ve yoˬ. Yawˇ hui lehˬ, Leˍviˆ chaw hui ve aˉ po kʼo lo kʼai ve taˍ meu‸ hpe‸ hta‸ shaw shehˍ hpaˇ teˇ hpaˍ hpeh‸ ve yoˬ.

19Eˍbyaˍsaˍ ve awˬ hawehˍ Kawˇreˍ ve yaˇ Shaˍlonˍ lehˬ, Kawˇraˆ awˬ ceuˬ awˬ hkʼaˇ hui geh teˇ geh, aˬ sho-eˬ htaˇ yawˇ hui ve awˬ puˍ lonˉ teˇ hpaˍ Gʼuiˬsha ve aˉ po kʼo bon yehˬ hta‸ shaw ve hkʼe, bon yehˬ hkʼaw lo‸-e ve yehˬmiˉhpe‸ hta‸ shaw chehˇ ve yoˬ.

20Teˇ pawˆ htaˇ, Eˇlaˍsaˍ ve yaˇ Hpiˇneˍhaˆ lehˬ, yawˇ hui ve awˬ hoˉ te jaw ve yoˬ. (Gʼuiˬsha yawˇ geh chehˇ piˇ-oˆ)

21Meˍsheˍlaˍmehˆ ve yaˇ Zaˍhkaˍriˆ htawˇ, bon yehˬ hkʼaw lo‸-e ve yehˬmiˉhpe‸ hta‸ shaw shehˍ hpaˇ hpeh‸ ve yoˬ.

22Bon yehˬ hkʼaw lo‸-e ve yehˬmiˉhpe‸ hta‸ shaw shehˍ hpaˇ hkʼa peu-eˬ 212 gʼaˇ cawˬ ve yoˬ. Yawˇ hui ve awˬ meh leh chehˇ kuiˬ hta‸ caˇ lanˇ hkʼa deh‸ yuˬ taˍ ve yoˬ. Yawˇ hui hta‸ kanˉ chi ve chiˇ a‸ piˇ taˍ ve chaw lehˬ, jawˇmawˇ Daˍviˆ leh tcuh kaˍ paˍ Saˍmo-eˍlaˆ hui hpeh‸ ve yoˬ.

23Yawˇ hui leh yawˇ hui ve awˬ ceuˬ awˬ hkʼaˇ teˇ hpaˍ lehˬ, bon yehˬ hkʼaw lo‸-e ve taˍ meu‸ hpe‸ hta‸ shaw chehˇ taˍ ve yoˬ.

24Bon yehˬ hkʼaw lo‸-e ve yehˬ miˉ hpe‸, mvuhˇ nyi tawˆ, mvuhˇ nyi kʼehˬ, awˬ hawˉ, awˬ na chi hkʼe 4 maˬ cawˬ ve hkʼaw lo, shaw shehˍ hpaˇ awˬ hoˉ teˇ hpe‸ teˇ gʼaˇ chehˇ taˍ ve yoˬ.

25Shaw shehˍ hpaˇ chi teˇ hpaˍ lehˬ, venˇ awˬ paˇ awˬ kui lo cawˬ ve hkʼaˆ teˇ hpaˍ hkʼaw chehˇ leh, suhˍ nyi teˇ pawˆ chaw pa shaw chehˇ ve yoˬ.

26Shaw shehˍ hpaˇ awˬ hoˉ oˇve 4 gʼaˇ lehˬ, Leˍviˆ chaw hpeh‸ leh, kanˉ hkʼa peu-eˬ yawˇ hui ve la‸ sheh hkʼaw cawˬ ve yoˬ. Yawˇ hui lehˬ, bon yehˬ hkʼaw cawˬ ve bawehˇ teˇ hpaˍ leh, oˇ kaˬ lo teh taˍ ve mawˇ teˇ hpaˍ hta‸ htawˇ gʼa ha‸ shaˉ ve yoˬ.

27Yawˇ hui lehˬ, bon yehˬ hta‸ gʼa ha‸ shaˉ leh, teˇ shawˉ le le taˍ meu‸ hpe‸ teˇ hpaˍ hta‸ gʼa shaw piˇ chehˇ ve pa taw, bon yehˬ paˇ lo chehˇ taˍ ve yoˬ.

28Awˬ nu ve Leˍviˆ chaw teˇ hpaˍ lehˬ, bon yehˬ hkʼaw oˉ kʼoˍ pui htaˇ yehˇ ve mawˇ teˇ hpaˍ hta‸ gʼa ha‸ shaˉ ve yoˬ. Mawˇ oˇ ve teˇ hpaˍ hta‸ yehˇ ve teˇ pawˆ le le hkʼa deh‸ gʼa gʼaw nyi tcuhˉ taˍ ve yoˬ.

29Yawˇ hui awˬ hkʼaw lo ve chaw teˇ hpaˍ hpaˍ lehˬ, da‸ kehˬ ve mawˇ hpeh‸ ve, junˍ meu-e, a pehˉ meuˇ gʼuiˬ, shaˍlonˍ chu, sha hawnˉ chi teˇ hpaˍ hta‸ ha‸ shaˉ shehˍ hpaˇ hpeh‸ ve yoˬ.

30Ya‸ hkʼaˇ, sha hawnˉ chi teˇ hpaˍ hta‸ hkaw‸ da‸ ve kanˉ lehˬ, paw hkuˇ hui ve kanˉ hpeh‸ ve yoˬ.

31Leˍviˆ chaw Kawˇraˆ awˬ ceuˬ awˬ hkʼaˇ, Shaˍlonˍ ve yaˇ paˍ uiˍ Maˍtiˇtiˆ lehˬ, Gʼuiˬsha hta‸ tuˉ tanˇ piˇ tuˬ ve hkaoˍmonˇ te shehˍ hpaˇ hpeh‸ ve yoˬ.

32Kawˇhaˆ awˬ ceuˬ awˬ hkʼaˇ teˇ hpaˍ lehˬ, teˇ shinˉ nyi le le da‸ kehˬ ve hkaoˍmonˇ te shehˍ hpaˇ hpeh‸ ve yoˬ.

33Leˍviˆ chaw teˇ hpaˍ hpaˍ, bon yehˬ hkʼaw kʼa muiˬ hkawˇ kʼa ve kanˉ hta‸ gʼa te ve yoˬ. Hkawˇ yehˬ awˬ hoˉ chi teˇ hpaˍ lehˬ, bon yehˬ hkʼaw cawˬ ve bawehˇ teˇ hpaˍ hkʼaw chehˇ leh, awˬ nu ve kanˉ teˇ hpaˍ hta‸ maˇ gʼa te. Awˬ lawn kʼo, yawˇ hui lehˬ mvuhˇ law‸ kʼaw mvuhˇ hpeu‸ kanˉ cawˬ ve pa taw yoˬ.

34Awˬ na lo kʼoˆ taˍ ve Leˍviˆ chaw teˇ hpaˍ lehˬ, a shu yawˇ chaw ceuˬ ve awˬ hoˉ awˬ naˬ hpeh‸ ve yoˬ. Yawˇ hui lehˬ, Yeˍruˆsaˍlehnˍ venˇ hkʼaw chehˇ ve awˬ hoˉ awˬ naˬ teˇ hpaˍ hpeh‸ ve yoˬ.

35Yeˍlaˆ lehˬ Giˇbonˍ venˇ hta‸ tanˬ te leh, oˇ kaˬ lo chehˇ taˍ ve yoˬ. Yawˇ ve awˬ miˇ ma lehˬ, Maˍkaˍ hpeh‸ ve yoˬ.

36Yawˇ ve yaˇ paˍ uiˍ lehˬ, Aˍbaˍdonˍ hpeh‸ leh awˬ nu ve yaˇ teˇ hpaˍ lehˬ, Zuˇraˆ, Kiˇshaˆ, Baˍlaˆ, Neˍraˆ, Naˍdaˆ,

37Geˍdawˇraˆ, Aˍhiˆawˇ, Zaˍhkaˍriˆ leh Miˆkaˍloˆ hui hpeh‸ ve yoˬ.

38Miˆkaˍloˆ ve yaˇ lehˬ, Shiˇmanˍ hpeh‸ ve yoˬ. Yawˇ hui ve awˬ ceuˬ awˬ hkʼaˇ teˇ hpaˍ lehˬ, Yeˍruˆsaˍlehnˍ venˇ hkʼaw awˬ nu ve awˬ viˉ awˬ nyi hui geh teˇ geh chehˇ taˍ ve yoˬ

39Neˍraˆ ve yaˇ lehˬ Kiˇshaˆ yoˬ. Kiˇshaˆ ve yaˇ lehˬ Sawˉlu‸ yoˬ. Sawˉlu‸ lehˬ yaˇ paˍ 4 gʼaˇ cawˬ ve yoˬ. Yawˇ hui lehˬ Yawˇnaˆtanˍ, Maˍlaˍhkiˆshu-aˍ, Aˍbiˆnaˍdaˆ leh Eˇshaˍbaˍlaˆ hui hpeh‸ ve yoˬ.

40Yawˇnaˆtanˍ ve yaˇ lehˬ Meˍriˆbaˍlaˆ yoˬ. Meˍriˆbaˍlaˆ ve yaˇ lehˬ Miˆhkaˍ yoˬ.

41Miˆhkaˍ lehˬ yaˇ paˍ 4 gʼaˇ cawˬ ve yoˬ. Yawˇ hui lehˬ Piˇtonˍ, Meˍlehˆ, Taˍraˍ leh Aˍhkaˆ hui hpeh‸ ve yoˬ.

42Aˍhkaˆ lehˬ Yaˍraˆ teh‸ kʼoˆ ve yaˇ paˍ teˇ gʼaˇ cawˬ ve yoˬ. Yaˍraˆ ve yaˇ teˇ hpaˍ lehˬ Aˍleˍmehˆ, Aˍzaˍmaˍvehˆ leh Ziˆmaˍriˆ hui hpeh‸ ve yoˬ. Ziˇmaˍriˆ ve yaˇ lehˬ Mawˇzaˆ yoˬ.

43Mawˇzaˆ ve yaˇ lehˬ Biˇnaˍ yoˬ. Biˇnaˍ ve yaˇ lehˬ Yeˍhpaˍyaˆ yoˬ. Yeˍhpaˍyaˆ ve yaˇ lehˬ Eˇlaˍsaˍ yoˬ. Eˇlaˍsaˍ ve yaˇ lehˬ Aˍzeˍlaˆ yoˬ.

44Aˍzeˍlaˆ lehˬ yaˇ paˍ 6 gʼaˇ cawˬ ve yoˬ. Yawˇ hui lehˬ, Aˍzaˍriˆkanˍ, Bawˇhkeˍruˆ, Iˉshaˍmeˍlaˆ, Shaˍriˆyaˆ, Awˇbaˍdiˆ leh Haˍnanˍ hui hpeh‸ ve yoˬ.

← Chapter 8 Jump to: Chapter 10 →